CHAPITRE CLXXXILI
sagier apporta lettres du duc, par lesquelles il leur manda qu'il ne venroit point , et que tantost ces lettres veues, ils s’en retournassent audit lieu de Mascon. Et à ceste cause, après ce qu’ils eurent repeus, se mirent en retour en bonne ordonnance. Et pour ce qu'ils scavoient le duc de Bourbon avec grand’ puissance, et que le pays environ Villefrance est couvert et estroit, ils ordonnèrent deux cents archiers à pied avec les arrières-coureurs, et firent mener leurs chevaulx per leurs compaignons, jusques à che que on venroit au large. Mais peu de gens se monstrèrent pour venir après eulx. Ils se remirent en leur train; et au repasser devant Belleville eult une très grosse escarmouche 8 pied et à cheval; et fut bien avant en la nuict avant qu’ils fussent retournés à Mascon. Le lendemain fut par le duc conclud d’aller assegier Belleville ; ce qu’il fist ; et le fist tellement battre qu’il fut conclud que à certain jour, à l’obbe du jour,ung chaseun seroit armé le plus près des fossés qu’ils polroient ; et eut ledict de Lalaing la charge, à certain nombre de gens garnis d’eschelles, après que la bombarde auroit gecté, entrer ès fossés et monter amont etles aultressievir{, moictiéeschelles, moictié assault. Mais cependant le seigneur de Hautbourdin, par le moyen du seigneur de Plansy, parlementa et fist tant qu'ils se offrirent d’eulx rendre, et d’en aller, saufs leurs vies, ung baston à la main, et laisseroient chevaulx, barnois et touttes aultres bagues. Ceulx de la ville quy vouldrent demourer demourèrent, et leur accorda-t-on tous leurs biens meubles; mais les vivres furent d’avantaige pour la garnison quy y entra, et y furent mis en garnison le seigneur de Charny, Anthoine et Guillaume de Wandres et pluiseurs aultres. Le duc, pour l'hiver quy approchoit, s’en alla à Challons et laissa grosse garnison à Mascon, quy coururent tout le pays de Dombes et y priarent pluiseurs places; et quant au duc de Bourbon, il se tenoit à Villefrance. Ne demoura gaires de temps après qu’une journée, pour traicter de la paix entre le duc et le duc de Bourbon, se print, et assemblèrent leurs gens ensemble enla ville de Belleville. Les gens du duc de Bourbon se bouttèrent à voulloir soutenir que le duc de Bourbon venoit de la lignie sainct Loys, et devoit aller devant le duc; pour la- (1) Soivre.
tost après, à l'heure que on entendoit la chose estre en plus grand’ aigreur et plus ennemie que devant, le duc de Bourbon envoya devers le duc requerre ung sauf conduit pour ung chevalier de son hostel, nommé messire Gasconnet, son maistre d’hostel, pour aller devers le duc, auquel il fist tant de si belles offres de par le duc de Bourbon, pour venir à paix, que journée fut accordée et prinse de eux assembler a Nevers, à certains briefs jours ensuivant. Icelle journée accordée , le duc renvoya son armée. A icelle journée de Nevers, assemblè rentle duc et le duc de Bourbon, et les dames de Bourgongne et de Bourbonnois, aussy le connestable de France et pluiseurs princes et chevaliers, barons et escuyers ; et là firent grand’ feste les ungs aulx aultres, et sy grand’ chiere faisoient qu’il sembloit que jamais ne eussent eu guerre ensemble. Et dès la première nuict souppèrent les princes ensemble en la chambre du seigneur de Croy, et aussy pluiseurs chevaliers et escuyers. Mais ne fut mie sans boire d'autant ; et toulloient les couppes et tasses les ungs des aultres ; et là disoient pluiseurs saiges, quy les regardoient faire telle chière et de sy bon cœur, qu'il estoit fol quy en guerre se bouttoit et se faisoit tuer pour eux. Le duc et la duchesse de Bourbonnois sa propre seur s’entrefaisoient grand’ chère et grand’ liessc demenoient. Là y furent faicts pluiseurs beaulx bancquets et belles danses. Après fut conclud que une journée se tenroit en la ville d'Arras, à la Sainct-Jehan de lors prochain venant, pour la paix pour le royaulme de France, entre le roy Charles, septiesme de ce nom, et le duc. Après pluiseurs festoiements et chières faictes, le duc et le duc de Bourbonnois et pluiseurs princes quy.là estoient s’en retournerent en leurs pays; et quant au duc et à la duchesse et leur fils de Charrollois, retournèrent en Picardie, Flandre et Brabant. Et print le duc son chemin par la ville de Paris et fist sçavoir à messire Jehan seigneur de Saveuses ct aultres, qu’ils fussent au-devant de luy; lesquels le firent atout belle et grand’ compaignie de gens d'armes et de traict, jusqu’à la ville d’Auxoire. Le duc fut par aulcuns jours en la ville de Paris, où il et sa compaignie firent très grand’ chière; et de Paris s’en alla en ses pays dessusdits, où il fut besognant en
MÉMOIRES DE SAINT-REMY
quelle cause on se partist sans rien faire. Tan- .
ses affaires jusques à la journée et convention d'Arras.
