LIVRE QUATRIÈME

qu'il trouva en tel estat , que de les avoir sans artillerie il estoit impossible , comme à luy de faire conduire de si loing, l'ennemi estant le plus fort à la campagne; et neantmoins , faisant de necessité vertu, à fit monter un canon et une coulevrine sur les deux affusts non ferrés et mener devant la citadelle, contre laquelle ayant tiré la premiere vollée tout alla en pieces ; il les voulut faire soustenir le nez contremont avec des chevalets, mais à la premiere vollée tout se rompit encores. Quoy voyant , et ne pouvant avoir autant de loisir qu'il en faloit pour les ferrer, il appela au conseil tous les seigneurs pour deliberer de ce qui estoit à faire : les uns estoient d'advis qu'il fist venir toutes les forces du Piedmont avec une douzaine de pieces pour forcer ceste citadelle, et que dans la mesme ville ils combattroient l'ennemi avec advantage s'il venoit au secours ; les autres, qu’il faloit faire tout soudain une douzaine de mantelets pour aller sapper Ja courtine et le bastion de la citadelle, qui n'estoient gucres terre-planés ; les autres estoient d’advis qu'il donnast à la citadelle un assaut avec eschelles dès que la nuict seroit venue, et que peut estre l'emporteroient ils par ce moyen, et, ne le pouvant faire , qu'on se retireroit.

Ayant le mareschal patiemment escouté les opinions des uns et des autres, il respondit à la premiere qu'il ne la trouvoit aucunement faisable, ny raisonnable, l'ennemi estant le plus fort à la campagne , d'appeler les forces du Piedmont, en tant que ce seroit tout en un coup courir deux hasards ; l'un d'abandonner tout ce qui estoit certain et asseuré à la discrétuion de l'ennemi, et l’autre sur une fort legere esperance hasarder eux, luy et ce peu de forces qu'ils avoient; quant à la proposition des mantelets, que ce n’estoit pas un jeu qui fust tost preparé ny demeslé, ne qui donnast aussi la moindre esperance du monde de favorable fortune sur un si court temps qu'estoit celuy qui les pressoit; à celle de donner un assaut nocturne, trop de choses défendoient de l’entreprendre.

La premiere, que les vaillans y courroient hasardeusement , et les poltrons au pas de la tortue; qu'il n°y avoit pas apparence que cinq cens hommes qu'il y avoit dans la citadelle se

81 MÉMOIRES DE BOYVIN DU VILLARS. 1553

laissassent forcer par un assaut si bijare et si incertain que seroit cestuy là ; et que, là où ils seroient repoussés, comme il y avoit apparence qu'ils scroient, que tousjours se faudroit il retirer en crainte et en confusion, ayant perdu, comme sans doute on feroit, trois ou quatre cens des meilleurs hommes, qui rendroient la retraicte moins forte et moins courageuse, mesme ayans à passer une riyicre impetueuse à gué, et l'ennemi sur les bras; qu'à son advis il falloit, en un affaire si douteux et de telle importance que cestuylà, autant mesurer les choses presentes que la consequence des futures, et avoir tousjours ce but devant les yeux que l'ennemi estoit le plus fort, non pour le craindre toutesfois, mais pour ne rien hasarder mal à propos en une vacillante balance ; que tous les environs du pays luy estoient favorables, et contraires

à nous ; etqu'à ceste semonce tout ce qui estoit en Lombardie tomberoit sur nos bras, soit pour regaigner la ville ou nous attrapper sur ceste desadvantageuse retraicte ; qu'il les prioit d'aller tous donner encore un tour aux environs de ceste citadelle, et que luy iroit au chasteau , et que sur le soir ils se rassembleroicnt pour encores plus meurement deliberer sur les necessités presentes.

La compagnie s'estant despartie, le capitaine du chasteau , de la maison de Valpergue, fut tellement persuadé et intimidé par aucuns de ses parens qui estoient parmy nos trouppes, qu'il le rendit au mareschal, lequel commanda à Montferrand, muistre des requestes, et à moy, d'aller faire ouverture des coffres de M. de Savoye, et de faire emporter les plus precieux meubles qui y seroient, et laisser le reste aux sieurs de Birague et de Salveson. Les clefs que j'y portay furent les cognées, par la faveur desquelles nous tirasmes environ la valeur de soixante à quatre vingts mil escus en pierreries et autres bagues, sans en ce comprendre Ja licorne, que j'emportay sur mon dos, ayant huict pieds et demy et un poulce de haut. Ayant porté le tout en la chambre du mareschal, il me promit quatre mil escus, que je n'eus toutesfois jamais, ores que j'eusse esté si consciencieux, que dans ce grand butin je ne voulus faire aucun butin. En ces entrefaictes , le mareschal fut persuadé

d'emporter le Sainct Suaire de Nostre Seigneur qui estoit dans l'eglise catedralle de Verceil , disans que les Savoisiens luy en donneroient quatre mil escus.

Sa responce fut que, depuis quarante ans qu'il avoit commencé à porter les armes, luy n'avoit, ny aussi permis à d'autres de toucher aux choses sacrées ; qu'il ne vouloit pas en sa vieillesse donner ce mauvais exemple à l'armée , croyant que Dieu, en ce sien retour, en expieroit le sacrilege et sur elle et surluy aussi, et qu'il avoit tousjours detesté le sacrr lege commis par le prince d'Orange et marquis du Gast, de la chasse d'argent que le roy Louis X avoit desdiée à l’Aquila, ville de NX: ples, qu'ils desroberent sur le soir. Ainsi que ces seigneurs se rassembloient chez le mares chal pour adviser sur ce qui estoit à faire, nous ouismes au mesme instant le tintamarre de toutes nos places qui tiroient en batterie, et sur tout Verrue, qui est sur le haut, pour nous donner l'advis du partement de l'ennemi pour tomber sur nos bras embarrassés dans la ville. En fin, tout bien debattu , et le calcul faict du temps auquel l'ennemi pourroit arriver, On trouva que sur les dix heures du matin il pourroit tomber sur nos bras. Là dessus il fut resolu qu'à minuict tous les seigneurs, capitaines et soldats, se trouveroient en la place de la ville, equippés, pour en desloger en bonne ordonnance et combattre s'il estoit besoing. L'heure approchant de ce rendezvous , et me trouvant sur la place avec le cheval sur lequel mon frere souloit monter, et sur lequel j'avois chargé six pieces de tpisserie d’or et de soie, vallans plus de quatre mil escus, l'amour fraternel toutesfois me poussa à recognoistre que j'hasarderois un frere plein de vie pour une chose morte et insensible, et que peut estre encor pourroisje perdre avec la vie en la retraicte ; je fis lors couper les cordes qui teneient le butin paroté , et le fis jecter au milieu de la place pour faire remonter mon frere sur le cheval.

Le mareschal, se trouvant en ces entrefaictes sur la place , demanda si le president Birague estoit à; nul n’en sceut donner des nouvelles ; là dessus il me fit appeler et me commanda de prendre ses gardes et de l'aller querir et desengager, comme je fis avec

beaucoup d'hasard, l'ennemi cstant sorti et tirant de tous costés fort furieusement. Je trouvay ce seigneur si profondement endormi et tous les siens aussi, que je fus contrainct faire enfoncer la porte pour l'esveiller, comme nous fismes. Plein d'estonnement, de honte et de regret de s’estre ainsi oublié, il luy en print comme à Alexandre, qui s'endormit lors qu'il falloit donner la derniere bataille qui decida de tout l'empire de Perse : s'il eust esté prins, c'estoit fait de sa vie. Soudain qu'il fut arrivé sur la place, les troupes qui menoient le comte de Chalant prisonnier et le butia, firent largue à la premiere trouppe que conduisoient les sieurs Ieronime et Carle de Birague , et à celle de quatre cens hommes du baron de Chepy. S'estans ainsi advancés, la trouppe des prisonniers s'advança avec vingt cinq chevaux et cinquante arquebusiers commandés par ledict sieur president de Birague ; après Suivoient le mareschal, les sieurs Ludovic de Birague, de Biron, lieutenant des gens d'armes du mareschal, et le reste de la cavalerie avec six cens François et deux cens Suisses, et sur la queuc le baron des Adrets avec trois cens piquiers et arquebusiers, trente chevaux legers et dix gentils-hommes de ceux du mareschal, pour soustenir les sorties que ceux de dedans pourroient faire sur nous, comme ils firent ainsi que nous approchions de la porte ; mais nous n'y perdismes un seul homme, eux tirans de loing et en crainte du retour.

Estans sortis hors de la ville, on marcha en bataille fort serrés avec quelques arquebusiers le long des hayes et la cavalerie sur les aisles, chacun la pique à demi traisnante. En ceste ordonnance divisée en trois petites trouppes, on marcha jusques à la campagne de Livorne, toute raze et descouverte, detrois lieues d’estendue , sur laquelle on commenca à voir de loing quelques trouppes de cavalerie.

Le mareschal, qui sçavoit que Trin, Casal, Crescentin', Masin et Yvrée, peu esloignés de ceste campagne, avoient de la cavalerie, es- ‘ tima qu'ils ne feroient que nous agacer tout le lons de ceste campagne, pour nous arrester et amuser pendant qu'ils estimoient que leurs trouppes fussent à nostre queue, comme à la verité clles eussent esté si elles ne se fus-