CHAPITRE III

Comment, après que le pays de Bourdelois feut ainsy retourné au roy d'Angleterra, vindrent derechief plusieurs capitaines audict pays; comment le roy envoya desfier le duc de sa voye, el de l'accord quy feut faict entre le roy de France et ledict duc.

Les nouvelles venues en Angleterre comme messire Tallebot avoit remisle pays de Bourdelois et la ville de Bourdeaulx en l’obéissance du roy d'Angleterre, ceulx d'Angleterre, pour renforcer l’armée de messire Tallebot, envoyèrent à Bourdeaulx le seigneur de Camric!, le bastard de Sombreset, le fils dudict messire de Tallebot, le seigneur de Lisle et le seigneur des Moulins, et en leur compagnie quatre mille combattants ; lesquels Anglois amenèrent avecques eulx quatre-vingtsbasteaux, que grands que petits, chargiés de farine et de lard, pour avitailler la ville de Bourdeaulx; dont ceulx de la ville et du pays tenants le party d'Angleterre feurent moult joyeulx.

Audict ancinquante-deux, au mois de juillet, le roy estant à Meung-sur- Yèvre, près de Bourges, envoya desfier le duc de Savoye, pour certaines extorsions qu’il disoit que le duc avoit faictes à la couronne de France ; et au mois d’aoust ensuivant, se partit avec son ost, où il y avoit grande et noble compagnie de seigneurs et aultres gents de guerre, et alla au pays de

(1) Cambridge.

Forest, pour passer et entrer au pays de Savoye. Le cardinal d'Estouteville, lequel s’en retournoit à Rome, feut averty de ceste chose, lequel à ceste occasion retourna et alla devers le duc de Savove, et puis après devers le roy de France; et après qu'il sceut la cause de leurdesbat, traictatant d'ungcosté que d’aultre, que le duc deSavoye vint vers le roy, et promit réparer au bon plaisir du roy ce quele roy luy demandoit; et ainsy feut la paix faicte à Seurs en Forest ; et s'en retourna le duc en Savoye; et le cardinal s’en alla son chemin vers Rome, rapporter au pape ce qu’il avoit besoingnié.