CHAPITRE CLXXXIII
cms mm. m…— + ©
Mont-fort, Hollandois, accompaignié et richement monté de quarante chevaulx ou environ, et de deux chevaliers et dix gentilshommes ; le seigneur de Wassenaire , à vingt-quatre chevaulx; messirc Guillaume d’Argiemont, seigneur de Ysseltain, oncle du duc de Gueldres, à dix-sept chevaulx; Guillaume de Valduit, maréchal de Hollande a héritage, à dix-sept chevaux ; et pluiseurs aultres de Hollande quy ne sont point icy comprins. Avec les dessus nommés estoient pluiseurs prelats et gens d’Eglise ; c’est assavoir les evesques de Cambray, d'Arras, d’Auxoire, confesseur du duc, le prévost de Trect, l’archidiacre de Rouen, le grand prieur de France et pluiseurs aultres prélats. Ea outre, estoient en la compagnie du duc, de la noble ordre de la Thoison-d’Or, pluiseurs ducs, comtes et barons , lesquels ne sont pas escripts par ordre selon leur degré, pour ce qu’ils sont venus à pluiseurs fois ; premiers le comte de Nevers, le comte de Ligny, le seigneur d’Antoing , le seigneur de Croy, le seigneur de Commines, messire Rollant d’Utequerke, messire Simon de Lalaing, messire Bauldot de Noyelle, le seigneur de Crequy, le seigneur de Charny, le seigneur de Crèvecæur, messire Jehan de Croy, le seigneur de Roubaix, le seigneur de Ternant, messire David, messire Jacques et messire Florimont de Brimeu, messire Hues, messire Guillebert et messire le Besgue de Lannoy. Et avec che y avoit grand’ foison de chevaliers et escuyers , seigneurs et barons du ducet de ses pays, tant de Bourgongne, Arthois, Hainault et Flandres, dont il s’ensieult une partie de leurs noms, sans y comprendre les chevaliers et escuyers d’escuyrie, chambellans, maistre d’hostel, et aultres familiers de sa cour. Premiers : le comte de Faulkemberghe, le seigneur d’Arguel, fils du prince d’Oranges, le vidame d'Amiens, le seigneur de Chastillon, le seigneur de Lignes, messire Jehan de Hornes , le seigneur de Humières, le seigneur de Saveuses, messire Jacques de Sars, messire Jehan Villain, le seigeur de Lens, messire Guillan de Hallewin, le seignuer d’Isenghien , le seigneur d’Inchy, le seigneur de Landas, le seigneur de Fossés, le seigneur de Robecque, messire Gauwain de Bailloeul, messire Lancelot de Chau-Maisnil, le seigneur de Sombrin, le seigneur de Croisilles, messire Paien de Beaufort, messire le
Besgue d’Antreulle, le seigneur de Waurin, le
seigneur de Flourent, le seigneur de Roye, le ;
seigneur de Chauny, le seigneur de Sainct- Simon, le seigneur de Moroeul, le seigneur d’Aulphemont, Jacques de La-Hamaide, Jacques de Dinselle, Jehan Villerval, Jehan d’Avelus, Jehan de Potiers, Henry de la Tour, Guillaume de Vandre, Robert de Saveuses, Philibert de Jaucourt, Joffroy de Thoisy, le seigneur de Thoisy. La plupart d’iceulx vindrent a pluiseurs fois, et pour ce ne sont pas mis par ordre selon leur degré. Et quand le duc feut entré en sadicte ville d'Arras, il s’en alla, ainsy acompaignié, jusques à l’hostel du cardinal de Saincte-Croix , et là descendit et entra dedans le duc de Gueldres et le damoiseau de Clèves avec luy; et là se fit grands révérences et honneurs ; et puis remonta à cheval et s’en alla devers le cardinal de Cippre, lequel estoit logié sur le grand marchié. Et vint au-devant du duc, tout à pied, et bien loing de son hostel;et la se firent grands révérences et honneur ; et puis remonta à cheval et s’en alla jusque à son hostel, que on dist à la Courle-Comte, auprès de Sainct- Vaast; et estoient au nombre de deux mille chevaulx ou
environ. Le comte de Vaudemont arriva en la
ville d’Arras le derrain jour de juillet, ac-
compaignié de chevaliers et escuyers, et aul-
tres en nombre de trente-six chevaulx. Et icelluy jour, vint l'ambassade envoyée de par le roy Charles de France. Sv estoit le premier le duc de Bourbon, accompaignié du seigneur de la Fayette, maréchal de France pour le roy Charles dessusdict, de vingt-cinq chevaliers et trente gentilshommes, bien richement, à trois cents chevaulx ou environ. Après vint le comte de Richemont, connestable de France, pour le roy Charles dessusdit, moult grandement accompaignié de sept chevaliers et d’escuyers jusques à quarante ou environ, à onze cent soixante chevaulx. Si y feurent pour chevaliers messire Gilles de Saint-Simon, messire Pierre Grudjo, messire Pierre Bragonnet , le seigneur de Margny, messire Jehan de Chevery, le seigneur de Saint-Pierre et messire Franchois de Chaunay.
Item, avec lesdicts ambassadeurs de France, assavoir le duc de Bourbon et comte de Richemont, y avoit pour chascun vingt-quatre archiers bien montés et armés, et vestus de rob-
MÉMOIRES DE SAINT-REMY
bes de livrées à orphaivreries ; et avec ce y avoit rois d'armes, héraults, poursuivants, trompettes, ménestreulx, chapellains et tous officiers quy appartiennent à estat de printe, moult noblement et richement habillés ; l’'arehevesque de Rains, per et chancellier de France, pour le roy Charles dessus nommé, révéremment et richement monté et adourné, accompaignié de vaillantsetnobleshommes et clercqs, au nombre de quinze et quarante chevaulx. Le comte de Vendosme estoit moult noblement accompaigné de chevalliers et escuyers, au nombre de soixante chevaulx ; le seigneur de La Fayette, mareschal de France, noblement monté à trente chevaulx ; Christofle de Harcourt, moult bien accompaignié de chevalliers, escuyers et aultres, à soixante chevaulx, ou environ ; maistre Adam de Cambray, premier président en parlement, moult bien accompaignié ; le grant doyen de Paris, moult bien accompaignié ; seigneur Jehan Castenier, l’ung des trésoriers de France, moult bien accompaignié. Somme totale, en icelle ambassade de France pour le roy Charles de France, il estoit entre neuf cents et mille chevaulx ou environ. La duchesse de Bourgongne entra le troisiesme jour d’aoust ensuivant ; et furent au-devant d’elle Brabanchons , Hainnuyers, Hollandois, Flamands, Artesiens, Picards, Bourgongnons, Namurois, et moult d’aultres grants seigneurs et princes, et par espécial les Franchois, moult honnorablement , tels que le duc de Bourbon, le comte de Richemont, l’archevesque de Rains, le comte de Vendosme, Cristofle de Harcçourt, le mareschal de La Fayette et aultres ; et estoient, à son entrée, de onze à douze cents chevaulx. Et estoit la duchesse en une litière moult richement dorée, garnie et couverte, acostée des grants ducs et comtes, et cinq chariots dorés de fin or moult richement couverts de draps d’or, emplis de dames et de damoiselles sur haquenées, au nombre de douze, sieuvant la littière, touttes vestues d’une coulleur de noir, richement ouvrées d’orphaivrerie; et allèrent ainsy tout au long de la ville jusques au grant marchié. Et quand elle fut devant les hostels de mesdicts seigneurs de France, elle voulut prendre congié d’eulx, en les remerchiant ; et se firent de grants révérences ; mais, néantmoins, ils ne voulurent arrester jusques à tant qu’ils vindrent à l’hostel du
due ; et là prinrent congié, puis retournèrent à leurs hostels. Le seigneur de Longueval, baron, vint en ladicte ville d'Arras, le septiesme jour d’aoust, à .douze chevaulx, et estoient tous ceulx de sa compaignie gentilshommes. Le comte de Sainct-Pol et le comte de Ligny y entrerent le huitiesme jour d’aoust, accompaigniés moult grandement et honnorablement de Thieubaut, monseigneur, frere audit comte de Sainct-Pol, et de chevallerie et escuyerie. Là estoient messire Daviot de Poix, messire Baudart de Cuvillers, et le seigneur de Belleforière; messire Ferrande, Espaignol; messire Jacques de Lievin, chevallier ; et de gentilshommes richement montés environ cinquante, et de chevaulx environ soixante-dix. Le comte de Meurs vint en ladicte ville, le neuviesme jour d’aoust, bien accompaignié de chevalliers et escuyers des pays d’Allemaigne, jusques au nombre de seize ou environ, et de chevaulx environ cinquante. Messire Rollant d’Utekerke y entra che jour, bien accompaignié, et ses gens richement vestus de sa livrée de brodure et orphaivrerie, douze crenequins arbalétriers devant luy, et sept paiges derrière luy, et moult beaulx chevaulx, sans les sommiers et bagaiges.
Le jeudi, onziesme jour d’aoust, y eult faictes armes dont le duc fut juge ; et se feirent par deulx gentilshommes chevalliers, dont lung estoit du royaulme de Castille, et avoit nom messire Jehan de Merlo, et l’aultre le seigneur de Charny, du pays de Bourgongne. Si estoient les armes telles, que de courre chascun trois lances assises et rompues, chascun armé à voullenté ; et se feirent par la manière qu’il s’ensieult. Le jour dessusdict, entra ledict de Merlo, à neuf heures du matin, par la fenestre et entrée des lices, monté tout armé sur son cheval, et avoit ung heaulmet atout ung blanc plumas en sa main, une bannerette vermeille, atout une croix blanche sur son cheval tout couvert de drap vermeil; etavoit son espéel] chainte, et faisoit mener ung coursier en main apprès luy.
Item, on portoit apprès luy quatre lances touttes blanches. En sa compaignie estoient quatre chevalliers que le duc luy avoit ordonnés pour luy conduire; et estoient en sa compaignie environ vingt chevaulx ; et s’en vint présenter ainsy devant le duc, et dict : « Très “excellent et puissant prince et redoubté sei- « gneur, je me viens présenter devant vous,
