LIVRE QUATRIÈME

quelle artillerie et munitions il y avoit dans la ville, et luy en faire le rapport. Pont-de- Sture, au retour de ce voyage, vint trouver le mareschal , auquel il rapporta qu'il avoit et veu et touché, dans les cloistres de l'eglise catedrale Sainct-Eusebe , huict pieces d'artillerie avec leurs equippages. Sur ceste croyance le mareschal print resolution d'executer l'entrepinse; et renvoya Pont-de-Sture vers Salveson, luy commandant de faire choix d'une douzaine des meilleurs soldats de sa troupe, pour faire entrer peu à peu dans Verceil avec Pont-de-Sture ; ce qu'il fit depuis , les uns habillés en prestres , et les autres en paysans, chargés de paille et de charbon.

Pour donner commencement à l'execution, le mareschal ordonna à Ludovic de Birague d'envoyer Carle, son frere, avec trois cens bons hommes, toute la nuict par eau à Verrue, pourse joindreau sieur de Salveson etaux autres trouppes que il y trouveroit, et là faire ce qui lui seroit ordonné. Le mareschal de son costé partit de Carmagnolles, menant avec luy douze cens soldats choisiset commandés par les barons de Chepy et des Adrets, trois cens Allemans , avec autant de Suisses du regiment de Fiolic, commandés par son neveu le capitaine Guillaume. Sera noté en passant que les bagaiges du mareschal s'estans avancés pour tirer de Carmagnolles à Quiers , ils furent rencontrés par les ennemis, au nombre de quatre-vingts chevaux, à mil pas de la trouppe.

Biron, qui menoit les coureurs, en eut l'alarme le premier, laquelle il apporta au mareschal. Il fit soudain alte, et luy commanda de prendre, avec ce qu'il avoit des-jà, cent chevaux de sa compagnie, et qu'il donnast par le costé de Ville Stelon , et que M. de Chavignv, avec cinquante antres, donneroït par celuy de Santena , et qu'ils attraperoient les ennemis , qui furent courus de si près que tout fut recouvert, avec la prinse d'une vingtaine de cellades qui portaient les marques de Ia colere des Gascons. Cela faict, toute la trouppe se remit au chemin de Quiers, où estans arrivés , il leur commanda de repaistre et se reposer deux heures pour partir tout soudain ; ce qu'avans faict il commanda auxdicts de Chepy et des Adrets de marcher le plus diligemment que ils pourroient avec ces

trouppes, pour se rendre sur la minuit à Verrue , et là faire avec les autres diligence pour se rendre à poinct nommé au pied de la muraille de Verceil.

Dieu , qui dispose de nos resolutions et de nos desseins , non selon nos volontés, ains se- Jon ce qui luy plaist, envoya, soudain que ces troupes furent parties, une petite pluie qui destrempa si fort les terres du Montferrat, que les soldats avoient tant à faire à marcher et à se soutenir, que plusieurs d’entr'eux y perdirent les souliers et les mesmes armes, la nuict ne permettant qu'ils se peussent entresecourir comme ils eussent faict de jour. Et neantmoins, la vertu et le courage surmontant toutes difficultés , ils arriverent tous débiflés, non à minuict, comme ils devoient, mais sur les deux heures après, où arrivans, au lieu de reposer, il faloit entrer en barque et marcher. Ils s'allerent tous desembarquer à trois mils de Verceil, parmy des chemins et des terres que ceste pluye avoit destrempés , autant ou plus fascheuses que celles du Montferrat, de maniere qu'ils ne pouvoient advancer le pas. Les capitaines toutesfois, tant par prieres et remonstrances que par menaces, les faisoient advancer au mieux qu'ils pouvoient. Mais, quelque effort que chacun fist de son costé, les chefs mesmes ne sceurent arriver au pied de la muraille plustost que sur le commencement de l'aube du jour, au lieu d'arriver sur les deux heures après minuict, etaccompagnés seulement d'environ trois cens soldats, avec deux cschelles et un pied de chevre, le reste des troupes marchans comme elles pouvoient; et toutesfois elles arrivoient peu à peu.

Or, parce que l'heure convenue avec le Merle estoit passée, il fut question de diligemment deliberer ce qui estoit de faire, sans s'attendre à luy ; en peu de paroles il fut dict que de se sauver on ne pouvoit, de se laisser prendre en brebis il ne le falloit pas faire, mais resolument donner dedans avec les deux eschelles, pendant que les autres entendroient à rompre la porte, et qu'en hasardant le paquet, ou Dieu, comme ils esperoiïent, leur donneroit victoire , ou au moinsils mourroient gloricusement les armes au poing ; et toutesfois qu'il falloit esperer que, sur l'alarme que

MÉMOIRES DE BOYVIN DU VILLARS

nous donnerions , le Merle et sescompagnons, qui s’estoient retirés, viendroient soudain au secours. Ainsi resolu , aussi tost executé. Le baron des Adrets, Chepy et Charry, lieutenant de Salveson , donnerent l'escallade près d'une sentinelle qu'ils forcerent ; Salveson et Birague ouvrirent de force le portail avec le pied de chevre. L'alarme est soudain grande par la ville , à laquelle accourut le Merle etses douze compagnons ; mais le malheur voulut que , pensant venir embrasser Pont-de-Sture, son cousin, cestuy-mesme le tua, ne le recognoissant pas parmy la fureur des armes , qui esblouit souvent le jugement, et mesmes ha nuict. Les autres, recognoissans Salveson,

donnerent dans la ville avec environ quatre cens des nostres seulement, arrivés peu à peu, le reste encore derriere et qui marchait tousjours. Ils defirent quelques quatre vingts soldats qui se presenterent au combat.

Le sieur.de Chatelard , qui ‘estoit logé en la maison où le feu duc Charles souloit loger, avec le comte de Chalant, sortit au combat, où il fut tué et cinq ou six autres avec luy, demeurant ledict comte de Chalant prisonnier du mareschal. Tout le reste et le maistre de camp Sainct Michel , sans bien recognoistre ce qu'il devoit faire, se retira dans la citadelle avec sa trouppe. Les nostres, s'estans saisis de la ville , firent un gros dans la place , et départirent le reste par les murailles. La mort du Merle et le retardement des trouppes porta cest inconvenient qu'on ne peust tout soudain envoyer , comme on avoit arresté qu'il faloit faire, deux cents soldats pour se couler le long du corridor de la muraille qui va à la citadelle , afin d'empescher que personne ne s'y retirast et personne n'en sorüst aussi. Or le mareschal tout aussi-tost qu'il eut acheminé les trouppes qui partoient de Quiers par la voye de Chivas, se mit en chemin avec deux cens bons chevaux, chacun d'eux portant un boulet à l'arçon de la selle, craignant n'en trouver dans la ville, comme il advint aussi, et print le chemin de Verceil, comme il avoit esté resolu, menant avec luy Ludovic et le president Birague. *

Or, faict à noter que le mareschal, qui ne se promettoit jamais victoire sinon autant qu'il plaisoit à Dieu lui en conceder, ordonna,

premier que partir ; à Bonnivet de commander aux garnisons de Villeneufve d’Ast , de Quiers, de Thurin, de Chivas et de Verrue, que là où il adviendroit que l’ennemi, qui fortifioit Valfenieres , comme vous avez veu, ayant nouvelles de la prinse de Verceil, voulust venir à la traverse, il luy envoyast douze ou quinze cens chevaux sur les bras, avec chacun un arquebusier en crouppe, et que lors chacune desdictes garnisons tirast en batterie toute l'artillerie de leur ville àfin que ce luy fust un signal asseuré pour sçavoir ce partement, et là dessus prendre party convenable ; luy commanda aussi de tenir cinq cens chevaux prests et quatre mille hommes de pied , et s’aller rendre à Chivas, se tenant là tousjours en armes, soit pour les venir secourir si mal bastoit pour nous, ou pour luy aider à advancer la fortune plus avant, si la ville nous demeuroit. Les choses ainsi disposées, nous marchons vers Verceil assez heureusement. Arrivans à vingt pas de la ville, uous trouvasmes ledict Carle de Birague, Salveson et autres seigneurs qui nous attendoient. Le mareschal entra sans bruict dans la ville, et trouva le long des rues la pluspart des soldats couchés ou endormis , fatigués et las du travail, et sans aucun secours de vivres; se tournant lors vers moy me dict : « Prenez, je vous prie , une douzaine d'arquebusiers de ma garde, et allez par les maisons, et enlevez gracieusement tout le pain que vous trouverez, et le faictes porter par tous les corps de garde pour raffraischir les soldats, et leur dictes ma venue. » Je le feis ainsi, et secourus de pain et de vin aussi tost ces pauvres soldats, qui n'avoient mangé il y avoit près de vingt quatre heures, estant eslangouris de misere : par ce moyen chacun reprint et cœur et force.

l' La premiere chose que le mareschal demanda, ce fut s'ils avoient dressé l'artillerie pour battre la citadelle; luy ayant esté respondu qu'à la verité ils en avoient trouvé quelques dix pieces , mais desmontées et sans aucun moyen de ce faire, n'y ayant que deux affusts et deux rouages non ferrés, deslors il conjectura que les affaires ne prendroient pas l'heureuse issue qu'il avoit esperée. De là il fut recoguoistre la citadelle et le chastcau,