LIVRE HUITIÈME

et menés battans jusques sur le bord du fossé, sans perte que d’un cheval d'Espagne qui fut tué sous ledict sieur vidame. .

Et au mesme instant que ce jeu se demesloit, ils sortirent aussi du costé où estoient le mareschal et de Termes, qui les rembarrerent bravement avec perte de plus de cent bommes, sans qu'un seul des nostres y fust demeuré, la crainte ou l’espouvante ayant desjà si avant saisi le cœur des trouppes ennemies , que tout s’y demesloit plustost par hasard que par jugement.

Du dernier juillet, le mareschal donna advis au roy que le marquis de Pescaire avoit perdu beaucoup de ses gens, de tous lesquels peu fussent demeurés, s'ils n’eussent eu à Savonne des barques pour les porter à Gennes, d'où il estoit party et venu en poste à Milan.

Que les reistres qui estoient venus en Ast en estoient partis pour aller à Tortone, en attendans le marquis, lequel devoit rassembler ses forces pour venir desengager l'armée enfermée dans Fossan, et faire quicter le depast de la campagne.

Qu'il a cependant depesché le. vidame de Chartres pour aller prendre le chasteau de Carail, qui est entre Cony et Salluces, qui s’estoit rendu à luy après avoir enduré cent volées de canon seulement, au lieu de cinq cens qu'il pouvoit attendre, et puis capituler.

Qu'il luy a commandé qu'ayant renvoyé l'artillerie à Saviglan, il donnast jusques à Cony , tant pour gaster la campagne comme pour brusier les moulins, ce qu'il avoit fort heureusement executé , fors les deux qui sont attachés au fossé de la ville; et que la garnison estant sortie à l'escarmouche , il en avoit deffaict une trentaine, et amené autant de prisonniers. Et peu s'en fallut qu'Alexandre de Magio, qui y commandoit, n y demeurast. , | Que par lettre du sieur Dasnois, ambassadeur aux Grisons, il avoit esté adverty que les ennemis avoient faict lever par le comte d'Autemburg mil chevaux, qui sont ès environs d'Auguste, pour les faire descendre en Italie avec huict cens bestes de charroy qui conduisoient des poudres et des salpestres ; que si cest advertissement estoit veritable ,

comme il estimoit , il seroit desormais temps de haster le renfort d'hommes, les deniers et les poudres que Sa Majesté avoit accordées.

* Qu'estant tombé malade des gouttes et de fevre tout ensemble, il estoit contrainct de se retirer à Saluces pour penser à sa santé ; mais qu'auparavant que partir il avoit faict aller M. de Termes à Genoilles avec le plus gros des forces; le sieur de Gonnort, son frère, à Bra, avec quatre compagnies de gens d'armes, deux de chevaux legers et trois de fantege ; à La Morre, Noel et Verdun, autres deux compagnies de chevaux legers, et autant de gens de pied à Beines , sous Montbazin ; comme aussi avoit il faict les seigneurs de La Motte Gondrin, et Sainct-Chaumont, et La Curée, à la Villeneufve ; et donné sisnal à chacun d'eux pour à mesme heure se jetter sur les chemins, à fin que si ce qui estoit engagé dans Fossan vouloit sortir, ils eussent tout à coup, et de tous costés, tout cela sur les bras.

‘: Du huictiesme aoust, qu'il a receu le reglement que Sa Majesté a apporté au faict des payemens des assignalions, et que si l'execution s'en ensuit de mesme sans interruption aucune, que Sa Majesté pourra estre cy après mieux servie qu'elle n'a cy devant esté parmy toutes ces violentes et inexorables necessités ; et que mesme il a aussi grande esperance d'emporter tout d'une venue Fossan et Cony, qui tiennent engagés, dans Mondevis, Beines, Saviglian , Bental et Carmagnoles , de quatre à cinq mil hommes de pied , et de quatre à cinq cens chevaux.

| Que les enuemis dépescherent soudain un capitaine de chevaux legers nommé le Millord , avec vingt-cinq chevaux, pour haster ledict marquis à leur delivrance, sinon'qu'ils estoient resolus d'hasarder le paquet, quoy qu'il en peust advenir. Cesluy-cy se servant de la nuict, print son chemin pour aller passer par le derriere de Cairas et d’Albe, où toutes-fois il trouva fort bonnes gardes de la part du sieur de Lyoux , gouverneur d’Albe, qui le chargea si rudement, qu'il y eut dixsept de sa suitte , que morts, que prisonniers : le reste se sauva dans les bois, où les paisans, avec le tcsin, les assommerent, selon l’ordre

MÉMOIRES DE BOYVIN DU VILLARS

(1557] qu'avoit cy-devant donné le mareschal. Parmy ces prisonniers il y avoit deux cornettes de cavalerie et un alfer de Cesar de Naples : de maniere qu'il estoit de tous costés mal aisé que le marquis peust aborder à Fossan, ny eux en sortir, sans courir hasard d’estre deffaicts, ayans à faire vingt lieues de retraicte parmy pais ennemi, armé, et qui est tousjours au guet.

Le huictiesme aoust, le mareschal renvoya le vidame vers Cony pour de nouveau essaver de brusler les deux moulins restans, et dresser une embuscade en un lieu qu'il luy ordonna , et dans laquelle il estoit impossible que l'ennemi ne donnast s'il sortoit, comme il estoit à croire qu'il feroit : et de faict, selon le project, les choses furent heureusement executées, à sçavoir les moulins bruslés, et des ennemis que prins que tués, environ cinquante.

Au mesme instant M. de Termes partit de Genoilles, avec bonne trouppe, conduite par les sieurs d'Ampville, de Terrides, Francisque Bernardin , et autres braves cavaliers luy faisans compagnie, avec intention d'aller rompre les moulins de Fossan. Les uns et les autres, graces à Dieu, exploicterent si bien, qu'ils executerent leur dessein à la totalle ruyne de ceux de dedans, qui eurent dès lors en avant plus à souffrir.

Le dix-huictiesme d'aoust, ceux de Fossan ayans faict une grosse sortie , le sieur de Termes, d'Ampville et tous les autres seigneurs, qui se tenoient toujours prests à toutes sortes de mouvement, monterent à cheval, plusieurs charges et recharges faictes de costé et d'autre; mais en fin une jeune trouppe de noblesse françoise, qui s’estoit rangte ensemble sous d'Ampville, donna si furieusement dans les ennemis, qu'ils les menerent batans jusques dans la ville, où le sieur de Rambouillet et trois ou quatre autres se trouverent pesle-mesle enveloppés. Tout le mal qu'il y eut pour nous c’est la perte dudict sieur de Rambouillet, et celle de Paul Baptiste Fregose, lieutenant de M. d'Ampville, lequel, ayant fort vaillamment combatu avec son capitaine, eut la teste emportée d'un coup de canon qui fut tiré de la ville; c'estoit un fort courtois et brave cavalier, et qui fut regretté de cha-

a — en

(4557) eun , et de son capitaine sur (ous. Qui considerera de près le jugement avec lequel le mareschal conduisit tout cecy, la valeur et l'affection , autant des seigneurs que des soldats, confessera que Îles ruses et la valeur de tous en gros a surmonté, ou an moins esgalé , tout ce dont les legions romaines ont esté recommandées, et par des esprs qui ont quelquefois avantagé ke compte.

} La nuict de ceste martiale journée, estant retourné à Saluces, sur la minuict j'onis un grand tintamarre à la porte du logis; je me levay et mis la teste à la fenestre. Je veis le sieur de Lambres, valet de chambre du roy, venant de Îa cour. Je luy fis ouvrir , et, en l'abordant , tous mes membres fremirent , par un presage de la triste nouvelle qu'il apportoit de la perte de la bataille de Sainct Laurens, priuse et blessure de M. le connestable. Et pour autant que les nouvelles et messages qui venoient la nuict s'addressoient àmoy parcommandement du mareschal, soit pour luy aller rapporter ce qui requeroit prompte provision, ou pour la remettre à son lever, je partis soudain de mon logis et vins heurter à la chambre dudict sieur mareschal , qui s'eveïlla en sursaut, et me voyant me dit : « Hélas! mon amy, vous m'apportez quelque mauvaise mouvelle.» M'estant approché de luy, je luy dis: « A fa verité, monsieur, elle sont plus tristes et plus deplorables que je ne voudrois , et s’il fut jamais temps de deployer votre constance et votre vertu, c'est aujourd huy qu'il le fant faire. » Lors, luy ayant raconté en gros ce que j'avois aprins, je feis entrer Lambres, qui luy en fit le discours bien au long: après quoi il me commanda de dépescher un courrier exprès à M. de Termes au camp, luy mandant de se trouver de grand matin à Saluces, menant avec lui les seigneurs de Gonnort, d'Ampville, vidame de Chartres, le president de Birague, les seigneurs vicomte de Gourdon, de Lyoux et Francisque Bernardin, et auparavant que partir laisser toutesfois si bon ordre en l’armée et en tous les autres endroicts, qu'il ne peust advenir aucun inconvenient pendant leur absence, et que soudain qu'ils auroient disné ils s'en retourneroient tous au camp.

Ainsi que je faisois ces depesches , Ie sieur