LIVRE SEPTIÈME
mesme argument , foible toutesfois en ce qui regardoit sa personne, que par plus forte raison 1} en devoit resuller que ceste casserie, au fort des affaires, feroit Lien encor pis, mesmes à l'endroict de gens si craintifs et si soupçonneux que sont les gens d'eglise : pour remedier donc à toutes choses selon le vouloir de Sa Majesté et le desir du pape , il jugeoit raisonnable que tout aussi-tost que l'avictuaillement de Mariembourg seroit achevé, qu'il pleust à Sa Majesté luy envoyer en Piedmont autant d'autres enseignes de delà, au lieu de celles qu’elle vouloit qu'on cassast de deçà. Quant à ce que Sa Majesté trouvoit raisonnable le congé qu'il avoit demandé, il manda qu'il n'avoit jamais eu telle intention , veu mesmes ce qu'elles'estoitcy devant daigné luy escrire de sa main sur la necessité de sa presence ; ores que ce fust , à la verité , l'un des plus grands biens et des plus grands contentemens qu'il sçauroit recevoir en ce monde, que de faire la reverence à son prince, qui J'avoit tant et tant honnoré, bien avoit-il seulement desiré de changer d'air pour une quinzaine de jours pour aider sa convalescence , laquelle, graces à Dieu, se faisoit meilleure de jour à autre , tousjours avec intention toutesfois de ne quitter la disposition ny la conduicte des affaires ; qui luy devoient estre plus chers que sa propre vie.
Le roy , en fin recognoissant le veritable fondement des plaintes et des remonstrances du mareschal , redepescha vers éuy Derdoy, secretaire de M. le eonnestable, pour laver et effacer toute l'opinion qu'il avoit conceue que Sa Majesté fust mal contente de luy, et luy faire recognoistre que tant s’en faloit que cela fust, qu'au contraire elle l’aimoit et estimoit infiniement pour laut et tant de services qu’il hry avoit rendus parmy les mesmes necessités et foiblesse ; et qu'elle desiroit les dignement recognoiïstre soudain qu'il seroit arrivé vers elle, et dont elle luy donneroit congé , louant et approuvant , à ces fins , que M. de Termes, gentil-bomme de fort grande experience et fort sage , commandast en son absence , et auquel elle envoyeroit les pouvoirs à ce necessaires. Mais pour autant que le sieur de La Trinité, qui commandoit pour l'empcreur à Cairas, Fossan ct Conÿ, avoit
764 MÉMOIRES DE BOYYIN DU VILLARS
precedemment faict porter parole au mareschal de vouloir prendre le party du roy, et luy remettre ces trois importantes places entre ses mains , sous certaines conditions qu'il declareroit selon la responce qui luy seroit faicte , le mareschal, recosnoissant la trèsgrande importance de ceste ouverture, print resolution de renvoyer diligemment vers le roy ledict secretaire Derdoy pour luy donner communication de cest affaire , et faire aussi recognoistre à Sa Majesté que ceste consideration estoit l’une de celles qui l'avoient fait obstiner à ne faire toutes les casseries , afin que , l'affaire succedant bien, il eust en main les instrumens propres pour l'entreprendre , et de pousser plus avant la fortune ; suppliant Sa Majesté et M. le connestable qu'ayans bien balancé la consequence de la chose , ils luy renvoyassent diligemment ledict Derdoy , avec pouvoir pour traicter avec ledict sieur de La Trinité , l’un des plus rusés serviteurs de l'empereur.
Le roy , qui avoit precedemment esté adverty de ceste ouverture , loua plus que jamais le jugement et la dexterité du mareschal, luy commandant de poursuivre vivement l’affaire , tenant tousjours neantmoins bride en main. Et à la verité , si la chose fust succedée, toutes les guerres de Picardie, de Champagne, de Sienne et de Corsegue , se transportoient en Italie à la descharge de l'estat de France. Cependant le mareschal fit faire l'avictuaillement de Montcalvé , et puis soudain, pour satisfaire à la volonté, et non au service du roy , Cassa le regiment des quatre mil Suisses du capitaine Fiolic.
Peu de jours après l’avictuaillement de Montcalvé , M. d'Aumale print resolution de s'en retourner en France, n'esperant pas, veu ces casseries forcées , qu'on peust rien executer de beau dansle Piedmont. Au mesme temps aussi M. d'Ampville s'enretourna trouver le roy, duquel il fut fort amiablement recueilly , tant à la faveur du pere que des exploicts courageux qu'il avoit demeslés en ceste guerre.
Cela faict, le mareschal se voulant acheminer en France, il remit tous les affaires entre les mains du sieur de Termes. Mais au mesme instant qu'il passoit le Monmtcenis, il
fut rencontré du secretaire Derdoy, depesché vers luy de la part de Sa Majesté pour le prier de s’en retourner en Piedmont , ayant aprins diverses nouvelles du costé de l'Italie qui requeroient sa presence , et sans laquelle il adviendroit quelque dangereux desordre en ses affaires; le priant, à ces fins, remettre la partie à une autre fois. Ce seigneur , qui ne desiroit rien plus que de se rendre agreable à son prince par quelque bon et memorable service , manda à Sa Majesté , par le mesme secretaire Derdoy qu'il luy renvoyoit, que l'intention sur laquelle il avoit demandé congé pour aller baiser les mains à Sa Majesté n'avoit eu autre fondement que le propre zelle de son service , qui requeroit ce voyage pour diverses considerations ; toutesfois, puis qu'elle vouloit qu'il retournast en Piedmont, que tout de ce pas il en reprent le chemin ; mais bien la vouloit il suplier de croire que son retour seroit inutile, puis qu'il n’estoit accompagné des moyens qu'il faloit pour bien etutilement servir , et le deffaut desquels avoit esté en partie cause du congé qu'il avoit demandé.
Si tost qu'il fut arrivé à Thurin , il eut nou. velles que le marquis de Pescaire avoit jecté douze enseignes napolitaines , desquelles il estoit le chef , et qu’on appelloit les Braves ; dans Vigaal où ils se fortifioient en toute diligence , pour tenir Casal , Verrue et Montcalvé bouclés. Soudain il fit commandement que l’armée s’assemblast jusques au nombre de huict mil , que François, que Suisses et Italiens , et mil chevaux , et qu'ils se rendissent tous à Butigliere , où il feroit marcher dix canons pour aller la part qu’il ordonneroit. Tout aussi tost mandé , aussi tost exe— cuté, ce seigneur ayant l’action aussi prompte que le commandement. Estant arrivé sur le lieu , il manda à ceux de Casal de se tenir prests pour le venir trouver à Vignal au mesme instant qu'il y arriveroit, et dont il leur donneroit advis.
Vignal est une bourgade sur une haute colline du Montferrat, d'accès assez difficile, mesmes pour l'artillerie : toutes-fois la force des bras des gens de guerre surmonta les difficultés. Ceux de dedans estans fort bravement venus à l'escumouche , elle fust souste-
nue et rembarrée de mesmes. La place recogneue par le mareschal , elle fut trouvée plus forte qu'on n'avoit precedemment estimé, et selon cela les aproches se firent par grandes tranchées. L’artillerie plantée au nombre de douze pieces , elle commença dès le matin à tirer dans ceste terre nouvellement remuée, où elle ne faisoit pas grand progrès ; mais sur le midy, on commença à voir au travers des courtines, où l'ennemy travailloit sans faire contenance autre que de braves et resolus. Pendant cela, le mareschal ordonna six cens François , cinq cens Suisses et huict cens Italiens, pour aller à l'assaut, faisant tenir autres trouppes prestes pour le rafraischir et renforcer selon ce qui seroit de besoing. Mais par ce que le mareschal se doutoit que le marquis de Pescaire feroit tous ses efforts pour venir secourir la place, ou au moins empescher l'assaut , il fit mettre en bataille , sur les advenues de l'ennemi , tout le reste de l’armée et la cavalerie , et traverser le bas de la colline de force barricades. Cela ainsi ordonné , il commanda qu'au premier coup de la trompette on marchast à l'assaut.
Tandis qu'il difleroit le signal, un bastard de la maison de Boissy, qui estoit dans les bandes françoises, partit de la premiere trouppe , et , l'arquebuse au poing, marcha d'une contenance fort asseurée droict à la bresche, où arnvant il tira son coup, et mettant puis l’espée au poing, combattit sur la bresche , si bien armé de la garde de Dieu qu'il ne fust point blessé. Ses compagnons, voyans le jeu, partent tous de furie droict à la bresche, sans attendre Île signal. Quoy voyant, le mareschal , criant et tempestant, il fit donner le signal, afin que tout à coup l'assaut se donnast, comme il fit, par deux endroicts par les autres. S'il fut bien soustenu par ceux de dedans l'espace d'une bonne heure, les nostres n’assaillirent pas de moindre courage; de maniere que , voyans approcher leurs compagnons qui venoient à leur aide, ils firent tout à coup une grande huée, et donnerent si furieusement dedans comme à corps perdu, qu'ils forcerent la bresche par une rage , tuans out ce qui s'y trouva, jusques au nombre de douze cens hommes, sans en prendre un seul à mercy, non pas les garces
