LIVRE HUITIÈME

quelles le mareschal demeure impuissant pour les unes et pour les autres, comme le connestable a predict , et le roy, neantmoins , chargé d'une excessive despence pour une armée foible aujourd’huy à l'augmentation de l'estat, mais assez forte pour la conservation d'iceluy. Car de vouloir, avec des forces qui ne peuvent suflire pour se defendre et conserver ce que l'on à, attaquer ceux qui sont double:

ment renforcés, tant pour la campagne que pour la conservation de leurs places, il n’y a personne qui ne jugeast cest acte indigne d'un homme qui a le faix et le gouvernement d'un grand royaume sur les espaules.

» Il faut amener en jeu la grandeur des forces que le duc d’Alve a assemblées , et celles qu'il peut encores assembler dans le royaume de Naples, toutes lesquelles sont desjà , et seront tousjours, quand il voudra, plus grandes que celles ni du pape ni de M. de Guise. Quoy estant , voulons nous croire qu'un si brave capitaine qu'est le duc d’Alve n'ait sceu, ni ne sache si bien pourvoir à ses affaires, que, de premiere abordée , ou il arrestera M. de Guise, ou luy jectera au devant quelque place si bien pourvue, qu'il y consommera inutilement le temps et les forces? et puis il se faudra retirer , et où? dans les terres de l'Église ? c'est traicter de l'impossible , elle ne le permettra jamais. D'esperer que les anciens partisans que les François avoient à Naples soyent pour s'esmouvoir en nostre faveur , ce sont abus; ils ont de longue-main apprins, au prix de leur sang , de leurs biens, quelle est nostre legereté : il faut demander combien vaut ceste marchandise aux princes de Salerne , de Melphe , duc de Somme et d'Atrie , et plusieurs autres seigneurs que nous avons veu mendier leur pain parmi nous pour avoir servi la France, tous lesquels serviront aujourd'huy d'exemple.

» Par toutes ces raisons , il semble que Sa Majesté ne sçauroit, pour le present , mieux faire , selon l'opinion du connestable et de luy, pour le soulagement du pape et pour l'honneur et advancement des affaires particulieres d'elle, que de commander à M. de Guise de s’arrester en Piedmont , à fin qu'avec communes forces et conseil, luy et le ma-

reschal puissent conquerir de proche en proche ce qui peut apporter la conqueste finale de la Lombardie, de Gennes, de Piedmont et Montferrat, sans aller au loing pour counr les mesmes fortunes et desastres que fit le roy Charles scptiesme , le roy Louis douziesme , et consequemment le roy François premier, pour avoir, par conseils inconsiderés, separé leurs forces, embrassans trop avidement avec l'esprit et le courage ce à quoy les bras ni la force mesnagée ne pouvoient atteindre. C'est une action de singuliere prudence de sçavoir faire son profit des fautes d'autruy, et une espece de manie de vouloir les imiter, comme nous voulons faire. Et combien qu'il n’y ait rien plus digne du premier fils de l'Église, tel qu'est le roy, que de secourir et soulager le chef d'icelle en ses aflictions, cela se doit toutesfvis tousjours entendre, servatis servandis, en lant que charité bien ordonnée doit tousjours commencer par nous-mesmes, el jamais ne quicter pour autruy latramontane de nostre honneur et de nostre asseurance aussi.

« Et pour autant que M. de Guise, tenant le rang qu’il tient, pourroit faire difficulté de s'arrester de deçà , Ie commandement souverain en appartenant au mareschal, par l'opinion qu'il auroit que tous les glorieux succès que les armes pourroient apporter scroient rapportés à Ja seule gloire du mareschal , et non de luy qui y auroit toutesfois travaillé , Sa Majesté notera, s'il luy plaist, que, combien que ledict sieur de Guise ait furt souvent esté à la guerre soubs le commandement du mareschal lors qu’il n’estoit que general de la cavalerie legere, et que ce commandement soit chose si precieuse et chatouilleuse , que le pere, où il se wraicte de l'estat, ne le quitte jamais à l'enfant, si est-ce qu'ayant en luy plus de puissance la prosperité des affaires du maistre que sa gloire ni son bonneur particulier, il proteste de ceder dèsmaintenant de fort bon cœur à M. de Guise toute la souveraineté du commandement, pour ne servir au demeslement de la guerre que de conseiller et de coadjuteur seulement ; et par amsi demeurans les plus forts par ceste conjonction, la cause du pape et celle du roy seront mieux plaidées et avec plus d'advantage

MÉMOIRES DE BOYVIN DU VILLARS

11557] et de seureté qu'il n’y aura à courir au Joing sans autre gage que l'esperance.

» Au contraire de ces remonstrances, M. de Guise ameine en jeu la ligue offensive jurée entre le pape et le roy, et de l'observation de laquelle il est aujourd'huy question ; que ceste liaison et le tiltre de roy très-chresuien obligent de toutes parts Sa Majesté à le secourir, non par les favorables exploicts qu'elle pourroit rendre ailleurs, mais par ceux mesmes qui luy sont propres, et qu'il desire, et qui le peuvent de tous poincts mettre à couvert de l'injure d'Espagne et des Colonnvis, qui sont appuyés d'elle; que l'inobservation des traictés promis et jurés n'est pas si aisée à supporter qu'en est le refus auparavant qu'y entrer ; que les choses sont desjà passées si avant, qu'elles ne peuvent plus estre reculécs ou differées qu'avec l'injure et l'offence du sainct siege; que la prudence et la valeur du mareschal sont de longue-main si cogneues, qu'il sçaura autant prosperer les affaires du roy avec ce peu de forces qu'il a aujourd'huy, qu'il a cy devant heureusement faict avec des moindres ; que la consequence du royaume de Naples vole si baut, ayant un pape pour confederé , qu'elle ne doit estre post-posée à celle de Piedmont et Milan, et d'autant moins que ce sont les plus seures planches que Sa Majesté puisse avoir en main pour renger peu à peu toute l'Italie à sa domination : qu'il se sentoit grandement obligé au mareschal de l'honneur du commandement qu'il luy vouloit deferer, mais qu'il avoit toutesfois en telle reverence et en telle admiration sa vertu et sa valeur , qu'il recevroit tousjours à singuliere faveur d'estre commandé de luy et d’estre assisté de ses forces et de sa prudence, comme Sa Majesté luy avoit commandé, pour traverser sans empeschement jusques au dessus de Parme ; remettant toutesfois le tout au vouloir de Sa Majesté, attendant lequel par le retour du secretaire Boyvin, ils iroient assaillir Valence, laquelle , en toute sorte d'evenement , il faloit tousjours emporter pour faciliter le passage à luy, et au mareschal l'entrée au Milannois , dont ceste place dependoit. »

Le secretaire Boyvin fut aussi chargé de

faire très-humbles supplications et remonstrances au roy , à ce qu'il'pleust à Sa Majesté non seulement faire si bien ordonner le cours des assignations et des payemens des armées, qu'elles peussent dorenavant avec plus de diligence et de courage exploicter les armes, lesquelles s’aneantissent tousjours parmi la necessité, pourvoir aussi au ffaict de l’artillerie et à plusieurs autres choses obmises en l'estat de l'extraordinaire des guerres dressé devant le mareschal , et sans lesquelles les affaires ne pouvoient estre mesnagés ny conduicts à la perfection qu'il desiroit.

F Je trouvay le roy à Sainct Liger , où se tenoient jadis les harats , auquel , present M. le connestable et plusieurs autres seigneurs des affaires , qui n'approuvoient non plus que luy le voyage de M. de Guise , je fis toutes ces remonsirances, et assez d'autres propres à le degouster de ce voyage romain ; mais le cardinal de Lorraine , qui y estoit aussi, me traversa par plusieurs remonstrances que je rabatois tousjours : toutesfois, quoy qu'il sceust faire ou dire , si esbranlai-je si avant et Sa Majesté et tous les autres, que je les veis disposés à rompre le coup ; et de faict il me fut commandé de me tenir prest pour partir le lendemain.

. Or faict à noter en cest endroict que M. de Guise avoit, la mesme matinée de mon partement, depesché un courrier audict sieur cardinal , l'advertissant de tout ce qui s’estoit passé entre luy et le mareschal , et de ce que j'alois faire , afin qu'il remuast tant de practiques par la main de la royne et de madame de Valentinois , et de leurs autres amis’, que mes instances fussent renversées et le voyage romain continué. Ce prelat, autant subtil, cault et rusé , et qui avoit la persuasion plus prompte et plus belle qu'autre seigneur françois qui fust en cour , sceut si bien ourdir sa toile, qu'il gaigna la partie , et mit ordre que tout me demeurast caché jusques à tant que son courrier fust renvoyé , comme il fut sur l'annuictement du jour mesme de monarrivée. Fut aussi, à mesme fin, resolu que le roy partiroit dès le point du jour pour aller à l'assemblée , afin de rompre coup à la diligence de mes poursuites envers Sa Majesté ; mais sur les neuf heures du soir le mareschal de