CHAPITRE II
Du capitaine apostat et de petit lieu quy esmeut une partie de la communc d'Angleterre contreles nobles, et comment plusieurs princes et seigneurs feurent par luy mis à mort et descapités ; et cn la fin comment il feut occis. :
. Enl'an mil quatre centscinquante,ung nommé
{1} Saint-Edimondsbury.
Jean Cade, lequel estoit apostat, esmeut une partie de la commune de Kent, et jusques au nombre de vingt mille combattants, desquels il feut faict capitaine; et ne scavoit-on bonnement d’où il estoit. Laquelle communauté, avec leur capitaine, allèrent tenir ung camp ainsy que à dix mille près de Londres, quy font environ cinq lieues, allencontre desquels le roy d'Angleterre vuida de Londres pour les combattre; mais quand il feut adverti que c’estoient gents populaires et meschants gents, il feutconseillé de ne les combattre; et y envoya le duc de Belingham!, pour leur dire que le roy leur mandoit que touts ses loyaux subjects vuidassent du champ. Et incontinent que le cry feut fait, le capitaine respondit qu'il estoit l’ung d’iceulx, et se partit; et en allant , il rencontra messire Humffroy Staflort, et Guillaume Staffort, son frère , lesquels il combattit et les tua. Ce faict, le roy retourna à Londres, et se bouta au chasteau de Wallingfort?, Et après ce, alla ledict capitaine enla ville de Londres, et y entra franchement le quatriesme jour de juillet. Il desrobba ung marchand appellé Philippe Malpas, et se logea la nuict hors de Londres, en la grande rue appclléeSouthwerbeÿ; etlelendemain il entra à Londres, vestu d’une robbe de velours atout une espée en sa main; feit tirer le seigneur de Say hors de la tour de Londres, et le feit mener en la halle, où il fust incontinent jugé à mourir, et incontinent on luy trancha la teste en la principale rue de Londres appellée Cepe#; et la teste feut mise enune lance, avecques la teste de son beau-frère et les aultres qui feurent tués, comme dict est; et son corps feut mis en detrais à la queue de deulx chevaulx. Après ce, ralla ledict capitaine en son logis , et là se tint le jour en suivant , et feit decoller ung grand larron nommé Hol Bardin.
Puis print conseil icelluy capitaine comment il pourroit desrobber ceulx de la ville de Londres. Duquel fourfaict ceulx de Londres feurent advertis. Sy ordonnèrent le seigneur de Scalles et Mathieu Goughe, capitaines, avecques grand nombre de gents pour les prendre subitement.
De quoy icelluy capitaine feut adverty, et feit guet autour de son hostel; lequel guet cria alarmes à la venue du seigneur de Scalles et Mathieu Goughe.Et feut icelluy seigneur recullé jusques au plus près du pont quy est au plus près
(1) Buckingham. {2} Kenilworth. (3) Southwark. (4) Cheapside.
de Londres; mais enfin, le seigneur de Scalles feit le capitaine reculler jusques à l’aultre pied du pont ; et, en ce faisant, Mathieu Goughe entra en une maison pour dormir, cuidant avoir recullé ses adversaires du tout; mais ledict capitaine les reculla derechief comme debvant. Et comme ledict Mathieu eut ung peu dormi, il issit dehors, criant son enseigne, cuidant estre avecques ses gents; et là feut tué par les gents du capitaine. Quand le capitaine veit que ceulx de Londres estoient multipliés, il feit ardoir le Pont quy y avalle, affin que nullluy approchast; mais les archiers ne laissèrent à les assaillir toute la nuict, jusqu’au lendemain que l’archevesque de Cantorbéry et l’archevesque d’Yorck feirent tant que les gens du capitaine s'en rallèrent en leur pays; et demoura le capitaine seul à privée maisnief, et lors s’enffuit en la terre de Kent; mais ceulx de Londres envoyèrent après pour le prendre. Et ainsy qu’il estoit assis au disner, ung Gallois entra en la maison pour le prendre; lequel, sy tost qu’il le veist, entra dans ung jardin, auquel jardin ledict Gallois luy donna ung coulp dont il mourut ; et feut son corps porté en la ville de Londres ; et la teste mise sur le pont de Londres. Et assez tost après , le roy Henry d'Angleterre print grande punition de touts les plus grands qui estoient avecques icelluy capitaine, ct qu'y auroient esté consentants de faire ce qu’il avoit faict.
