LIVRE HUITIENE

eust à les diligemment amener , armés ou desarmés', pour les jetter dans les places , et en tirer les vieilles garnisons pour luy aider à dresser une armée volante qui ne reposeroit ny ne lairroit reposer les autres.

Que Sa Majesté, au lieu de se servir de l'arricre-ban de Daulphiné , comme elle voulut faire lors qu'il estoit question de secourir Santia , en fist lever les derniers seulement , pour les convertir à l’entretenement de ces quatre mil hommes daulphinois.

Le roy, ayant trouvé toutes les instances et remonstrances que je luy fis et justes et raisonnables , fit commandement de tous costés tant pour le faict des forces que pour celuy des payemens et pour celuy de l'artilleric aussi, et me renvoya en Piedmont le dixhuictiesme jour de fevrier, sans toutesfois:

avoir pour encores ordonné les recompenses promises à ceux qui avoient dressé les entreprinses d'Albe , Verceil et Casal. |

Le mareschal ayant veu que le roy desiroit fort que Bassignave fust fortifié comme Valence, manda à Sa Majesté que lesaffaires estoient reduicts à tel poinct, que tout ce qu'il pouvoit en attendant son secours, c’estoit - de haster celle de Valence , et de la si bien munir que l'ennemi ne la peust emporter, ayant desjà mis dedans deux mil François et mil, que Suisses , qu'Italiens , tous bien deliberés, mais moins pourveus de vivres qu'il ne voudroit , n'en pouvant recouvrer si promptement ; et qu'il esperoit neantmoins d'en empescher la perte, si Sa Majesté hastoit le renfort promis , se jettant tantost de l’un des. costés du Pau , et tantost de l’autre du Tanare , avec tout ce qu'il pourroit assembler de forces; et qu'il essayeroit sur tout de rompre ou brusler le pont qu'il falloit que les ennemis dressassent sur le Pau pour estre secourus de vivres; qu'en sortant de ce faict avec honneur , on entreprendra celuy de Fassignave , selon les moyens toutesfois que le roy donnera. Cependant il supplia Sa Majesté commander aux capitaines de gendarmerie, qui estoient tous absens, hormis M. d'Aussun, de s'en venir gouverner leurs compagnies , qui se desbandoientpar faute de chefs.

Du vingt-uniesme fevrier , donna advis au roy que le marquis de Pescaire dvec

l'armée s'estoit allé loger à Bassignave , où le debat des vivres, qui se trouverent courts, avoit mis les armes au poing aux Espagnols et aux Allemans, qui s'estoient si bien entre-frottés qu'il y en avoit plus de quatre cens , que morts, que blessés , et que s'il en eust eu des nouvelles, la charité l'eust invité à les aller despartir. C’est inconvenient fit soudain desloger le marquis , qui s’en alla à Sainct-Salvador , entre Alexandrie et Casal, où il s'est mis après à assembler pionniers et redresser l'equipage de l'artillerie, ayant commandement de son maistre de faire tous ses efforts au recouvrement de Valence , avec le renfort de huict à neuf mil hommes , qu'Allemans , qu'Italiens, qui luy seroient fournis.

Du vingt-deuxiesme dudictmois, qu'il a esté adverty que le marquis, estant en doute de ne pouvoir forcer ce grand nombre d'hommes qu'il ya dans Valence, a prins resolution d'aller fortifier Vignal , qui luy servoit d'escalle pour aller du Milannois en Ast et au Piedmont ; et qu’en l’un et en l'autre evenement il est toujours necessaire qu'il plaise au roy de diligenter le renfort promis, et le vouloir estendre plus avant qu'à deux mil Suisses , et des compagnies des sieurs d'Annebault, vidasme de Chartres et de Gonnort.

Du premier mars , le roy manda au mareschal qu'il ne falloit pas tant corner ce renfort, duquel toutes ses dépesches estoient pleines, d'autant qu'il estoit adverty du costé d'Italie que les ennemis n’estoient à beaucoup près si forts, ny luy si foible qu'il crioit; car le nombre des payes destiné pour le Piedmont estoit si grand, qu'il pouvoit commodement tirer à la campagne de neuf à dix mil hommes et de quatorze à quinze cens chevaux.

Qu'il trouvoit fort mauvais qu'il ne se fust arresté à Bassignave pour la fortifier, comme il pouvoit, sous la faveur des forces qu'il avoit, excedans de beaucoup celles des ennemis ; et que là où il allegueroit que les enscignes ne sont pas complettes , que c'est la propre faute de luy , lequel, ayant puissance souveraine de la part de Sa Majesté, doit chasver les larrons et remunerer les gens de bien; et qu'on ne laisse souvent de bien disner, encores que les viandes ne soient friandement

preparées,

MÉMOIRES DE BOYVIN DU VILLARS

Ceste reprimende , mal fondée et pirement digerée, offença si fort le mareschal, qu'il fust fort volontiers monté à cheval pour desmentir ceux qui donnoient ces sinistres impressions de sa fidelité ; et toutesfois, faisant joug sous la reverence et obéyssance du maistre , il supplia le roy de croire que ceux qui luy faisoient ces rapports de l'impuissance de l'ennemi et de la puissance de luy, avoient le jugement tout de travers; car, sans aller plus Join, dès hier encores, sixiesme mars 1557, il entra dans Pavie quatre mil nouveaux Allemans bien armés et fort advantageusement montés pour la plusppart, sans les cinq mil Italiens qui se levent , et sans aussi neuf mil Italiens et Espagnols des anciennes garnisons; qu'il ne s'amusoit pas aux rapports qui luy estoient indifferemment faits, mais aux propres choses qu'il faisoit voir et toucher par personnes expresses qu'il tenoit detous costés.

Qn'à faute d'argent il ne s'estoit peu ny ne pouvoit prevaloir des trois mil Italiens qu'il avoit faict nouvellement lever , comme il avoit desjà mandé.

Que des douze nouvelles bandes françoises, assez mal armées, il en restoit encor à arriver trois des meilleures.

Que, combien qu'il fust tout ouvertement combattu de la necessité des payemens, qui enjamboient tousjours trois ou quatre mois les uns sur les autres, quoy que Sa Majesté estimast le contraire, il n'avoit toutesfois laissé de tenir la campagne avec trois mil neuf cens Suisses et treize enseignes françoises , tant vieilles que nouvelles, et n’avoit laissé avec cela de tenir fournis Valence, Casal, Santia, Yvrée , et tout le Piedmont , et de favoriser si à propos le passage de M. de Guise, qu'il n'auroit eu empeschement quelconque, comme sans cela il eust eu , et peut-estre si rude, qu'il n'eust pas passé plus outre , pour grand capitaine qu'il fust ; qu'il avoit aussi fortifié Valence, et en fin tellement Contre-pesé jusques à ce jourd'huy les forces de l'ennemi, qu'il n’avoit sceu rien entreprendre, ains inutilement consommer tous ses eflorts et despences, dont les Milannois estoient aux alarmes. 4

Ques'ilavoit plus adv antageusement fourny qu'il ne devoit vingt cinq ou trente places

qu'il y a deçà les monts, et que Sa Majesté n’a cy-devant ordonné, on pourroit lors dire que ce seroit un tour de capitaine inconsideré ou peu affectionné à l'advancement des affaires de Sa Majesté; mais qui faict ce que le maistre commande , après que la remonstrance au contraire a precedé , comme a souvent et souvent faict la sienne , il demeure tousjours hors de coulpe.

Quant à Bassignave, comment vouloit Sa

Majesté qu'il la fortifiast, puis qu'il ne donnoit pas seulement le moyen, ny de fortifier Valence , ny de la pourvoir aussi des vivres necessaires ? D’entreprendre deux mariages à la fois, et n'avoir qu'un seul gendre ny autre moyen pour y fournir que des vaines esperances de cour, c’estoit chose qui ne se pouvoit faire : encores esperoit-il que ce ne seroit pas peu faict à luy s'il sauvoit Valence, parmy tant et tant d'incommodités et de necessités inexorables.

}) Que s’il plaisoit à Sa Majesté d'accarrer ses actions, depuis le commencement de la guerre jusqu'à ce jourd'huy, aux forces et aux moyens qui luy avoient esté contribués, et à la longueur et à la contrarieté qu'il avoit apportée , par patience et par artifice et valleur , à ceste guerre, elle trouveroit que l'affection et de luy et de tous les autres capitaines et serviteurs de Sa Majesté , avoit de loing surmonté les mesmes esperances qu’elle en avoit, sans toutesfois que jamais aucun d'eux s’en fust eslevé , ny l'eust pressée d'honneurs ny de recompenses , recevans en payement leur propre vertu et valeur, dont les ames genereuses font plus d’estat que des biens du monde; et que, quant à luy, il ne les avoit jamais mesurés qu’à l’aulne de la reputation et de l'honpeur qu'on acquiert en fidelement servant son prince et sa patrie ; et hors cela tout luy estoit indifferent, estimant peu tout ce qui pouvoit advenir entre la victoire et la main mesme.

Que l'ennemi tournoyant , comme il faisoit, le Piedmont, il s’estoit resolu d'y faire une course; mais qu'il avoit auparavant bien fourny Valence, Casal, Montcalvé, Santia, Masin et Yvrée, et qu'il avoit donné charge particuliere à M, d'Ampville de combattre et

le