LIVRE DEUXIÈME

trouvé eh toutes celles que l'empereur avoit demeslées , tant deçà que delà les monts, il n'avoit toutesfois jamäis veu qu'il s’en fust faict aucune , combien qu'il en eust esté souvent parlé , et que par plusieurs fois on se fust assemblé de part et d'autre pour cest effect ; car les choses 8e treuvoient trop difficiles et mal-aisées , tant pour les advantageuses demandes des uns et dés autres comme pour la diversité des coustumes qui se practiquoient de nation à autre ; et qu'à son advis c'avoit esté pourcé que les seigneurs et gentilshommes françois qui vont à la guerre , tiennent non seulement à grand honneur d'estre euroollés en la gendarmérie ou cavalerie, mais bien souvent ne desdiignent estre deux ou trois à une place d’archer, jettans par ce moyen derriere les espaules le respect et la consideration qu'ils devoient avoir à leur rang

personne et qualité , faisans estat que là où i adviendroit qu'ils fussent faits prisonniers dé guerre, ils seroient, comme soldats enrooilés, soudain delivrés sans rançon, en vertu de l capitulation et du veritable Ro pu que les capitaines pourroient tousjours donner dudict enroollement : ce qui leur donneroit plus d'occasion , qu'autrement ils n’auroient pas, de s’exposer trop hasardeusénient à toutes sortes de combats et entreprises. Que , par practique contraire, les gentils-hommes italiens et espagnols , et bien souvent les Allemans, qui servoient l'empereur, avoient tousjours leur rang, qualité et reputation si cheres et si precieuses, que quand il seroit question , non pas d’une simple rançon, mais de tout leur bien, ils ne se feroient jamais enrooller de l’abjecte façon que faisoïit le François. Et de faict , qué cette disparité et disconvenance de coustumes estoit celle qui avoit tousjours empesché aux guerres precedentes qu'on n'en peust tomber d'accord, pour n’envelopper ceux de son party dans’un trop evident desavantage ; se souvenant, à cé propos , que du temps de la guerre de Naples , où commandoit M. le prince d'Orangé pour l’empereur , et M. de Lautrec pour le roy, ceste mesme consideration fut celle qui empescha ceste capitulation guetriere, se prac* tiquant seulement , par commun accord , qué le gentilhomme qui estoit faict prisonnier

payeroit lille selon sa qualité , et que celuy qui estoit soldat enroollé en’ passeroit doucement par les termes de la bonne guerre. Pour conclusion, que c'estoit cela mesme, à son advis , à quoy ils se devoient arrester. — ! Le mareschal , qui craignoit tousjours l'inconvenient où les princes et seigneurs qui venoient à la guerre en Piedmont pourroient tomber , fit entendre au sieur domp Ferrand qu'il avoit trouvé fort estranges les difficultés qu'il mettoit en avant sur ceste convention de la bonne guerre, à cause de la pretendue diversité de coustumes de nation à autre ; laissant juger à luy ( qui estoit grand capitaine ) si le François, qui par honneur alloit gayement et volontairement à la guerre pour servir son prince et sa patrie, et qui aussi pour apprendre s’enroolloit sous quelque gentil capitaine , estoit moins recommandable ou à estimer que ceux de son parti, qui vont à la guerre plustost à une certaine intention qui ne regarde que la reputation et l'honneur particulier de soy-mesme ct non du prince.

Que , quant à luy ,il n'avoit jamais estimé qu'il y eust au demeslement des armes action ny.charge quipeust estre autre que honorable et cavaleresque ; qu'il se contenteroit tousjours , quant à luy , que le soldat qui en effect seroit soldat , receust le traictement de Ja bonne guerre ; mais que pour cela il ne trouvoit pas qu’il ne fust fort à propos et necessaire de vuider les difficultés qui pouvoient regarder les capitaines de gendarmerie , lieutenans, enseignes , guidons , cornettes de cavalerie , et autres officiers qui sont à la suite des armées , et de sçavoir encores par quel tesmoignage et assertion ils seroient jugés, traictés et delivrés. En fin qu'il avoit esperance , puis que ceux de son party estoient si delicats et fastueux qu'ils desdaignoient l'embrassement de cette capitulation, que ceux du sien, qui ne leur cédoient en noblesse ny en courage, leur en feroient bien tost venir plus d'envie qu'ils n'en avoient lors.

+ Quant au crime dont on accusoit le capitaine Louys de Monteil , le mareschal respondit qu’il n’avoit pas la veue si caligineuse qu'il ne recogneust assez que C'estoit uue fort dangereuse consequence qu'on vouloit couverte-

MÉMOIRES DE BOYVIN DU VILLARS

ment introduire à la ruyne de tousles estrangers qui suivoient les armes de France , et qu'on pretendoit sujets de l’empereur ou de ses alliés ; à quoy , sans entrer en plus grande dispute , il le supplioit vouloir remedier une fois pour toutes ; autrement qu'il seroit contrainct de s'en rigoureusement ressentir , au dommage des Milanois , Genevois , Siciliens et Napolitains, tous lesquels il tenoit pour subjets indifferemment de la France, à laquelle ces provinces appartenoient par legitime heritage; et que par ainsi il le supplioit derechef faire delivrer ledict Louys de Monteil, par la mesme courtoisie qu'en sa faveur il avoit nagueres practiquée à l'endroit des Hongres et de plusieurs autres prins et renvoyés. Mais domp Ferrand , subtil en disputes, repliqua soudain que, supposé, et non pas concedé, que ledict Louys de Monteil ne fust atteint d'aucun crime, qu'on ne pouvoit toutesfois pretendre que par sa detention on fist aucun acte prejudiciable à la bonne guerre , en tant qu'il s'estoit rendu à sa discretion, et que par ce moyen il en pouvoit faire à son plaisir ; toutesfois, que , ne l'ayant trouvé coulpable, il estoit content par honneur d'en faire un present au mareschal , avec esperance de rei cevoir un jour la pareille, sans toutesfois vouloir entrer plus avant en ceste capitulation : ce qu'il fut depuis contrainct de faire entrant en l’année 4553, ainsi quon verra par la suitte de ces Memoires.

Pendant que ces disputes et ces repliques se demesloient ,' Ludovic de Birague donna advis au mareschal qu'il y avoit trois cornettes de cavalerie et quatre enseignes de fanterie logées à Sainct-Beneing, bourgade située à demie lieue de Vulpian tenu par les Imperiaux , à trois lieues de Thurin, etqu'il seroit fort aisé de les deffaire si c'estoit son plaisir d'y entendre. Au mesme instant il fut aussi adverty que tous ces princes et seigneurs se plaignoient qu'il ne les alloit point visiter en leurs logis, et que mesme il ne daignoit les appeller au conseil ny aux demeslemens des faicts militaires ; que le reffus d'entrer aux places de frontiere; monstroit assez qu'il les estimoit de bien peu de jugement et de moin:

dre valeur. Encores que ces plaintes luy dépleussent infiniment , si n’en fist-il aucun sem-

blant , attendant tousjours l’occasion propre pour s’en gracieusement ressentir. Cependant, ayant trouvé fort réussible l'entreprinse de Sainct-Beneing proposée par Birague; il delibera d'y entendre et d'y employer tous ces princes et seigneurs , leur ayant toutesfois auparavant fait recognoistre le tort qu'ils avoient de se plaindre de luy. À ceste cause, après les-avoir tous faict appeller en sa chambre, où j'estois , il leur tint semblables propos , presens les anciens seigneurs du conseil : : «Je vous supplie de croire, messieurs, que je n’ay poinct le jugement si mal estoflé que je ne sçache assez quelle est la grandeur, la reverence et le respect qui est indifferemment deu à aucun d’entre vous, par le contraire aussi, qui et quel je suis'et seray lors que nous serons tous près du roy, et que je n’auray plus ceste charge et ceste auctorité dont il a pleu à Sa Majesté m'’honorer ; laquelle voulant manier avec les mesme soin et dignité que vous ferez lorsqu'il luy plaira vous y appeller , je ne puis vousaller visiter en vos logis , et moins vous y faire la familiere compagnie que je desirerois , peut-estre autant ou plus que vous-mesmes. Ce seroit , pour le regard d’aucuns, chose raisonnable, et non pour tous : mais, quoy qu'il yayt, ce seroit ravaller la dignité et la reverence de Ja charge que j'ay en main , de soi grande et sacrée , et laisser desrober ou mal mesnager le temps et le soing qui est deu aux affaires de notre commun seigneur et maistre , tous lesquels, je vous asseure , veulent telle assiduité qu'il faut souvent que je veille quand vous dormez, que je travaille quand vous reposez , el que je mange quand vous vous esbattez. Quant à la plainte que vous faictes sur ce que je ne vous appelle pas aux conseils et aux deliberations militaires, croyez, je vous supplie, messieurs , que j'ai de longuemain aprins que les affaires de la guerre sont sujets à tant et tant de mutations et de dangereux accidens, que facilement celuy s'y precipite qui en relasche le gouvernail. Et de

faict , nous voyons tous les jours que la for

tune a cela de propre , qu'elle s’esjouit tousjours en la varieté , renversant le plus souvent les choses qui ont esté le mieux projectées, L'aprentissage que j'en ay faict me tient