LIVRE HUITIÈME

de Vineuf arriva, apportant aussi lettres et instructions de la part du roy sur le mesme suject dudit Lambres.

Tous ces sersneurs estans arrivés sur les bwict heures du matin , le mareschal , ayant aussi faict appeller lesdicts sieur de Vineuf et Lambres , leur fit exposer à tous deux leur creance, et faire lecture des lettres et instructions de Sa Majesté, portans qu'ayant M. le connestable fort heurensement jecté assez bon nombre de gens daus Sainct-Quen- Un, assiegé par les ‘ennemis, et se retirant avec l’armée , laquelle, selon la coustume des François , ne gardoit gueres d'ordre en la retraicle, ayant mesme accomply l'effect pour lequel elle estoit envoyée , elle auroit trouvé l'armée ennemie , commandée par les duc de Savoye et comte d'Aiguemont, qu avoient gagné le devant par le derriere de certains costeaux et vallons , contre l'opinion qu'on en avoit, et qu'il fallut lors forcement venir au combat , lequel auroït esté pour un temps soustenu assez vigoureusement ; mais qu'en fin l'ennemy estant superieur de cavalerie , de resolution et d'ordre , l'advantage seroit demeuré de son costé, M. le connestable prins et blessé , combatant fort vaillamment, cornme aussi avoient esté plusieurs autres priaces et seigneurs de marque , et plusieurs sauvés avec le sieur de Bourdillon, depuis mareschal de France, qui les depariit tous dans les places de la Picardie , la plus part desquelles, sans cela, se fussent perdues, d'autant qu'on en avoit precedemment tiré les garnisons pour en remplir l’armée ; ce qui fut fait fort mal à propos et de longue main preveu par le mareschal , la prudence et pre: voyance daquel le rendirent tousjours obstiné à fuir l'hasard des batailles , s’il n'avoit ses places si bien pourveues , qu'elles , en cas de fortune contraire , fussent pour tenir bon attendant un secours. Si dès la rctraicte que fit l'empereur , et que le fils armoit grossement, le mareschal en eust esté creu, on l'eust, par la levée d'une puissante armée, tellement rebuté, qu'il n'eust demandé que paix et amitié. Au lieu de ce faire on s'endormit en sentinelle pour espargner deux cens mil escus qui ont depuis cousté à la France plus de six millions.

‘ Or ,sur ce propos, je ne veux taire le principal de ceste routte : il faut donc sçavoir qu'un mois après que l'empereur se fut retiré en Espagne , le mareschal , me depeschant vers le roy , entre autres choses il me commanda de dire à Sa Majesté que le roy d'Angleterre faisoit lever de grandes forces en Espagne , Allemagne et Italie ; que si Sa Majesté permettoit qu'en ce sien nouveau advenement il print quelque curée sur elle , que cela l'inviteroit et affrianderoit à y retourner ; là où, par le contraire , si Sa Majesté s’armoit de si bonne heure qu'il ne peust rien entreprendre à son prejudice , il se rebutteroit et demanderoit la paix. La responce que j'en rapportay fust que l'ennemi estoit si endebté qu'il ne sçavoit de quel bois faire flesche ; que Sa Majesté n'avoit faute de prudence ny de soin pour digerer et pour prevenir ces inconveniens. Sur laquelle confiance n'ayant Sa Majesté faict compte de s’armer à temps, il en advint ce que le mareschal avoit predit; car l'ennemi se jecta peu après le plus fort à la campagne , pour auquel faire teste en ceste repentine surprinse , on tira des places de Champagne et de Picardie les garnisons pour en faire un corps d'armée. Quoy recogneu par l'ennemi, cault et vigilant, il s'adressa à Sainct-Quentin , desgarny de sa force , qu'il emporta avec l'honneur de la bataille ; ce qui ne fust advenu si, conformément au conseil du mareschal , on eust prevenu l'ennemi : et est chose estrange que j'avois lors en main un almanach de Nostradamus qui cottoit la perte dudict Sainct Quentin au mesme jour qu'elle fut prinse.

Revenant à ce que le roy mandoit pour remedier aux inconveniens où tout le royaume pouvoit tomber , Sa Majesté vouloit qu'on luy envoyast diligemment tous les Suisses qui estoient en Piedmont , au ‘nombre de quatre à cinq mil. |

Qu'elle desire que M. de Termes s'achemine diligemment vers clle, à chevaux de relais, et que sa compagnie de gendarmerie Je suive ; que le sieur d'Ampville s’en vienne aussi, laissant sa cavalerie en Piedmont.

Que sans là grande reputation et support que le mareschal, par sa seule presence, pouvoit apporter aux affaires d'Italie en une

MÉMOIRES DE BOYVIN DU VILLARS

[1557] si urgente nocessité, elle l'auroit soudain appellé près d'elle, pour en recevoir le mesme conseil et secours qu'elle avoit tousjours eu de luy en toutes sortes d’affaires. .

Que ledict sieur mareschal luy envoyast, au parsus les Suisses, quatre compagnies de gendarmerie et autant de cavalerie , et que pour un temps ilse contentast de demeurer sur la deffensive ; et neantmoins que là où il se trouveroit fort pressé , qu’il fist de nouvelles levées de fangerie et cavalerie de tous costés, et qu'argent ne luy defaudroit pour ce faire, ny pour les entretenir aussi.

Après que toutes choses eurent esté entendues et debatues par ces seigneurs , ils resolurent tous qu'il estoit necessaire de diligemment depescher vers le roy personne expresse , pour remonstrer à Sa Majesté ce qu'il leur sembloit convenable à son service , et la consoler aussi en ceste affliction. Tout mal habile que je suis, je fus choisi pour aller faire l'un et l'autre office de la part de tous, et en particulier dudict sieur mareschal , dont j'ai redigé par escrit la principale substance, pour servir d'instruction à la posterité, et pour rendre le discours de ces memoires plus intelligible.

« Sur la disgrace n'a gueres advenue à partie des forces de Sa Majesté, au combat rendu par M. le connestable au secours et retraicte de Sainct-Quentin, dont le sieur de Lambres et, depuis , celuy de Vineuf , ont faict le discours à M. le mareschal de Brissac et à tous les seigneurs de l'armée , ils ont, de mesme voix et concordance, chargé le secretaire Boyvin d'aller , de leur part , presenter leur très-humble service à Sa Majesté , et la supplier que, comme prince magnanime et genereux , elle vueille recevoir, parmy tant et tant de graces et de benedictions que Dieu luy a cy-devant données, ceste petite piqueure pour tesmoignage de l'amitié dont Dieu honnore tousjours les siens. .

» Que le prince magnanime , telle qu'elle est, ne se laisse jamais esbranler ou esgarer par aucun sinistre accident , la constance luy apprénant à les supporter avec la mesme fermeté et inflexibilité qu'elle mesme practiqua, en ses premieres armes, contre Charles cinquiesme lors qu'il vint en Provence plus brave

et plus puissant que ne sera jamais le fils ; en fin , que la divine Majesté ne defaut jamais à ceux qui entreprennent et qui desirent choses si justes que celles-là.

» Qu'elle se doit aussi souvenir qu'en la guerre, non plus qu'en beaucoup d'autres choses, les affaires ne succedent jamais gueres selon nos desseins , ains selon ce que le Dieu des batailles veut et permet; que de là les hommes sages et courageux en tirent leur asseurance , et mesnagent les occasions avec une prudence et fort considerée promptitude, comme ils s'asseurent que Sa Majesté saura mieux faire que nul autre ; remarquant d'ailleurs que ceux qui se laissent emporter à la crainte et à la defliance demeurent tousjours exposés à nouveaux perils et hasards ; qu’en ce sinistre accident Sa Majesté doit embrasser quatre choses : la premiere , souhaitter autant le conseil de Nestor que la force d’Ajax , et, comme luy, avoir un merveilleux soin à ce qu'il ne succede aucune discorde ny division parmy les princes, seigneurs et capitaines , ains au contraire que, par une concordante et genereuse emulation, chacun s'efforce , en ce sinistre accident, à bien et fidellement servir Sa Majesté et sa propre patrie.

» La deuxiesme , que Sa Majesté embrasse d'oresnavant elle mesme fort vivement la conduicte de ses affaires; qu'elle se laisse souvent voir avec un visage constant et asseuré , autant parmy le peuple que parmy les guerriers, parce que la prudence , la vigueur et la generosité du prince est la plus propre medecine qu’on puisse practiquer pour remettre le cœur et la devotion à ceux qui sont estonnés et peu accoustumés aux traverses de la fortune, et les animer tous à les secourir et servir avec plus d'ardeur et d'affection que jamais. La troisiesme, que les prieres à Dieu et la promptitude des armes estans tousjours celles qui repoussent la violence et qui donnent la victoire aux considerés , qu'ils sont tous d'advis que Sa Majesté face en toute extreme diligence lever et marcher vingt mil Suisses , autant de lansquenets et de François, sans pour ce faire rien espargner , afin que, jouant à gros jeu , elle puisse non seulement repousser l'audace de l'ennemi, mais aussi entreprendre encores de le recogner jusques

Le