LIVRE HUITIÈME
Sainct André m'envoya querir et me descou” vrit toute la menée, me conseillant de me trouver devant jour tout botté à la porte du roy, afin qu'il ne peust sortir sans me voir, et que , selon ce que Sa Majesté me dirait , je me plaignisse du partement du courrier , qui mettroit le mareschal de Brissac en soupçon, jusqu'à dire aussi qu'il avoit prins une reso= lution si dangereuse , que Sa Majesté seroit celle , et non luy , qui perdroit le procès, et qui seroit condamnée à la honte et aux despens. Je m'avancay encor jusques là de la supplier de croire que le mareschal pouvoit bien courageusement supporter les desastres qui ne repgardoient que luy , mais non jamais ceux de l’estat de Sa Majesté ; que les siens estoient des appanages de l'humanité , et les autres de la passion et de l'inconsidération. Tant y aque je jouay si bien mon roolle , que le roy , me trouvant à ses pieds en sortant, fust tout estonné , mais plus encore quand il cognut par ces paroles et remonstrances que j'avois tout descouvert, me promettant à son retour de me faire depescher à mon contentement. En fin tout le fruit que je rapportay de ce voyage, ce furent vingt mil escus qui me furent delivrés pour la fortification de Valence , qui avoit cependant esté prinse , et une favorable expedition sur plusieurs parti cularités dont j'estois chargé. Pour conclusion, l'interest et la passion des particuliers, fondée sur les fallaces et incertaines esperances , eu-
rent puissance de renverser celles qui estoient
solides, utiles et honnorables, à la future ruine de l'estat, ainsi qu'il perra Cy pre par la suitte de ces Memoires.
A ces nouvelles de nouveaux ‘remuemens de guerre, d'Ampyille, qui avoit le cœur fort eslevé , demanda congé au connestable pour estre de la partie. Ce bon seigneur en le luy concedant Iuy dit: « Souviens toy, trouvant M. de Guise par les chemins , de le saluer de ma part , et de luy dire que je suis son serviteur et son ami; que comme tel je desire et sa gloire et son advancement, et qu'en ceste volonté je le favoriseray , et luy et la charge qu'il a prinse , le plus que je pourray; mais que je le supplie de ne bastir aucune foy ny asseurance sur les promesses des papes et des cardinaux , lesquels, par une bravade
deparoles courageuses, luy feront une grande parade de montagnes toutes ruisselantes d'or et d'argent qui s’esvanouiront en fumée ; d'un grand amas de forces et moyens qui se resoudront , non en l'essence necessaire , mais ‘en nuages; d'une affection toute bouillante d'amour et d'honneor qui n'auront au dedans que tout desguisement et mespris ; d'une resolue et fort fardée disposition à poursuivre la gloire des armes, mais neantmoins couvertement arrestée à quitter le parti, selon le ply et l'adresse , bonne ou mauvaise , queles affaires pourront prendre par après : si c'est en mal (que Dieu ne vueille), ils seront les premiers à luy courir sus ; si c'est en bien (comme j'espere ), tout le secours et toute l'assistance qu'il en recevra, ce seront force belles paroles et benedictions toutes descharnées d'amour et de substance pour le secours et soulagement de l’armée , laquelle par ce moyen aura beaucoup à souffrir, quelque prudence qu'il y sçache apporter : et enfin qu'il se souvienne , s'il luy plaist , de ne commettre jamais le total des affaires au hasard de la fortune , laquelle renverse ordinairement les choses qui ont esté prudemment et meurement deliberées , et de n’appeller aussi en ses conseils et deliberations que les François, qui ne peuvent avoir autre passion que la gloire de leur maistre. »
D'Ampville, ayant bien retenu tous ces discours , alla prendre congé du roy (duquel il ‘estoit uniquement aimé). Sa Majesté , le voyaot sur l'ardeur de ce partement, luy dict : « Je lis en ta face, d'Ampville , que tu te lairras emporter à quitter le Piedmont pour suivre M. de Guise ; je te le deffens , et t'asseure que si tu es si hardi de l'entreprendre, que tu n'auras jamais part en ma grace : l'apprentissage que tu as honnorablement faict avec le mareschal te doit inviter à l'aimer et à l'honorer. »
i D'Ampville, s'estant mis sur le retour en Piedmont , arriva le jour de Noel à Suse , où il trouva desjà M. de Guise, auquel ayant faict tout le discours que son pere luy avoit commandé , il trouva les portes fermées à tout cela, remerciant neantmoins et le pere et luy de tous ces bons offices. Cela faict, luy ‘ayant donné quelques atteintes pour l'esmou-
MÉMOIRES DE BOYVIN DU VILLARS
voir à s'embarquer avec luy ,ille pria de s'avancer pour aller recognoistre la contenance de l'ennemi et redresser ses trouppes, et que cela faict il allast luy mesme commencer la guerre du costé de Casal. D'Ampville, recognoissant que c’estoit (en cest endroict ) enjamber sur l'auctorité du mareschal, ne voulut rien entreprendre que par le commandement de luy , qui fut qu'il s'en allast à Casal, et qu'ayant bien recognu les affaires, et mesmes quelque cavalerie et fanterie qui estoit respandue ès environ de Sartirane , il advisast à prudemment entreprendre ce que le temps et l'occasion luy pourroient offrir.
Par tous les precedens discours , vous aurez veu ce qui se demesla de plus notable durant la trefve , et les resolutions à la rompre en faveur du pape , par la prinse de Valence , et de favoriser le passage de M. de Guise pour tirer à Rome ,et s'opposer au marquis de Pescaire, qui s'estoit jecté en campagne avec de grandes forces pour empescher ce passage. Mais le mareschal, qui avoit preveu ce qui en adviendroit, avoit diligemment passé le Pau à Valence avec ses forces, qui estoient de septà huict mil hommes et deux mil chevaux , et prins le chemin de Milan, esperant, commeil advint, que tout aussi-tost que le marquis en auroit la nouvelle, que , quictant M. de Guise , il tourneroit vistement teste vers luy pour empescher la prinse de la ville , laquelle , sans cela, eust peutestre couru un grand hasard en un sirepentin accident. Et de faict , l'espouvante fut telle dans Milan, que chacun commençoit à trousser bagaige et à desloger. Or, pendant que Jes affaires prenoient cest acheminement, d'Ampville ne s’estoit pas endormi sur la recognoissance de ce qui estoit vers Sartirane ; il fut adverti qu'ils estoient environ deux cens chevaux logés à Settimo, au delà du Tanare, et qu'ils faisoient leur compte de venir courir les terres du roy pour enlever des contributions : là dessus, ayant assemblé deux cens bons cavaliers , il print resolution de les aller investir pendant qu'ils ne se doutoient de rien. Ainsi qu'il vouloit monter à cheval, Salveson , gouverneur de Casal, l’estant venu voir, lui demanda où il vouloit aller : d'Ampville luy respondit qu'il alloit resveiller quel-
— Re nn ne on. nn mm
ques trouppes ennemies qui dormoient trop à leur aise ; surquoy l’autre lui repliqua soudain : « Vous vous allez perdre , monsieur, si vous n'estes suivi et soustenu par trois ou quatre cens bons arquebusiers; » ayant eu nouvelles que les ennemis batoient la campa-
gne avec plus grandes forces que n'estoient
les siennes.
Luy, acquiesçant à ceste remonstrance ; pria Salveson de faire diligemment assembler et marcher après luy ceste troupe d’arquebusiers, et qu'il les iroit attendant au pas. S’estant d'Ampville un peu advancé, il eutnouvelles qu'environ deux cens cavaliers ennemis s’estoient jetés sur les champs à la mesme intention que lui avoit faict, et qu'il y avoit un gros d'environ trois cens chevaux qui suivoient ceux cy pour les soustenir , ayans opinion qu'aussi tost que les nostres de Casal auroient l'alarme de ceste cavalerie, qu'ils sortiroient tous à l’estourdi, à qui mieux mieux, sans les recognoistre, et qu'ils en defferoient la plus grande part. D’Ampville, ores que jeune et plein d’une valeureuse ardeur, ayant un peu pensé à luy, se monstra plus rusé que les ennemis, car tout soudain il divisa ses forces en deux trouppes, l'une commandée par luy, et l'autre par Noailles , son lieutenant, sage et advisé cappitaine, auquel il commanda de donner furieusement dans une trouppe des ennemis qu'il avoit descouverte vers le haut d’un village, et que luy donneroit de mesme par le bas, où estoient les autres, pour ne laisser rien eschapper hors de propos; et que la trouppe de luy estant la moindre , il ne faloit pas donner le loisir aux ennemis ‘de la recognoistre , ni la fanterie aussi qui s'alloit aprochant. Aussi tost dict, aussi tost ainsi executé, et avec telle valeur, que ces deux trouppes furent renversées à vau de route. Mais ainsi qu'ils poursuivoient sanguinairement la victoire, ils virent ce gros des ennemis qui avoit suivi leurs compagnons : là dessus, craignant que les fuiards ne se ralliassent avec ceux cy qui estoient frais, etque tout lui tombast sur les bras, ilenvoya faire haster l'arquebuserie, commandant que cent ou six vingts d'entre eux gaignassent les hayes de costé ct d'autre du chemin, etque le grosse resserrast pour soustenir et pour combattre aussi.
