CHAPITRE CLXX VII

Comment le duc print la ville d’Avallon d'assault, et la torteresse de Pierre Pertuis,

Apprès les choses dessus faictes et passées, le duc se partit de Noyers, et tira son chemin vers Espoisse , laquelle siet en son pays de Bourgongne, là où il se tint une espace de temps ; et là fut conclud et délibéré, par noble conseil, d’aller mectre le siége devant la ville d’Avallon, là où il y avoit grant garnison de ses adversaires, jusques au nombre de trois cents ou environ, lesquels avoient prins et emblé ladicte ville, et faisoient moult de dhommaige au pays de Bour-

gongne. Si furent ordonnés les choses, et gouverneurs du siège les seigneurs de Charny et messire Jehan de Croy, lesquels tindrent le siége d’ung costé de la ville ; et , d’aultre costé, fut ordonné le seigneur de Créquy, avecques le seigneur de Chastellus, le seigneur de Prebles, le bastard de Sainct-Pol, et le seigneur de Humières. Et dura icellui siége trois sepmaines, ou environ; auquel terme la ville et muraille furent moult travaillées et endommagiées de bombardes et canons, et moult de gens morts et navrés, tant par traicts d'artillerie comme aultrement. Pour laquelle cause on commença à parlementer les ungs aulx aultres, en demandant à ceulx de dedans pluiseurs grants demandes, tant de la réparacion de la ville comme de rendre aultres places et forteresses prinses et tenues de iceulx de leur parti; à quoi nul traictié ne s’y povoit trouver. Etadvint qu’en iceulx jours que on parlementoit, ung grant pan de mur de la ville, lequel avoit esté fort battu de bombardes, chéyt ès fossés, dont ceulx de lost, qui che virent. furent moult joyeulx, et crièrent : «a l’arme ! » Et adonc, sans nulle ordonnance, et oultre le commandement du duc quy, par pluiseurs fois, avoit deffendu que on ne l’assaillist point, iceulx de lost assaillirent bien asprement et radement; duquel assauit il y eult moult de gens morts et navrés d’ung costé et d'aultre. En telle manière fut assaillie que, par force d'armes, il convint retraire les assaillants, et faillirent à leur emprinse ; et,nonobstant, ceulx de la ville, apprès la retraicte faicte , se mirent ensemble, pour eulx conseillier qu’ils avoient à faire. Et ainsy que à neuf heures de nuict, doubtans que derechief ils ne fussent assaillis, et aussy que ils ne pourroient payer les grants demandes que on leur avoit icelluy jour faictes, se conclurent de eulx en aller et habandonner la ville, et à icelle heure ils firent secrettement deffermer une petite posterne, pour eulx enfuir. Si saillirent moult radement , tant a cheval comme à pied ; de laquelle saillie le guet se perceut, et crièrent : « à l'arme! » Et là y eut une grant mortalité à l’assembler ensemble, tant d’ung costé comme d’aultre; et en eschappa trente, ou environ, de ceulx de dedans ; et le surplus, par force d'armes, furent rebouttés dedans la ville, et ceulx de l’ost avecques eulx ; et mesme par les

| murailles, tant abbatues que droictes, et par

force d’assault prinrent la ville, et mirent tout à sacquement. À laquelle furent prins deulx cents prisonniers et quatre cents chevaulx de selle, et grant foison de gens morts et navrés, comme il est de coustume faire en tel cas. Icelle conqueste et prinse d’Avallon faicte, le duc entra dedans, et visita ladicte ville, laquelle il trouva fort adommagiée par les bombardes et canons ; et si trouva iceulx deulx cents prisonniers, lesquels eulrent tel traictié avecques le duc que, pour leur vie saulve et avoir délivrance de prison, ils feirent rendre en l'obéissance du duc Mailly-la-Ville, Mailly-le-Chastel,etSainct-Vrin, emplies de grosses garnisons, et quy moult avoient adommagié le pays environ. Touttes lesquelles garnisons se partirent; et par ainsy lesdicts prisonniers furent quictes et mis à délivrance, comme raison estoit. Apprès icelles choses faictes, le duc se tira à Veselay, là où il séjourna jusques au jour des ames; etenvoya mectre le siége devant une forteresse nommée Pierre-Pertuis!, Leduc separtit de Veselay, et vint audit siége de Pierre-Pertuis. Si fist visiter la place, et trouva que la basse-cour estoit imprenable d’assault ; mais néanmoins ils assaièrent lendemain , au point du jour ; moitié assault, moitié emblée , si l’assaillirent et lemportèrent d’assault; et, par force d'armes, ils poursuivirent , etcontinuèrent si radement leur emprinse qu’ils les fcirent retraire au donjon; et là le duc fut des premiers montant au bolverq et entrant dans la bassecourt. Si feurent si constraints iceulx adversaires qu'ils traicterent d’eulx partir, saulfs leurs biens , et ung baston en leurs mains, et, avecques che, de rendre tous prisonniers qu’ils avoient en leur pouvoir, là où qu'ils fussent, avecques une bonne ville et chastel nommés Crevant ; et ainsy fut faict et accompli. Or est vray que, en touttes les emprinses faictes et conquestes advenues, depuis la venue du duc de Bourgongne en icelluy sondict pays, le seineur de Charny a esté et estoit tousjours gouverneur du pays de Bourgongne, ayant povoir de tout pardonner à tous malfaicteurs, abolir et recepvoir hommes, place, ville et forteresse ; de donner saulf - conduit , et de faire touttes choses quy appartiennent à lieutenant de prince, tout et en telle manière que se le duc y eust

(1) Entre Avalon et Vézclai. Une pierre percée, le long de la rivière Causin, porte encore le nom de Picrre-Perluis.