CHAPITRE CLII

Comment le daulphin fut couronné roy de France à Rains; de plusieurs villes quy se rendirent à luy ; comment le duc de Bethfœrt luy alla allencontre, et présenta la bataille ; des faicts de la Pucellce, quy mena le roy devant Paris.

Vous avez ouy comment Jehanne la Pucelle fut tellement en bruit entre les gens de guerre que réellement ils créoient que c’estoit une femme envoyée de par Dieu, par laquelle les Anglois seroient reboutés hors du royaulme.

Icelle Pucelle fut menée vers le daulphin , qui vollentiers la véit, et qui, comme les aultres, ajousta en elle grant foi, et feist ung grant mandement où furent grant nombre des princes de son sang ; c'estassavoir les ducs de Bourbon, d’Alencon et de Bar, Artus, connestable de France, les comtes d’'Erminaeq!, de Patriac * et de Vendosme, le seigneur de Labret5, le bastard d'Orléans, le seigneur de la Trimoulle, et pluiseurs grans seigneurs de France et d’Escoche. Et fut moult grande la puissance du daulphin, atout laquelle se tira droit à Troyes en Champaigne ; et lui feut promptement la ville rendue, et lui firent obéissance ; aussi firent ceulx de Chaslons et de Rains. En laquelle ville de Rains il fut sacré, oingt, et couronné roy de France. Ainsi fut Charles VIIe de ce nom sacré à Rains, comme vous avez ouy. Après que le roy eust séjourné ung petit de témps en la ville de Rains, il s’en alla en une abbaye où on aoure# sainct Marcoul, nostre corps bény, là où on dist qu'il print la dignité et privilege de garir les escroelles. Ces choses faictes , il passa la rivière de Marne, et se trouva à Crespy en Vallois. Quand le régent sceut que le roy avoit esté sacré à Rains, et qu’il marchoit en pays pour tirer droit à Paris, il assembla une grande compaignie d’Anglois et de Picards, entre lesquels estoient messeigneurs Jehan de Crequi , messeigneurs Jehan de Croï,

(4) Armagnac. (2, Pardillac, (3){Albret. (4) Adore.