LIVRE SEPTIÈME

ni les mesmes goujats, la pluspart desquels avoient les armes dorées et les habillemens fort braves. Leur gouverneur, pensant fuir la mort, se jecta , blessé de vingt quatre ou vingt cinq coups , dans un puits, tous lesquels , en ce païs montueux, ont de vingt à trente toises de corde. Le marquis de Pescaire , durant que la batterie se faisoit, comparut avec douze cens chevaux et environ trois mil arquebusiers; mais il n'osa jamais entreprendre de donner dans la barricade, voyant à vingt pas de là toute l'armée en baaille serrée, et les enfans perdus mis à la barricade , qui le saluoient de force arquebusades.

De façon que le bruict et l'assaut estant passé , il se retira en Alexandrie , dont il estoit party. Ainsi que le combat de Vignal fut achevé, le mareschal entra dedans, et, passant au long du puits où le capitaine Gaspard Pagan , chef du lieu, s'estoit jecté, il ouyt la voix et le bruict de ce pauvre seigneur , et demandant que c'estoit on luy dict son infortune. Il s'arresta tout court, et commanda lors qu'on luy devalast des cordes pour le tirer .et sauver; mais, comme le malheur ne nous poursuit jamais pour une seule fois, il advint que ce pauvre seigneur estant desjà retiré à quatre pieds près le bord du puits, que la corde se rompist, et retomba à bas plein de vie. Et toutesfois le mareschal repassa encor par là pour le voir ‘et consoler : on luy dict l’infortune, et lors, ayant plus que jamais commiseration de ce desastre, il fit apporter des cordes du canon avec un grand panier au bout, qu'il fit devaler à ce pauvre seigneur, qui à ce coup fut tiré hors si deffaict , qu'il n'avoit presque plus de sentiment. Le mareschal en eut tant de pitié, qu'il le fit porter en son logis, panser, medeciner et traicter comme s'il eust esté son parent : delà à huict jours ayant un peu reprins ses esprits , il le renvoya sur une lictiere à bras audict marquis, lequel en rendit graces infinies au mareschal, louant la debonnaireté françoise. La place fut rasée de fond en comble, pour evitcr la recheute que l'assiette de la place presentoit. |

Tout achevé, le mareschal fit assembler l'armée en pleine campagne, à laquelle il fit

ceste courte reprehension : « Mes compagnons et mes amis, j'estime ceste journée malheureuse, en laquelle je vous ay vu violer les commandemens de vostre chef, et la mesme discipline militaire que vous aviez jusqu'à ce jourd'huy religieusement observée; le combat que vous avez rendu à la prinse de ceste place , ores que brave et genereux , ne vous sçauroit excuser ni exempter de la peine capitalle que vous avez encourue, et de laquelle je vous ferois sentir la peine, sans la priere que tous ces princes et seigneurs m'en ont faict , m'asseurant que vous laverez cy-après ceste si orde tache par quelque genereuse action à la gloire du roy et à l'expiation de vostre desobéissance , que j'en demeureray content. » Et là dessus, faisant semblant d'admirer la valeur de celuy qui estoit allé à la bresche sans commandement, promit de luy faire du bien s'il le recognoissoit.

Ceste amorce print si bien feu, que le pauvre Boissy se vint presenter par la main de son capitaine. Soudain le mareschal , au lieu de le recompenser, le fit mettre ès-mains du prevost , luy en recommandant la garde au prix de sa vie, et de le mener tousjours à la suitte de l'armée si bien garrotté, qu'il n’eschappast. Cela faict, il fit prendre par roolle le nom de tous ceux qui avoient conquis les treize drappeaux de ces pauvres Napolitains, à tous lesquels , estant arrivé à Thurin, il donna une chaisne d'or de cent escus, ayant un escusson en ovale au bout, avec ceste inscription : Donum Caroli Cossei, ob signum militare incruenta Vignalis expugnatione captum; par ceste liberalité et faveur invitant un chacun à courageusement entreprendre toutes les plus hasardeuses entreprinses , telles qu'avoit esté ceste-cy, à laquelle nous ne perdismes que soixante hommes et trois canonniers.

Quinze jours après son retour à Thurin, plusieurs seigneurs le presserent de delivrer Boissy ; mais, au lieu de ce faire, il fit appeler au conseil tous les seigneurs de l'armée, auxquels il proposa le commandement qu'il avoit faict de n’aller à l'assaut auparavant le coup de trompette, l'audace et la temerité de Boissy à violer les lois militaires en un

MÉMOIRES DE BOYVIN DU VILLARS

affaire si dangereux qu'estoit l'ordonnance d'un assaut ; que ceste faute estoit si grande, qu'elle ne pouvoit estre expiée que par la mort de celuy qui l'avoit commise, par laquelle chacun apprendroit à se rendre obser-vateur de ses commandemens : toutesfois, que cestuy-Cy estant sorty, ores que de travers, de la maison de feu madame sa mere, il leur en remettoit le jugement, auquel à les prioit tous de proceder hors toute pession. Les choses debattues par commsae voix, il fut jugé coulpable de mort. Lors le mareschal, lequel peu auparavant m'avot baillé une chaisne de deux cens escus en garde, me commanda de faire appeller le prevost et Boissy ensemble.

Estans tous deux entrés en la chambre où le conseil se tenoit, il luy ünt ce propos :

« Boissy, ta vertu et ton courage , temerairement monstrés à l'assaut de Vignal, sont susceptibles de quelque faveur et recommandation; mais la luy militaire, qui doit servir de guide à toy et à moy, et que tu as si inconsiderement violée, a faict que par les voix de tous ces seigneurs tu as esté jugé digne du dernier supplice ; mais moy, prenant et mesnageant l'entre-deux de la faute ou de la grace, je t'ay faict porter la dureté d'une ignominieuse prison pour expier ton peché et ta faute; et d'autre costé embrassant la misericorde, et vonsiderant que la valeur , plustost que la malice, t'avoit faict tomber en ceste desobéissance, je te la veux aujourd'huy pardonner, à la persuasion et priere de ces seigneurs , et recognoistre aussi tout d’un train cest intrepide courage que tu as monstré , te jectant à corps perde dans la bresche , dont Dieu t'a mraculeusement sauvé pour tirer de toy quelque autre signalé scr— vice à la gloire de sa divine majesté , et, de main en main, de celle du roy nostre maistre ; voilà pourquoy je te donne ceste chaisne d'or (que je luy mis moy-mesme au col).

Vas à mon escuvyer , auquel j'ay commandé de te donner un cheval d’Espagne , un courtaut et des armes, pour doresnavant te tenir auprès de moy et servir en ce que je te commanderay.» Tous ces seigneurs trouverent l'acte de la correction et celuy de la rescompense si admirables, qu'il n'y eust celuy d'eux

14556] ni de toute l'armée qui n’en louast infiniement le mareschal, et auquel cela ne servist d'esperon à tousjours mieux faire et mieux obéir.

L'ennemi envoya loger vingt-cinq compagnies italiennes au Canavois , proches de Chivas et Caselles ; dont estant le mareschal adverti , il print resolution de partir de Carmagnoles , où il estoit, pour les aller desloger sans fourrier ; mais ayant au mesme instant nouvelles que vingt-cinq enseignes de lansquenets et six d'Espagnols marchoient vers Foussan, il tint bride en main , ayant opinion que c'estoit une amorce dressée par l'ennemi pour aller surprendre Carmagnoles pendant qu'il prendroit la route du Canavois.

En ce mesme temps, l'un de nos capitaines italiens, nommé Michel, de Savonne, surprint dans les Langues une bourgade assez forte, située à deux lieues de la mer, à deux d'Albengne et autant de Savonne ; mais pour autant que le mareschal ne luy peust cnvoyer secours, l'ennemi tenant la campagne, elle fut reprinse un mois après.

Vous avez cy devant veu qüe , environ le vingt-cinquiesme janvier, le secretaire Derdoy estoit revenu en Piedmont pour l'advancement de la practique dudict sieur de La Trinité, qui monstroit beaucoup de disposition à la parfaire; mais au mesme instant qu'il avoit prins jour de traicter avec le vicomte de Gourdon, qui en estoit l’entremeteur , il advint que domp Jouan de Guevare et le grand tresorier de l'armée espagnole, vindrent à Cairas, Fossan et Cony, porter deux payes aux garnisons, et que pour ce faire il faloit que le sieur de La Trinité les accompagnast tant au venir qu’au retour ; de maniere qu'il ne peust conferer avec ledict vicomte de Gourdon comme ils avoient resolu. Le dixiesme jour d’après il retourna, et Juy manda qu'il ne faloit plus differer l'affaire, et qu'il se trouveroit avec luy la nuict ensuivante. Or est à noter que ledict secretaire Derdoy avoit apporté un pouvoir particulier au mareschal pour luy promettre, au nom du roy, cinquante hommes d’armes, avec la mesme place et seigneurie de Fossan, demeurans au roy Cony et Cairas avec leurs mandemens , et encores quelques autres places que je n'ay mis icy pour n'estre de trop