CHAPITRE CLIX

Comment les Liégeois commenchèrent la guerre contre les Namurois, boutants feu en plusieurs endroits.

En iceluy temps, le duc estant devant Compiengne, firent les Liégeois, quy avoient abs-

(1) Robe.

MÉMOIRES DE SAINT-REMY

tinence de guerre du duc, à certain temps dict, pluiseurs assemblées ensemble ; et finablement conclurent de eulx mectre en armes à puissance, et aller détruire sa comté de Namur, sans luy demander le dédit de guerre. Et se mirent sus, et commencèrent à boutter feux en pluiseurs lieux ; et prirent le chastel de Beaufort, qui par ung nommé Henri de Genne avoit esté abandonné. Ces choses venues à la connoissance du duc, luy estant devant Compiengne, par bonne discrétion et délibéracion du conseil, fut ordonné que le seigneur de Croy iroit à Namur pour résister allencontre desdits Liégeois, en nombre de sept à huit cents; et arriva en la ville de Namur le seiziesme jour de juing ; et trouva ceulx de la ville et du pays entour moult desconfortés, combien que iceulx Liégeois ne tenoient encoires les champs à puissance.