CHAPITRE XII
Comment le comte de Sainct-Pol entra au pays de Wast, et des chevalliers quy y feurent faicts.
Le noble comte de Saincet-Pol, lequel estoit en garnison en la ville d’Aloste, qu’on appelle le pays des Quatre Mestiers, et est moult fort pays, marchisant au pays de Wast, se avoit volonté d'entrer audict pays de Wast. Sy assembla icelluy comte ses deulx frères germains, avecques Adolf de Clefves, frère du duc de Clefves, et nepveu du ducde Bourgoingne, Cornille, bastard du due, et plusieurs aultres chevalliers et nobles combattants; et entra luy et sa compagnie au pays de Wast; et incontinent qu'ils y feurent, entrevinrent allencontre d’eulx une grosse compagnie de Gantois, et assaillirent ledict comte. Mais les Gantois ne durèrent comme rien, ains feurent par le comte et ses gents prestement et en peu d'heures rués jus ; et se tournèrent les Gantois en fuite ; et sy en mourut deulx cents ou plus. Ce faict, le comte cuidoit estre assuré pour le jour ; mais les Gantois se réunirent derechief à moult grande puissance et compagnie, et vindrent rassaillir et courre sus audict comte.
Quand on vint dire ces nouvelles audict comte, tantost remit ses gents en bataille, pour recoeuiller les Gantois; et à ceste recoeuillote feurent faicts chevalliers nouveaux : Adolf, nepveu aa duc de Bourgogne, Thyebault de Luxembourg, seigneur de Fiennes, frère audict comte de Sainct-Pol, Cornille, bastard du duc, gouverneur de Luxembourg, lequel estoit sage et hardy chevalier, et plusieurs aultres, dont je me tais pour briefveté. Lesquels chevalliers faicts, eulx etleur compagnie sc férirent ès Gantois sy fièrement et par telle empainte! que derechief les meirent encoires une fois en route. En ceste bataille mourut des Gantois environ de trois cents ou plus ; mais en eeste seconde rescousse etrencontre, y olt quatre des archiers du corps du duc de Bourgoingne qu'y y feirent merveille de vaillance, l’ung nommé Hoste le Sur,
(4) Choc.
l’'aultre le Martire ; des deulx aultres je ne scais leur nom. Après ce faict, le comteetses gens se retirèrent par le susdict pont en sa garnison.
