CHAPITRE V

Du mandement des gents d'armes que feit le duc de Bourgoingne.

En l'an milquatre cents cinquante et ung, environ le commencement de caresme, le duc de Bourgoingne, comte de Flandres, adverty comme ceulx de Gand avoient fait mourir ses officiers, et s'efforcoient de pis faire contre luy etsa seigneurie, il envoya par touts ses pays et seigneuries, réservé celuy de Bourgoingne, publier ses mandements tels , c’est à scavoir : que touts ceulx qui avoient coustume de porter les armes fuissent prests en armes, tel jour qu'il leur desclara, sans leur desclarer ne dire pour où c’estoit aller, jà-soit que son intention feust de mectre ceulx de Gand en son obéissance. Et commit lors pour garder la ville d'Audenarde , comme capitaine d'’icelle ville, ung bailly chevallier, nommé messire Symon de Lallaing, avecques luy le seigneur de Cornet, chevallier , natif de Flandres; et leur deffendit que par la riviere de l’Escaut, quy va deTourna y à Gand et passe parmy Audenarde, ils ne laissent mener vivres dedans la ville de Gand ny

* dans les aultres tenants le party des Gantois.