CHAPITRE CLXIV

battre ; et avec che leur bailleroit et délivreroit la moitié des vivres qu’ils pourroient avoir; et

| s’ils n’estoient contents de demourer, ils venis-

sent près de ladite ville de Roye, où il les combatteroit. Sy s’en retournèrent lesdits héraults devers leurs maistres et firent leur response ; mais iceulx adversaires, ladicte response ove, s'en allèrent toutte la nuict chascun en leurs villes et forteresses ; et ainsi se départirent et rompirent leur assemblée sans aultre chose faire. Et le duc demoura celle nuict en ladite ville de Roye ; et lendemain le duc se partist et alla mettre le siége devant une forteresse nommée Lengny-lez-Categnies, laquelle luy fut rendue à voullenté ; et y eult aulcuns de ladite ville pendus ; et dura le siège six jours ou environ ; et là dedans estoit l’abbé de Sainct-Faron-lez-Meaulx, et pluiseurs gentilshommes, tout à la voullenté du duc ; mais ledict abbé et aultres gentilshommes furent mis à finance. et depuis délivrés. Et le second jour de décembre ensuivant, se party le duc, et s’en alla à Péronne, et donna à ses gens congié, pour cause de liver quy estoit grande ceste année; et dudit lieu de Péronne s’en alla à Brouxelles en Brabant, où estoit madame la duchesse; et là fut jusques au quatriesme jour de janvier.