CHAPITRE CLXXVI

Comment le duc de Bourgongne partit d'Arras pour aller en Bourgongne contre ses ennemis quy gastoient le pays; de pluiseurs places quy se rendirent à luy par traictié ou aultrement.

Or fault revenir à parler comment le duc se partit de la ville d'Arras pour aller en Bourgongne, ainsi que devant est dict. Vray est que, avant son partement, fut conclu qu'il laisseroit aulcuns commis pour gouverner et garder ses pays, tant Arthois, Flandres, Brabant, comme Haynault, Hollande, Zellande.et Namur. Si y furent d’iceulx commis, de la noble ordre de la Thoison : le seigneur de Roubaix , le seigneur de Commines, messire Hues de Lannoy et messire Rolland d'Utequerke, avec pluiseurs aultres. Environ le partement du duc furent commis et envoyés, de par luy, ambassadeurs au sainct concile, à Basle; c’est assavoir messire Guilbert de Lannoy. chevallier dudict ordre, avec pluiseurs aultres nobles et souffisants clerqs, et pour declarer l’emprinse et allée dudict duc et de la duchesse , qui se estoient partis pour secourir et aidier sondict pays de Bourgongne, où ses adversaires estoient entrés, comme dict est. Après ces choses ainsi par luy ordonnées et par son noble conseil, tant en la ville d'Arras comme ailleurs, fault revenir à parler, de ses advenues depuis icelle ville d'Arras jusques à sondict pays de Bourgongne, et, au surplus, de ses emprinses et conquestes, avec les grands faicts d’armes qui ont esté faicts et accomplis audict pays de Bourgongne, ès jours, termes et dates cy-après dictes.

Or est vrai que le duc ordonna pour sa conduicte deulx principaulx capitaines ; c'est assavoir, messire Jehan de Croy qui faisoit l’avantgarde; le duc, avec pluiseurs nobles capitaines, qui faisoit la bataille ; et le seigneur de Crequy, l’arrière-garde. Et en ceste noble assemblée avoit une très grant et très noble armée de chevalliers et escuyers. Le duc entra aupays de Champaigne, où on le tenoit pour adversaire. Le due et son armée passa la Marne assez près d’Espinay, en tenant son chemin devers la cité de

Challons, et en oultre, devers la cité de Troyes, auquel chemin il eut grant faulte de vivres : mais il sejourna par trois jours devant la ville de Troyes, là où vindrent pluiseurs marchands des villes et forteresses obéissants à luy, qui très grandement avitaillèrent et pourveyrent son ost de vivres et aultres affaires dont ils avoient grant nécessité, et firent de moult grants reconforts en plusieurs manières ; et là vindrent les grants seigneurs de Bourgongne, à noble compaignie , allencontre du duc. Le quart jour se deslogea , et alla mettre le siége devant une bonne ville, nommée Mussy-l'Evesque , séant sur la rivière de Saone, à l'entrée du pays de Bourgongne. Le duc se logea à Poittières, une forte abbaye , ainsi que à une lieue près de Mussy-l’Evesque. Le seigneur de Charny, messire Jehan de Croy, le seigneur de Crequy et le bastart de Sainet-Pol, et pluiseurs aultres grants seigneurs, mirent le siége; et en peu d'heures fut ladicte ville de Mussy tellement approchée qu'il y en eust logiés devant les fossés; et tant fut approchée que au bout de huit jours ils se mirent en traictié de rendre ou combattre, au huitiesme jour ensuivant; et au cas qu’ils ne seroient secourus, ilsrenderoient ladicte ville, et s’eniroient, saufs corps et biens, rendant tous prisonniers , et la ville entière. Et de ce faire et entretenir livrerent hostages de ladicte ville. A laquelle journée ne s’apparut nul pour combattre ne secourir. Si fut la ville rendue par la manière que dict est, et furent renvoyés lesdicts hostages. Apprès la reddition de ladicte ville, se alla le due, atout sa noble compaignie, à Chastillon, où estoit la duchesse ; et de Chastillon se partist la duchesse, atout son estat, très noblement accompaigniée, et s’en alla à Dijon , en Bourgongne, là où elle se tint une très grand’ espace de temps ; et la conduisoient messire Anthoine de Vergy et le seigneur de Neuf-Chastel. Ces choses faictes, le duc se partist de Chastillon , atout son armée, et tira devers une forte place, nommée Lizines, séant au pays de Bourgongne, là où il avoit grosse garnison de ses adversaires. Si y mist le siége, et ordonna comme chief de l’ost le seigneur de Charny et messire Jehan de Croy, chevaliers de la noble ordre de la Thoisond'Or. Et se tint le duc en un petit chastelet, nommé Haussy-le-Seigneur, assez près dudict Lizines; et y fut le siége par l’espace de douze

MÉMOIRES DE SAINT-RÉMY

jours ou environ ; lesquels douze jours, iceulx adversaires furent si contraints, par force d’armes, que pour eulx rendre à la vollenté du duc. Et ainsi se rendirent ; et estoient environ mille à douze cents combattants. Si leur fut dict que, s'ils scavaient trouver manière de rendre Passy, une ville fermée , et chasteau séant à un quart de lieu de là endroit, on leur saulveroit la vie ; ou si ce non, ils morroient tous. Et alors, iceulx compaignons traictèrent tant devers iceulx de Passy que ils eulrent quinze jours de indusse ! pour leur secours aller querre; et en cas qu'ils se trouveroient plus forts sur les champs que le duc, ils demoureroient paisiblement en leurs possessions; et si Ce non, ils estoient tenus de rendre ladicte place ; et de ce livrèrent bons et seurs hostages. Le duc, après ce qu’il ot ouy leur responce. leur dict que, pour quinze jours qu’ils demandoient il leur donneroit ung mois, lequel fut le premier jour de septembre ; et sur ce receupt lesdicts hostages. Le due, espérant avoir journée de battaille, sans faillir, manda la noble chevalerie et gentillesse, lesquels y vindrent bien et diligemment ; et durant icellui terme d’ung mois le duc se tira à Dijon vers la duchesse, et ordonna les seigneurs de Charny, messire Jehan de Croy et le seigneur de Crequy, avec grant foison de gens, pour conquerre et recouvrer pluiseurs places et forteresses ennemies du duc, à l’environ d’icelles places de Passy et de Lizines, assavoir à Maligny, une forteresse moult belle, la où ils furent l’espace de trois jours. Si se rendirent , saulfs leurs corps et biens ; et dedans estoient environ cinquante ou soixante combattants. Apprès , lesdicts seigneurs tirèrent devers Ligny-le-Chastel, qui, tantost apprès la sommacion faicte, se mirent en l’obéissance. Et pareillement se rendirent pluiseurs aultres forteresses. Apprèstirèrentaung lieu nommé Orby, là où il y a bonne ville fermée; si y mirent le siége ; et y furent environ quatre ou cinq jours. Auquelterme ceulx de ladicte ville, doubtants la force de lost, se mirent en traictié avant que les bombardes ne canons eussent tiré, ne à eulx faict grant dhommaige, par ainsi queilsauroient tel traictié et appoinctement que ceulx dudict Passy, et de ce livreroient bons et seurs hostages, jusques au nombre de six. Si leur fut ac-

(4) Trèves.

cordé, par ainsi qu'ils furent constraints de donner et délivrer vivres pour l’ost avitailler, moyennant que on leur payast; et ainsi fut faict. Puis de là s’en allèrent mettre le siège devant un fort chastel, nommé Coursant, et y furent environ huit jours; et furent tant battus de canons et de bombardes qu’ils feurent con- Straints, par force d'armes, que toutte la garnison se rendist prisonniers ; et furent emmenés prisonniers plus de soixante à quatre - vingts hommes de guerre. Durant icellui siége de Coursant, vindrent par seurté, après sommacions faictes par officiers d'armes, héraulx ou poursuivants,deverslesdictsseigneurs, c’est'assavoir le seigneur de Santes, le capitaine de Venissy et le capitaine de Sainct-Falle ; et leur fut accordé tout tel traictié que ceulx de Passy avoient. Donc, pour tout ce faire et entretenir, ils livrérent hostages et seurs; et pour ce que ladicte journée du premier jour de septembre approchoit de la reddicion de Passy, comme dict est, iceulx seigneurs de Charny, messire Jehan de Croy et le seigneur de Crequy se retrayrent à Monbar, et à l’environ, atout leur armée, et là attendirent le duc, lequel avoit assemblé une très grande armée de gens de sondict pays de Bourgongne , et tant qu’à ladicte journée ils se trouvèrent ensemble huit mille combattants ou environ. Si vint aussi en l’aide du duc le seigneur de Tallebot, atout mille combattants anglois ; et si y estoit le seigneur de l’Isle-Adam, mareschal de France. Si est ainsi que, quand ils furent assemblés tous ensemble, nouvelles vindrent au duc que le seigneur de Chasteau-Villain, et le damoiseau de Commersi, adversaires, avoient asségié une place nommée Bourg, assez près de Lengres, tenant le parti du duc. Si prist le duc conseil quel secours il leur polroit faire. Si fut ordonné que messire Anthoine de Vergy et le seigneur de Crequy iroient avec le comte de Fribourg et messire Jehan de Vergy, atout une grosse et noble compaignie de gens, prinse en lost du duc, nonobstant que la journée estoit le mardy ensuivant, que le duc debvoit tenir la journée pour combattre devant Passy, comme dict est.

Et fut envoyé le secours à Bourg, le prochain dimence devant. Le duc se tira à ung gros village nommé Ravières, à deulx lieues près de Passy ; et là, par bonne délibéracion de conseil , fut ordonné que le seigneur de Charny et