CHAPITRE CLIV
d’or ; et cuidoient aulcuns que ce fust ung chevalier. Et quant à l’infant don Henry, quy accompaignoit sa sœur, ce jour se trouva habillé en fils de roy; et avoit après luy trente-ung paiges montés sur chevaulx richement couverts et vestus d’orphaivrerie, de drap d’or et de soie ; et polvoient estre environ sept. Or est vray, que environ demie lieue de ladite ville d’'Estremoux, ladite infante de Portugal rencontra l’infante d’Arragon ; et là se feirent de grands honneurs àrechepvoir ladite infante d’Arragon. La quarte compaignie quy alla au-devant de ladite infante d’Arragon fut le roy de Portingal, accompaignié de l’ung de ses fils, nommé l’infant don Jehan, du comte de Varcelles‘, de plusieurs archevesques et évesques, prélats, gens de conseil et de noble chevalerie. Le roy estoit monté sur ung moult beau coursier gris; après luy quatre compaignons, montés sur chevaulx royaulx, vestus dedrap damas, vermeilet blanc; et polvoit bien avoir en sa compaignie mil chevaulx ; et très gracieusement receut sa belle-fille, ladite infante, laquelle luy voult baiser la main, mais le roy de Portingal ne le volt point souffrir. Là avoit un chevalier quy fist attacher ung cordon d’orphaivrerie et de soic au fraing de la monture de ladite infante ; et, ce faict, le roy de Portingal prist le cordon ; mais tantost saillirent à terre dix, que barrons que grands scigneurs, pour tenir iceluy cordon et pour accompaigner ladite dame. Et auprès de ladite ville d'Estremoux, les seigneurs du sang royal de Portingal descendirent de leurs chevaulx, et tout à pied accompaignèrent ladite infante. A l'entrée de la porte de ladite ville, se firent pluiseurs esbattements de mistères. Ladite ville estoit tendue de draps des couleurs du roy de Portingal ; c’est assavoir, ciel en haut, les parois ?, la cauchies, tellement que tout estoit couvert, haut et bas. Après les oraisons faictes en l’église, le roy de Portingal mena ladite infante en son hostel, quy moult richement estoit aournée de touttes choses. Là avoit ung riche dressoir, en la salle où le souper se fist, chargié de vaisselle dorée et blanche ; et au regard des mets et entremets, que belle chose estoit à le veoir et regarder! Et le jour de Noël l’infante fut menée en la grande église; et la menoit le roy de Portingal; et là avoit grand’ seigneurie de ducs, de comtes et
(1) Barcellos.
(2) Murs. (3) Chaussée,
de barons, gens d’église, dames et damoiselles. Et là estoient officiers d'armes, trompettes et clarons, et aultres ménestreulx ; et après le divin service faict, fut ramenée en sa chambre; et tost après le roy l’alla querrir, et l’amena en la salle moult richement parée. Le roy s’assit à table, et au-dessous de luy ladite infante, et à sa sénestre, sa fille, infante de Portingal. Le roy fut servy de ses quatre enfants; c’est assavoir l’infant don Piettre, l’infant don Henry, l’infant don Jehan et l’infant don Ferrand, quy moult humblement servirent. Et quant au regard des mets et entremets, pavons et aultres oiseaulx revestus et armoiés, entre lesquels y eult cinq banières de cinq royaulmes, premier d’Angleterre, de Castille, de Portingal, d'Arragon et de Navarre; puis sonnèrent pluiseurs trompettes et ménestreulx; et che faict, fut amené ung coursier couvert des devises du roy de Portingal, et dessus icelui coursier avoit ung sacq, et dedans ce sacq quarante mille royaulx ; et avecques che avoit ung cheval houchié! de velours bleu, sur quoyle roy d’armesde Portingal monta et alla devant la grand’ table ; et là descendit et merchia le roy de Portingal bien honnourablement des quarante mille royaulx qu'il avoit donnés aulx officiers d'armes, trompettes et ménestreulx ; puis remonta sur son cheval et cria largesse par trois fois au roy de Portingal. En ce mesme jour, le roy de Portingal mena sa belle-fille, infante d’Arragon, au logis de Sainct- François, où estoit son aisné fils Édouard, dont encore cy n’a esté faicte mencion. Chevaulx feurent amenés. Pour ladite infante, estoit ordonnée une blanche haquenée moult richement garnie de riche tissu d’or cramoisi ; et avecques che, drechié brodures de perles pour le monter à cheval.Etfeurentauprèsd'’ellelesinfantsPiettre, duc de Cuimbre, et l’infant don Henry, duc de Viseu, quy tenoient une tablette d'argent, bien dorée et richement ouvrée, sur laquelle ladite infante monta sur sa haquenée ; et elle montée, les dessusdits infants don Piettre et don Henry prindrent au destre et senestre la bride de ladite haqüenée; et ainsy à pied la menèrent. Et derrière iceulx deux estoient, tant à destre comme à senestre, les infants don Jehan et don Fernand, les comtes d’Orin, et de Roiolles, et de Vasconselles, don Allephons, don Sanche, don Henry de Castille, et pluiseurs aultres grands (4) Couvert d’une housse.
MÉMOIRES DE SAINT-REMY
seigneurs, chevaliers et escuyers. Après estoient les dames et damoiselles, et tout à pied, excepté le roy et ladite infante. Et pour che que il estoit nuict, y avoit de cent à six vingt torches. Et est vray que dame Isabel, fille du rov de Portingal, estoit devant au lieu des Cordeliers, accompaignié du comte de Barselles, et de pluiseurs prélats et seigneurs, pour rechepvoir sa belle-sœur l’infante d’Arragon. A l'entrée du monastère, le roy descendit de son cheval, et l’infante fut descendue par les quatre infants don Piettre, don Henry, don Jehan et don Fernand, par eulx mesmes, en sa chambre quy moult richement estoit parée; et Le roy de Portingal et ses enfants se retirèrent en une salle’; et fust là apporté le vin par manière de collacion ; et fut le roy servy par son maisné fik l'infant don Fernand; après fut servy l'infant don Piettre, après, l’infant don Henry et l'infant don Jehan par grands seigneurs de leur lignaige, tant de dragioire, de vin que de la serviette. Et che faict, le roy retourna en son chastel, accompaignié de ses enfants et seigneurs de son sang; et après que le roy fut en sa chambre, les enfants du roy et tous les chevaliers et es cuyers du sang royal retournèrent devers ladite infante d’Arragon. Et en une belle grand’ salk s’'assemblèrent, où là furent dansses de pluiseurs instruments, et aussy de chansons, et après les
- dansses s’apportèrent vin et espices, et lesen-
fants don Picttre, don Henry, don Jehan et don Fernand servirent leur aisné frère don Édouard, et leur belle sœur l’infante d’Arragon; et che faict se retourna honourablement en son logis. À lendemain se fist grand disner, que l'infant don Edouard seigneur de nopces fist, où le roÿ de Portingal son père fut, moult bel et sollempnel de tous services, tel et sy grand que chacun peut pensier; et ainsy se passa la noble feste du dessusdit infant Édouard et de ladite infante d’Arragon; lequel infant Édouard fut depuis roy de Portingal; et de celle dame eusl de beaulx enfants , dont l’aisné fut roy de Portingal, quy en l’an mil quatre cent soixanttcinq estoit tenu l’ung des vaillants princes de la chrestienté, et quy fist de belles conquestts sur les Sarrazins, ès pays d’Affrique, comme icelles sont bien ad plain déclarées ès cronitques quy en font mencion. Atant en lairaÿ ?
parler, et parleray du duc et de madame Isabt! de Portingal.
