LIVRE TROISÈIME

en estoit sorty environ deux cens au rencontre pour favorisef leur passage , il y eust deux

ou trois soldats lesquels sans commandement

commencerent à crier : « Allons au petit fort! » Les trouppes, estimans que ce fust un commandement du superieur , tournerent soudain teste vers ledict fort qui estoit sur le canal, ét Le combattirent de tel ardeur qu'il fut emporté , et plusieurs hommes qui le gardoient tués ; l'enseigne du capitaine Rucellay, nommé Cappony, fut fait prisonnier. Se retirans victorieux, le capitaine Bourbon de Cassel, sortant du grand fort Sainct Martin, voulut venir au secours; mais fl fust aussi bien battu que les autres , et si fort blessé qu'il en mourrut la mesme nuict. Le malheur voulut que ledictde La Roche-pozay,quiavoit fort vaillam: ment combattu, eut une mousquetade qui lai gasta la jambe , de laquelle il fut depuis tousjours boiteux.

+ Le pape trouva fort mauvais que domp Ferrand eust faict chef de ce siege le marquis de Marignan, voulant que son neveu fust celuy qui y commandast en son absence, et auquel ilenvoya dans peu de jours trois mil Florentins et trois cens chevaux de renfort.

Mandoit aussi ledict Fourquevaux que la ville n’auroit faute de six mois de pain, de vin, de riz, depois, de feves, de formage, ny de lard , et qu'il ne se faloit mettre en peine pour les secourir.

Environ ce temps, le pape, las de la guerre , et amateur des plaisirs et du repos, accepta les conditions de la paix que le roy luy avoit concedées à sa premiere semonce, et fil retirer son armée de la Mirandole, où Jean Baptiste de Monté , son neveu , demeura mort pour les gages.

Du premier avril le roy fut pareillement adverty que: l'empereur appelloit en Allemagne tous les vieux Espagnols qui estoient en Italie, et que ses galeres partoient de Gennes pour aller en Espagne enlever quatre mil bisognes qui devoient venir au lieu de ceux-cy; et que les Allemans, ‘avec lesquels Sa Majesté avoit juré ligue offensive et deffensive , craignoient d’estre surprins par les aguets et menées de l’empereur , cault et prevoyant à toutes sortes d'affaires.

Sur le neufviesine dudict mois d'avril, les

Cnnemis, recognoissans que si l'empereur revoquoit, comme il vouloit faire , la pluspart de leurs forces , ils ne pourroient tenir plusieurs petites places qu'ils tenoient dans le Montferrat et Astisane, ils commencerent à les faire toutes desmanteler , et entre autres Tonc, Monteil, Montechiaro et Tigloles.

Gondrin, en ayant l'advertissement, depescha vingt-cinq cellades, conduictes par Bologne, que j'ay ci-devant nommé, pour aller recognoistre Ce qui en estoit. Ceux-cy rencontrerent l'ennemi se retirant dudict Monteil ; sans marchander ils le chargent de telle furie qu'il en demeura douze ou quinze demorts et six de prisonniers , par lesquels on apprint la resolution et la cause dudict démantellement. Pour autant que Cairas, possedé par les ennemis, estoit situé presque au milieu du Piedmont et sur le grand chemin qui tire au Mondevy, à Beyne et Cental, et que par ce moyen ils couroient jusques à Saviglan et à Carmagnoles, le mareschal delibera de faire fortifier Bra, ruyné ès guerres precedentes. C'est une bonne bourgade au deçà de la Sture, qui passe au pied dudict Cairas, propre à empescher les courses et les vivres aussi, et à tenir couvert tout le costé du Piedmont qui tourne vers Carmagnoles, Quiers et Thurin. Et toutesfois , à fin de ne rien entreprendre que bien à propos, il commanda à Vassé, Terrides, Montluc et Francisque Bernardin d'aller recognoistre les commodités et incommodités de la place et de la fortification. Ces seigneurs trouverent l'assiette si commode, qu'en douze jours elle pouvoit estre mise en deffence pour batterie de main, et encores contre une ou deux petites pieces de campagne ; que ceux de la bourgade, qui avoient pour chef un gentil-homme nommé Jacques du Solier, ne desiroient rien plus que ceste fortification, offrans d'y travailler tous avec l'aide des villages circonvoisins , et mesme de bailler du cuivre pour faire une couple de sacres! à mettre dans la place. Le marcschal , à ce rapport, donna charge audict Francisque Bernardin de Vimercat d'aller donner ordre à ceste fortification , de mencr avec luy deux cens chevaulx et mil, que argolets qu'arquebusiers, tant pour tenir , * Sortc de fauconneau.

MÉMOIRES DE BOYVIN DU VILLARS

[1552] teste contre ceux de Cairas, qui pourroient entreprendre de le destourner , que pour estre aussi obéy par ceux des environs. Cela fut exécuté en quinze jours, et la garde du fort baillée audict Jacques du Solier , qui en fit depuis si bon devoir que Cairas demeuroit par ce moyen à demy assiegé , n'estant qu'à trois mils de là; à quoy aydoient fort aussi Polens et Saincte-Victoire precedemment prins, et que nous tenions encores.

Sur le commencement d'avril, La Motte Gondrin fut adverty quetrois cens hommes de pied et cent chevaux , qui tenoient garnison à Tonc, estoient reduicts à tel desespoir par necessité de vivres et d'argent, qu'il esperoit ks emporter s’il plaisoit au mareschal lu y permettre de sortir avec deux coulevrines. La responce duquel fut : qu'il louoit l'entreprinse, mais non jamais de tirer ou hasarder l'artillerie ; et que pour jouer au plus seur , il fist charpenter et noircir quelque bois ayant forme d'artillerie , et qu'à son advis cela suffroit pour les espouvanter. Luy le fit aiosi; mais en marchant, la fortune luy fut si favorable , que il rencontra ces pauvres gens se retirans en Ast, de tous lesquels il eust tel marché qu'il voulust.

Sur le 9 avril le mareschal eut nouvelles que le roy commençoit à marcher avec son armée vers la Lorraine , ayant laissé la royne pour regente , laquelle estoit tout aussi tost tombée en une si extresme maladie qu'il y avoit peu d'esperance en sa vie. Là dessus il commanda qu'on fist prieres et processions publiques, auxquelles il assista.

Peu auparavant, Galeas Fregose, Genevois, et un sien compagnon, estoient venus trou— ver le mareschal pour luy proposer certains moyens qu'ils’avoient , disoient-ils, de prendre tout en un coup et la ville de Gennes et mesme le prince Doria en son palais , qui estoit joignant la porte de la ville. Le mareschal, à si grande et si importante offre que cestelà , fit grandes caresses et promesses à ceuxcy s'ils pouvoient mener à fin ceste practique; mais que, pour plus courageusement l'embrasser , il les prioit luy vouloir ouvertement declarer par quels moyens ils pretendoient y pouvoir parvenir , autrement il ne s’y embarqueroit jamais. Ceux-cy luy firent entendre

= pe eme thonnenne ati EP mp PE

[1552] qu'ils avoient un de leurs parens principal camerier dudict prince Doria, qui avoit telle. auctorité chez luy, qui tenoit les clefs du palais, et de la porte mesme qui serroitun petit canal de mer , où estoient toujours deux galeres et deux petites barques où le prince se faisoit porter quand il alloit en ville ; que cesty-cy estoit d'accord avec eux qu'au jour et à la meme heure qu'ils accorderoient , il leur ouvriroit la porte et leur donneroit si libre entrée jusque dans la chambre du prince, qu'il seroit prins vif et sa famille massacrée ; que, cela faict, il donneroit aussi l'entrée pour saisir les deux guleres et les barques, qu'ils rempliroient des mesmes trouppes qui auroient faict l'execution ; qu’ils prendroient le contre-seing ou soit le mot dont le prince se servoit pour faire entrer les siens dans la ville durant la nuict, comme il advenoit assez souvent , selon l’occasion et occurrence des affaires ; et qu'au mesme instant qu'ils marcheroient vers la ville avec ces galcres , ils donneroient aussi une escallade à la porte de la Lanterne, près de laquelle se tenoit un de leurs amis qui sortiroit lors avec cinq ou six des siens , qui favoriseroient l’escallade pendant que les autres donneroient à la porte ; mais que tout cecy ne pourroit estre heureusement conduit si les galeres du roy n'arrivoient soudain au secours. Ils s’asseuroient aussi.qu’en criant France et liberté ! toute la populace prendroit les armes à la faveur de la France, à laquelle ils estoient de longue main affectionnés. Et tenant le prince prisonnier , als pourroient par son moyen avoir Savonne entre leurs mains, le menaçant de mort s'il ne la faisoit rendre; et qu'au pis prendre on en üreroit une grande rançon.

Sur toutes choses il falloit si bien discipliner les trouppes qui seroient conduites à ceste execution, qu'ils ne fissent, soiten marchant, soit mesme lorsqu'ils seroient dans la ville, aucune violence , ans entendissent seulement à s'emparer des murailles et des bastions.

Ces choses souvent repetées, et d'une mesme cadence, donnerent occasion au mareschal de croire tout ce que ceux-cy proposoient; mais ayant depuis bien ruminé la consequence et toutes les circonstances de l'entreprinse, il trouva que pour l'executer