LIVRE .DOUZIÈME

estnit contraint de garder en son traiclement v'empescheroit jamais au maistre d’hostel à voir le roole des viandes pour en disposer l'entremets; ayant porté si avant, non les bornes , mais la course de son affection, qu'il

avoit réduit luy , ses amis et ses serviteurs à

si mserable poinct, qu'ils ne sçavoient aujourd'huy, non plus que luy, où trouver de quoy vivre que par la propre vente de leurs immeubles, et moins encores, quant à luy, où trouver la maille pour desgager sa famille, ni la nourrir pour l'accompagner en ce voyage, et lequel il estoit toutesfois resolu de faire quand il ne devroit aller qu'à six chevaux, comme il faisoit quand il commença à portet les armes; que ce seroit à la France un fort remarquable deshonneur, et à luylecontraire; que l'indignité du traictement estoit desormais aussi notoire à tout le monde qu'estoyent les honnorables services qu'il avoit cy devant rendus aux feus roys , à Sa Majesté et à la mesme patrie; qu'il sçavoit de longue main que le propre des magnifiques ruys , tels que luy, estoit d'avoir la bouche toujours pleine de verité et de clemence, les muins courtoises et liberales à toutes sortes de dons et de graces, les oreilles closes aux flatteries et aux mentcries , le cœur dressé à la manutention de la religion , et au soulagement des affligés, tel qu'il estit injustement, et en fin que Dieu permettroit que ceux qui avoientt aidé à bastir son recullement, tomberoïient dans la mesme fosse qu'its luy avoient fort ingratement proposée; et qu'après avoir baisé les mains à Sa Majesté, il se retireroit en sa maison pour vendre portion de son bien, pour payer les marchans, lesquels sur sa parole avoyent fort opportunément secouru, non luy, mais les affaires de Sa Majesté ; et qu'à ceste mesme intention il les meneroit avec luy, et à ses depens, pour accomplir sa parole : et de faict il l'accomplit depuis ainsi. Ce bon seigneur estart arrivé à demy journée de la cour, qui estoit lors à Dampierre, maison du cardinal, etaccompagné d environ soixante seigneurs on capitaines , le cardinal et son frere l'envoyerent salncr et congratuler de sa venue par un gent. homme exprès, nommé La Vallée, qui fut chargé de luy remonstrer que le roy s’estant privément retiré

en ce lieu pour s'y csbattre sept ou huict jours, que Sa Majesté eust bien desiré qu'il eust renvoyé à Paris tous ces capitaines qui l'avoient suivy , à fin qu'elle peust plus privément traicter avec luy des affaires ; à quoy il respondit par le sieur de Cigongnes qu'il depescha vers eux, avec charge de les remercier de l'honneur qu'ils luy avoient fait, et dont il leur rendroit très-humble service; mais que d'abandonner ou renvoyer ainsi cruement ceux qui, avec leurs biens et avec leurs vies, l'avoient accompagné durant la guerre à toutes sortes de fortunes, qu'il ne le pouvoit faire sans la honte d'eux, et avec l'extreme regret de luy , au moins jusqu'à temps qu'il les eust presentés au roy, ce qui estoit plus aisé à faire en ces lieux sequestrés, que parmy ce grand theatre parisien tout remply d'affaires ; qu'il les supplioit très-humblement le remonstrer ainsi à Sa Majesté, et luy en faire sçavoir sa volonté par Cigongnes , qu'il sera attendant à Montlehery.

Ces seigneurs, qui s'appercevoient bien qu'il n'en feroit autre chose , luy manderent, par un remords de conscience, que luy et eux seroient les très-bien venus. Le lendemain il se rendit à Dampierre, où luy et toute sa troupe furent courtoisement receus de la bouche; et cela faict, il ordonna à cestie trouppe de l'aller attendre, comme ils firent, à Paris. Au bout de cinq ou six jours le roy s'y en alla aussi, etalors il supplia Sa Majesté de commander qu'il fust payé des cent mil livres qu'il avoit empruntées pour fournir aux gens de guerre mutinés. Les choses debatues par aucuns jours au conseil, tout ce qu'il en peut remporter, ce fut l'assignation de la partie sur la couppe des bois, payable durant tout le cours de l'année; quoy consideré par le mareschal, et que ne tenant parole aux marchans qu'il avoit amenés avec luy, que sa foy y demeureroit engagée , il print resolution d’escrire à madame la mareschalle sa femme que elle le vint trouver avec ses filles, apportant avec elle les vingt mille escus qu'elle avoit amassés pour le mariage de l'aisnée à laquelle il avoit trouvé party convenable. Elle estant arrivée à Fontainebleau, il lui bailla le roole des marchands auxquels il les falloit fournie par

MÉMOIRES DE BOYVIN DU VILLARS

remboursement de ce qu'ils avoient presté en Piedmont : cest acte pie et genereux, tout ensemble , fut en bonne odeur devant Dieu, devant le roy et devant toute la France, qui ne sceut recognoistre comme elle devoit que l'honneur et la foy estoient plus cheres à ce seigneur, que toutes les richesses du monde.

Sa Majesté l'en eut depuis en telle estime , et en telle reverence, que si elle ne fust peu après immaturément morte à Orleans, elle luy eust remis entre les mains tout le maniement de l'estat, au recullement de ceux qui s'en estoient emparés. S'il est ainsi, comme disent aucuns , que les princes aiment et observent tous ceux qui, d'un cœur genereux, et de foy inviolable, ont fidellement servy, que dirons-nous de l'effronterie avec laquelle ce seigneur fut traicté ? L'homme est mortel; mais la memoire de ces indignités est immortelle parmy les ames magnanimes, encores qu'aucuns tiennent que celuy est plus miserable et detestable, qui outrage indignement autruy , que celuy mesme qui est outragé. Voilà en somme toutes les graces et toutes les faveurs que ceste belle ame de mareschal receut des grands et memorables services rendus au prince et à la patrie, laquelle ne voulut jamais recognoistre, non plus que ceux qui avoient le maniement des affaires pour lors, que ces indignes et ingrats traictemens sont ceux qui invitent souvent les plus sages et les plus endurans à devenir aucunes fois cruels et resolus à l'eschange ou à la vengeance. Ce sont considerations de telle importance , que les princes les devroient souvent ruminer, pour ne s'esgarer, comme ils font presque tous , dans ceste abominable ingraütude , par laquelle la mort et Le peché entrerent au monde ; et à la verité c'est une drogue si amere et pleine de fiel, que les ames genereuses la rejetent tousjours , pour tollerans qu'ils soyent, mettans souvent tous sur le tablier pour puis après s'en ressentir, ou à la ruyne du prince , ou à celle de ceux qui le possedent : tous lesquels , s'ils avoiert les yeux bien dessillés, recognoistroient que la propre conservation de leur auctorié requiert que ces grands personnages , tel comme estoit le mareschal, soyent par leur entremise ct mediation dignement recompen-

sés et recognus pour les avoir propices et fa- : vorables au soustenement de leur fortune , à toute sorte d'evenemens.

O! France, France, trois voire quatre fois trop ingratte envers ceste illustre et genereuse plante de Cossé, dy moy, je te supplie, si c'est l'honneur et le traictement que tu luy rends à tant de glorieux fruicts qu'il t'a rendus de sa valeur et fidelité, et au plus fort de tes affaires? C'est, je t'assure, un si deplorable exemple , qu'il n'aura jamais puissance d’eschauffer les cœurs de ceux qui viendront après luy à te servir et à t'honorer avec tant de peine et d'hasards qu'il a faict, et auquel, pour ce faire, les jours et les nuicts luy furent tousjours autant indifferentes que le boire et le manger parmy les choses pressantes, preferant toujours le glorieux labeur au paresseux ; ayant aussi le courage si haut eslevé qu'il eut tousjours à mespris

l'avarice , les passions, les flatteries et les

mesmes inimitiés qui estoient hors sa coulpe. Il eut le cœur si adonné à la gloire et à l'honneur et à l'advancement de l'estat, qu'il ne reposa jamais qu'il n'eust precedemment demeslé et triomphé des affairesmilitaires, tous lesquels ne doivent à dire vray estre jamais remis au lendemain. Il fut tousjours, par une chrestienne devotion et par pureté de conscience, secourable aux afligés et à ses propresennemis ; de maniere qu'on peut dire qu'il ne pouvoit recueillir en terre les fruicts de ce qui avoit ses racines plantées au ciel ; en fin, tout ce qu'il a emporté de ses glorieux labeurs, c'a esté l'asseurance qu'il a tousjours eue en en ce bon Dieu, en esperance que la divinité seroit celle seule qui luy serviroit de refuge et de consolation, et que, de main en main, elle le conduiroit à la beatitude supernelle qu'elle a preparée aux ames sainctes et debonnaires, comme vrayement estoit la sienne, dequoy on pouvoit bien dire:

Heureux celuy duquel la mort de la gloire est suivie. Je remarquay tousjours en luy chose peu commune à beaucoup d'autres , c'est que, pour prosperité que la fortune apportast à sa prudence et diligence, on ne le vit jamais énorgueillir d'aucun felice succès, ny se donner ep proye à l'adversité. Son