CHAPITRE CLXX VIII

esté en personne ; là où il s’est gouverné grandement et honourablement. Et ainsy a esté tousjours, touttes les conquestes durant jusques en fin, le seigneur de Croy, en la compaignie du duc et auprès de luy, à touttes choses faire, tant en consaulx comme à touttes les journées et lieux là où il espéroit avoir battaille, comme son premier chambellan et le plus prochain de son corps. Et aussy le seigneur de Ternant a accompaignié le duc tousjours durant lesdicts voyaiges, armées et conquestes. Ésquelles conquestes et durant touttes les choses dessusdictes, tant par les reddicions des fortercssesadversaires du duc, comme par celles quy ont esté prinses et conquestées par force d'armes , par plusieurs parties, depuis le premier jusque siége mis par le duc devant Mussy-l’Évesque, jusques à l’accomplissement de Pierre-Pertuis, se sont partis et vidés, tant du pays de Bourgongne comme des frontières, à environ deulx mille bons combattants, ou plus, comme les traictiés et accords en font vraie mencion. ;