LIVRE HUITIÈME

Le

Tout cela ainsi hastivement preparé, ils donnerent tout à coup dans les ennemis, à la faveur des arquebusiers, et d’une telle fureur, qu'il furent renversés quelque resistance qu'ils fissent, en demeurans morts sur Ja place plus de deux cens, avec quarante ou cinquante prisonniers. Sans la crainte du marquis de Pescaire, qui estoit sur les champs, la victoire eust esté si chaudement poursuivie qu'un seul ne s'en fust sauvé. Qui considerera maintenant la soudaineté de l’entreprinse, le peu de forces de nous au prix de celles de l'ennemi, la prevention et la hardiesse de M. d'Ampville et des siens, il trouvera qu'il y a dequoy beaucoup le louer, et à reprendre aussi en luy le jugement et la vaillance , et en l’autre l'audace et la confiance qu'il avoit prinse en si petite trouppe qu'estoit la sienne. C'est pourquoy le mareschal, ayant eu advis comme les choses estoient passées , luyÿ manda que puis que Dieu luy avoit donné la victoire, que tout alloit bien ; mais que c’estoit un coup d’une trop ardente et inconsiderée jeunesse, auquel il ne faloit plus retourner, pour ne hasarder le service du roy, la personne de luy mesme, et la reputation qu'il avoit desjà acquise. Il en donna advis au connestable, le suppliant n'en faire semblant à l'endroit du fils, puis qu'aussi bien estoient ce des traits de valleur tirés de la genereuse plante d'où il estoit sorti; et pour l'animer à tousjours mieux faire , il lui avoit donné le commandement sur Casal, Valence et sur Montcalier, à fin de luy apprendre de bonne heure à se rendre soigneux et vigilant au maniement de l'estat. .

Ces secousses furent de grande consequence en Ce nouveau remuement d'armes, par l'estonnement qu'elles donnerent aux ennemis sur ce passage de M. de Guise, lequel malaisément fust passé à seureté , sans ce que le mareschal s'avança depuis vers le Milanois avec son armée. Par ceste diversion, l’armée françoise passa seurement et sans empeschement jusques en la Romagne, ainsi que Sa Majesté fut advertie par le sieur de Mendosse, qui fut chargé de remonstrer au roy qu'il s'estoit desbandé de l'armée de Piedmont plus de quinze cens François, pour se jecter en celle de la Romagne, parce qu'ils l'avoient veu

payer à leur mot, sans toutesfois qu'il y eust rien pour eux; que ce qui estoit demeuré se mutinoit, et que les mesmes douze enseignes nouvelles de François, et les italiennes aussi, se desbandoient à veue d'œil par faute de payement, dont il succederoit quelque grand et irremediable malheur; que ce malheur

sera encor bien plus grand , s'il faut que par

ces inconveniens preveus et tant de fois remonstrés , l'armée demeure inutile, et qu'il est plus necessaire d'avoir l'œil sur l'advenir que sur ce qui est desjà passé , qui est plus aisé à reprendre qu'à amender.

: Que les places de Valence et de Bassignave, qui commandent aux rivieres du Pau et du Tanare , et à une des plus fertiles contrées du Milannois, sont de telle importance, qu'elles meritent d'estre fortifices en toute diligence auparavant que l'ennemi se renforce davantage, les reduisans à tel estat que elles le pourront amuser et arrester sept ou huict mois, et au partir de là courir le hasard d'un combat general , duquel dependra finalement l'entiere conqueste du Mi- Jannois. :

: Que les seigneurs Francisque Bernardin et de Salveson ont esté laissés dans Valence pour la défendre et en diligenter la fortification, pendant que Sa Majesté prendra resolution sur celle de Bassignave , laquelle on ne sçauroit entreprendre sans plus grandes forces et sans argent aussi pour ce faire, et pour faire porter vivres du Piedmont en l’une et en l'autre , d'autant qu'elles ont esté pillées , ruynées et les vivres consommés par les deux armées royales et par celles des ennemis aussi. |

: D'Ampville, se ressouvenant que le marquis de Pescaire , estant au siege de Santia, avoit desiré de rompre une lance contre luy, Juy manda par un trompette qu'estans aujourd'huy si proches qu'ils estoient l’un de l'autre, qu'il luy en donneroit l'asseurance et le plaisir. Le mareschal, en ayant eu le vent, luy commanda, sous peine de desobeissance, de n'entreprendre ce combat pour les consequences que cela apportoit quelquefois à tout l'estat, et que celuy de M. de Nemours le devoit rendre plus sage. En ce temps domp Hernando de Sylva dressa couvertement en

MÉMOIRES DE BOYVIN DU VILLARS

E1557] Ast une grande conduite de vivres pour advictuailler Cairas et Foussan ; mais la partie ayant esté descouverte par le mareschal, il luy dressa un banquet pour .le défaire de tous poincts. Sylva descouvert, il remit la conduitte à une autre fois : mais ce fut tousjours avec la perte de cinquante chevaux qui s'estoient trop advancés, qui furent defaicts par les sieurs d'Oraison, de Chavigny et Briquemaut, qui estoient par pais.

Du premier fevrier 4557, le mareschal fit entendre au roy que par faute de payement les nouvelles bandes françoises et italiennes qu'il vouloit tirer des garnisons pour faire un corps d'armée plus solide que n'estoit le sien , les unes ny les autres n’avoient voulu sortir sans estre payées : de maniere que se trouvant destitué et de forces convenables et de moyens pour les payer du passé et da présent , il seroit contrainct de se retirer aux garnisons , au lieu de faire quelque chose de bon à l'advantage des affaires de Sa Majesté : que si ceux qui avoient la disposition souveraine de ses finances pouvoient , par un jugemen bien affectionné, remarquer en combien de dangers ils enveloppoient l'estat , ils n’auroient rien plus pressé que d'y pourvoir; que de sa part il couchera du reste et de luy et de ses amis; mais si cela n'y peut sufhre , et que le mal preveu et tant de fois remonstré succede , il proteste dès maintenant, comme pour lors, que la coulpe en sera à eux et non à luy, qui a tousjours detesté la confusion, et embrassé l'ordre necessaire à toutes sortes d'affaires pour en tirer soulagement, utilité et plaisir aussi.

Du 4 fevrier, le mareschal manda au roy que par trois ou quatre divers endroicts , et par personnes notables, il avoit esté adverty, mesme par d'Ampyille , qui ne cessoit de voltiger le Milannoiïs et le Montferrat, qüe les Milannois, craignans les maux que Valence leur pourroit apporter , avoient resolu de contribuer le payement de dix mil Italiens et Allemans , outre les anciennes forces, pour l'assaillir auparavant qu'elle fust fortifiée : qu'en executant par l'ennemi ce dessein, il estoit impossible de la sauver qu'avec un grand corps de gens choisis et determinés ; que d'en entreprendre la defense il ne le

pouvoit faire avec son honneur , la place estant battable et mal pourveue de vivres, ayans esté consommés parmy le sac et sejour faict en la ville par les armées, au moins sans l’asseurance certaine de la part de Sa Majesté, quelle lui donneroit forces pour la secourir en toute sorte d'evenement, elle estant le seul salutaire pivot sur lequel les affaires doivent estre mesurés et appuyés.

Tandis que le mareschal faisoit ses depesches à Sartirane, où l'armée estoit logée, j'arrivay de retour de mon voyage de la cour; duquel luy ayant rendu raison, et Iuy l'ayant communiqué aux seigneurs de l’armée, moy present, ils conclurent tous que l'urgente necessité des affaires requeroit que je fusse

soudain renvoyé vers le roy : et de faict tout |

le loisir qui me fut donné, ce fut du midy jusques à la nuïct, que je partis chargé des mesmes sollicitations pour le faict des payemens , que j'avois cy-devant esté , et qui sont cy-dessus discourucs.

Je fus aussi chargé de faire très-importune instance sur le faict de Valence, mesmes estans en ce mesme instant venues nouvelles que le marquis de Pescaire avoit assemblé toutes ses forces pour venir combattre ou faire desloger le mareschal de Lomelline , et en ceste suitte entreprendre le siege de Valence, pour secourir laquelle il falloit que Sa Majesté hastast le secours qu'elle avoit promis.

Que pour ne rien hasarder hors de propos en attendant les provisions de Sa Majesté, il avoit quitté le logis de Gatinare et repassé le Pau pour se retirer à celuy de Bassignave, ores qu'à demy affamé par les armées, en tant que le logis estoit advantageux en deux sortes , l’une pour secourir et seconder Valence et Casal , et l'autre , pour tenir les deux rivieres en sa main , et se retirer sans hasard, ores d'un costé, et ores de l'autre ; et qu’en jouant ainsi aux barres, il veilleroit pour donner quelque secousse à l'ennemi, mais sur tout pour tellement incommoder Bassignave que le marquis ne s'en peust servir au siege de Valence; que pendant que Sa Majesté diligenteroit son secours, elle commandast au capitaine Beauvais, qui avoit faict une description de quatre mil hommes fouagers sur les bourgades du Daulphiné, qu'il