LIVRE SEPTIÈME

grande importance. Il luy donnoïit encor cinquante mil escus, payables en deux termes, et quatre mil escus de pension ordinaire. Davantage , Sa Majesté mesme escrivit une lettre audict sieur de La Trinité, luy confirmant tout ce que le mareschal luy promettoit, contenant ce qui s'ensuit : « Monsieur de La Trinité, mon cousin le mareschal de Brissac m'a adverti de la bonne volonté que vous avez d'entrer en mon service , et de ce qu'en ce faisant vous promettez faire pour moy ; chose que j'ay grandement agréable , et dont je vous remercie bien fort, vous priant vouloir bien perseverer en ladicte affection, et mettre vostre promesse à execution, comme j espere que vous ferez; et je vous promets et asseure par la presente , signée de ma main, que je ne faudray de vous tenir et accomplir tout ce que mondict cousin vous a pour ce faire promis et accordé , et d'advantage de vous faire tout le meilleur et Le plus favorable traictement que je pourray ; de façon que vous n'auréz jamais regret de ce que vous aurez faict, mais plustost juste occasion de vous en louer et contenter, ainsi que les effects vous le feront cognoistre, comme mondict cousin le vous fera entendre de ma part, et dont je vous prie comme vous feriez à ma propre personne , et à Dieu, monsieur de La Trinité, qu'il vous aye en sa saincte garde. De Vernon, le 46 novembre 1556. »

Ceste lettre et la coppie dudict pouvoir furent envoyés audict vicomte de Gourdon, pour les monstrer audict sieur de La Trinité et le mieux disposer. Le mareschal, qui de longue main avoit mauvaise opinion de La Trinité, marchoit fort retenuement en cest affaire, craignant que ce ne fust, comme on vit depuis, une amorce pour nous enfoncer en quelque malheur ; et en ce doute il tenoit toutes les places sur leur garde, de peur de tomber en inconvenient, comme il advient souvent parmi tels traictés à ceux qui les embrassent trop inconsiderément ; qu'il a bien noté que le roy et le connestable luy escrivirent n’agueres de ne plus si souvent presser ny requerir Sa Majesté pour tant de personnes qui l'en pressoient à toutes heures; qu'il ne desiroit pas moins qu'eux de s’en

“abstenir, ores que la loy ne luy sembloit

que trop severe, mesme en telle saison que ceste cy; car qu'est ce qu'il ne doit pas faire en cest endroit quand il est question de quelque seigneur , de quelque capitaine, ou autre qui a bien et genereusement servi Sa Majesté? s’il les en refuse il les perdra, et Sa Majesté les grands services qu'il en pourroit tirer ; que la beneficence ct l'honneur estans les propres et uniques salaires dela vertu que les princes concedent à leurs bons serviteurs, que c'estoit le moins qu'il pouvoit faire, les moyens de la rccompense luy defaillans , que les recommander au prince, duquel les gens de bien la doivent attendre , et non du serviteur , tel qu'il est.

Le roy s'estoit tellement persuadé que le duc d’Alve s'en iroit à Naples avec tout le corps de l'armée , que par toutes ses depesches il ne chantoit autre lecon au mareschal que de casser et retrancher toutes les forces qui estoient en Piedmont; et toutesfois de tous les payemens qu'il estimoit estre arrivés pour ce faire dès le vingtiesme decembre 1555, il n'estoit encore comparu que vingt-cinq mil escus au lieu de deux cens mil; de manicre qu'il fut contrainct de mander au roy qu'il ne pouvoit obéyr à Sa Majesté si les moyens sur lesquels ceste obéissance devoit prendre pied n’arrivoient au temps convenable et promis ; qu'il venoit de recevoir lettres de Gennes d'un serviteur de Sa Majesté, qui luy mandoit qu'il estoit arrivé à Gennes un navire chargé d'Espagnols, et qui avoit laissé autres onze navires qui estoient au combat avec les galeres de Sa Majesté; qu'à ces nouvelles, quinze galeres des ennemis estoient parties de Gennes pour aller au secours des autres, en toutes lesquelles il y avoit six mil hommes qui devoicnt aller hiverner dans les Langues; et que ce renfort devoit faire croire à Sa Majesté qu'il estoit plustost convenable de s'armer que de se desarmer , comme elle vouloit toutesfois qu'on fist, ne remarquant pas qu'autant de temps que par ce moyen elle donnoit à son ennemi, autant en perdoit-elle pour elle-mesme, et que le traicté dudict sicur de La Trinité estoit matiere propre au remuement , nou de la paix, mais desarmes, et duquel traicté il ne se pouvoit promettre rien de bon, veu les dilayemens incertains

MÉMOIRES DE BOYVIN DU VILLARS

par où ledict de La Trinité conduisoit les affaires. En ce temps Grosset et Montallin cuiderent cstre perdus par la practique d'un medecin siennois , nommé André Barata, qui fut descouvert et pendu.

Le dernier janvicr , le mareschal eust nouvelles du vicomte de Gourdon que le sieur de La Trinité estoit si irresolu et inconstant en ses demandes, qu'il ne sçavoit qu'en juger. Cela est fort commun aux hommes sans foy ny repos, comme estoit cestuy-cy; là mesmes estant entré en cest humeur qu'il vouloit avoir la comté de Beines, qui appar tient à son frere , remettant neantmoins à s'en resoudre le lendemain , qu'il s’'aboucheroit avec le mareschal, lequel, au mesme instant qu'il se preparoit pour partir, receut un bulletin dudict vicomte de Gourdon , par lequel il luy mandoit que la partie estoit remise à huict jours de là. Toutes lesquelles choses ledict mareschal fit soudain sçavoir au roy, Suppliant Sa Majesté ne se promettre , comme elle faisoit , que la chose fust réussible; mesmes s'oubliant jusqu'à là que de demander que le roy despouillast son propre frere, qui a bien et fidellement servi Sa Majesté , pour s'en accommoder, luy qui a tousjours faict le contraire. Ceux qui jouent ces tours parmi chose si sacrée qu'est un propre frere, feroient bien pis à d'autres s'ils en trouvoient la commodité.

Après plusieurs assemblées et traictés faicts avec ledict sieur de La Trinité par le vicomte de Gourdon, il ne trouva bon de conferer avec le mareschal, pour le danger et les soupçons, disoit-il, qui en courroient de tous costés, pour secrettement que la chose se fist; mais hien le prioit- il de luy envoyer deux personnages fort confidens, avec lesquels il peust traicter ct finalement resoudre. Le mareschal deputa le colonnel Bonnivet ct le president Birague, tous deux fort advisés seigneurs. En traictant depuis avec ledict de La Trinité, etle sondant de fort près de tous costés, ils s'apperceurent qu'il n'y avoit en son faict que pipcrie et trahison, et que c'estoit une menée expressement et malicieusement dressée pour s'en advantager , comme il fit, envers l'Espagnol; de maniere que (out s'en alla en fumée comme le mareschal avoit

ge

tousjours preveu par l'experience qu'il avoit souvent faicte du cruel et cavilleux naturel dudict de La Trinité. La tromperie est laide , deshonneste et mal-seante à tout homme, mais principalement à celuy qui est constitué en dignité telle qu’estoit la sienne ; elle n'est pas si vituperable quand la violence , qui se faict par l’auctorité que la force donne aux uns sur les autres, l'accompagne, la tromperie procedant, comme elle faict, d'une vraye malice et meschanceté pourpensée.

Au partir de là les affaires ayant, dès le cinquiesme fevrier 4556, prins, non pas le pli de la paix , ains celuy d’une trefve sans trefve , ainsi que j'ay cy devant cotté, l'intention du pape et du roy estoit seulement d'une surseance d'armes pour quelques mois, pendant lesquels on prepareroit les moyens, les forces et les intelligences pour recommencer la guerre, dont il ne nous succeda que mal'heur. Et à la verité le roy, en faisant ceste trefve, avoit de toutes parts emporté l'advantage du jeu , et si grand, qu'en conservant ce qu’il avoit, illuy demeuroit de quoy gourmander les Païs Bas, l'Italie et l'Espagne , comme le mareschal luy fit souventesfois remonstrer ; mais,’ n'y profitant rien , il se resolut d’aller baiser les mains à Sa Majesté, conformement au congé qu'il en avoit obtenu, ayant toutesfois auparavant donné ordre aux retranchemens et aux payemens des garnisons et à la conservation des places, remettant le gouvernement de toutes choses à M. de Termes, qu'il avoit par plusieurs conferences instruit et informé de tout ce qui retardoit la seureté et l'avancement des affaires du roy, et d’aucunes practiques qu'il avoit en main, et pour laquelle intention il fut resolu, à mon grand regret, que je demeurerois près ledict sieur de Termes pour le maniement des affaires d'estat, comme je fis pendant l'absence du mareschal.

: De là à quelques jours , le mareschal , s’acheminant en France , suivy de plusieurs seigneurs, gentils-hommes et capitaines, fut receu et du roy, et de toute la cour, avec beaucoup de faveur et d'honneur, mais avec peu ou point de récompense : l'excuse de laquelle fut fondée sur l'extreme necessité où une guerre de cinq ans contnuels avoit re--