CHAPITRE VI

Comment les trois membres de Flandres, avecques ung notable homme et deulx des Chartreulx de Gand, vindrent à Bruxelles devers le duc de Bourgoingne pour traictier la paix des Gantois; cependant ils assiégèrent Audenarde.

L'an de grace mil quatre cents cinquante et ung,en la semaine peneuse, en la ville de Bruxelles en Brabant, vindrent les trois membres de Flandres; c’est à scavoir, ceulx de Bruges, d’ipres et du Franc, avecques eulx ung chartreulx du chartrousaige{ de Gand, devers le duc de Bourgoingne, comte de Flandres; et droictement par le jour du benoist et grand venderdy au matin s’approchèrent du duc. Et eulx, sçachants que le duc avoit volonté d'entrer au pays de Flandres à force de gents d'armes pour subjuguer les Gantois, se jetièrent à genoulx devant luy ; et le chartreulx, parlant pour touts, pria doulcement et humblement au duc, en l'honneur du benoist jour, que il lui pleust avoir pitié de son pays de Flandres, et par espécial de sa bonne ville de Gand, et que par . sa grace leur volsist pardonner son courroux ; et les mesfaicts que luy avoient faicts ceulx de la ville de Gand, estoient prests de l’amender au dict et ordonnance du conseil du duc. Sy ainsy ceulx de la ville de Gand ne volloient faire, sy tant feroient , s’ils pooient, qu'ils le feroient.

Auxquels le duc respondit : que, pour la révérence du jour du benoist venderdy, quel jour ils estoient, moiennant la réparation qu'ils feroient au los de son conseil, il leur pardonnoit leurs mesfaicts. Et ainsy comme lesdicts trois membres et le chartreulx estoient devers le duc pour traicter paix, auleuns paysans entour de la ville d'Audenarde, lesquels avoient retraict auleuns de leursbiens, pour doubte dela guerre, en ladicte ville, s’assemblèrent environ douze cents touts ensemble, jusques à la porte d’Audenarde, cuidants entrer ens, mais on leur cloyt les portes; et vint-on dire à messire Symon de Lallaing, capitaine du duc audict lieu, lequel estoit au chastel, qu’il y avoit bien douze cents hommes, lesquels disoient avoir de leurs biens en la ville, quy volloient entrer en ladicte ville. Iceluy messire Symon de Lallaing, quy estoit valliant chevallier et duict à la guerre, non scachant quelle volonté ceulx de dehors avoient, leur refusa l'entrée de la ville jusques à ce qu'il en auroit le commandement du due,

(1} De la Chartreuse.