CHAPITRE CLIV
Du mariage de l'Infant don Édouard, fils du roy de Portugal, aisné à la sœur du roy Alphonse d'Arragon; de leurs accousitrements et pompe nuptiale, et nopces célebrés dans la ville d'Estremoux.
La nuict de Noël, le roy de Portingal envoya son second fils linfant don Piettre, duc de Cuimbre, l’archevesque de Lisbonne, et plui-
[1429] seurs autres chevaliers et escuyers, au-devant de l’infante, sœur du roy d’Arragon, laquelle estoit en une ville nommée Euvre. Et de là se party pour venir en la ville d'Estremoux ?, où le roy de Portingal l’attendoit pour estre épouse de son fils aisné, nommé l’infant Édouard, qui depuis fut roy de Portingal, et icelle royne, laquelle estoit grandement accompaignée de dames et damoiselles, habillées à la mode d’Arragon. Or fault parler deshabillements queavoient l'infant don Piettre et l’évesque de Lisbonne. Yray est que l’infant don Piettre avoit six coursiers riche ment habillés, et dessus, six gentilshommes paiges, lesquels estoient chargiés d’orphaivrerie, robbes, chapperons et chausses. Et, avecques che, avoit trois coursiers, et jennets de main couverts de velours cramoisi brandé de sa devise de la balance. L’archevesque de Lisbonne estoit accompaignié du clergié, et devant lui, quatre paiges montés sur quatre coursiers richement habillés, et les paiges vestus de robbes moitié de velours noir et de bevres 3 le poil dehors, et sur les bevres avoit brodures d’orphaivrerie de sa devise. De aultres grands seigneurs y avoit bien habilliés de riches tissus de
drap d'or et d’orphaivrerie; et polvoient estre mil chevaulx ou environ. Le roy de Portingal ordonna aussy son maisné fils pour aller au-devant de ladite dame, pour la rechepvoir, à un pont où passoit une petite rivière; et là iceluy infant don Fernand estoit accompaignié des comtes d’Orin #, et de Roiolles5, et avoit iceluy infant trois chevaulx couverts de drap damas de trois couleurs, vermeil , blanc et bleu; et après avoit sept jennets de main habillés à la moresque et puis richement habillés d'orphaivreries, et les paiges des conites d’Orin et de Roiolles richement habillés d’orphaivreries, et polvoient estre mil chevaulx ou environ. La troisième compaignie, quy alla au-devant de ladite infante d’Arragon, fut l’infante de Portingal, quy depuis fut duchesse de Bourgongne, accompaignée de son frère l’infant Henry, et pluiseurs dames et damoiselles ; touttes icelles compaignies richement habillées, tant hommes que femmes. Ladite infante de Portingal avoit pardessus sa vesture un riche manteau fendu à deulx costés, ung chapperon en gorge de velours bleu, et dessus ung chappel de Brabant broché
(4) Evora, (5) Castor. (46) Ourem.
(5) Arayollos.
(2) Estremoz.
