CHAPITRE CELXX V
Comment Pierre de Luxembourg, comte de Sainct-Pol, assézia la ville de Sainct-Valery, quy luy fut rendue ipar traictié; du trespas du comte de Sainct-Pol, et des emprinses et conquestes que monseigneur Jehan de Luxembourg, comte de Liguy, list sur les Franchois.
Au mois de juing mil quatre cent trente-trois, se partirent le duc et la duchesse, pour aller secourre et visiter ses pays de Bourgongne, auxquels ses ennemis estoient entrés; et avoient couru par pluiseurs fois, tant à puissance comme aultrement, où ils avoient prins et ravi, tant par force comme par traictié ou emblée, pluiseurs villes et forteresses, lesquelles ils tenoient ainsi que cy-apprès sera faicte mencion. Si emmena le duc une très grand’ et noble armée en sa compaignie, et par espécial de pluiscurs lieux de Picardie; et fut son partement de la ville d'Arras ; et à l’environ de ladicte ville fut faicte son assemblée, là où il fut ordonné par le duc et son conseil ce qu’il s'ensuit : c’est ascavoir que Pierre de Luxembourg, comte de Sainct-Pol et d’Enghien, chevallier de l’ordre de la Thoison-d’Or, asségieroit une bonne ville nommée Sainct-Walery-sur-Somme, qui est place de mer, laquelle pour ce temps estoit ravie et remplie des ennemis du duc, qui luy portoient et faisoient grant contraire etdhommaige, et à tout le pays à l’environ ; et messire Jehan de Luxembourg, comte de Ligny, aussi chevallier de ladicte ordre, auroit certain nombre de gens d'armes pour garder la rivière de Somme, que les ennemis n’entrassent èsdicts pays du duc, tant Picardie, Arthois, comme Flandres etHaynault. Or est vray que le comte de Sainct- Pol en brief temps fit après son amas de gens d’armes où il y eut une moult grande et noble compaignie. Et environ l'entrée du mois de juillet, il mit le siége devant Sainct-Walery, là où il fut par l’espace de cinq sepmaines ou environ; et tant constraint iceulx estants dedans ladicte ville, par force d'armes, que il les conquesta par certain traictié faict entre luy et eulx. Lequel traictié fut tel : que ceulx de ladicte ville auroient jour et temps, durant ung
MÉMOIRES DE SAINT-REMY
mois, pour combattre ou rendre ladicte ville, et bonnes trèves et abstinence de guerre entre luy et eulx, durant icelluy terme, voire par ainsi que ledict comte seroit plus fort ser les champs à icelle journée que lesdicts adversaires, ils se renderoient saufs leurs corps et biens ; et pour tous leurs prisonniers et habillements de guerre, ils debveroient avoir dudict comte la somme de mille salus d’or; et pour tous ces traictiés et accords entretenir, iceulx de ladicte ville donneront hostages suffisants. Si tint ledict comte de Sainct-Pol la journée qui fut le vingtiesme jour d’aoust l’an dessusdict ; et fut en sa compaignie sur les champs, pour tout le jour, environ six mille combattants, tant des marches de Picardie comme d'Angleterre. Or est ainsi que ceulx de ladicte ville de Sainct- Wallery ne eurent point de secours; et ne s’y apparurent nuls d’eulx à ladicte journée ; et se rendirent par la forme dessusdicte. Icelle ville rendue, que vous ayez ouy, le comte de Sainct- Pol entra dedans Normandie atout sa noble compaignie, et mit siége devant une forteresse, nommée Monceaulx, quy alors estoit emplie des ennemis du duc; sy se mirent en composition, et prindrent journée de rendre ladicte ville, ou de combattre, le vingtiesme jour d'octobre ensuivant; et de ce faire livrèrent deulx gentilshommes de leur compaignie, pour pleiges et hostages de ladicte journée entretenir ou de ladicte place rendre. Ilest vray, durant ce temps, et devant le vingtiesme jour d'octobre, le comte de Sainct-Pol alla de vie à trespas; et tantost apprès le trespas dudit comte, ung capitaine adversaire du duc, appelé La Hire, accompaignié d’aultres capitaines, tels que Pothon de Sainct-Trailles et aultres, à grand’ puissance de gens d'armes, passa la rivière de Somme et entra ès pays du duc, comme Arthois, Haynault, Vermendois et Cambrésis, et y boutta les feux en pluiseurs villaiges et églises, et y fit de grands pilleries et prinses de prisonniers. Lors estoit en la comté de Sainct-Pol le comte de Ligny avec son nepveu, fils dudict défunt, que Dieu pardoint! en très grand deul pour la mort de son frère, non sachant la venue des adversaires ès plus prochaines villes et places à eux obéissants, atout leurs butins. Iceulx adversaires avoient nouvellement prins une forteresse, nommée Haplencourt, séant sur la rivière de Somme, en laquelle avoient enfermé cin-
quante ou quarante hommes, lesquels polvoient grandement grever au pays à l’environ. Sy fut ainsy : que le comte de Ligny, atout une très grosse puissance, alla mettre le siége devant ladicte forteresse de Haplencourt ; et tant les constraint par force d’armes que iceulx adversaires se rendirent à la voullenté dudict comte. Sy les fist tous pendre, excepté cinq. Durant ledict siége, quy dura cinq jours ou environ, lesdicts adversaires se mirent ensemble, faisants semblant de vouloir lever le siége. Mais ils ne farent pas conseillés, et s’en retournèrent chascun en leurs places. Là furent des chevaliers de l’ordre, avec le comte de Ligny, le seigneur d’Anthoing et messire Simon de Lalaing. Ces choses faictes, le comte de Ligny se partit et donna congié à ses gens jusques au vingtiesme jour d'octobre, queladicte journée de Monceaulx se debvoit tenir; laquelle journée il tint pour et au nom de son nepveu, fils et héritier de feu le comte Pierre de Sainct-Pol, comme sa première armée. Sy y eut une belle compaignie, nombrée de cinq à six mille combattants. Et y furent, de la noble ordre de la Thoison-d’Or:le seigneur d’Anthoing, messire Simon de Lalaing, et les trois de Brimeu dessus nommés. Mais à icelle journée ne s’y apparurent nuls de ses adversaires, ains laissèrent leurs hostages comme ils les avoient livrés, et ne rendirent point la place, ne ne tindrent promesses nulles qu’ils eussent faictes ; donc, après icelle journée ainsy passée, chascun de mesdicts seigneurs se retrayrent dedans leurs villes, maisons et forteresses. Ne demoura gaires après, que lesdicts adversaires de mondict seigneur le duc, tant de la garnison de la cité de Laon comme de là environ, refirent une grosse assemblée pour cuidier eschieller et prendre la ville de Vrevin en Tierasse; mais ils faillirent à leur emprinse ; sy se retrayrent ; et, en retournant, bouttérent les feux en pluiseurs lieux en la comté de Marle; et par espécial ils ardirent tous les faulxbourgs de la ville de Marle, laquelle chose vint à la congnoissance dudict comte, quy estoit en sa ville de Guise. Sy se partist hastivement atout ce qu'il potavoir de gens, et tira après lesdicts adversaires ; sy les rataingt à ung passaige là où ils cuidoient passer la rivière, assez près de ladicte ville de Marle ; et furent prins en desroy et rués jus. Et là y eut sur la place environ deux cents ou environ, tant de pied comme de
J. Du CLerco er Sr. Rey.
