CHAPITRE VIT
pela grande assemblée que le duc de Bourgoingne feit quand il sceut que ceulx de Gand estoient vuidiés pour assiéger Audenarde ; et les noms d'aulcuns seigneurs quy le vindrent servir; et comment ils gagnèrent le pont de Pierre et occirent plusieurs Gantois.
L'an de grace mil quatre cents cinquantedeulx, ès festes de Pasques, le duc de Bourgoingne estant à Bruxelles en son pays de Brabant, on luy vint dire comment les Gantois estoient vuidiés de Gand et avoient assiégéla ville d’Audenarde. Le duc, quand il oyt ces nouvelles, feut moult courroucié; et incontinent et sans délay manda touts ses gents d'armes, fiefvés et
arrière fiefvés, lesquels, tantost les lettres receues, montèrent à cheval etle vindrent servir. Et pour vous en nommer auleuns : premier vint M. le comte d’Estampes, M. Jehan de Bourgoingne, cousin germain du duc, capitaine d’Artois et de Picardie, lequel amena avecques luy les nobles pour la grande part de Picardie et d’Artois, tels commele seigneur de Saveuses, nommé Philippes, le seigneur de Dampierre, le seigneur de Neuville, Loys de Bourbon, le seigneur de Reubempré, le seigneur de Harnes!, le seigneur de Happelincourt, le seigneur de Lille-Adam, séneschal de Boulogne, le seigneur de Cohem, le fils du vidame d'Amiens, le seigneur de Waurin, le seigneur de Vironay, le seigneur de Habarq, messire Sanse de Lallaing, messire Jacques de Lallaing, son nepveu, fils du seigneur de Lallaing, quy estoit moult vaillant chevalier, et nepveu dudict messireSymon de Lallaing quy estoit enclos audict Audenarde ; le seigneur de Moreul, le seigneur de Haubourdin, bastard de Sainct-Pol, le seigneur d’Inchy, le seigneur de Rinery, le seigneur de Mellencourt et plusieurs aultresgrands seigneurs avecques luy, donttrop long le raconter seroit. Item, y vint le bastard du duc, nommé Anthoine, en moult noble compagnie, chevaliers, escuyers et archiers; etavoit en sa compagnie plus de mille combattants ; touts lesquels seigneurs et leurs compagnies se tirèrent vers Audenarde pour aller lever le siége. Et estoit noble chose de veoir en la compagnie tant de nobles chevaliers et escuyers et archiers. Et arrivèrent assez près du pont de Pierre, assez près d’ung chastel nommé Holchin, auquel chastel estoit entré ung paysan quy tenoit le party des Gantois, nommé Butreman, quy vaut en françois : homme de burre; ettenoit le chastel pour les Gantois; et avoit avecques luy plusieurs Gantois, lesquels avoient faict des forts trencquis sur le pont et le gardoient fort, affin que les gents du duc ne puissent passer par ledict pont. Quand le comte d’Estampes veit lesdicts trencquis et le pont ainsy gardé, sy feit semblant de vouloir passer ; et, entre-tant feit chevaucher une partie de ses gents, quy passèrent par Watrelot, ung villaige assez près ; lesquels vindrent enclorre ceulx quy gardoient le pont. Et tantost ceulx quy gardoient le pont perceurent les picquenaires derrière eulx, et que les archiers commencèrent à tirer sur eulx, sy
(4) Hornes.
se retraièrent en ung fort moustier, assez près d’illecq, et laissèrent le pont. Lors passa le comte d'Estampes, et vint environner le moustier où les Gantois s’estoient restraicts, et feit lesdicts Gantois admonester qu'ils se rendissent et qu'il leur sauveroit les vies; de quoy ils ne voulurent rien faire, ains tirèrent dudict moustier d'engins et d’arbalestres après luy, et tuèrent trois archiers, et plusieurs en navrèrent. Quand le comte apperceut ce, il feit prestement boutter le feu au moustier. Lorsque le feu feut dedans, sy saillirent touts hors; et en saillant hors, on les occioit et coppoit-on les gorges, tellement qu’il n’en eschappa nuls. Eten mourut illecq jusques au nombre de quatre-vingtet dix. Et illecq n’estoit point ledit Boutreman, ains s’en estoit fuy et allé ailleurs à garand. Après ce faict, le comte s’en retourna à Watrelot et à Lannoy. Luy ettoats ses gentsillecq se refreschirent; et pansèrent les navrés, et laissèrent les Gantois morts touts nuds sur terre, lesquels ÿ feurent trois jours sans estre enterrés, tant que par pitié aulcunes créatures les vindrent mectre en terre non saincte; mais ains que le comte se partist, feit enterrer les trois archiers quy estoient morts de sesgents en terre saincte.
