LIVRE HUITIÈME

faire: chacun eust conclud au combat, estans les plus forts, comme nous estions, sans la corruption et desobeissance que k vidame avoit introduite dans l'armée, de laquelle il se retira et alla passer son temps à Pignerol et à Thurin, faisant semblant d'estre malade. Or le mareschal s'advisa d'un expedient par Ja practique duquel 1l mettoit ke marquis à l'hasard de perdre et son armée et tout d'un train Fossan et Cony.

Il leur remonstra donc qu'en quictant, comme il vouloit faire , le siege de Cony, il marcheroit vers la plaine d’entre Saluces et Fossan , où il se parqueroit avec l'armée ; que cela seroit cause que le marquis s'advanceroit vers Cony avec la fleur de la fanterie et cavalerie seulement, laissant le gros de l’armée à Fossan pour l’attendre, en intention, après avoir visilé et faict redresser les ruynes cet les

bresches, de tourner teste vers ledict Fos-

san; qu'il-estoit resolu , pendant qu'il feroit ce voyage, de faire venir en toute diligence dix enseignes fraisches des garnisons et quatre cens chevaux; et que tout aussitost qu'il auroit cela, il feroit marcher toute la fanterie et cavalerie ès environs de Fossan, et icelle bien barricader dans les villages et metai-

ries, qui sont fort frequentes à l'entour, le

tout commandé par M. de Termes, pour serrer les vivres à l'armée qui estoit ‘là dedans engagée, et la reduire ou à se desbander ou à se diminuer, et par la faim et par la frequence des combats qui luy seroient particu-

lierement rendus-et' de jour et de nuict : et

que luy , avec douze cens chevaux et trois cens arquebusiers à cheval , yroit vers Cony; dont succederoït que le marquis seroit forcé de s'enfermer, luy et ses trouppes, en ce lieu où il n'y avoit que vivre, où qu’il seroit contrainct à venir au combat, ou à se sauver et retirer ‘par cinq ou six journées qu'il y a de montagnes:fort aspres et steriles depuis ledict Cony jusques à Savonns ; dont sa -trouppe demeureroit à demy defaicte, et Cony si despourveu de vivres et mal fortifié, qu'il y retourneroit tout soudain pour l'emporter , au moins s'il n’avoit meilleure occasion en main.

Que cependant ceste armée engagée dans Fossan, ainsi destituée de ses chefs, seroit

defaicte peu à peu à mesure que la faim les

presseroit de prendre l'hasard de la sortie ; et que ces jeux ainsi joués, sans doute Cony et Fossan seroient emportés sans hasard, et peust-estre aussi quelque autre chose de meilleur. « 11 se faut haster, leur dict-il, car tant plus on consulte sur les choses hasardeuses, et tant moins les entreprent-on, et de là elles sont tousjours descouvertes. L'esperance que jay d'un heureux succès est beaucoup plus forte que n’est la crainte de perdre davantage : vous scavez quil n'y a point d'entreprinse plus réussible à la guerre que celle mesme que l'ennemi ne peut croire qu'on puisse entreprendre. »

Ceste resolution fut grandement louée , approuvée et embrassée d'un chacun, de laquelle les effects s'ensuyvirent depuis, à peu près de ce qui avoit esté si prudemment projecté.

Car le mareschal ayant levé le siege de devant Cony, le marquis de Pescaire y entra à cheval par la mesme bresche que la mine avoit faicte (ce que vous noterez à la confusion du vidame) où ayant demeuré fort peu de temps, il fust tout esbay que il vit revenir le mareschal : dont il jugea que le jeu ne se demesleroit pas sans un hasardeux combat, et qu'il valoit mieux mander, comme il fit, à ceux de Fossan qu'ils se retirassent en Ast, et que luy prendroit le chemin de Savonne pour se retirer par les montagnes, où, par les mes-aises et aspretés du chemin et des chaleurs, il perdit la pluspart de ses trouppes, avec une grande bresche parmy l'honneur et la prudence dont il se chatouilne

Quoy entendu par le mareschal , il retourna bride , et s'en vint à Parviere , où estoit logé le gros de l'armée, tenant toute l'advenue d'Ast à Fossan. Au mesme instant il eut aussi nouvelles que le cardinal de Trente et le sieur Nicolas Madruce son frere s'en venoient en Ast avec le nouveau regiment d'Allemans, six cens chevaux pistolliers, deux cens hommes d'armes, et cinq cens chevaux legers, et trois cens gentils-hommes volontaires du Milannois, avec intention de venir desengager l'armée qui esloit à Fossan, ayant sceu que plusieurs trouppes qui s'estoient hasardées d'en sortir avoient esté defaictes, comme il fut, à plus de trois cens chevaux.

MÉMOIRES DE BOYVIN DU VILLARS

À ces nouvelles, le mareschal print resolution de faire tout ce qu'il pourroit pour empescher que ces deux armées ne se peussent rejoindre, pour les pouvoir ainsi separement combattre, ne se recognoissant assez fort pour ce faire tout à la fois si elles s'assembloient une fois, mesmes estans superieurs de cavalerie à nostre armée.

Pendant qu'il se preparoit à ce combat, il donna advis au roy de ce qui avoit esté faict à Cony et depuis, et la resolution qu'il avoit maintenant prinse; suppliant Sa Majesté de croire que les soixante mil escus que je luy avois apportés n'avoient peu supplecr qu'à desparür cinq ou six cens livres pour compagnie ; que leur estant deus de quatre à cinq mois, il les voyoit reduites à un si extreme et dangereux desespoir, qu'il faloit qu'il en succedast de trois inconveniens l'un , et par aventure tous : le premier, le danger d'une mutinerie lors qu'il est sur le poinct de combattre ; le deuxiesme , la contrainte que ce defaut luy apportera de se retirer aux garnisons sans rien fuire; et le troisiesme , la perte du temps et des occasions qui auroient peu estre executées à l'advancement des affaires de Sa Majesté , et qu'il faudroit tousjours neantmoins, à la parfin, venir à ces payemens ; que le dommage et la perte qui en sortiroit estoit à mil pour cent plus dommageable que le propre interest de l'emprunt qu'on eust peu faire pour fournir à ces necessités inexorables, comme il avoit prié M. de La Chapelle Byron, porteur de ceste depesche , remonstrer à Sa Majesté , luy disje, qui estoit visible tesmoin de ces miseres, n'ayant depuis la prinse de Valfenieres bougé d'avec le mareschal, servant avec devotion fort louable.

Supplia de mesme Sa Majesté de donner l'estat de maistre de camp, que tenoit le baron de Chepy, au sieur de Salveson, sans neantmoins quicter le gouvernement de Casal; que M. le vidame, avec lequel il s’estoit reconcilié , en escrivoit luy-mesme à Sa Majesté.

De pourvoir diligemment au remplacement des poudres Fee à Valfenieres, Cairas et Cony.

Du vingt-troisicsme juillet, que M. le duc

de Ferrare avoit failly de prendre la Guastalla par la trop grande vivacité et courage de son fils ; qu'il voyoit que les affaires de la part de M. de Guise, ni les siens aussi, ne pouvoient prosperer , si-non autant qu'avec l'armée de Piedmont ils endommageroient les affaires de la duché de Milan. Sur ceste semonce, ledict La Chapelle fut encores chargé de remonstrer au roy qu'il ne failloit pas que Sa Majesté attendist aucun secours ni service de l’armée, au moins si des cinq mois ‘qui estoient deus elle n’en envoyoit tout presentement les deux, et les autres deux dans quinze jours après; et qu'en le faisant ainsi, il S’efforceroit de faire quicter à Sa Majesté le cinquiesme mois , et qu'aussitost que cela seroit accomply, et le renfort qu'elle luy avoit promis arrivé , il s'advanceroit si fort en la duché de Milan , que le duc d’Alve seroit contrainct de tourner ses principales forces de ce costé, ou y laisser faire une lourde bresche.

*. Sera par incident noté qu’au mesme temps que le duc de Ferrare escrivoit, M. de Guise manda aussi au mareschal que n'ayant trouvé, comme il avoit predit, aucunes provisions de la part du pape sur les choses promises , qu'il avoit depesché le sieur de Noailles vers le roy, pour sçavoir s’il tourneroit teste vers la duché de Milan, ou s'il patienteroit en l'attente des provisions frivoles de la part du pape. Cela s'appelle vouloir fermer l'estable après que le cheval est perdu.

Le mareschal, en tenant l'armée du marquis engagée dans Fossan, qui estoit composée de dix compagnies de gendarmerie commandées par Manfre Tornier, Novarrois, et de quinze compagnies de cavalerie par Jean Baptiste, Romain , et quatre mil fantacins, Espagnols et Italiens, et quinze cens Allemans , faisoit faire tout en mesme temps le gast de la recolte, tant ès environs d'iceluy que de Cony aussi.

- Le vingt-septiesme juillet, ceux dudict Fossan, ne pouvans supporter l'incommodité où ils estoient reduicts, firent sortir du costé où estoient messieurs d'Ampville et vidame de Chartres, qui estoit revenu en grace , trois cens hommes de pied et soixante chevaux, qui furent fort rudement chargés