CHAPITRE CLX

Comment le comte de Ligny mit le siége devant Crespy en Lannois, qui luy feut rendue, et la cité de Soissons luy fist obéissance au nom du duc de Bourgongne.

Audict mois dejuing, arrivèrentdeversle duc, devant Compiengne, deulx comtes d'Angleterre, assavoir le comte de Hontinton etle comte d’Arondel:; et amenèrent avecques eulx environ deulx mille combattants. Et adont les deulx chevalliers d'Angleterre, quy gardèrent le pont dont dessus est parlé, s’en allèrent à Paris; et durant iceluy siége de Compiengne, fut le siège mis devant la ville de Vittry, des adversaires du duc. Che venu à sa connoissance, par délibéracion du conseil, y envoya le comte de Ligny parmy le pays de Lannois, pour lors adversaire du duc, et y fist de grands gasts ; et mist le siége devant la ville de Crespy en Lannois, et luy fut rendue; et de là, en retournant audict siégc de Compiengne, fut devant la cité de Soissons ; et fist tant que la dicte cité luy fist obéissance pour et au nom du duc, et luy fut rendue.