CHAPITRE IV

Cy commence à parler de la mortelle guerre quy feul entre Philippes, duc de Bourgoiugne, comte de Flandres, et ceulx de la ville de Gand, ses subjects, et premier comment la guerre commença.

Après que les Gantois eurent totalement refusé au duc de Bourgoingne l’imposition qu'il vouloit mectre sur le sel au pays de Flandres, comme dict est, ils commencerent entre culx à murmurer, disantsque, pour ce qu'ils avoient refusé ladicte imposition, ils n'estoient point en grace de leur seigneur, et puis qu’il les vouloit tenir en haine, aussy ils ne tiendroient compte de luy. Et s’élevèrent en tel orgueil que, quand le duc envoyoit ses officiers en la ville, tant pour renouveler la loy, comme il avoit accoustumé de faire, que aultrement, ils ne le vouloient souffrir. Et quand les officiers de la ville, establis au nom du duc leur seigneur, leur remonstrèrent comment ils faisoient mal et le péril où ils se bouttoient , ils s’esmeutèrent plus que auparavant ils n’avoient fait, tellement qu'ils prindrent plusieurs officiers de la ville que le duc y avoit establis, comme de long-temps il avoit accoustumé de faire, et avoient de tout temps faict les comtes de Flandres ses prédécesseurs, et faire debvoit et pooit, et sy feirent iceux officiers du duc descappiter; et quy plus est, et toujours continuant en leur malvolance qu’ils avoient à leur seigneur, ils constituèrent trois capitaines en la ville de Gand, qu’ils appelèrent hoyguemans!, quy vault autant à dire en francois :

souverains hommes de la ville. Lesquels hoyguemans feurent esleus par la communauté de la ville, de gents de moindre estat d’icelle

(4) Hooftman.

ville et povres gents ; mais c’estoient ceulx en partie quy avoient esmeu et esmouvoient le peuple ; dont le premier et principal d’iceulx hoyeuemans feut appelé Lievin Bonne, qui vault aultant à dire en françois Lievin Fève, lequel estoit ung povre maçon, et de meschant estat ; le second estoit appelé Butreman, qui est à dire en francois Homme-de-burre, qui estoit aussy povre et meschant, ou plus, qu'icelluy Lievin Fève; et le tiers ung de pareille vacation. Et ces hoyguemans mis sus, ilscommencèrent à faire leurs ordonnances telles qu’il leur plaisoit ; et lors les plus meschants de la ville emprindrent à avoir plus de gouvernement que les nobles hommes, bourgeois et riches marchands. Et prurtant que j'ay intention de mectre toute la guerre quy feut entre lesdicts Gantois et leurs seigneurs, sans y entrelacer quelque chose, laquelle guerre dura deulx ans, j'ay ci- devant mis comment le pays de Guyenne et de Bourdeaulx se mirent en la subjection des Anglois, combien qu’icelle guerre des Gantois feust commencée avant la reddition d'icelluy pays de Bourdelois aulx Anglois, comme cy-après sera dict.