LIVRE DEUXIEME

nommé Bernardm de Bya. Bonnivet, qui monstroit tousjours le chemin aux autres, fust blessé de quelque dragée, mais en huict jours il en fut guery. | Peu après ceste faction , le prince de Condé, qui estoit un peu plus mal-aysé à manier. que les autres, s'en retourna en France avec quelques capitaines qu’il desbaucha des troupes françoises. — | Sur le quinziesme de novembre, le mareschal , qui avoit gens de tous costés pour descouvrir les intentions de l'ennemy, fust adverty que le pape, se trouvant tout confus de ce que domp Ferrand luy avoit inesperément laissé tout le siege de la Mirandole et de Parme sur les bras, lesquels se trouvoient de trop plus dure digestion que ses nepveux, n domp Diego aussi, ne luy avoient RS entendre, commença à recognoistre la faute qu'il avoit faicte d'ouvrir la guerre au roy avec un fondement si leger et si incertain RME esté le sien. Toute la cour romaine isoit bien encor pis, ayant, par l’inconsiderée ouverture de ceste guerre, perdu l’une des meilleures vaches à laict qu’elle eust point; car le roy, dès le commencement de la guerre, avoit deffendu d'aller à Rome , fust pour porter payement d’annates, ou pour prendre bulles , pardons , dispences, ny autres chases quelconques dependantes dy sainct siege, lequel s'en trouvoit appauvry de plus de deux cens mil escus par an. En somme , Sa Saincteté ayant appris par les despens et par les soucis de la guerre, qui se renouvellent à, toutes heures, combien estoit à estimer la paix, elle print resolution d'en faire recercher le roy , et d'autant plus volontiers qu'elle avoit de toutes parts trouvé l'empereur plus advantageux prometteur qu'observateur. Sa Saincteté donc depescha le cardinal Verallo vers Sa Majesté, encores que beaucoup de grands personnages l'en dissuadassent, ne pouvans croire, non plus que le marescha], que ceste legation deust apporter aucun fruict à la chrestienté ; joinct que le pape avoit esté. si inconsideré qu'il l'avoit precedemment communiqué à dom Diego, ambassadeur de l’empereur, et qu'il ne laissoit de tousjours coatinuer le siege de la Mirandole. En somme il, y avoit à la verité grande apparence que c'es

toit un apast ou une amorce dressée pour endormir le roy sur la provision et seurté de ses aflaires ; car de faict on voyoit que, tandis que tout cecy se traictoit, l'empereur ne jaissoit de faire descendre vers le Parmesan les sept cens Espagnols qui souloient tenir garnison en la duché de Witemberg, avec autres quatre mil Allemans et mil cinq cens reistres nouvellement levés au comté de Tirol par Nicolo Madruce, frere du cardinal de Trente, sans les autres forces aussi qu'André Doria estoit allé enlever en Espagne. Tous ces advis portoicnt qu'aussi tost que toutes ces trouppes scroient arrivées en Italie, qu'elles seroient envoyées, partie à Parme et partie en Piedmond; que tout aussi tost que l'empereur, malade à Inspruch, pourroit endurer la lictiere, qu'il passeroit en Italie pour destourner le pape de la paix, et attirer les Venitiens à sa ligue, et demander secours contre le Turc, qui estoit venu avec une grosse armée maritime hiverner en la Morée, en intention, au renouveau, de se jetter du costé de Naples ou Sicile.

Le mareschal de Brissac voyant desjà l'hyver si fort advancé qu'il failloit quitter la campagne et se retirer aux garnisons, il commanda aux compagnies de gendarmeries des comte de Tende, de Maugiron, de La Guische , de Tavannes et de La Fayette, qui estoient peu auparavant arrivées en Piedmont, tant pour servir de renfort aux garnisons des villes et autres places où il estoit necessaire, que pour exploicter aussi quelquesfois à la campagne, de ne retenir chacun qu'un seul cheval de service avec un va- Jet, et renvoyer le reste en Provence, Dauphiné, Lyonnois et Savoye, leurs garnisons ordinaires , à fin de soulager d'autant le Piedmont, comme de mesme fut-il ordonné aux seigneurs et gentils-hommes volontaires ; toutes les autres forces aussi furent distribuées par les autres places de fronticre.

En'ce temps là le sieur d'Ygié, fils et lieutenant de M. de Maugiron , et qui commandoit pour lors dans Caselles , petite bourgade à deux lieues de Thurin, descouvrit que Cesar de Naples, gouverneur de Vulpian, avoit dressé quelque entreprise sur ceste bourgade assez forte, et le tout par l’entreprise de Pierre

MÉMOIRES DE BOYVIN DU VILLARS

de Liguane et d'un mercerot milanois residant audict Caselles, lequel, ayant esté prins et convaincu, servit de pasture aux corbeaux, et d'exemple aux perfides.

Sur le 48 novembre arriverent en Piedmont trois compagnies de fanterie provençalle, commandées par les capitaines de Beines, Veutabren et Rongues, ayans faict le chemin du col de l’Argentière , pour de là se rendre au Mondevy, et le sieur de Moraze avec deux autres. Le

Le 20 ensuivant, le mareschal descouvrit que les Hongres qui estoient demeurés en Ast du reste de la deffaicte precedente, faisoient quelque contenance d'avoir envie de s'en ressentir, à la faveur de quatre cornettes de cavalerie dont la ville avoit esté n'agueres renforcée : sur laquelle occasion il commanda à Bonnivet de prendre deux cens chevaux legers et six enseignes de fanterie , et de s'en aller à Ville-Neufve pour essayer de leur dresser quelque nouveau piege ; ce qu'il fist, mais il n'y eut jamais ordre de les y attirer, tant ils craignoïent l'eau chaude qui avoit si bien pelé leurs compagnons.

; En ces entrefaictes le mareschal, qui s'estoit allé un peu rafraischir à Thurin, fut adverty que ceux de Quiers estoient entrés em quelque defliance qu'on voulust abbattre leurs murailles, voyans la fortification de leur ville, commencée avec tant de soin, estre du tout intermise; et parce qu'ils estoient des plus affectionnés au service de Sa Majesté , 1 S'y en alla luy-mesme, tant pour les consoler que pour leur faire solennellement jurer Îæ fidelité au roy : comme ils firent avec toutela jove et toute l'affection qui pouvoit estredesirée. En faveur de quoy la ville, laquelle: garde une certaine imaginaire forme de republique , et où il y a soixante maisons nobles, accorda l'entretenement de mil pionniers durant deux mois, pour travailler aux rempars. Ceux de Thurin, auxquels la conservation de ceste place importoit infiniment, accorderent aussi autres cinq cens pionniers pour deux mois ; et Montcallier , petite villette située entre les deux, autres cent : de maniere que ce secours, avec celuy qu'on tiroit du Montferrat , et la diligence de Vimercat, gouverneur de la ville, rendirent Quiers l'une

nn

(4551] des plus fortes villes d'Italie, la situatiomconsiderée. ei

Après que les ennemis eurent, comme vous avez cy-devant veu, deschargé leur premiere colere sur Ville de Dya, Chuzan, Passeran, et autres petits chasteaux qu'ils reprindrent,

ils se treuverent si pauvres de moyens et de party, qu'ils furent contraints, comme j'ay dict, de despartir leurs forces parmy le pais des Langues, pour hyverner et vivre à discretion : c'est un terme dont on use en Italie, pour signifier que l’hoste doit nourrir ceux qui sont logés chez luy', mais il me semble que, pour plus proprement parler, il faudroit dire à indiscretion , mesme pour le regard de l'Espagnol , en tant qu'il entre tousjours comme brebis, et en sortant devore comme loup ravissant. Et parce que ce pais des Langues sera cy-après bien souvent amené en jeu, je diray sommairement quel il est. C'est une contrée toute raboteuse et montueuse , mais beaucoup plus que Montferrat, duquel elle fait quelque portion : elle n'est pas si fertille que ceste-cy, estant quasi toute tournée vers le couchant. Elle s’estend depuis le Montdevis, Cene et Albe jusques à Savonne , et de là jusques en Ast, et pâr un recourbement jusqu'aux montagnes de Gennes:

elle n'est pas moins peuplée que le Montferrat de chasteaux et petites villettes. Le peuple est fort adonné autravail etau trafic, etmesmes à la conduicte des marchandises qui viennent ‘de la mer. Les armes françoises en estoient pour lors si esloignées, que l'ennemi ne pouvoit craindre le resveille-matin de Sainct- Beneing.

Estant entrés dans le mois de decembre, le mareschal se mit à solliciter le roy plus fort que jamais du renfort qu'il luy avoit promis; pour tout cela il n’en sceut rapporter que belles espcrances et promesses. Finablement Sa Majesté luy manda que, puis qu'’ainsi estoit que l'ennemi s’estoit retiré aux garnisons , qu'il devoit assembler ses forces, qui devoient deslors estre augmentées des sept compagnies qui estoient descendues de Provence et Daulphiné , à fin d'essayer de faire quelque chose à l'advantage de son service ; qu’il falloit donner ordre à faire les monstres de la fanterie avec telle rigueur, qu'au lieu