CHAPITRE CELXXX VI

Des offres que le duc Philippe de Bourgongne fist faire au roy d'Angleterre, de la part du roy de France, pout trouver la paix des deux royaulmes, quy ne furent ni agréables ni receues audict roy d'Angleterre.

En icelluy mois de septembre, l'an dessusdict, le duc, pour le désir qu’il avoit à la paix générale d’entre France et Angleterre, pratiqua envers les ambassadeurs du roy, dessus nommés, ladicte paix et traictié des deulx royaulmes dessusdicts. Et pour parvenir à icelle, furent advisées certaines et grandes offres qui se feroient, de par le roy, au roy d’Angleterre ; et, ad ce faire et pratiquier, y furent messeigneurs les cardinaulx de Saincte-Croix et de Cyppre; et par ung notable clereq de l’ordre des frères prescheurs, rescripvirent messeigneurs les cardinaux audict roy d’Angleterre ; et le duc y envoya, par moi Thoisond'Or, les offres grandes et honnourables que le roy faisoit au roy d'Angleterre, lesquelles offres seront cy-apprès déclairées: c'est assavoir que le roy offroit au roy d’Angletetre, moyennant qu’il renonchast à la succession, tiltre et demande qu’il faisoit à la couronne de France, la duchié de Normandie tout entièrement, saulf et réservé l’hommaige; la duchié de Guvenne, ce de quoi ils possessoient; et tout ce qu’ils tenoient en Picardie d’anchienne conqueste. Et pour lors le roy se vouloit obligièr à ce traictié faire; et pour che que le roy d'Angleterre n’avoit que quatorze ans, et que l# coustume d'Angleterre est telle que il faut que ung enfant masle ait vingt et ung ans ains qu’il soit tenu pour eagilé; or, il y a de quatorze jusques à vingt-un ans, sept ans; cedict temps, le roi d'Angleterre ne #eroit point obligié ; mais quand il seroit en éagé, et ledict traictié de paix et offres dessusdictes lui plaisoient, et estoit content de ratifier ledict traictié de paix ; et il Ii plaisoit, pour plus grande amour et alliance, avoir et prendre madame Arragonne, fille aisnée du roy, à mariage, le roy lui donneroit ; èt at Cas que iceulx traictiés et offres ne voldroit prendre, il pourroit revenir à toutes

MEMOIRKS DE SAINT-REMY

ses prémières demandes et querelles. Et pour ce qu’il sembloit à pluiseurs notables seigneurs du conseil, que attendu que le roy d'Angleterre avoit esté couronné de nouvel à Paris roy de France, que de prime face ne vouldroit point de sitost devenir homme du roy, me fut commandé à moi, Thoison-d’Or, de dire au roy d'Angleterre au à son conseil, que durant la vie du roy d'Angleterre il ne seroit point tenu de relever la duchié de Normandie ne aultres tenues du roy; et pourroit estre ordonné, s’il lui plaisoit, que son premier fils ou Les fils aisnés de ses successeurs seroient nommés ducs de Normandie ; et seroient doresnavant les lettres des fils aisnés des roys d'Angleterre; et durant la vie de leurs pères, roy d'Angleterre, releveroient ladicte duchié du roy; et par ainsi, le roy d'Angleterre ne releveroit pas du roy. Toutes lesquelles offres furent par moi, Thoison-d’Or, portées en Angleterre ; lesquelles né furent point acceptées, et mal prendrent en gré mon allée ; et me fut respondu, par le chancellier d'Angleterre, les paroles qui s’ensuivent : « Thoison-d'Or, le roy d'Angleterre et « de France, mon souverain seigneur, a veu « les lettres et offres que vous lui avez appor- « tées, lesquelles lui ont moult despleu, et non « Sans Cause ; pour lesquelles choses il a assem- “blé ceux de son sang et lignaige, pour y « avoir advis, et vous en polvez bien retourner « delà la mer. » Et aultre response je n’eus: et toutteffois le duc avoit escript lettres closes au roy, et assez gracieuses, par lesquelles il lui signifioit que ce nonobstant qu’il eust fait paix au roy, et que ait pardonné la mort et intérest de feu monseigneur son père, touteffois il n’entendoit point de avoir guerre à lui ne à ses voisins, mais se vouloit employer de tout son polvoir au bien de la paix générale ; et pour icelle avoit obtenu du roy les offres dont dessus est faicte mencion, lesquelles offres lui sembloient dignes d’estre acceptées. Et quant au notable religieux envoyé par messtigneurs les cardinaulx, ambassadeurs dessusdicts, devers le roy d'Angleterre, fut la response toute telle que celle de bouche me fut dict ; et aultre response ne firent lesdicts Anglois. Les ambassadeurs de France s’en retournèrent moult liement, et leur feit le duc de grands dons, tant en or, argent, vaisselle, comme aultres choses: et pareillement le feit à la pluspart des grands

seigneurs qui là estoient ambassadeurs ; et ne demoura gaires, après ce que lesdicts ambassadeurs furent arrivés devers le roy en la ville de Chinon, que la royne accoucha d’un beau fils auquel le roy feit donner le nom comme le duc ; et furent les premières lettres que le roy escripvit oncques au duc.