CHAPITRE III
Comment le duc d’Yorck feut rappelé, et feut régenl d'Angleterre, et eut le gouvernement du royaulme, et de la mort du duc de Sombresct.
Assez tost après la mort du capitaine dessusdict, le duc de Sombreset retourna du pays de Normandie, et feut le principal du conseil du roy d'Angleterre, avecques la royne. Le duc d'Yorck voyant le duc de Sombreset, quy avoit esté cause de la perte de Normandie, estre principal du conseil du roy, entre lesquels le duc de Sombreset et le duc d’Yorck il y avoit grande haine, icelluy duc d’Yorck assembla grand nombre de gents de guerre, et, arrivé à Londres, alla devers le roy Henry, et feit tant que le duc de Sombreset, quy estoit logié aux Jacobins, feut faict prisonnier, et mis:dans la tour de Londres ; lequel duc de Sombreset la
(1) Avec peu de suite.
royne soustenoit ; et estoient eulx deulx sy fort alliés ensemble qu’on [ne pouvoit avoir raison de luy. Et à ceste cause fallut que le duc d’Yorck partist , car il n’osoit plus converser avecques le roy. Après lequel son partement il revint jusques à cinq milles près de Londres, et avecques luy et en sa compagnie le comte de Winshre1 et le seigneur de Cobham, avecques bien vingt mille combattants. Pour lesquels combattre le roy vuida de Londres,avecques luy le ducde Xeste, le duc de Norffort 5, le duc de Benguigham 4 et le duc de Sombreset, et des aultres seigneurs, desquels la plus grande partie aimoient bien le duc d’Yorck ; à laquelle cause la paix feut faicte. Et alla le duc d’Yorck avecques le roy à Londres; mais icelle paix ne dura guières. Il fallut que le duc d’Yorck se partist de la cour du roy pour le duc de Sombreset quy le haioit. :
En l'an mil quatre cents cinquante-six ou environ, retourna le duc d'Yorck devers le roy , avecques luy le comte de Werwick et le comte de Sallebury , et bien douze mille combattants; et rencontra le roy en une ville nommée Saint-Albain, lequel avoit avecques luy grand nombre de gents de guerre ; et estoit avec luy le duc de Sombreset, quy conseilla au roy de combattre le duc d’Yorck; et illecques se combattirent l'ung contre Paultre ; et perdit le roy la journée. Et y feurent tués du costé du roy le comte de Northombellant, le duc de Sombreset, leseigneur de Cliffort et plusieurs aultres gentilshommes. Et après ceste bataille, le duc d'Yorck gouverna tout le royaulme d'Angleterre paisiblement , et feut faict protecteur et régent d'Angleterre ; mais ce ne dura mye longuement.
