CHAPITRE CLIL
le bastard de Sainct-Pol , messire Hue de Lannoy, saige et vaillant chevalier, Jehan de Brimeu et aultres, lesquels se trouvèrent en grant puissance en un village nommé Mittri en France , et les Franchois et leur puissance estoient en ung aultre village nommé... à deux lieues près de Crespi en Vallois, et là estoit le duc d’Alenchon, ladicte Pucelle, et pluiseurs aultres capitaines. Le régent, qui désiroit la bataille contre les Franchois, approchad’eulx jusques à une abbaye quis’appelle la Victoire, laquelle n’est point loing d’une tour qui s’appelle Mont Espilloy ; et là arriva environ my-aoust, l’an mil quatre cent vingt-neuf, ouyt messe à Crespy, puis monta à cheval, armé d’une brigandine, et se tira aux champs, là où il trouva une belle compaignie et grande qui l’attendoit. Toutefois le duc d’Alenchon et la Pucelle estoient désà devant ; et se trouvèrent bien près des Anglois avant que le roy venist, Et quand le roy fut arrivé, lui et ses gens ordonnèrent une belle grande battaille à cheval, et avec che deulx aultres compaigniesà manière de deux ailles ; et avecques che avoit ung grand nombre de gens de pied. Et quant aux Anglois, ils ne firent qu’une bataille, et tout à pied, excepté le bastard de Sainct- Pol, messire Jehan de Croy et aulcuns aultres en petit nombre, lesquels, quandils veirent les Franchois qui, quant aux hommes d'armes, ne descendoient point à pied, montèrent à cheval, comme dit est. Ce jour , faisoit grand chaleur et merveilleusement grant poussière. Or advint qu’à l’ung des bouts de la bataille des Anglois, les Franchois firent tirer la pluspart de leurs gens de traits , avec une compaignie de gens de cheval, et assaillirent les Anglois; et là y eust maintes flesches tirées , tant d’un costé comme d’aultre. Et pour renforchier les gens où la bataille s’estoit commenchiée, le régent y envoya une Compaignie, sans ce que les battailles laissassent oncques leur ordonnance , ne Franchois ne Anglois; et quand les Franchois véirent que Anglois et Piccards tindrent pied et vaillamment combattirent, ils se retrayrent, et oncques puis n'abordèrent ensemble l’ung contre l’aultre , sinon par escarmouches. Et, comme je oys dire , celui de tous qui mieulx se monstra ce jour là plus homme d'armes, et qui plus y
(1) Le nom de ce village manque dans le manuscrit du roi
rompit de lances, ce fut le bastard de Sainct- Pol. Messire Jehan de Croy y fut affolé d'un pied , tellement que toute sa vie demeura affolé. Icelle journée se passa ainsi comme vous avez oui, sans aultre chose faire; et quand ce vind vers soleil couchant, le roy se tira en la ville de Crespy, et les aultres se tirèrent es villaiges là entour. Or, faut parler des Anglois. Vrai est que aulcuns véirent bien la retraicte des Franchois ; si les volloient auleuns poursuivir, mais le régent ne le volt pas souffrir, pour le doubte des embusches; car, comme oy nombrer les Franchois, ils estoient de cinq à six mille harnois de jambes. Quand les Franchois furent ainsi partis , les Anglois logèrent en une abbaye et envoyèrent quérir des vivres à Senlis. Le lendemain, Le roy et toute sa puissance se mirent en belle ordonnance auprès de la ville de Crespy, avec eux tous charriots et bagaiges; et ces choses faictes , tourna le dos aux Anglois et s’en alla en la ville de Compiengne, laquelle lors tenoit le parti des Anglois. Mais sans contredict nul firent ouverture au roy et le receurent à grant joie; et là séjourna le roy cinq jours, et y tint conseil de ce qu’il avoit affaire. Et quand le régent sceut que le roy estoit entré à Compiengne sans contredit , il se doubta fort que pluiseurs villes, qui lors estoient en leur obéissance , ne se tournassent du parti du roy. Pour laquelle cause, avecques sa puissance, retourna à Paris; et la laissa Louis de Luxembourg , évesque de Thérouene et chancellier de France pour les Anglois, le seigneur de l'Isle- Adam, lors mareschal de France. et aussi pluiseurs seigneurs d'Angleterre, aulxquels il bailla en garde ladite ville de Paris ; et s’en alla en Normandie pour pourvoir aux gardes des bonnes villes et forteresses. Quand le roy eult séjourné à Compiengne, comme dict est, il prist son chemin avecques toute sa puissance pour venir droit à Paris; Car la Pucelle lui avoit promis de le mettre dedans, et que de ce he se debvoit poinct douter. Toutefois, elle y faillit comme vous orrez. Au partir de Compiengne, le roy tira droiet à Senlis, laquelle ville luy fit obéissance , puis à Sainct-Denis, et entra dedans. Et apprès fut ordonné par les remonstrances que la Pucelle faisoit que la ville de Paris fust assaillie. Quand ce vint au tour de l'assaut, la Pucelle, armée et habillée, avecques son estendart, fut des premiers assaillants, et
MÉMOIRES DE SAINT-REMY
alla si près qu’elle fut navrée du traict. Mais les Anglois deffendirent si bien la ville que les Franchois n’y purent rien faire , et se retrayrent en la ville de Sainct-Denis. Après que le roy eut esté en la ville de Saint-Denis pluiseurs jours, véant que la ville de Paris estoit trop fort gardce , se retira oultre la rivière de Saine, et donna congié à la pluspart de ses gens , lesquels se mirent en garnison danspluiseurs villes, tant à Beauvais, Senlis, Compiengne, Soissons. Crespy, et en pluiseurs aultres villes decà Saine ; lesquels firent forte guerre, tant sur les Anglois que sur les gens du duc. Et ainsi se passa icelle adventure, comme vousavezoul, avecques pluiseurs autres choses qui trop longues seroient à raconter.
