CHAPITRE CLIII

De l’ambassade que le duc de Bonrgongne envoya en Porlugal, pour avoir madame Ysabel, lille du roy, en mariage.

En l’an 1428, dont devant est faicte mention, le duc envoya son ambassade devers le roy de Portingal, pour avoir en mariage madame Isa belle, sa fille, dont cy-après sera parlé en maintes manières, car en son temps elle fut comme saige et pleine de belles vertus. Iceulx ambassadeurs furent les scigneurs de Roubaix, Andrieu de Toulonjon, Baulduin d’Oignies et aultres. Or cst vray que quand icculx ambassadeurs furent arrivés devers le roy de Portingal, pour aulcunes difficultés quy se trouvèrent touchant le mariage du duc, il leur fallu retourner en Flandres devers le duc où il estoit, et où il y a bien grand voyage, soit par mer ou par terre. Et pendant le temps que iceulx ambassadeurs renvoyèrent devers le due, le roy de Portingal maria son aisné fils, nommé Édouard, à la sœur du roy Alphonse d’Arragon, duquel maringe se fist une grand’ feste et solempnité, dont ung peu sera faicte mention.