CHAPITRE CLXXXIII
De la journée quy se tint à Arras, entre le duc et les ambassadeurs du saiut-père, les ambassadeurs des roys de France et d'Augleterre, pour la paix finalle du royaulme de France, laquelle fut faicte et conclue entre le duc ct les ambassadeurs de France ; des seigneurs quy se trouvèrent à ladicte journée, et des armes quyÿ y furent faictes entre deulx gentilshommes, chevallicrs, assavoir messirc Jehan de Merlo, Castillan, et le seigneur de Charny, Bourguignon, dont le duc estoit juge.
Au nom de Dieu, de la glorieuse Vierge Marie et de toutte la saincte cour du Paradis, Amen, vraie mémoire soit faicte de la très noble assemblée, laquelle se fist en la très bonne ville d’Arras, en l’an 1435. Pour parvenir, par la grasce de Dieu, au très sainct bien de paix par moult longtemps desirée de toatte la chrétienté, et obvier à la très grand’ et horrible division estant entre les roys, princes et seigneurs de France, d'Angleterre et de Bourgongne , en icelle assemblée furent de par le père saint, nommé Eugènes, à icelle heure tenant son siége en la cité de Florence, et de par le saint concile tenu à Basle-sur-le-Rhin, en Allemaigne, accordé de Dieu, du père saint et de sainte Eglise, fut envoyé en ladicte cité d'Arras
deulx cardinaulx, dont l’ung fut iceluv de Cip-
pre , et l’aultre de Saincte-Croix ; et entrèrent en ladicte ville au jour cy-après déclaré, accompaigniés par la manière qu’il s'ensuit. Il est vray que le huitiesme jour de juillet, an dessusdits, entra le cardinal de Cippre, légat, accompaignié comme s’ensuit ; premier, l’archevesque d’Aux, lequel avoit soubs luy deux docteurs chapelains et gentilshommes ; l’evesque de Brexionan en Dace, du royaulme de Suède ; se avoit en sa compaignie un docteur; l’archidiacre de Mets en Lorraine, avec pluiseurs chapellains, au nombre de treize que chevaulx que mulles ; l’évesque d’Albinghe, soubs le duc de Milan, accompaignié d’ung chevalier et d’ung docteur, à quinze que mulles que chevaulx:
l’évesque de Uzès servi de moult nobles docteurs; sire Nicolle Lassessequin, lequel estoit au sainct consille, de par le roy de Poullane, à quinze chevaulx ; l'abbé de Veselay, le sacristin de Lion-sur-le-Rosne ; si estoient les familiers de son hostel, son auditeur, docteur ; l’'arcediacre de Thurin , docteur; ung maistre (1) rologne.
en théologie, son confesseur, six chappellains, seize gentilshommes, tous ceulx de son hostel. Les aultres archevesques et evesques quy entrèrent dedans Arras, cent et cinquante que mulles que chevaulx, en la compaignie du cardinal de Cippre. Le treiziesme jour dudict mois, vint en la ville d'Arras le cardinal de Saincte- Croix, légat du pape, moult honnourablement accompaignié de l’évesque de Viseu, au royaulmede Portingal, de sire Loys de Garcie, docteur en théologie, demessire Luc deSaincte-Victoire, archeprestre de Juvelles, et d’aultres nobles, familliers et serviteurs, jusques au nombre de cinquante que chevaulx que mulles. Le vingtcinquiesme juillet arriva une nobleet puissante ambassade, de par le roy d'Angleterre, moult grandement accompaigniée, jusques au nombre de trois cents chevaulx ; sy y furent l’archevesque d’York, l’évesque de Norvic, l’évesque de Sainct-David, le comte de Sulforch, messire Gautier de Hunghefort, baron, messire Jehan Rateclif et aultres, jusques à six chevaliers et quatre docteurs. Le vingt-troisiesme jour dudict mois de juillet, entra en sadicte ville d’Arras le duc, accompaigné, premier du duc de Gueldres, lequel avoit en sa compaignie deux cents chevaulx.
Item , entra avecques le duc le damoiseau de Clèves, son nepveu, à vingt-quatre chevaulx.
En après estoit le comte d'Estampes, cousin germain du duc, fils au comte de Nevers, à quarante chevaulx ou environ. Après estoit le comte de Nassau, Brabanchon, noblement accompaignié, jusques au nombre de quatrevingt et six chevaulx ; après estoit le damoisel de Gasebecq , noblement accompaignié, et ses gens montés de quarante chevaulx ou environ; après le seigneur de Rousseclare, à dix-sept chevaulx ; après le damoisel de Rousselare, frère audict seigneur, à dix chevaulx ; après estoit le commandeur de Chanteraine, accompaignié de quatorze chevaulx ; messire Jehan, seigneur de Witem, à dix chevaulx; Guillaume de Sombref et Jehan de Sombref, frères, richement montés de dix-sept chevaulx ; messire Clair de Sainct- Guernies et son frère, nommé Henry, à sept chevaulx ; Jehan de Castregat, à quatre chevaulx: Jehan Hincart et son frère, à six chevaulx, et pluiseurs aultres nobles du pays de Brabant. De Hollande y eut de grands seigneurs et nobles hommes. Premier, le seigneur de
