CHAPITRE CLXXXIII
«“ pour accomplir che que j'ai promis à faire. » Le due luy dict qu’il estoit le très bien venu, et qu'il le tenoit bien pour presenté. Environ demie heure apprès, vint le seigneur de Charny, accompaignié de très grant foison de seigneurs, chevaliers et escuyers, rois d'armes, héraulx et trompettes; et y fut le comte de Suffort, Anglois, lequel tenoit une lance ; le prince d’Arguel, fils au prince d’Oranges, portoit une aultre lance ; apprès venoient le comte de Sainct- Pol et le comte de Ligny, lesquels portoient aussy chascun une lance quy estoient touttes bleues. Le comte d’Estampes alloit apprès, lequel portoit son heaulme ; apprès alloient : le comte de Nevers, quy portoit le manicle, et messire Simon de Lalaing, le grant garde-bras. On menoit derrière luy quattre beaulx coursiers par quattre paiges, couverts moult richement de drap vermeil, brodé d’or ; et son coursier sur quoy il estoit, estoit couvert de drap d’or violet, et avoit une journade 1 de pareil pardessus son harnois , en sa main une bannerette, dont à l’ung des lez estoit l’imaige de Nostre-Dame, et à l’aultre costé l’imaige de sainct George. Les quatre seigneurs dessusdits, qui portoient les lances, vindrent requerre au duc que on visitast les mesures des lances ; et ainsy feut faict : mais elles ne feurent mie trouvées toutte d'une longueur ; et, pource que on mettoit ung peu trop longuement à les mettre à point, ledict seigneur de Charny envoya dire au seigneur de Merlo que il lui envoyast deulx de ses lances, et qu’il luy envoieroit deulx des siennes. Ledict seigneur de Charny essaya son cheval deulx courses avant che qu'ils besongnassent ; et, apprès le cri et les deffenses faictes, ils firent leurs courses par la manière qu'il s’enssieult. La première course, ils faillirent ; et aussy la deuxiesme et la troisiesme ; la quatriesme assist ledict de Merlo; la cinquiesme, ils faillirent ; la sixiesme, ils croisèrent. Or est vra y que le cheval dudiet de Merlo fuyoit tousjours, et ne voloit le cop attendre. Il fit requérir au duc qu'il luy donnast grace de rechangier de cheval, et le duc luy accorda ; si descendit ès lices, présent tout le peuple, puis remonta moult habillement sur ung aultre cheval, et parfirent leurs courses. Le premier cop apprès le changement, ils rencontrèrent très radement de bonne et noble assiette, et rom- (1) Casaquin,
pirent tous deulx leurs lances très vaillamment. Le treiziesme cop toucha ledict Merlo; le quatorziesme, ils faillirent ; le quinziesme, ils croiserent ; le seiziesme, ils assirent tous deulx, et roinpit ledit de Merlo sa lance ; et, en che point, les fit cesser le duc et les fit venir devant luy, et dit premièrement audict de Merlo : « Je «tiens les armes de cheval de vous et de vos- «tre compaignon pour accomplies ; et les avez “faictes bien et vaillamment. » Et pareillement en dit autant au seigneur de Charny.
En che point prinrent congié du due, et se partirent hors des lices. Mais ils faisoient difficulté de partir hors l’ung devant l’aultre ; et firent demander au duc comment ils luy plaisoit qu’ils fissent ; à quoi le duc respondit que ils vidassent chascun par où ils estoient entrés, et qu’il n’y avoit point de peril lequel vidast premier. En che point se conclut la journée. Or fault ung peu parler de che que ledict de Merlo entra dedans les lices, l'espée chainte, et atant eurent trois ou quatre courses. Les conducteurs, lesquels estoient du conseil du seigneur de Charny, parlerent au duc, en disant que ledict de Merlo avoit son espée chainte en courant, quy n'estoit pointchoseacoustumée. Si ea fut parlé audict seigneur de Merlo quy, tantost, liberallement, la deschaindit. Le lendemain vendredy, lesdicts de Merlo et de Charny firent armes à pied, comme ils avoient promis par leurs scellés, grant temps devant, dont le duc fut juge ; et firent par la manière quy s’ensuit. Les preneurs ad che commis et ordonnés par le duc furent huict ; et à l'heure de sept heures du mattin, entra ledict de Charny par la dextre entrée du champ, sur ung coursier, moult richement armoyé de ses armes, et moult nottablement accompaignié ; et portoit le comte de Suffort son espée, le comte de Sainct-Pol la targe, le comte de Ligny la lance, et le comte d’Estampes la hache : et s’en alla tout droit dedans son pavillon, lequel estoit moult riche de drap de Damas, armoyé de ses armes ; et puis s'en alla devant le hourd ! où le duc estoit accompaignié moult honourablement, et se mit à genoux. Là le seigneur de Santes parla pour luy, et dit en telle manière : « Mon très redoubté seigneur, vous véez Cy « monseigneur de Charny, lequel se présente
(1) Echafaud.
MÉMOIRES DE SAINT-REMY
«“ devant vous, comme à son juge, pour faire « che pourquoi il est ichy venu. » Et le duc luy dit qu’il le tenoit bien pour presenté. Apprès che, il se retrait en son pavillon, et avoit en sa main une bannerette là où il y avoit, a l'ung des costés, l’image de Nostre-Dame, et à l'aultre lez sainct Georges ; et en faisoit souvent le signe de la croix. Tantost apprès vint ledict de Merlo tout à pied, accompaignié de ceulx quy l’avoient accompaignié le jour de devant, lesquels portoient ses bastons; et estoit armé de tout plein harnas, le bachinet en teste, visicre levée, ung bien delié couvrechief devant sa visiere, lequel il avoit, à la journée devant, autour de son bras; et estoit vestu de sa cotte d'armes ; et ainsy entra en son pavillon, puis alla faire la reverence au duc leur juge; apprès retourna en son pavillon. Icelles choses faictes, les seigneurs quy accompaignerent le seigneur de Charny allerent devers le duc, et par especial le seigneur de Santes, et dist en telle manière : « Mon très redoubté seigneur, vous nous “avez ordonnés au conseil du seigneur de « Charny, etsi vousavez veueslettres contenant “ce poufquoi ils sont ici assemblés au faict « des armes. Nous avons veu que le chevallier « qui est ici venu a porté un becq de faucon «en lieu de hache, et vous savez qu'ils doib- «vent combattre de haches; et nous semble “qu'il y a grant différence ; si vous plaise à « en ordonner ; et ledict seigneur de Charny est « prest à faire che qu'il vous plaira.» Ces paroles ouyes, le duc alla au conseil , et sur ce il leur respondit : «Il me semble qu’eux-mesmes «en soient d'accord ensemble , et parlez aux « deulx parties.» Donc sur ceste responce faicte par le duc, les seigneurs parlerent les ungs aux aultres ; et y eult assez paroles, mais enfin ils se conclurent ; et s’en revinrent lesdicts seigneurs qui avoient parlé au duc, et lui dirent ainsy : « Mon très redoubté seigneur, monsei- « gneur de Charny est d'accord, pour l’honneur « de vous et de gentillesse, et pour son hon- «neur, et non pas pour droict, que l’aultre se «combatte de son bec de faucon, ce que on «n’a point veu au royaulme de France; car « bec de faucon n’est mie hache. ains sont deulx « choses. » Apprès ces parolles, ils se retrayrent. Le duc tenoit une flesche en sa main; si demanda aux gardes, c’est à entendre aux pre-
neurs, s’ils congnoissoient bien le signe, et ils
[Us
dirent que oil. Tantost apprès, les cris et deffences, ainsi qu’il est accoustumé faire, furent faictes ; et ce faict, le seigneur de Charny saillit de son pavillon, en cotte d'armes, garni de tous ses bastons, la lance branlant en son poing, et d'ung hardi courage tira pas à pas pour aller vers le pavillon de sa partie. Apprès saillit ledict de Merlo de son pavillon, sa visière levée, sa lance au poing, le couvre-chief sur sa visière, lequel il fist oster par ung gentilhomme de son pays ; et bien hardiement en che point, la lance au poing, s’en alla au-devant de son compaignon, lequel s'estoit fort avanchié. Adonc, ledict de Charny, quand il le veist si près de lui que pour jecter la lance, il la jecta, et puis bien hastivement print sa hache à deulx mains. Mais adonc ledict de Merlo, par grant vertu, jecta sa lance et assena ledict de Charny au bras sénestre, et le ferra en l’extrémité de son brachelet, au-dessus du gantelet, tant que la lance se tint attachiée une espasse. Mais ledict de Charny, bien habillement escouy ‘ son bras, et se deferra. Ledict de Merlo print son becq de faucon à deulx mains, et s’en vint bien hardiement contre ledict de Charny ; et là se rencontrèrent bien et vaillamment. Quand ils se furent une espasse combattus de leurs haches, et faits l’ung l’autre tourner et dépasser, et monstré lestoursd’armesqu'ilsscavoient, comme vaillants et hardis chevalliers, le duc jecta sa flesche en bas, et dist : « Hola! holà!» Adonc, les preneurs les prindrent sus en che point ; les conducteurs vindrent devers le duc, en disant qu'ils les avoient prins sus plus tost que les parties n’eussent voullu. Si demandèrent au duc quel chose il lui plaisoit qu'ils fissent , ou s'ils viendroient tous deulx ensemble devers luy, ou chascun à part sov. Si vint le seigneur de Charnv, et se mist à genoux, et leva sa visière, et parla ledict de Santes, et dist : « Mon très redoubté seigneur, vechy le seigneur « de Charny tout prest de faire et parfaire son «debvoir.» À quoi le duc respondit : que il avoit trés bien et vaillamment faict, et que il tenoit les armes bien accomplies. Apprès vint ledict de Merlo, sa visière levée, et se mist à genoulx devant le duc, et dist : « Très hault et «très excellent et puissant prince, redoubté «seigneur, je suis venu de bien loing devant
(1) Délivra.
