CHAPITRE Il
Comment la ville de Bourdcaulx et de tous les pays de Bourdelois feurent mis en la main des Anglois.
L'an de grace mil quatre cents cinquantedeulx, le sieur de l’Esparre, etaulcuns bourgeois etaultres habitantsdela ville de Bourdeaulx, par
Nm :
le conseil des seigneurs de Montferrant, de Rosan, de Laval et de Anglade, trouvèrent facon etmoyen d’alleren Angleterre ; et eulx arrivés audict pays, sous couleur qu'ils disoient que despuis qu’ils s’estoient mis en l’obéissance du roy de France, ils estoient travaillés des aides, subsides, tailles, gabelles et maltostes, que bonnement ils ne pooient plus souffrir, ils traictèrent se remectre en l’obéissance du roy d'Angleterre et des Anglois. Pour laquelle remise feit le roy d'Angleterre assembler son conseil; et y feurent évoqués touts les capitaines et seigneurs du pays. Et là feut conclud d'envoyer leseigneur de Tallebot, au mois d’octobre audict an cinquante-deulx, audict pays de Bourdelois. Après ce faict, le seigneur de l'Esparre et ses complices s’en revindrent audict pays de Bourdelois; et le mois d’octobre ensuivant le seigneur de Tallebot se partit d’Angleterre,ledix-huictiesme jour dudict mois, accom pagnié de quatre à cinq mille combattants anglois, et arriva à l’isle de Médoc, où ils prindrent deux places petites, pour loger partie deleurs gents. Et adonc ledict Tallebot commenca faire courre ledict pays pour le mectre ensubjection, quy n'estoit pas fort à faire, car il n’y avoit nulle résistance. parce que l’armée du roi estoit en retraicte,et il n’y avoit demouré que ung peu de gents ès garnisons. La venue de Tallebot sceue par ceulx de Bourdeaulx, ils commencèrent à parlamenter les ungs avecques les autres de la manitre d’eulx remectre en la subjection des Anglois et en leur obéissance ; et vollurent les aulcuns que les François estants en garnison dedans la ville, dont estoit capitaine pour le roy le seigneur de Cottivy, séneschal de Guyenne, et le seigneur du Puich, et que eulx et le soubsmaire s en allassent, leurs corps ct biens saulfs. Mais cependant aulcuns allèrent ouvrir une porte d'icelle ville ; par quoi feurent touts les F rançois prins quy estoient dedans la ville, au moings la plus grande partie, tant degents de guerre, officiers comme aultres, lesquels demourèérent prisonniers aulx Anglois. Ces nouvelles venues au roy de France, il feut moult dolent; et envoya pour ceste cause hastivement les mareschaulx de France, Joachin Robault, et plusieurs aultres capitaines, jusqu’au nombre de six cents Jances, et les archiers, et coustelliers, et guisarmiers, pour garder et renforcer les places allentour de Bourdeaulx, comme le comte de
