CHAPITRE CLXXX VII

Comment le roÿ de France jura la paix d'Arras solempnellement, et la tist aussy jurer aux grands seigneurs quÿ estoient entour luy; et comment le mariage de madame Catherine, deuxième fille du roy, fut troiclie avecques le comte de Charrolluis.

Ne demoura gaires, apprès que les ambassadeurs du roy furent partis de la ville d'Arras, que le duc envoya son ambassade, c'est assavoir messire Jehan de Croy, le seigneur de Harsy, le seigneur de Crèvecœur, et aultres, lesquels avoient charge de requérir au roy de faire le serment de la paix, et jurer tous les articles de ladicte paix de poinct en poinct, et avecques ce, que le roy fist jurer tous les princes de son sang qui là furent, et aultres grants seigneurs qui là estoient. Le roy recheupt grandement et honnourablement ladicte ambassade, et ordonna jour et heure où ils jurèrent ladicte paix, laquelle chose fist solempnellement; et si le fist jurer à messire Charles d'Anjou, et à tous les aultres grants seigneurs qui entour lui estoient; lesquels, tous jurèrent, excepté le bastard d’Orleans, qui ne le voult jurer, et s’excusa, disant que le duc d'Orléans et le duc d’Angoulesme, son frère, estoient en Angleterre; et que, sans le commandement et les congiés et licences d’eulx, ne vouldroit rien faire de ladicte paix. Sy fust le roy moult joyeulx, et bien le debvoit estre, car ce fust le plus grant bien que lui advinst oncques; et, par icelle, recouvra tout son royaulme, et se trouva au-dessus de ses ennemis, craint et doubté de ses voisins; et en telle renommée et gloire régna jusques à la mort ; et qu'il soit vray que depuis trois cents ans n’eust roy en France quy mieulx se gouverna que luy. Et pour revenir à parler desdicts ambassadeurs du due, le roy leur fist grant chière et honneur, et leur donna de grants dons ; et là se traicta le mariage de madame Katerine, seconde fille duroy, et du comte de Charrollois,