CHAPITRE CLXXXII

Comment le duc de Bourgongne partit de son pays de Flandres pour estre au jour que les Franchois avoient prins de combattre ou rendre la place de Gransy, laquelle fut renduc ; et de pluiseurs forteresses prinses autour de Mascon; et de la prinse de Chaumont ct Belle-Ville; et comment les ducs et duchesses de Bourgongne et de Bourbon s'asscmblèrent à Nevers, faisants grosses chicres les ungs aux aultres ; ct de la conclusion de la journée quy se tieudroit en la ville d'Arras.

En icelle saison 1434, fut, par les nobles et grands seigneurs de la duchié et comté de Bourgongne, le siége mis devant Gransy, que les Franchois tenoient ; et tant y fut procédé que les Franchois prindrent traictié et jour de combattre ou rendre la place. Le duc, quy estoit en Flandres, sceult le jour. Sy fist son mandement et assembla gens pour estre à ladicte journée; et se partist de son pays de Picardie, accompaignié de messire Jehan de Clèves, des seigneurs de Croy, de Haulthourdin,d’Auxy, de Waurin, de messire Simon de Lalaing, de Lancelot, de la Trimouille et de pluiseurs aultres, et vint tenir ladicte journée ; et luy vindrent au devant, de ses pays de Bourgongne, le prince d’Oranges, messire Anthoine et messire Jehan de Vergy, le seigneur de Neufchastel, et le seigneur de Sainct-George, le seigneur de Ternant et la chevalerie de Bourgongne. Lesdicts Franchois ne vindrent point , et fut ladicte place rendue et desmolie. Au departir de la journée , le duc et la duchesse, quy estoient allés au-devant du duc, et le seigneur de Charrollois, s’en allerent à Dijon; et pour ce que lesdicts Franchois avoit prins’pluiseurs places en Charrollois et environ Mascon, le duc envoya les seigneurs de Hautbourdin et de Waurin ès frontières de Charrollois ; et messire Anthoine de Vergy mena avec luy messire Simon de Lalaing, messire Robbert de Saveuses, Lancelot de la Trimouille, Harpin de Ricammes, et les gens de messire Jehan de Hornes et le seigneur d’Auxy devant Lengres; et ardirent le pays allenviron ; et y ot une grosse escarmouche devant Lengres. Au retour, le duc envoya le seigneur de Charny, accompaignié desdicts seigneurs de Lalaing, de Saveuses, de Ricammes, avec aultres de Bourgongne , à Mascon , où ils trouvèrent le seigneur de Ternant accompaignié de Jehan, seigneur de Grouville, et pluiseurs aultres : et leur ordonne de

mettre le siége devant pluiseurs forteresses que les Franchois tenoient environ ladicte ville de Mascon, ce qu'ils firent ; et prinrent et abattirent ; et firent ceulx de dedans tous prendre. Pareillement envoya les seigneurs de Hautbourdin et de Waurin, et pluiseurs aultres, mettre le siège devant une forte place, nommée Chaumont; et estoient dedans environ deulx cents combattants. Le duc, mesme ce temps pendant, durant le siége, envoya querir le prince d’Oranges et pluiseurs aultres seigneurs ; et s’en allerent devant ladicte place de Chaumont ; et là fut tant que elle se rendit à sa voullenté , et les fit tous pendre. Au partir de là, il manda le seigneur de Charny, et luy dit l'heure et le jour qu’il seroit audict lieu de Mascon, et luy ordonna qu’à icelle heure luy et tous ses gens partissent et menassent vivres avec eulx, et allassent devant Villefrance prendre le siége et enclorre le duc de Bourbon dedans, et que le lendemain il y seroit à! toute sa puissance. Les seigneurs dessusdicts se partirent à l’heure ordonnée et se mirent aulx champs et parlèrent au duc, quy à icelle heure entra audict Mascon ; et se mirent en chemin environ le soleil couchant; et environ minuit leurs chevaucheurs rencontrèrent le seigneur de la Crette, le seigneur de Chabannes et la puissance du duc de Bourbon, quy s'estoient partis de Belleville pour venir ruer jus le logis dudict Saveuses, quy avoit esté logié en ung villaige au dehors de Mascon. Lesdicts Franehois eulrent le premier cry et rebo uttèrent les coureurs dedans leurs gens; mais tantost messire Simon de Lalaing et aultres, quy faisoient Pavant-garde devant le charroy, mirent pied à terre et jectèrent leur cry, et tantost lesdicts Franchois retournèrent en grand desroy à Belleville. Mais pour che que c’estoit nuict on ne les chassa point, et se remirent lesdicts Picards et Bourgongnons en leur chemin en belle ordonnance, et passèrent auprès dudict Belleville , et arrivèrent devant Villefrance ; le lendemain , environ huit heures du matin, ils se mirent en bataille assez près de la ville; et là descendirent et repeurent eulx et leurs chevaulx; et conclurent que, quand ils auroient repeus, ils drescheroient une grosse escarmouche, et adviseroient de prendre leur logis; mais tantost qu'ils feurent descendus, ung mes- (4) Avec.