CHAPITRE CLVII
ee ee me es
battre le duc. Et là estoit Jehanne la Pucelle, laquelle estoit comme chief de la guerre du roy, adversaire pour lors du duc; et créoient les adversaires qu'elle mettroit les guerres à fin, car elle disoit qu’il luy estoit révélé par la bouche de Dicu et d’aulcuns saincts. Si conclurent lesdicts adversaires d'aller ruer jus ceulx qui gardoient ledict pont ; et de faict les allèrent assaillir très rudement; mais les chevalliers dessusdicts se défendirent si vaillamment que les ennemis ne Îles peulrent grever ; et aussy le seigneur de Saveuses, et aultres des gens du duc, les vindrent aydier et secourir en toute diligence ; et y eult grant foison de navrés d’ung coste et d’aultre ; et ne firent lesdicts adversaires aultre chose pour l’heure, ains retournèrent chascun en leurs villes et forteresses, et les chevalliers demourèrent, gardants le pont tant que le duc fust devant ledict Pont-à-Choisy, où il fust dix jours ; et s’enfuirent ceulx de ladicte place. Et tantost après que le duc eust prins ledict Pont-à-Choisy, repassa ledict pont et rivière, et se logea à une licue près de Compiengne, et son ost ès villaiges près de ladicte ville, Et ainsi le duc ordonnoit ses gens pour mettre son siége devant ladicte ville de Compiengne, qui est grosse et grande ville, de grant tour, et enclose en partie de deulx rivières d'Oise et d’Enne, qui assemblent devant ladicte ville, ou assez près ; et cstoit capitaine de ladicte ville de Compiengne un escuyer nom.
mé Guillaume de Flavi, lequel faisoit de grants maulx ès pays du duc. Adont vinst en la ville de Compiengne la Pucelle par nuit, et y fust deulx nuits et ung jour ; et au deuxiesme jour dist qu’elle avoit eu révelation de Dieu qu’elle mettroit à desconfiture les Bourgongnons. Si fist fermer les portes de ladicte ville, et assembla ses gens et ceulx de la ville, et leur dit la révélation, laquelle luy estoit faicte comme elle disoit ; c'est assavoir que Dieu lui avoit faict dire par saincte Katherine qu’elle issist 0e jour allencontre de ses ennemis, et qu’elle desconfiroit le duc, et seroit prins de sa personne, et tous ses gens prins, morts et mis en fuite, et que de ce ne faisoit nul doubte. Or est vray que, par la créance que les gens de son party avoient en elle, la crurent. Et furent ce jour les portes fermées jusques environ deulx heures après midy, que la Pucelle issit, montée sur ung moult bel coursier, très bien armée de plain
harnois, et par-dessus une riche heucque;! de drap d’or vermeil ; et après elle son estendart, et tous les gens de guerre estant en la ville de Compiengne ; et s’en allèrent en très belle ordonnance assaillir les gens des premiers logis du duc. Là estoit un vaillant chevallier nommé Bauldot de Noyelle, qui depuis fust chevalier de l’ordre de la Toison-d’Or, lequel, luy et ses gens, se deffendirent moult vaillamment, nonobstant qu'ils furent sous-prins ; et pendant l’assault, le comte de Ligny, en sa compaignie le seigneur de Créquy, tous deulx chevaliers de l’ordre de la Thoison-d’Or, à bien petit nombre de gens se mirent à approchier la Pucelle et ses gens ; laquelle pour la résistence qu’elle avoit trouvée au logis dudict Bauldot de Noyelle, et aussy pour le grant nombre des gens du duc, qui, de toutes parts, arrivoient où la noise estoit, si commenchèrent à retrayre. Si se frappèrent les Bourguignons dedans si très rudement que pluiseurs en furent prins, morts et noyés. Et la Pucelle si soustenoit toute la dernière le fais de ses adversaires ; et y fut prinse par l’ung des gens du comte de Ligny,etle frère de la Pucelle, et son maistre d’hostel. Laquelle Pucelle fut menée à grant joiedevers le duc, lequel venoit en toute diligence en l’ayde et secours de ses gens ; lequel fut moult joyeulx de la prinse d’icelle, pour le grant nom qu’elle avoit ; car il ne sembloit point à pluiseurs de
son party que ses œuvres ne fussent miracu-
leuses. Et tantost après ladicte prinse, le duc se logea assez près de la ville de Compiengne. Auprès du logis duc furent faictes mines et approces allendroit de ung fort bolvereq qui estoit au pont de la ville, où avoit forte garde ; et là y eult maintes belles escarmouches tant d'ung costé que d’aultre ; et si fust le bolvercq tant approchié que, par force d’armes et de bel assault, fut prins ; et peu y eult de ceulx qui le gardoient qui ne fussent tous noyés, morts ou prins.
