LIVRE I, CHAP. VII

lequel l’avoit commis à garder ladicte ville. Ceste response de messire Symon oyc par ceulx de dehors quy cuidoient entrer, eulx tantost se retirèrent vers la ville de Gand, et remonstrèrent aux Gantois comment ils avoient mis leurs biens en la ville d’Audenarde, lesquels d’Audenarde, quand ils leur requérirent d’entrer en leur ville pour ravoir leurs biens, leur cloyrent les portes et refusèrent l'entrée, et requéroient qu'ils fissent tant qu’ils puissent ravoir leurs biens. Incontinent que les hoyguemans de ladicte ville de Gand oyrent cecy, leur dirent qu’ils leur feroientravoir leurs biens. Lorsbouttèrent leurs bannières hors, et assemblèrent grande multitude de peuple, jusques au nombre de quinze mille ou plus, gents de touts estats et mestiers; et le quatorziesme jour d’apvril mil quatre cents cinquante-deulx, après Pasques, vidèrent hors de la ville de Gand, avecques eulx grande quantité de charroy chargié d'engins et de vivres, et allèrent mectre le siége autour de la ville d'Audenarde, quy est à cinq lieues près de la ville de Gand. Mais ainçois qu’ils approchèrent de la ville, messire de Lallaing, capitaine de la ville, doubtant que lesdicts Gantois ne se logeassent ès faulxbourgs de la ville, issit hors de ladicte ville atout tant peu de gents de guerre qu’il avoit, et livra une escarmouche auxdicts Gantois;, mais peu y feit; car il fallut qu’il retournast, pour la multitude de peuple ; etau retourner feit boutter le feu ès faulxbourgs d'Audenarde et les ardit ; puis entra en la ville; et les Gantois se logèrent allentour deladicte ville ; etl’assiégèrent detouis costés tellement, que vivres ne personne ne povoient entrer en ladicte ville.