CHAPITRE CLXIII
Comment les gens du duc de Bourgongne furent rués jus devant Garmegny d'ung chevalier de France; comment ils envoyérent demander la bataille au duc, quy estoit dedans Roye; et la response que le duc luy fist.
Et pour revenir à parler du deslogement de Compiengne, vray est que le duc en fust déplaisant, et mesmement pour les places que les adversaires avoient conquises depuis le deslogement; et de faict le duc assembla gens et les fist passer oultre la rivière d’Esne, en tirant droita Garmegny, forteresse lors tenant le party contre le duc. En laquelle forteresse estoit venu de la nuict ung capitaine, nommé Poton de Sainct-Traille, en sa compaignie environ deulx cents lances ; et n’en scavoient rien les gens du duc, et cuidoient qu'il n’y eult que la garnison accoutumée. Or avoit ledict Poton mis embusche sur la venue des gens du duc, assez près de ladicte forteresse. Or est ainsi que fortune, quy pluiseurs choses de ce monde gouverne, fist saillir ung regnart en très beau pays ; et lors le cry et la chasse se fist après icelui regoart ; et lors les adversaires saillirent de leur embusche bien montés et armés, la lance au poing, et se férirent dedans les gens du duc quy estoient bien espars et sans ordonnance, et les pluiseurs sans harnois de teste. Sy se cuidèrent les aulcuns mectre ensemble, lesquels feurent tous morts et prins. Et lors commencèrent les aultres à fuir et eulx saulver quy polvoit. Et là furent morts Jacques de Helly, Anthoine de Vienne et messire Thomas Breriel, Anglois. Prins furent messire David de Poix, Gherart de Brimeu et pluiseurs aultres ; et en y ot de morts bien quarante. Et fut ceste besongne faicte le vingtiesme jour de novembre mil quatre cent trente. Et ce mesme jour, le duc séant à table en la ville de Péronne sceult la nouvelle de la destrousse de ses gens, quy moult
luy despleust. Et en toutte diligence monta à cheval, et chevaucha le droit chemin envers la place où ses gens avoicnt csté rués jus; mais
. les jours estoient lors Sy courts, et aussy pour
: la grand’ compaignie qu’il avoit, ne peult aller
plus avant d’ung village nommé Lihons en
Santers ; et encoires fust nuict ains{ qu’ilarri-
vast, lequel Lihons est à deulx lieues de ladicte
place de Garmegny ; et là fist le duc assembler son conseil. Lors luy fust dict que Pothon, quy avoit rué jus ses gens, estoit logié au villaige de Garmegny et hors de la forteresse, veu les gens qu'il avoit avec luy ; et adonc se offry le comte de Ligny de y aller la nuict, pour, au point du jour, frapper sur les logis dudict Pothon. Aultres seigneurs estants auditconseil ne furent mie de celle opinion, veu que le duc n’avoit pas grands gens, et sy estoit bien avant en pays d'ennemis pour mectre ce qu’il avoit de gens en deulx parties. Sy demourèrent tous celle nuict ensemble audict lieu de Lihons ; mais à iceluy conseil fut ordonné que le duc envoyeroit quérir aulcuns Anglois quy avoient leur siége devant Clermont. Sy fut ainsy faict. Et y fus moy-mesme envoyé, mais je ne les trouvay pas, ains estoient retrays à Rouen, où le roy Henry d'Angleterre, bien josne enfant, estoit ; et là trouvay le duc de Bethfort, lors régent de France, auquel je dis comment j’avois laissié le duc audit lieu de Lihons, et comment ses gens avoient esté rués jus et destroussés. Sy me respondit le duc de Bethford qu'il envoyeroit ses gens à son beau-frère le duc, et fist grand’ diligence de les assembler, comme cyaprès sera dict. Et pour revenir à parler du duc, vray est que lendemain, dudict logis il se deslogea avecques son armée, et chevaucha droict à ladite forteresse de Garmegny, mais ne trouva personne ; et s’en estoit allé ledit Pothon, ensemble ses gens et ceulx de ladite forteresse ; puis s’en alla à Roye en Vermandois, tenant son party. Or est vray que le duc de Bethford envoya ung de ses prochains parents, nommé le comte de Perche, frère au comte de Sombreset, devers le duc; et en la compagnie dudit de Perche ung vaillant chevalier, nommé messire Loys de Robertsart, chevalier de l’or-
dredelagarretièred’Angleterre. Etexploittèrent tant qu'ils furent jusques à ung villaige nommé Conty, à cinq lieues de la cité d'Amiens, et là
(t)'Avant, D OUT |
se logèrent ; et à iceluy logis vindrent sur eulx les adversaires, c’est assavoir le comte de Vendosme, le maréchal de Bousquehen!, capitaine Escochois, Pothon de Sainct-Traille, Amado de Vignolles, et aultres, jusques au nombre de quatre à cinq mille combattants; lesquels assaillirent les dessusdits Anglois, quy n’estoient que de quatre à cinq cents hommes, et furent lesdits Anglois rués jus. Et là fut mort messire Loys de Robertsart, luy huitiesme ; et se feut bien saulvé, comme l’on disoit, s’il eust voullu, mais pour cause qu'il estoit de ladite ordre de la garretière, ne se voult retrayre au chastel de Conty. Le comte et ses gens se retrayrent audict chastel; et n’y eult pas grand nombre de morts, mais ils perdirent la plupart de leurs chevaulx. Après eulx venoit ung vaillant chevalier anglois, nommé le seigneur de Villeby 3, lequel alla saulvement devers le duc; mais desjà les dessusdits adversaires avoient esté bien près de la ville de Roye demander au duc bataille ; et quant audit comte de Perche, il ne fut point devers le duc et ne passa point Amiens, comme dict est. Après que lesdits adversaires eulrent rué jus les logis dessusdits de Conty, ils s’en allèrent le chemin vers Roye, et envoyèrent deulx officiers d’armes devers le duc demander bataille. Sy adressèrent les susdits héraults au comte de Ligny, quy leur fist demander qu’ils voulloient; et lors dirent qu'ils requéroient de parler au duc. Sy leur fut dict qu’ils dissent ce qu'ils voulloient dire.Sydirent : que ils estoient là envoyés de par les dessus nommés adversaires, pour avoir bataille allencontre du duc, ce que on luy fist scavoir ; et tantost eulrent response; laquelle fut telle : que pour le jour il estoit bien tart pour combattre, car c’estoitenviron les plus courts jours de l’an, et qu’ils dissent à leurs maistres que, s’ils voulloient attendre jusques à lendemain mattin, que le duc les combatteroit. Sy retournèrent vers leursdits maistres, et dirent la response du duc; laquelle response oye, renvoyèrent leurs héraults de rechief devers le duc, en disant que leurs gens n’auroient que vivres pour icelle nuict, et qu’ils n’y demourroient plus. Sy leur fut faicte réponse, de par le duc : que on leur bailleroit bonne seureté et abstinence de guerre pour icelle nuict et lendemain heure de com-
(1) Bucban, (2) Willoughby.
