CHAPITRE CLXX VIII

De la troisième feste et chapitre de l’ordre de la Thoison-d'Or, tenue à Dijon, où le nombre des chevalliers fut accru de six.

La vigille Sainct-Andrieu, mil quatre cent trente-trois, devant la sollempnité des vespres, fut tenu chapitre de la chapelle des dues à Dijon, et y feut procédé aux élections quy estoient à faire, pour ce que le nombre des chevaliers quy estoient là presents estoit petit, et pour remplir les lieux de huit chevaliers quy estoient à élire : c’est assavoir, le premier au lieu de messire Renier Pot, au lieu duquel, l’an précédent, avoit esté éleu messire Andrieu de Toulonjon, quy, avant que son élection luy fut signifiée, estoit trespassé au retour du voyaige de la terre saincte ; le second au lieu du comte de Sainct-Pol, trespassé depuis le précédent chapitre; et six aultres quy feurent mis de creue!; car la première ordonnance n'estoit que de vingt-cinq chevaliers, et depuis fut advisé que on en mectroit encoires six quy feroient le nomhre de trente-un. Ainsy y eult à ce chapitre huit chevaliers éleus , dont les noms s’ensieult ; c’est assavoir : le seigneur de Crevecæur, messire Jehan de Vergy, messire

(1) Accroissecment.

Baudot de Noyelle, messire Jehan bastard de

Sainct-Pol, le comte de Charrollois, seul fils du

souverain dudict ordre, le comte de Varnembourg et le seigneur de Neufchastel; lesquels huit chevaliers éleus feurent très joyeulx de

leur élection, receurent très agréablement le cellier, et firent les serments audict lieu de Dijon appartenant à faire, comme il est déclaré

ès chapitres dudit ordre.