XVI: srècre, La PL et La PI

plus par le pape, et que aucunes dispenses ne seroyent receues, il y eut grande difficulté à recevoir le pouvoir dudict légat, le chancelier remonstrant qu'il ne pouvoit rien faire contre ce qui avoit esté si franchement résola et conclud par lesdicts états. Mais ce nonobstant ledict légat donnant à entendre que. estant allié de la maison de France, ce luy seroit un grand reproche et déshonneur d’estre le premier légat refusé en icelle, offrant de ne s’ayder dudict pouvoir, et s’en retourner tost après la vérification d’iceluy. Fut commandé au chancelier d’en seeller les lettres, ce qu'il feit, après plusieurs altercations entre ledict 1égat et luy, et avoir mis de sa main soubs le seel d'icelles lettres ces mots : me non consenliente, c'està-dire moy non consentant , lesquelles veues par ladicte cour furent refusées, et dict qu’elle ne pouvoit et ne devoit les recevoir, qui est la response accoustumée d’estre faicte ès choses que elle juge estre plus desraisonnables.

Dès son arrivée, il trouva la cour autrement disposée qu’il n’eust voulu, pour ce qu’il y eut des pages et laquais si pétulans que de crier au regnard après son porte-croix, tellement qu'il luy convint s’en abstenir. On feit imprimer à son vitupère une effigie estrange du feu pape Alexandre sixiesme son grand-père, avec l’histoire de sa vie et de sa mort par escript au-drssoubs, parlant de la mère dudict cardinal en mesmes termes que fait le poète Pontanus, qui fut incontinent défendue. La mémoire de sondict frère ne luy servit de guères de faveur, pour les grands deniers qu’on disoit qu'il avoit tiré de ce royaume, mesmement à la rupture de la trève, dont a esté parlé cy-devant, veu qu'il estoit homme lige du roy par obligation passée par Borso d’Æst premier duc de Ferrare pour luy et tous ses successeurs ducs, desquels cestuy estnit le quatriesme, et ce en recognoissance de l’honneur que sa maison receut, luv estant permis de escarteler ses armes de fleurs de lis, dont il y a acte solennel ès chartres du roy. Ledict cardinal toutesfois ayant trouvé à son arrivée ces diflicultés, s’en sceut si bien desveloper, qu’il ne laissa de parvenir à ses desseings, ainsi qu'il sera veu cy-après.

Le vingthuic!iesme du mois d’aoust mourut en la ville de Paris Jaqueline de Longvi. du-

chesse de Montpensier, qui laissa un fils, monsieur le comte daulphin d'Auvergne Francois de Bourbon, et trois filles, Francoise, Anne et Loyse. L’aisnée fut peu devant la mort du roy Henry mariée à Robert de la Marche duc de Bouillon, opportunément pour luy conserver le gouvernement de Normandie par la faveur de ladicte dame sa belle-mère. La seconde fut par elle rappelée d’Espaigne, où elle estoit aimée et honorée près la roine Elisabeth, pour la marier à Henry de Clèves comte d’Eu, et par mesme moyen l’asseurer du gouvernement de Champaigne, après la mort du duc de Nivernois son père, qui mourut peu après; pour empescher que ceux à qui le feu roy François premier l'avoit tiré des poings par grand artifice, et baillé à monsieur d'Orléans son fils pour l’importance dudict gouvernement, ne trouvassent moyen d'y rentrer.

Elle désiroit que le duc de Longueville espousast la troisicsme, destinée par le père à estre religieuse à Fontevrault, au grand regret de ladicte dame, ainsi qu'elle feit entendre à son mary par ses derniers propos, ne luy célant ce dont il l’avoit auparavant souspeconnée, qu’elle estoit de la religion dicte réformée; ce qu'elle avoit bien faict paroistre durant sadicte maladie (qui fut longue), elle estant à Fontainebleau, et le roy à Reims pour son sacre, où elle demanda un ministre de la religion pour conférer avec luy du faict de sa conscience. Malo luy ayant esté envoyé, qui luy refusa de luy administrer le sacrement de la cène, qu’elle demandoit, pour autant qu’elle estoit seule, et n’y avoit autre pour Communier avec elle. Remonstrant ledict Malo qu’iceluy sacrement n’estoit institué pour estre particulièrement administré, comme estoit bien le baptesme, ains pour estre communié à plusieurs fidèles ensemblement, dont toutesfois elle ne se pouvoit contenter, voulant en toutes sortes faire déclaration de la religion en laquelle elle vouloit mourir.

Si elle eust plus longuement vescu, l’on estime que les troubles ne fussent tels survenus que depuis ils survindrent, pour ce qu’elle estoit d’une part fort aimée et creue de la roine, et d'autre, le roy de Navarre se sentoit fort obligé à elle, qui servoit d’un lien pour les unir et entretenir en paix et amitié. Elle estoit femme de bon entendement, et clair-voyante aux affaires mesme d’estat.

Or, ainsi que les prélats de France estoyent assemblés à Poissy près Sainct-Germain-en-Laye, pour adviser tant au faict de la religion, que aussi pour regarder le moyen de contribuer argent par eux et autres ecclésiastiques pour l’acquict des debtes du roy, ainsi que par lettres expresses à eux addressantes il leur avoit esté ordonné. Plusieurs dela religion dicte nouvelle, lors et depuis appelée réformée, commencèrent à s’assembler audict lieu, selon la foy et saufconduict qui leur avoit esté baillé par le roy, pour proposer librement tout ce qui appartiendroit à la vraye religion, paix et tranquillité da royaume. Lesquels, pour commencer à faire l'ouverture dudict colloque, présentèrent une requeste au roy, contenant quatre poincts. Le premier, que lesdicts prélats et autres ecclésiastiques n’eussent à entreprendre l’auctorité de juges sur eux. Le deuxiesme, que le roy avec son conseil eust à présider audict colloque et conférence. Le troisiesme, que toutes leurs difficultés et controverses eussent à estre décidées et terminées par la scule parolle de Dieu. Le quatriesme, que tout ce qui seroit déduict, conclæd et arresté audict colloque eust à estre recueil par notaires et greffiers, dont d’une part et d'autre on seroit d'accord, et auxquels foy entière seroit adjoustée. Sur ceste requeste fut respondu que le roy en communiqueroit à son conseil, non pour difficulté qu’on y feist, mais à fin de communiquer ladicte requeste auxdicts prélats, et de leur consentement, s’il estoit possible, conduire et acheminer laffaire.

Ainsi que là dessus plusieurs remises se faisoyent,disans aucuns que les dicts de la religion nouvelle estoyent de long temps condamnés comme hérétiques, avec lesquels il ne falloit disputer, et autres propos semblables, plusieurs de ladicte religion arrivoyent, non seulement de toutes les provinces de ce royaume, maïs aussi d’autres pays circonvoisins et loingtains. Entre lesquels les principaux furent Augustin Marlorat, Francois de Sainct-Paul, Jean Raymond Merlin, Jean Mallo, Francois Morel, Nicolas Tobie, Théodore de Bèze, Claude de Ia Boissière, Jean Boquin, Jean Virel, Jean de a Tour, Nicolas des Gallards ; avec lesquels se v rt joindre Jean de l’Espine, homme docte, s’estant long temps auparavant tenu caché en Franee, qui lors renonça publiquement à l'Église romairie, et soubsigna à la doctrine desdicts de

la religion appelée réformée. Et après aussi ar-

riva Pierre Martyr Florentin, docteur et professeur de théologie en l’eschole de Zuric premier quanton des ligues, mandé pour se trouver audict colloque, homme jà vieil et grandement renommé.

Ce pendant lesdicts prélats estoyent empeschés à la dispute de plusieurs questions entre eux proposées, c’est à scavoir de ce qui est requis de faire aux évesques, de la dignité des églises cathédrales, deschanoines et de leurs exemptions, des curés et de leur institution, soit par présentation, soit par collation ordinaire, de la portion canonique, des presbtres moindres et de leur nombre effréné, de la réformation des monastères, des commendes, de Pincompatibilité des bénéfices, et autres scmblables.

Or incontinent après l’arrivée dudict de Bèze, advint ainsi qu’il estoit allé faire la révérence à la roine, estant lors en la chambre du roy de Navarre, qui avoit mandé ledict de Bèze pour venir, que le cardinal de Lorraine présent commenca à l’enhorter d’estudier à la paix et concorde, tout ainsi (disoit-il) qu'il avoit faict cy devant à le mettre en trouble; qu’en ce faisant ce seroit un moyen de le pacifier. Bèze luy respondit qu’il n’avoit jamais eu ce pouvoir de troubler un tel et si grand royaume, et moins encores de volonté de ce faire, comme ses escripts en pouvoyent tesmoigner, et espéroit qu’au colloque qui se devoit faire il le feroit encore mieux paroistre.

Adonc la roine commenca à luy parler de ses livres, qui fut occasion audict cardinal de dire qu’il avoit veu un livre duquel on disoit ledict de Bîze estre autheur, et auquel il avoit leu une chose très absurde, à scavoir que maintenant il falloit chercher Jésus Christ en la cène, tout ainsi qu'il estoit auparavant qu'il eust revestu nostre chair et fust nay de la Vierge. «J’ay aussi entendu, adjousta-il, s’addressant audict de Bèze, que vous avez escript en quelque lieu que Jesus-Christ estoit à chercher en la cène comme au bourbier et fange, usant de ces mots latins, in cœna ut in cœno, dont plusieurs illec présens se sentirent grandement offensés. Si les livres dict de Bèze estoyent icy présens, je pourrois plus certainement respondre s'ils sont miens; mais toutesfois quant au premier poinct, äl semblerait véritablement qu’il y eust quelque

absurdité, ainsi que monsieur le cardinal le récite: mais bien veu et entendu ce qui est devant et ce qui s'ensuit après, il se trouvera estre très véritable. Mais au regard du second, il est meschant et blasphème, et suis certain qu'il ne se trouvera escript en mes livres, ny en aucun des nostres. »

Ce dernier poincet donc délaissé, le cardinal reprenant le premier, dict : «C’est unc estrange chose de vouloir maintenir que nous n’avons rien davantage que nos pères anciens, et comment est-ce qu’ils pouvoyent parler de la chair de Jésus-Christ devant qu’il fust faict homme?* Adonc de Dèze commenca à demander au cardinal si depuis la eréation du monde il n’y avoit pas tousjours eu quelque Église : puis, si l'Église n’a pas tousjours esté dicte Église dès le commencement du monde, par celuy qui a esté médiateur entre Dicu et les hommes; et si Jésus-Christ, vray Dieu et homme, n'estoit pas celui médiateur. Ce que ayant par Juy esté accordé : « Doncques, dict de Bèze, la communion des fidèles avec Christ n’est à restreindre au temps auquel il a conjoinct réalement la divinité avec nostre nature : car ce qui n’estoit encores selon Pordre de nature a esté néantmoins tousjours présent par la vertu et efficace de la foy. N’est-il pas dict que Abraham a veu le jour de Christ, et qu’il s'en est esjouy? Et sainct Paul dit que nos pères ont mangé une mesme viande spirituelle, ct beu un mesme breuvage spirituel que nous, à scavoir Christ.» Ce que lediet cardinal ayant accordé, ajousta ce qui est escript en l’Apocalypse : que l’aigneau avoit esté oecis dès la création du monde.

De là ledict de Bèze estant venu à traicter quelques différences qui sont entre le vicil et le nouveau testament, de ceste question comme il est de coustume, s’en engendra une autre de la présence du corps de Jésus-Christ, en la cène. « Nous ne sommes d'accord, dict le cardinal, en l'exposition de ces mots: c'est mon

corps.» — « Je le confesse dict de Bèze, et me

desplaist que nous ne pouvons mieux nous en accorder, ce que j'aime mieux franchement confesser que le dissimuler.»—«Jenseigne aux enfans de mon diocèse, dict le cardinal, quand ils sont interrogués que c’est du pain en la cène de respondre que c’est le corps de Jésus-

Christ. Réprouvez vous cela ?»—4 Non, dict de

Bèze ; car c’est la parone du Christ. Mais l'on demande comment c’est que le pain s'appelle corps de Jésus-Christ, car tout ce qui est n’est pas d'une sorte et manière. »

Et lors il toucha quelque chose des manières de parler sacramentales. À quoy le cardinal ne répugnoit grandement; au contraire il s’arresta seulement sur ces mots : « La pierre estoit Christ, » allégué par ledict de Bèze, luy alléguant au contraire ce passage : « La parole a esté faicte chair.» Ce qui est dict de la communion hypostatique, dict de Bèze, diffère grandement de la sacramentale. Brief ceste question, adjousta-il, peult estre comprise et décidée en quatre poincts. Le premier est des signes ; le second, de la chose signifiée ; le tiers, de la conjonction des signes avec la chose siguifiée; et Je quatriesme, de la participation des signes et de la chose par eux signifiée.

Quant au premier, nous sommes en cela d’accord, dict-il, que en la cène vous ne mettez pour les signes que les accidens, et nous y mettons la substance du pain et du vin, ainsi que la nature des sacremens le requiert, et toute l’'Escripture l'enseigne. »

Le cardinal interrompant à cest endroict le propos : « J’estime quant à moy, dict-il, que je pourrois défendre la transsubstantiation, mais que les théologiens toutesfois s’en fussent bien aisément peu passer; et n'estime point que pour ce regard il doive avoir division entre les eglises. »

— « Quant au second, dict de Bèze, suyvant son propos, nous ne disons pas que le mérite de la mort et passion de Jésus-Christ nous soit signifié par les signes du pain et du vin; mais que le vray corps attaché à la croix, et le vray sang espandu pour nous; et finalement que Jésus-Christ vray Dieu et homme nous est offert par ces signès visibles, à fin que nos cueurs et nos entendemens eslevés par foy au ciel, où ilest maintenant, le contemplent spirituellement, et jouissent de tousses biens et thrésors à la vie éternelle ; et ce aussi certainement et véritablement que nous voyons, nous . prenons, mangeons et beuvons les signes cor- ‘ porels et visibles. »

A quoy le cardinal s'accorde, déclarant que ce iuy avoit esté chose agréable d’avoir entendu ce propos, pour ce qu’il avoit ouy dire que la doctrine de luy et de ses semblables fust autre.

DE L'ESTAT DE LA RELIGION

« Quant au tiers poinct, dict de Bèze, il y a grande différence entre l’eaue commune, et l'eaue de laquelle nous sommes lavés au baptesme; entre le pain et le vin duquelcommunément nous usons, et celuy qui nous est baillé en la cène; car l’eaue du baptesme, et le pain et le vin de la cène sont sacremens, c’est-à-dire, signes et tesmoignages visibles du corps et du sang du Seigneur. Mais nous ne disons que ce changement se face en la substance des elémens, mais en ce qu'ils sont changés à autre usage que celuy qui est naturel; pour ce qu’estant destinés à la nourriture du corps, estants faicts sacremens, ils représentent ce qui paist nos ames. D’advantage nous n’attribuons pas ceste mutation sacramentale à la vertu des parolles prononcées, ny à l’intention de celuy qui les prononce, mais à la vertu et puissance de Dieu, la volonté et ordonnance duquel nous est déclarée par sa parolle. Par quoy d'autant que la chose signifiée nous est offerte et donnée du Seigneur, et ce autant véritablement que les signes nous sont offerts, d'autant pour ce regard, et non autre, est à recognoistre la conjonction des signes avec la chose signifiée. Et par ce moyen le corps et le sang de Jésus- Christ, en tant qu'il nous sont véritablement donnés et communiqués, nous sont présens en l'usage de la cènc, non pourtant qu’il faille dire que ce corps soit soubs le pain, ou au pain, ou avec le pain, ou bien en autre lieu qu’au ciel, auquel Jésus-Christ est monté, et y est contenu selon l’humaine nature jusques à ce qu'il vienne juger les vifs et les morts. »

Sur ce poinct le cardinal tesmoigna de rechef qu’il ne mettoit en avant la transsubstantiation, et qu’à la vérité il falloit chercher Christ au ciel, entremettant néantmoins quelque propos de la présence réelle selon l’opinion des Alemans, ct confondant l’un avec l’autre, de sorte qu'il monstroit bien qu’il n’estoit assez versé en cest article, ainsi que luy-mesme confessoit, disant qu’il avoit employé la pluspart de son temps en autres choses. « Je confesse, dict de Bèze, que nous ne sommes d’accord en ce tiers chef et article avec quelques uns des Alemans; maisen cela, graces à Dieu, nous accordons-nous que nous condamnons tous d’un consentement la transsubstantiation, et tout ce que par conséquent s’ensuit d’icelle : et confessons la vraye communication du corps et du sang d’une

mesme manière.»— «Confessez-vous donc, dict | par autre preuve que de l’Escripture; et que le

le cardinal, que vrayement et substantialement nous communiquons au Corps et au sang de Jésus-Christ?» — «C’est le quatriesme et dernier chef, duquel il reste de parler, dict de Bèze.

« Nous disons en somme que les signes visi-

bles, qui naturellement sont mangés et beus, sont touchés de la main; mais que la chose signifiée, à scavoir le corps et le sang de Jésus- Christ, sont vrayement et sans fard et décepton offerts à tous: et que toutesfois ils ne peuvent autrement estre receus que spirituelle ment et par foy, car ils ne se prennent et ne se recoivent de la main ny de la bouche, la communication néantmoins demourant autant certaine que ce qui se voit des yeux, et se touche de la main; ores que le mystère de ceste communication et vertu du Saint-Esprit ne se puisse comprendre par nos entendemens. »

Le cardinal déclara qu’il luy estoit satisfaict par ses raisons et moyens, et l’afferma en parolles expresses, conviant ledict de Bèze de le voir, à fin que plus souvent il peust conférer avec luy, pour chercher ensemblement quelque bonne voye et ouverture d’accord. Le lendemain le bruict courut, non seulement à la

cour, mais aussi à Possy, et jusques aux pays

loingtains, que de Bèze avoit esté vaincu et réduict par le cardinal de Lorraine au premier colloque faict entr’eux.

Ainsi que plusieurs remises et longueurs se faisoyent à la response de la requeste susdicte présentée par ceux de la religion dicte réformée, ils allèrent finalement supplier les princes du sang qu'ils fussent ouys, et signamment que les conditions qu’ils avoyent demandées leur fassent octroyées; mesmement de n’estre jugés par les prélats, à fin qu’ils ne fussent juges en leur cause, requérans response leur estre baillée par escript. Ce que leur estant desnié, ils furent à la roine, la suppliant très instamment de faire droict à leur requeste. Elle leur feit response que nullement lesdicts prélats ne seroyent leurs juges, et que un secrétaire d’estat leur seroit baillé pour notaire et greffier. Que si eux-mesmes vouloyent recueillir par escript ce qui seroit déduict au colloque, ce dont ils se pourroyent accorder, et qui demeureroit en controverse, l’arrestant jour par jour, faire le pourroyent; et mesmes protester publiquement

de ne vouloir leurs difficultés estre décidées :

roy avec les princes du sang seroit présent à leur conférence et dispute. Qu'ils eussent au reste à s’y porter modestement, sans rien chercher que la gloire de Dieu, de laquelle elle estimoit qu'ils fussent studieux et amateurs. Que de leur en bailler aucune chose par escript il n’estoit expédient pour plusieurs raisons; mais qu’il leur seroit baillé quand en seroit besoing : les admonestant de ne se confier moins en ses parolles que à l’Escripture; queil estuit malaisé mesmes avec l'Escripture d’empescher fle decevoir celuy qui ha intention de tromper.

Ainsi qu'ils sortirent ayans receu ceste response, les docteurs de la Sorbonne entrèrent, supplians la roine de n’ouyr ceux de la nouvelle religion ; que si elle avoit arresté de les ouyr, que à tout le moins elle ne permist que le roy y assistast, pour le danger qui pourroit estre si en ce bas aage il estoit infecté de leur perverse doctrine, de laquelle malaiséement puis après il pourroit estre destourné ; qu'eux estans pieçà condemnés d’hérésie ils ne devoyent estre oys. La roine leur feit response qu’elle ne feroit rien qu'avec conseil, et qu'ils pourroyent entendre que laffaire ne seroit traictée à l’opinion de ceux de ladicte religion.

Le lendemain neufviesme jour de septembre s’assemblèrent à Poissy, au grand reffectoir des nonains, le roy, monsieur le duc d'Orléans son frère, madame Marguerite sa sœur, la roine, les roy et roine de Navarre, monsieur le prince de Condé son frère, et autres princes du sang et sieurs du conseil où estoyent assemblés les prélats susdicts, cardinaulx, archevesques et évesques, jusques au nombre de quarante ou cinquante présens, avec plusieurs autres pour les absens ct délégués des chapitres. Il y avoit d’une part et d'autre du long de la salle deux bancs, sur lesquels estoient assis les prélats ; à scavoir du côté dextre, les cardinaulx de Tournon, Lorraine et de Chastillon, les archevesques de Bordeaux et d’Ambrun, et plusieurs évesques de suyte, selon leur antiquités et prééminences: au senestre estoyent les cardinaulx d’Armignac, Bourbon et Guyse, et les autres évesques. Il y entra grand nombre de théologiens accompaignans lesdicts prélats, et autres gens mesmement de robbe longue. Puis

. après les ministres susdicts, douze en nombre,

et environ vingt délégués des églises entrè-

rent, ct, à fin que la commune ne se jettast sur cux, ils furent conduicts de Sainct-Germain jusques audict lieu par des archers de la garde du roy.

Faisans tous lesquels silence, le roy commenca à dire qu’un chaseun estoit assez adverty des troubles qui estoyent en ce royaume, ct que pour ce il avoit faict faire assemblée en ce lieu pour réformer les choses qu’ils verroyent y estre à réformer, sans passion quelconque, ny regard aucun du particulier intérest, mais seulement de l'honneur de Dieu, de Pacquit des consciences et du repos du publie. « Ce que je désire, disoitil, tant, que j'ay délibéré que vous ne bougiez de ce lieu jusqu’à ce que vous y ayez donné si bon ordre que mes subjects puissent désormais vivre en paix et union les uns avec les autres, comme j'espère que vous ferez. Et ce faisant me donnerez occasion de vous avoir en la mesme protection qu'ont eu Îles rois mes prédécesseurs. »

Le roy après commanda à monsieur le chancelier déclarer plus au long son intention à la compaignie, et le feit asscoir sur une escabelle assez avant en la salle vers le costé droict. Lequel, obéissant à ce que luy cstoit commandé, exposa auxdicts prélats assemblés la cause qui avoit mou le roy de les assembler ; leur remonstra que ses prédécesseurs et luy avoyent essayé par tous moyens tant de force que de douceur à réunir son peuple, qui estoit si malheurcusement divisé par la diversité des opinions, ct que l'un ct l’autre dessecing n’avoit que bien peu proficté, tellement qu’à la division qui jà long temps estoit commencée, estoit encores survenue une inimitié capitale entre ses subjects, de laquelle, si Dieu n’y donnoit quelque prompt et brief remède, l’on ne pouvoit attendre qu’entièreruinectsubversion de cest estat.

Et pour ceste cause, suyvant ce que les anciens roys avoyent faict se trouvans en pareille nécessité, il les avoit faict appeler pour leur communiquer le besoin qu’il avoit d’estre en ceste affaire conseillé et sccouru ; les priant, autant que possible, d'adviser avant toutes choses comment l’on pourroit appaiser Dieu, qui certainement estoit irrité. et en quelle manière l’on pourroit oster et desraciner tout ce qui l’a courroucé et offensé. Et s’il estoit trouvé qu’en la manière de le servir, par la paresse ct avarice de ceux qui en ont eu la charec,

DE L’ESTAT DE LA RELIGION

eussent esté introduicts quelques abus contre sa parolle, contre l'ordonnance de ses apostres et des anciennes constitutions de l’Église, il les prioit, d'autant que leur authorité se pouvoit cstendre, y vouloir mettre la main si avant que leurs ennemis perdissent l’occasion qu’ils avoient prinse de mesdire d’eux, et distraire le peuple de leur obéissance. Qu'ils regardassent aussi tout ce qui pouvoit réformer, et leur vie, et l'administration de leur charge.

Et d'autant que la diversité des opinions estoit le principal fondement des troubles et séditions, le roy avoit, suyvant ce que jà auroit esté arresté par les deux assemblées, accordé un sauf-conduict aux ministres de ladicte secte, espérant qu'une conférence avecques ceux amiable et gracicuse pourroit grandement proficter. Et pour ceste cause, il prioit toute la compaignie de les recevoir, comme le père fait ses enfans, et prendre la peine de les endoctriner et instruire. Et s’il advenoit le contraire de ce qu'il avoit espéré, et qu’il n’y eust moyen de les réduire, ny de nous réunir, pour le moins ne pourroit-on dire cy-après, connne l'on a faict par le passé, qu’ils ayent esté condamnés sans les ouyr. Et de ceste dispute bien ct fidèlement recucillie d’une part et d'autre, la faisant publier par toutleroyaume telle qu’elle auroit esté faicte, le peuple pourroit comprendre qu'avec bonnes, justes et certaines raisons, ct non par force ny par authorité, ceste doctrine auroit esté réprouvée et condamnée. Promettoit Sa Majesté que, comme ses prédécesseurs rois l’avoyent esté,aussi seroit-il en tout et par-tout protecteur ct défenseur de son Église.

Adonc le cardinal de Tournon, président en ceste assemblée, comme plus ancien et doyen du collége des cardinaulx, et primat de France à cause de son archevesché de Lyon, respondit, remerciant Dieu de la grace qu’il Iuy faisoit ct à la compaignie, de se voir assemblés pour un si bon effect. Il remercia parcillement le roy, la roine et les princes du sang de l’honneur qu'ils faisoyent à ceste assemblée d’y vouloir assister et faire proposer choses si sainctes, comme avoit déduictes monsieur le chancelier, tant doctement, sagement et bien qu'il n’estoit possible de mieux.

Au surplus qu’il s’estoit préparé pour respondre aux poincts principaux portés par les lettres à eux envoyées, à fin de s’assembler en

ce lieu, pensant qu’on les deust proposer et en : gendre droicte pénitence en nous, laquelle nous avoyentarrestémémoires : maisqu'estans main- ! mortifiant, à tous péchés produise fruicts de

tenant proposées plusieurs autres choses de grande importance auxquelles ne pourroit promptement respondre, et quand bien le pourroit, il ne le voudroit entreprendre seul sans l’advis de la compaignie, à raison de ce il requéroit que ledit chancelier baillast sa proposition par escript, et qu’il lui fust donné loisir d'en délibérer. A quoy luy fut respondu par ledict chancelier qu’il n’estoit besoing la bailler, et que chascun l’avoit peu entendre. Le cardinal insista au contraire qu’il eust à la bailler, mesmemcent pour la monstrer aux autres évesques qui n’avoyent esté du commencement, et qai venoyent de jour à autre. Mais à ce, ledict chancelier finalement ne voulut entendre. Ce faict, estant commandé aux ministres dessusdicts de parler, Théodore de Bèze, esleu de tous les autres pour ce faire, dict et parla en la maniére qui s'ensuit :

«Sire, puisque l'issue de toutes entreprises et grandes et petites dépend de l'assistance et faveur de nostre Dieu, et principalement quand Îlest question de ce qui appartient à son service et qui surmonte la capacité de nos entendemens, nous espérons que Vostre Majesté ne trouvera mauvais ny estrange si nous com mençÇons par l'invocation du nom d'iceluy, le suppliant en ceste façon : Seigneur Dieu, père éternel et tout-puissant, nous confessons et recognoissons devant ta saincte majesté que nous sommes pauvres et misérables pécheurs, conceus et nais en iniquité et corruption, enclins à mal faire, inutiles à tout bien, et que de nosire vice nous transgressons sans fin et sans cesse tes saincts commandemens ; en quoy faisant, nous acquérons par ton juste jugement ruyne et perdition sur nous. Toutesfois, Sei- &neur, nous avons desplaisir en nous-mesmes de t'avoir offensé, et condamnons nous et nos vices avec vraye repentance, désirans que ta grace subvienne à nostre calamité. Vueilles doncques avoir pitié de nous, 6 Dieu et père très bénin et plein de miséricorde, au nom de ton fils Jésus-Christ, nostre Seigneur et seul rédempteur ; et, en effaçant nos vices et maculs, eslargis-nous et augmente de jour en jour #8 graces de ton sainct esprit, à fin que, re- Wgnoissants de tout nostre cueur nostre injus- Uce, nous soyons touchés de desplaisir qui en-

justice et innocence qui te soyent agréables par iceluy Jésus-Christ, nostre Seigneur et seul sauveur.

« Et d'autant que ce jour d’huy il te plaist favoriser tes pauvres et inutiles serviteurs jusques là que de leur donner moyen de pouvoir librement, et en la présence du roy que tu as establi sur eux, et de la plus illustre et noble compaignie du monde, déclarer ce que tu leur as donné à cognoistre de ta saincte vérité, qu’il te plaise, continuant le cours de tes bontés et miséricordes, Ô Dieu et père des lumières, tellement illuminer nos entendemens, guider nos affections, et les former à toute docilité, et tel- : lement conduire nos parolles qu’en toute sincérité et vérité, après avoir conceu, selon la mesure qu’il te plaira nous départir, les secrets que tu as révélés aux hommes pour leur salut, nous puissions, et de cueur et de bouche, mettre en avant chose qui puisse servir à l’honncur et gloire de ton Sainct Nom, à la prospérité et grandeur de nostre roy et de tous ceux qui luy appartiennent, avec le repos et consolation de toute la chrestienté, et nomméement de ce royaume. Seigneur et père Tout-Puissant, nous te demandons toutes ces choses au nom et en la faveur de Jésus-Christ, ton fils nostre Sauveur, comme luy-mesme nous a appris de les demander, disans: « Nostre Père qui es ès cieux, etc.» Ceste prière ainsi faite à genouils, s’estant levé debout il continua comme il s’ensuit :

a Sire, c’est un heur bien grand à un fidèle et affectionné subject de voir la face de son prince, d'autant qu’icelle luy représentant comme la majesté de Dieu visible, faire ne se peult qu’il n’en soit grandement esmeu, pour considérer le devoir de l’obéissance et subjection qu’il luy doit. Car estanstels que noussommes,ce quenous voyons à l'œil, pourveu que l'œil soit bon , et la chose responde à ce qu'on a conceu, est de beaucoup plus grand effect que ce qui est considéré par nous avec une simple et nue appréhension d'esprit. Et s’il advient que non-seulement il puisse voir son prince, mais aussi qu’il soit veu de luy, et qui plus est écousté et finalement receu et approuvé, alors véritablement a-il receu une très grande satisfaction et singulier contentement.

« De ces quatre poincts, sire, il a pleu à Dieu, usant de ses secrets jugemens, qu’une partie de vos très humbles et très obéissans subjects ait esté long temps frustrée, à son très grand regret, jusqu’à ce qu’en usant de son infinie miséricorde, et donnant lieu à nos pleurs et gémissemens continuels, ils nous a tellement favorisés que ce jour nous apporte le bien, jusques icy plustost désiré qu’espéré, de voir Vostre Majesté, sire, et qui plus est, d’estre veus et oys d’icelle en la plus illustre et noble compaignie qui soit au monde. Quand doncques

nous n'aurions jamais receu autre bien, et n’en

recevrions par cy-après, si est-ce que le reste du cours de nos ans ne pourroit satisfaire pour suffisamment en remercier nostre Dieu, etrendre graces condignes à Vostre Majesté.

« Mais quand nous considérons avec cela que ce mesme jour non seulement nous fait ouverture, mais aussi nous convie, et par manière de dire d’une façon tant benigne, tant gracieuse et tant convenable à votre royale débonnaireté, nous contrainct à tesmoigner tous ensemble le devoir que nous avons à confesser le nom de nostre Dieu, à déclarer lobéissance que nous vous portons, force nous est de confesser, sire, que nos esprits ne sont capables de concevoir la grandeur d’un tel bien, et nos langues encores moins suffisantes à exprimer ce que l’affection leur commande. Tellement, sire, qu’une telle faveur surmontant toute éloquence humaine, nous aimons trop mieux confesser nostre imbécillité par un vergongneux silence, qu’amoindrir un tel bienfaict par défault de la parolle.

« Toutesfois, sire, nous souhaitons encores le quatrième et principal poinct, c’est à scavoir que nostre service ce jour d’hui soit receu de Vostre Majesté pour agréable. Ce qu’aussi nous espérons obtenir, s’il advient, et Dieu vueille qu'ainsi soit, que nostre venue apporte une fin, non point tant à nos misères et calamités passées, desquelles la mémoire s’en va comme esteinte par ceste heureuse journée, qu’à ce qui nous a semblé tousjours plus grief que la mort mesme, sçavoir est aux troubles et désordres survenus en Ce royaume pour le faict de la religion, avec la ruine et perdition d’un grand nombre de vos pauvres subjects.

« Or y a-il plusieurs occasions qui jusques

icy nous ont empesché de jouyr d’un si grand .

DE L’ESTAT DE LA RELIGION

bien, et qui encores aujourd'huy nous feroyent perdre tout courage, n’estoit que d'autre costé plusieurs choses nous fortifient et asseurent.

« I] y a premièrement une persuasion enracinée au cueur de plusieurs par un certain mal heur et par l’iniquité des temps, que nous sommes gens turbulents, ambitieux , addonnés à nostre sens, ennemis de toute concorde et tranquillité. Il y en peult avoir aussi qui présument que, encores que ne soyons du tout ennemis de paix, ce néantmoins nous la demandons avec des conditions tant rudes et aspres que nous ne sommes nullement recevables, comme si nous prétendions renverser tout le monde pour en faire un autre à notre facon, et même de despouiller aucuns de leurs biens et facultés pour nous en emparer. Il y a encores plusieurs tels ou plus grands empeschemens, sire ; mais nous aimons trop mieux que la mémoire en soit ensevelie, que renouveler les vieilles playes en les récitant maintenant que nous sommes sur le poinct, non pas de faire doléances et plainctes, mais de chercher les plus convenables et prompts remèdes.

« Et qui nous donne donc une telle asseurance au milieu de tant d’empeschemens?Sire, cæ n’est aucun appuy de chose qui soit en nous, veu que nous sommes en toutes sortes des plus petits et contemptibles du monde. Ce p’est point aussi, graces à Dieu, vaine presomption ny arrogance, car nosire parure et vile condition ne le porte pas. C’est plustôt, sire, nostre bonne conscience qui nous assure de notre bonne et juste cause, de laquelle aussi nous espérons que nostre Dieu, par le moyen de Votre Majesté, sera le défenseur et protecteur. C’est aussi la débonnaireté desjà remarquable en votre face, parolle et contenance.

C’est l'équité que nous voyons et expérimentons estre empreincte en vostre Cueur, madame; c’est la droicture de vous, sire, et des illustres princes du sang. C’est aussi l'occasion toute manifeste que nous avons d'espérer que vous, nos très honorés seigneurs de conseil, vous conformans à une mesme volonté, n’aurez moindre affection de nous octroyer une tant saincte et nécessaire concorde que nous avons

. de la recevoir. Et quoy plus? Il y a encores un

poinct qui nous entretient en bonne espérance; c'est que nous présumons, selon la reigle de

charité, que vous, messieurs, avec lesquels nous avons à conférer, vous efforcerez plustôt avec nous, selon notre petite mesure, à esclarcir la vérité qu'à l’obscurcir d'avantage ; à enseigner qu’à débattre; à peser les raisons qu’à les contredire; bref, à plustost empescher que le mal ne passe plus oultre, qu'à le rendre da tout incurable et mortel. Telle est l'opinion que nous avons conceu de vous, messieurs, vous priant au nom de ce grand Dieu, qui nous a icy assemblés, et qui sera juge de nos pensées etde nos parolles, que nonobstant toutes choses dictes, escriptes ou faictes par l’espace de quarante ans ou environ, vous vous despouilliez avec nous de toutes les passions et préjudices qui pourroyent empescher le fruict d’une si saincte et louable entreprinse; et espériez de nous, s’il vous plaist, ce que moyennant la grace de Dieu vous y trouverez, c’est à scavoir un esprit traictable et prest à recevoir tout ce qui sera prouvé par la pure parolle de Dieu.

« Ne pensez que nous soyons venus pour maintenir aucune erreur,mais pour descouvrir et amender tout ce qui se trouvera de défault, ou de nostre costé ou du vostre. N’estimez que nous soyons tant oultrecuidés que nous prétendions de ruiner ce que nous sçavons estre éternel, c’est à scavoir l’Église de nostre Dieu. Ne cuidez que nous cherchions les moyens de vous rendre pareils à nous en nostre pauvre et vile condition, en laquelle toutesfois, graces à Dieu, noustrouvons un singulier contentement. Nostre désir est que les ruines de Jérusalem soyent réparées ; que ce temple spirituel soit relevé; que ceste maison de Dieu, qui est bastie de pierres vives, soit remise en son entier ; que ces troupeaux tant espars et dissipés par une juste vengeance de Dieu, et nonchallance des hommes, soyent ralliés et recueillis en la bergerie de ce souverain et unique pasteur.

“Voylà nostre dessein, voylà tout nostredésir et intention, messieurs; et si vous ne lavezcreu jusques icy, nous espérons que vous le croirez quand nous aurons, en toute patience et mansuétude, conféré ce que Dieu nous aura donné. Et pleust à nostre Dieu que, sans passer oultre, au lieu d’argumens contraires nous puissions tous chanter un cantique au Seigneur et tendre la main lesuns aux autres, comme quelquesfois est advenu entre les armées et batailles toutes

mm —————

rangées des mécréans mesmes et infidèles;

XVIE siècze, La Pl, et La PI.

chose grandement honteuse pour nous si nous faisons estat de prescher la doctrine de paix e* de concorde, et ce pendant nous sommes les plus faciles à estre desjoincts, et les plus durs et difficiles à rallier. Mais quoy? ces choses se peuvent et doivent souhaiter par les hommes, mais c’est à Dieu à les octroyer, comme aussi il fera, quand il luy plaira couvrir nos péchés par sa bonté, et déchasser nos ténèbres par sa lumière.

“ Et sur ce propos, sire, à fin qu’on cognoisse que nous entendons de procéder en bonne conscience, simplement, clairement et rondement, nous déclarerons en sommaire, s’il plaist à Vostre Majesté nous en donner congé, quels sont les principaux poincts de ceste conférence; en telle sorte toutesfois que, Dieu aidant, nul ne aura juste occasion de s’en trouver offensé. Il y en a qui estiment et qui persuaderoyent volontiers aux autres que nous ne sommes discordans que de choses de petite con séquence, et plustost de choses indifférentes, que des poincts substantiels de nostre foy. Il y en a d’autres tout au rebours qui, par faulte d’estre bien informés de ce que nous croyons, présument que nous ne sommes d'accord en rien qui soit, non plus que Juifs ou Mahométistes. L’intention des premiers est autant & louer que l'opinion des derniers à rejecter.

comme nous espérons qui apperra par la déduction des propos. Mais, pour certain les uns ny les autres ne nous font ouverture d’une vraye et ferme concorde. Car si les derniers sont creus, l’une des parties ne peult subsister qu'en ruinant l’autre, ce qui est inhumain à penser, et très horrible à exécuter. Et si l’opipion des premiers est receue, il fauldra que plusieurs choses demeurent indécises, desquelles il sortira une discorde plus dangereuse et dom: mageable que jamais.

« Ainsi donc, nous confessons, ce qu’à peine pouvons-nous dire sans larmes, nous confessons, dis-je, qu’ainsi que nous accordons en quelques-uns des principaux poincts de nostre foy chrestienne, aussi sommes-nous différens en une partie d'iceux. Nous confessons un seul Dieu en une mesme essence infinie et incomprébhensible, distinct en trois personnes consubstantielles ct égalles en tout et par-tout, c’est à scavoir : le Père non engendré, le Fils éternellement engendré du Père, et le Sainct-Esprit

procédant du Père et du Fils. Nous confessons an seul Jésus-Christ vray Dieu et vray homme, sans confusion ny séparation des deux natures, ny des propriétés d’icelles. Nous confessons qu’en tant qu'il est homme, il n’est point fils de Joseph, mais a esté conceu par la vertu secrette du Sainct-Esprit au ventre de la bien heureuse vierge Marie, vierge, dis-je, devant et après l’enfantement. Nous confessons sa nativité, sa vie, sa mort, sa sépulture, sa descente aux enfers, sa résurrection et son ascension, comme elles sont contenues au sainct Évangile. Nous croyons qu'il est là hault au cicl, assis à la dextre du Père, dont il ne bougera qu'il ne vienne juger les vifs et les morts. Nous croyons au Sainct-Esprit, qui nous illumine, nous console, et nous soustient. Nous croyons qu’il y a une saincte Église catholique, c’est-à-dire universelle, qui est la compaignie et communauté des Saincts, hors laquelle il n’y a point de salut. Nous nous asseurons de la rémission gratuite de nos péchés au sang de Jésus-Christ, -par la vertu duquel, après que ces mesmes corps ressuscités auront esté rejoincts à nos ames, nous jouirons avec Dicu de la vie bienheureuse et éternelle.

« Comment donc, dira quelqu'un, ne voylà pas les articles de nostre foy? En quoy donc sommes-nous discordans? Premièrement, en l'interprétation d’une partie d’iceux ; secondement, en ce qu’il nous semble (et si nous sommes trompés en cest endroict, nous serons très aises de le cognoistre) qu’on ne s’est contenté des dessusdicts articles, ains que long temps y a qu’on n’a cessé d’adjouster articles sur articles, comme si la religion chrestienne estoit un édifice qui ne fust jamais achevé.

Nous disons d'avantage que ce qui a esté basti de nouveau, selon ce que nous pouvons cognoistre, n’a toujours esté basti sur les anciens fondemens ; et par conséquent difforme plustost l'édifice qu'il ne luy sert de parure et ornement Et toutesfois on s’est bien souvent plus arresté à ces accessoires qu’au principal. Voylà comme un sommaire de ce que nous croyons et enseignons. Mais à fin que nostre intention soit encores mieux entendue, nous déduirons ces poincts par le menu.

« Nous disons donc et espérons maintenir en toute sobriété par lestesmoignagesdes Sainctes- Escriptures que le vray Dieu, auquel il nous

DE L’ESTAT DE LA RELIGION

[1561] * fault croire, est despouillé de sa parfaicte justice, si on pense opposer à son ire et juste jugement autre satisfaction ny purgation en ce monde, ou en l’autre, que ceste obéissance toute entière et accomplie, qui ne se trouvera en autre qu’en un seul Jésus-Christ. Et pareillement que si nous disons qu’il nous quicte seulement une partie de nos debtes, d'autant que nous payons l’autre, il est despouillé de sa parfaite mistricorde. De là il s'ensuit, autant que nous en pouvons juger, que estant question de scavoir à quel tiltre nous avons paradis, il fault du tout s’arrester à la mort et passion d’un seul Jésus-Christ nostre Sauveur et Rédempteur, ou bien, qu’au lieu du vray Dicu on adoreroit un Dicu estrange, qui ne seroit parfaictement ny juste ny miséricordicux.

« De là aussi dépend un autre poinct de très grande conséquence touchant l'office de Jésus- Christ. Car si luy tout seul n'est entièrement nostre salut, ce nom tant précieux de Jésus, c’est-à-dire Sauveur qui a esté annoncé par l'ange Gabriel, ne luy seroit propre. Semblablement s’il n’est nostre seul prophète, nous ayant pleinement déclaré la volonté de Dieu son père pour nostre salut, premièrement par la bouche des prophètes, puis après en personne en la plénitude des temps, et conséquemment par ses fidèles apostres ; s’il n’est aussi le seul chef et roy spirituel de nos consciences; s’il n’est aussi nostre seul sacrificateur éternel, selon l’ordre de Melchisedech, ayant par une seule oblation de soy-mesme une fois faicte et jamais réitérable, réconcilié les hommes à Dieu, et maintenant seul intercédant au ciel pour nous jusques à la consommation du monde; bref, si nous ne sommes du tout complets en luy seul, ce nom et tiltre de Messias ou de Christ, c’est-àdire oinct et dédié de Dieu son père à cest effect, ne luy appartiendra point.

« Si doncques on ne se vouloit contenter de sa seule parolle fidèlement preschée, et depuis enregistrée par les prophètes et apostres, il seroit dépossédé de son estat de prophète; il scroit aussi dégradé de son estat de chef et de roy spirituel de son Église, si on vouloit faire nouvelles loix aux consciences; et de son estat de sacrificateur éternel par ceux qui entreprendroyent de l’offrir de rechef pour la rémission des péchés, et qui ne se contenteroyent de l’a-

voir pour seul intercesseur et advocat au ciel entre Dieu et les hommes.

«En troisiesme lieu, nous ne sommes d'accord, ny de la diffinition, ny de l’origine, ny des effects de la foy, que nous appelons, après sainct Paul, justifiante, et par laquelle seule nous croyons que Jésus-Christ avec tous ses biens nous est appliqué. Quant aux bonnes œuvres, s’il y en a aucuns qui estiment que nous les mesprisions, ils sont très mal informés; car nous ne séparons non plus la fov de la charité que la chaleur et lumière est séparée du feu. Et disons avec sainct Jean, en sa première canonique, que celuy qui dit qu’il cognoist Dieu et n’observe ses commandemens se desment soy-mesme par sa propre Conscience, et en toute sa vie.

« Mais au surplus’, nous confessons rondement que nous sommes discordants en trois principaux poincts sur ceste matière : Le premier est touchant l’origine et première source dont les bonnes œuvres procèdent ; le second, quelles elles sont; le troisiesme, à quoy elles sont bonnes. Quant au premier, nous ne trouvons autre franc arbitre en l’homme que celuv qui est affranchi par la seule grace de nostre Seigneur Jésus-Christ, et disons que nostre nature, en l’estat auquel elle est tombée, a besoing d’estre avant toutes choses, non pas aidée et soustenue, mais plustost tuée et amortie par la vertu de l'Esprit de Dieu, d'autant que la grace la trouve non pas seulement navrée et débilitée, mais du tout destituée ‘de force et contraire à tout bien, voire morte et pourrie en péché et corruption ; et faisons cest honneur à Dieu de ne vouloir point partager avec ay; car nous attribuons, et le commencement, et le milieu, et la fin de nos bonnes œuvres à la seule grace et miséricorde d’iceluy besongnant en nous. Quant au second poinct, nous ne recevons point autre reigle de justice et d’obéissance devant Dieu que les commandemens d’iceluy, comme ils sont escripts et enregistrés en sa saincte parole; auxquels nous n’estimons qu’il soit loisible à créature quelconque d’adjouster ou diminuer pour obliger les consciences. Quant autroisiesme poinct, c’est à scavoir à quoy elles sont bonnes, nous confessons qu’en tant qu’elles procèdent de lesprit de Dieu besongnant en nous, puisqu'elles procèdent d'une si bonne source, elles doivent

estre appelées bonnes, combien que si Dieu les vouloit examiner à la rigueur, il y trouveroit par trop à redire.

« Nous disons aussi qu’elles sont nonnes à autre usage, d'autant que paricellenostre Dieu est glorifié, les hommes sont attirés à sa cognoissance, et nous sommes asseurés que, l’esprit de Dieu estant en nous ( ce qui se cognoist par ses effects), nous sommes du nombre de ses esleus et prédestinés à salut. Mais quand il est question de scavoir à quel tiltre la vie éternelle nous appartient, nous disons avec sainct Paul que c’est un don gratuit de Dieu; et non point recompense deue à nos mérites. Car Jésus-Christ en cest esgard nous justifie par sa seule justice, nous estant imputée ; nous sanctifie par sa seule saincteté, nous estant eslargie; et nous a racheptés par son sacrifice unique qui nous est aloué moyennant une vraye et vive foy par la seule grace et libéralité de nostre Dicu. Tous ces thrésors nous sont communiqués par la vertu du Sainct-Esprit, se servant pour cest effect de la prédication de la parolle de Dieu et de l'administration de ses saincts sacremens, non point qu’il en ait nécessité, veu qu'il est Dieu tout puissant, mais d'autant qu'il luy plaist de se servir de ces moyens ordinaires pour créer et nourrir en nous ce précieux don de foy, qui est comme la seule main, pour appréhender, et comme le seul vaisseau pour recevoir Jésus-Christ en salut avec tous ses thrésors.

“Mais nous ne recevons pour parolle de Dieu que la doctrine escripte ès livres des prophètes et apostres, appelés le Vieil et Nouveau Testament. Car par qui serons-nous acertenés de nostre salut, sinon par ceux qui sont tesmoings sans nulle reproche ? Et quant aux escripts des anciens docteurs et aux conciles, devant que les recevoir sans aucun contredict, il fauldroit premièrement qu’on les accordast entièrement avec l’Escripture; et puis aussi entre eux-mesmes, veu que l'esprit de Dieu n’est jamais contraire à soy-mesme; ce que nous croyons que vous, messieurs, n’entreprendrez jamais de faire ; et quand vous l’auriez entrepris, vous nous pardonnerez, s’il vous plaist, si jamais nous ne croyons qu'il se puisse faire, que nous ne le voyons par effect. Quoy donc ? sommes-nous dela race de ce malheureux Cam fils de Noé, qui descouvrit la vergongne de son

père. Nous estimons-nous plus doctes que tant d'anciens docteurs grecs et latins? Sommesnous si oultrecuidés de penser que nous ayons les premiers descouvert la vérité, et de condamner d'ignorance tout le monde universel?

À Dieu ne plaise, messieurs, que nous soyons tels ; mais vous nous accorderez, à nostre advis, qu’il y a eu conciles et conciles, docteurs et docteurs, veu que ce n’est de maintenant qu’il y a eu de faulx prophètes en l’Église de Dieu, comme les apostres nous en advertissent en plusieurs lieux, et nomméement en la première à Timothée, quatriesme chapitre et, aux Actes des Apostres, chapitre vingtiesme.

« Secondement, quant à ceux qui sont receus, puisque toute la vérité qu’on y scauroit trouver doit estre nécessairement puisée des Escriptures : quel plus certain moyen trouverons-nous de proufiter en leurs esprits qu’en esprouvant le tout sur ceste pierre de touche, et considérant les tesmoignages et raisons de l’Escripture, sur lesquels ils se trouveroyent avoir fondé leur interprétation? Certainement nul ne peult ny doit leur attribuer plus qu’eux n’ont requis. Or voylà les propres mots de sainct Hiérosme sur l'épistre aux Galates : « La doctrine du Sainct- Esprit cst celle qui est déclarée ès livres canoniques, contre laquelle si les conciles ordonnent quelque chose, c'estune chose illicite.» Etsainct Augustin escrivant à Fortunatian : « Nous ne devons, dict-il, avoir les disputes des hommes, quelques catholiques et grands personnages qu'ils ayent esté, en mesme degré que les escriptures canoniques ; qu’il ne nous soit licite, sauf la révérence deue à tels personnages, réprouver et rejecter quelque chose en leurs escripts, si d'aventure il se treuve qu'ils ayent autrement jugé que ne porte la vérité, estant entendue, moyennant la grace de Dieu, ou par nous ou par autres. » Tel suis-je ès escripts des autres, et veulx aussi que les lecteurs des miens s’y portent ainsi. Autant en a-il escript en l’epistre cent douziesme, et pareillement au second livre, chapitre trente-septiesme, contre Cresconius. Sainct Cyprian aussi n'en a pas autrement escript, disant : « Qu’il ne nous fault regarder à ce qu’un tel ou un tel a faict devant nous; mais à ce qu’a faict Jésus-Christ, qui est devant tous. Telle est aussi la reigle que baille sainct

Augustin escrivant à sainct Jérome, et en un !

DE L'ESTAT DE LA RELIGION

vouloyent aider du concile d’Arimin : «Ne nous fondons, dict-il, ny moy sur le concile Nicène (qui est toutesfois le plus ancien etapprouvé), ny vous sur le concile d’Arimin, mais arrestonsnous aux Sainctes-Escriptures. » sainct Chrysostome n’a esté d'autre advis en son exposition seconde sur sainct Matthieu, homélie quarante-neufviesme : « Car aussi l’Église est appuyée sur le fondement des prophètes et des apostres. »

« Ainsi donc, pour conclusion, nous recevons l'Escripture-Saincte pour une entière déclaration de tout ce qui est requis à nostre salut. Et quant à ce qui se trouvera ès conciles ou livres des docteurs, nous ne pouvons ny devons empescher que ne vous en puissiez aider, et nous aussi, pourveu qu'il soit fondé sur exprès tesmoignage de l’Escripture. Mais, pour l'honneur de Dieu, ne nous amenez leur nue authorité, sans que le tout soit examiné sur ceste pierre de touche; car nous disons avec sainct Augus tin, livre deuxiesme de la doctrine chrestienne, chapitre sixiesme : «Que s’il y a quelquedifficulté en l'interprétation d’un passage, le Sainct-Esprit a tellement tempéré les Sainctes-Escriptures que ce qui est dict plus obscurément en un endroict est dict ailleurs très clairement. » Voylà quant à ce poinct, lequel j’ai déduict un peu plus amplement, à fin que chascun entende que nous ne sommes ennemis ny des conciles, ny des anciens pères, par lesquels il a pleu à Dieu enseigner son Église.

« Ilreste encoresdeux poincts: c’est à scavoir la matière des sacremens, et la discipline ou police de l’Église. Quant au premier, il est vray qu’il mériteroit bien d’estre traicté bien au long, pour les difficultés qui en sont aujourd’huy en la chrestienté; mais pource que je n’ay maintenant entrepris de disputer, ains seulement d'exposer les poincts principaux de nostre confession, je me contenteray de déclarer en sommaire ce que nous en tenons. Nous sommes d'accord, à notre advis, en la description de ce mot sacrement; c'est à scavoir que les sacremens sont signes visibles, moyennant lesquels la conjonction que nous avons avec nostre Seigneur Jésus-Christ ne nous est pas simplement signifiée ou figurée, mais aussi nous est véritablement offerte du costé du Seigneur, et conséquemment ratifiée, seellée, et comme engra-

autre lieu, quand il dispute contre ceux qui se ! vée par la vertu du Sainct-Esprit en ceux qui

par une vraye foy appréhendent celui qui leur

| tre de la Vierge et qu’il a emportée d'avec nous

est ainsi signifié et présenté. J’use de ce mot: ! au ciel. Et je vous prie, messieurs, au nom de

signifié, messieurs, non point pour énerver ou anéantir les sacremens, mais pour distinguer le signe d’avec la chose qu’il signifie en toute vertu et efficace.

« Nous accordons, par conséquent, qu'ès sacremens il fault nécessairement qu’il entrevienne une mutation céleste et supernaturelle. Car nous nous ne disons pas que l’eaue du sainct baptesme soit simplement eaue, mais qu’elle est un vray sacrement de nostre régénération, et du lavement de nos ames au sang de Jésus- Christ. Pareillement nous ne disons pas qu’en la saincte cène de nostre Seigneur, le pain soit simplement pain, mais sacrement du précieux corps de nostre Seigneur Jésus-Christ, qui a été livré pour nous; ny que le vin soit simplement vin, mais sacrement du précieux sang qui a esté respandu pour nous. Cependant nous ne disons pas que cesie mutation se face en la substance des signes, ains en l'usage et en la fin pour laquelle ils sont ordonnés. Et ne disons point aussi qu’elle se face par la vertu de certaines parolles prononcées, ny par l'intention de celuy qui les prononce; mais par la seule puissance et volonté de celuy qui a ordonné toute ceste action tant divine et céleste, duquel aussi l'ordonnance doit estre récitée hault et clair, en langage entendu et clairement exposé, à fin qu’elle soit entendue et receue par ceux qui y assistent. Voylà quant aux signes extérieurs. Venons maintenant à ce qui est testific et exhibé du Seigneur par ces signes. |

« Nous ne disons point ce qu'aucuns, par faulte de nous avoir bien entendus, ont estimé que nous enseignons : c’est à scavoir qu’en la saincte cène il n’y ait qu’une simple commémoration de la mort de nostre Seigneur Jésus. Nous ne disons point aussi que nous sommes faicts en icelle participans seulement du fruict de la mort et passion d’iceluy; ains nous conjoignons l'héritage avec les fruicts qui nous en proviennent, disans avec sainct Paul en la première au Corinthiens, chapitre dixiesme : «Que le pain que nous rompons, selon son ordonnance, est la communication du vray corps de Jésus- Christ, qui a esté livré pour nous; et la coupe dont nous beuvons est la communication du vrayÿ sang qui a esté respandu pour nous; voire

en ceste mesme substance qu’il a prinse au ven-

Dieu, que pouvez-vous donc chercher ny trouver en ce sainct sacrement, que nous n’y cherchions et trouvions aussi?

«J'entends bien là-dessus que la response est toute preste; car les uns demanderont que nous confessions que le pain et le vin sont trans- : mués, je ne dis pas en sacremens du corps et du sang de nostre Seigneur Jésus-Christ (car nous l’avons desjà confessé), mais au propre corps et propre sang de Jésus-Christ. Les autres, peult-estre, ne nous presseront jusques là, mais requerront que nous accordions que le corps et le sang sont réellement et corporellement ou dedans, ou avec, ou dessoubs le pain. Mais sur cela, messieurs, pour l'honneur de Dieu, escoutez-nous en patience sans estre scandalisés, et despouillez pour un temps toute l'opinion que vous avez conceue de nous. Quand l’une ou l’autre de ces deux opinions nous sera monstrée par la Saincte-Escripture , nous sommes prests de lembrasser et retenir jusques à la mort. Mais il nous semble, selon la petite mesure de cognoissance que nous avons receue de Dieu, que ceste transsubstantiation ne se rapporte à l'analogie et convenance de nostre foy, d'autant qu’elle est directement contraire à la nature des sacremens, èsquels il fault nécessairement que :es signes substanticls demeurent pour estre vrais signes de la substance du corps et du sang de Jésus-Christ, et pareillement renverse la vérité de la nature humaine et ascension d’iceluy. Je dis le semblable de la seconde opinion, qui est de la consubstantiation, laquelle, oultre tout cela, n’a nul fondement sur les parolles de Jésus-Christ, et n’est aucunement nécessaire à ce que nous soyons participans du fruict des sacremens.

« Si quelqu'un là-dessus nous demande si nous rendons Jésus-Christ absent de sa saincte cène, nous respondons que non. Mais si nous regardons à la distance des lieux (comme il le fault faire quand il est question de sa présence corporelle et de son humanité distinctement considéréc), nous disons que son corps est esloigné du pain et du vin autant que le plus hault ciel est esloigné de la terre, attendu que quant à nous, nous sommes en la terre et les sacremens aussi; et quant à luy, sa chair est au ciel tellement glorifiée que la gloire, comme dict

sainct Augustin, ne luy a point osté la nature d’un vray corps, mais l’infirmité d'iceluy. Et si quelqu'un veult conclurre de cela que nous rendons Jésus-Christ absent de sa saincte cène, nous respondons que c’est mal conclu; car nous faisons cest honneur à Dieu que nous croyons, suyvant sa parolle, qu’encores que le corps de Jésus-Christ soit maintenant au ciel et non ailleurs, et nous en la terre et non ailleurs, ce nonobstant nous sommes faicts participans de son corps et de son sang par une manière spirituelle et moyennant la foy, aussi véritablement que nous voyons les sacremens à l'œil, les touchons à la main, les mettons en nostre bouche, et vivons de leur substance en ceste vie corporelle. |

“ Voylà en somme, messieurs, quelle est nostre foy en cest endroict; laquelle, ainsi qu’il nous semble (et si nous sommes trompés, nous serons très aiscs de l'entendre), ne faict nulle violence aux mots de Jésus-Christ, ny de sainct Paul; ne destruit la nature humaine de Jésus- Christ, ny l’article de son ascension, ny l’ordonnance des sacremens; ne fait ouverture à nulles questions et distinctions curieuses et inexplicables; ne dérogue nullement à la conjonction de nous avec Jésus-Christ, qui est la fin principale pour laquelle ont esté ordonnés les sacremens, et non point pour estre ny adores, ny gardés, ny portés, ny offerts à Dieu. Et finalement (si nous ne sommes déceus), fait beaucoup plus d'honneur à la puissance et parolle du Fils de Dieu que si on estime qu’il faille que son corps soit réellement conjoinct avec les signes, à ce que nous en soyons faicts participans.

« Nous ne touchons point au reste de ce qui concerne l'administration du sainct baptesme; car nous croyons que nul de vous, messieurs, ne nous veult mettre au rang des anabaptistes, lesquels n’ont plus rudes ennemis que nous. Et quant à quelques autres questions particulières sur ceste matière, nous espérons, avec l’aide de Dieu, que les principaux poincts estans vuidés en ceste amiable et doulce conférence, le reste se conclurra de soy-mesme.

« Quant aux autres cinq sacremens qu’on appelle, vray est que nous ne leur pouvons donner ce nom jusques à ce qu'on nous ait mieux enseigné les Sainctes-Escriptures. Mais ce pendant nous pensons avoir restabli la vraye con-

DE L'ESTAT DE LA RELIGION

” firmation, qui gist à catéchiser et instruire ceux

qui ont esté baptisés en leur enfance, et généralement toutes personnes, devant que les admettre à la saincte cène. Nous enseignons aussi la vraye pénitence, qui gist en vraye recognoissance de ses faultes et satisfaction envers les parties offensées, soit en public ou en particulier, en l’absolution que nous avons au sang de Jésus-Christ, et en l'amendement de sa vie. Nous approuvons le mariage, suyvant l’ordonnance de sainct Paul, en tous ceux qui n’ont le don de continence, à laquelle aussi nous ne pensons estre licite d'astreindre personne par vœu ny profession perpétuelle, et condamnons toute paillardise et lubricité en parolles, en gestes et en faicts. Nous recevons les degrés des charges ecclésiastiques selon que Dieu les a ordonnés en sa maison par sa saincte parolle. Nous approuvons les visitations des malades comme une principale partie du sacré ministère de l'Évangile. Nous enseignons avec sainct Paul de ne juger personne en la distinction des jours et des viandes, sçachans que le royaume de Dieu ne gist en telles choses corruptibles; mais ce pendant nous condamnons toute dissolution, exhortans les hommes sans fin et sans cesse à toute sobriété, à la mortification de la chair selon la nécessité de chascun, et à prières assiduelles.

«Il reste le dernier poincet concernant l’ordre et police extérieure de l’estat ecclésiastique, duquel nous estimons qu’il nous soit licite, messieurs, de dire, avec vostre consentement, que tout y est tellement perverti, tout y est tellement confus ct ruiné, qu’à grand’ peine les meilleurs architectes du monde, soit qu’on considère l’ordre tel qu'il est aujourd’huy dressé, soit qu'on regarde la vie et les mœurs, y peuvent-ils recognoistre les vestiges et marques de cest ancien bastiment, tant bien reiglé et compassé par les apostres. De quoy vous-mesmes pouvez estre bons tesmoings, y ayant travaillé ces jours passés. Bref, nous laisserons ces choses assez cogneues, et qui vallent mieux teues que dictes.

« Et pour conclusion de ce propos, nous déclarons devant Dieu et ses anges, devant Vostre Majesté, sire, et toute l’illustre compaignie qui vous environne, que nostre intention et désir n’est, sinon quela forme de l'Église soit ramenée à sa naïfve pureté et beauté, en laquelle jadis elle fut tant florissante du temps des apostres

[1561] de nostre Seigneur Jésus-Christ. Et quant aux

avons d’advancer la gloire de nostre Dieu, l’o-

choses qui depuis y ont esté adjoustées, que | béissance et service très humble deu à Vostre

celles qui se trouveront superstiticuses, ou manifestement contraires à la parolle de Dieu, soyent du tout abolies; les superflues soyent retranchées ; celles que l'expérience nous a appris attirer les hommes à superstition soyent ostées. Et s’il s’en treuve d’autres utiles et propres à édification, après avoir meurement considéré les anciens canonset authorités des Pères, qu’elles soyent retenues et observées au nom de Dieu selon ce qui sera convenable aux temps, aux lieux et aux personnes, à fin que tout d’un accord Dieu soit servi en esprit et vérité, soubs vostre obéissance et protection, sire, et des personnes que Dica aura establies soubs Vostre Majesté pour le gouvernement de ce royaume.

Car s’il s’en trouve encores qui pensent que la doctrine dont nous faisons profession destourne les hommes de la subjection qu’ils doivent à leurs roys et supérieurs. nous avons, sire, de quoy leur respondre cn bonne conscience.

« Il cest bien vray que nous enscignons que la première et principale obéissance est deue à nostre Dicu, qui cest le roy des rois, et seigneur sur tous scisneurs. Mais au reste, si nos escripts ne sont suffisans pour nous purger d’un tel crime à nous imposé, nous alléguerons, sire, l'exemple de tant de seigneuries et principautés, et mesmes des royaumes réformés selon ceste mesme doctrine ; lesquels, graces à Dieu, nous pourront servir de bons et suffisans tesmoigpages pour nostre descharge. Bref, nous nous arrestons en cest endroict à ce qu’en dit sainct Paul au treiziesme chapitre de l’Épistre aux Romains, là où parlant de la police temporelle, il enjoinct expressément que toute personne soit subjecte aux puissances supérieures ; voire dit sainct Jean-Chrysostome sur ce passage:

« Quand tu serois apostre ou évangéliste, pour ce que telle subjection ne dérogue au service de Dieu.» Que s’il est advenu, ou advient Cyaprès que quelques-uns, se couvrans du manteau de nostre doctrine, se trouvent coupables de rébellion au moindre de vos officiers, sire, nous protestons devant Dieu et Vostre Majesté, qu'ils ne sont des nostres, et ne scauroyentavoir plus aspres ennemys que nous, selon que nostre pauvre condition le peult porter.

« Pour conclusion, sire, le désir que nous !

Majesté, l'affection que nous avons à la patrie, et nomméement à l'Éclise de Dieu, nous a conduicts jusques en ce lieu, auquel nous espérons que nostre bon Dieu et père, continuant le cours de ses bontés et miséricordes, vous fera pareille grace, sire, qu’il feit au petit roy Josias, il y a maintenant deux mille deux cens et deux ans ; et que soubs vostre heureux gouvernement, madame, assistée de vous, sire, et des autres très excellens princes du sang et seigneurs de vostre conseil, l'ancienne mémoire de la tant renommée roine Clotilde sera rafraischie, laquelle servit jadis d’instrument à nostre Dieu pour donner sa cognoissance à ce royaume. Telle est nostre espérance, pour laquelle, sire, nous sommes prests d'employer nos propres vies, à fin que vous faisans très humble service en une chose si louable et si saincte, nous voyons le vray siècle doré, auquel nostre Seigneur et Sauveur Jésus-Christ soit servi tout d’un accord, ainsi que tout honneur et gloire luy appartient à jamais. Amen. »

Icy de Bèze et sa compaignie fleschirent le genouil à terre, puis relevé il poursuyvit, en présentant la confession de foy des Églises de France au roy, comme il s’ensuit :

« Sire, il plaira à Vostre Majesté n’avoir esgard à nostre langaige tant rude et mal poli, mais à l'affection qui vous est entièrement dédiée. Et d'autant plus que les poincts de nostre doctrine sont clairement et plus au long contenus en ceste confession de foy que jà nous vous avons présentée, et sur laquelle se fera la présente conférence, nous supplions très humblement Vostre Majesté nous faire de rechef ceste faveur de la recevoir de nos mains, espérans, moyennant la grace de Dieu. qu’après en avoir conféré en toute sobriété et révérence de son nom, nous nous en trouverons d’accord. Et si au contraire nos iniquités empeschent un tel bien, nous ne doutons que Vostre Majesté, avec son bon conseil, ne scache bien pourvoir à tout, sans préjudice de l’une ny de l’autre des parties, selon Dieu et raison. »

Or, ainsi que ledict de Bèze, parlant du sacrement de la cène, vint à dire que quant à la distance des lieux le corps de Christ est esloigné du pain et du vin autant que le plus hault ciel est csloigné de la terre, cela fut trouvé si

nouveau et estrange entre les prélats, quesoub- :

dain ils commencèrent tous à murmurer et faire un grand bruict ; lequel toutesfois estant aucunement appaisé, de Bèze ne laissa de passer oultre jusques à la fin.

Et ayant achevé de dire, le cardinal de Tournon, tout tremblant de courroux, print, comme primat et président de ladicte assemblée, au nom d’icelle la parolle, s'adressant au roy: luy remonstrant comme par son exprès commandement ladicte assemblée des estats avoit, pour luy obéir, consenty que ces nouveaux évangélistes fussent ouys, non toutesfois sans scrupule de leurs consciences, prévoyans qu’ils pourroyent dire, comme ils avoyent faict, choses indignes de l'oreille d’un roy très chrestien, lesquelles pourroyent, et non sans cause, avoir offensé plusieurs gens de bien qui estoyent autour de Sadicte Majesté. Que ladicte assemblée, se doubtant qu’il en adviendroit ainsi, luy avoit donné charge de le supplier en ce cas très humblement de ne vouloir aucunement croire ny adjouster foy ny aux sens ny aux parolles que celuy qui avoit parlé pour ceux de ladicte nouvelle religion avoit dictes, et de suspendre le jugement qu'il en pourroit faire, jusques à ce qu’il eust ouy ce que ladicte assemblée entendoit luy faire remonstrer au contraire; par où elle espéroit que Sadicte Majesté et toute l’honorable compaignie, dont elle estoit assistée, pourroit cognoistre la différence qu'il y a entre le mensonge et la vérité. Le suppliant leur vouloir donner jour pour cest effect; y adjoustant que, sans le respect qu’ils avoyent eu à Sadicte Majesté, ils se fussent levés en oyant les blasphesmes et abominables parolles qui avoient esté proférées, et n’eussent souffert qu’on eust passé oultre. Et que ce qu’ils en avoyent faict, avoit esté pour obéir au commandement de Sadicte Majesté, la priant très humblement de persévérer dans la foy de ses pères, invoquant la ” Vierge Marie et les benoists saincts et sainctes de paradis qu’ainsi peust-il estre.

La roine respondit que l’on n’avoit rien faict en cela que par la délibération du conseil et advis de la cour de parlement de Paris, et que ce n’estoit point innover ou muer, ains pour appaiser les troubles procédans de la diversité d’opinions en la religion, et de remettre les forvoyés au vray chemin.

Le lendemain de Bèze escrivit à la roine en

DE L’ESTAT DE LA RELIGION

la manière qui s'ensuit : « Madame, comme ainsi soit que vostre très humble serviteur Théodore de Bèze ait occasion de craindre que Vostre Majesté ne soit demeurée peu satisfaicte d’une parolle qu’hier il prononca sur la matière du sacrement, laquelle, à son grand regret, fut trouvée fort estrange par messieurs les prélats, ce considéré il supplie très humblement Vostre Majesté d’entendre plus amplement ce que pour lors il n’a peu assez exprimer, à cause du bruict qui s’esleva, de sorte que sa conclusion ne fut entendue comme il eust bien désiré, et comme il avoit proposé.

« Madame, ce qui m'a baiïllé occasion de tomber en un tel propos, c’est qu’il y en a plusieurs qui estiment, par faulte de bien entendre nostre confession de foy, que nous voulons forclorre Jésus-Christ de la saincte cène, qui seroit une impiété toute manifeste; car nous scavons, graces à Dieu, que ce tant précieux sacrement est ordonné du Fils de Dieu, à fin qu'en nous faisant de plus en plus participans de Ja substance de son vray corps et de son vray sang, nous soyons de tant plus unis et incorporés avec luy, pour en tirer la vie éternelle. Et de faict, s’il estoit autrement, ce ne seroit point la cène de nostre Seigneur.

«“ Ainsi, madame, tant s’en fault que nous voulions dire que Jésus-Christ soit absent de sa saincte cène, qu’au contraire nous sçaurions aussi peu porter un tel sacrilége que personnes qui soyent au monde. Mais il y a grande différence de dire que Jésus-Christ est présent en la saincte cène, en tant qu'il nous y donne véritablement son corps et son sang, et de dire que son corps et son sang sont conjoincts avec le pain et le vin. J’ay confessé le premier, qui est aussi le principal ; j'ay nié le dernier, pour ce que je l'estime directement contraire à la vérité de la nature humaine du corps de Jésus-Christ, et à l’article de l'ascension, comme il est couché en l’Escripture-Saincte, et déclaré par tous les anciens docteurs de l'Église.

« Je n’allégueray icy plusieurs passages et raisons; mais seulement, madame, je supplie très humblement Vostre Majesté de considérer en vous-mesme quelle opinion nous apprend à porter plus d'honneur à la parolle etordonnance de Dieu, ou celle qui fait croire que nous ne pouvons être participans du corps de Jésus- Christ, s’il n’est mis et conjoinct réalement et

de faict avec le sacrement; ou bien celle qui nous enseigne qu’encores que le corps d’iceluy réside maintenant au ciel et non ailleurs, ce néantmoins, par la vertu spirituelle d’iceluy, et moyennant une vraye foy, nous qui sommes en

terre, et qui croyons en luy, sommes faicts par-

ticipans de son vray corps et de son vray sang, aussi certainement et véritablement que nous voyons de nos yeux et touchons à la main les saincts sacremens visibles du pain et du vin qu'il a ordonnés à cest effect.

«“ Madame, si ceste déclaration, laquelle de |

long temps est enregistrée en meslivres, et que je n’eus hier le moyen de donner assez à entendre, peult satisfaire Vostre Majesté, j'auray une singulière occasion d’en louer Dieu bien grandement. Sinon je prendray la hardiesse de requérir encor ceste faveur, que je puisse plus amplement en satisfaire de vive voix à Vostre Majesté, mesmement, si mestier est, en la présence de ceux desquels jugerez que je puisse recevoir enseignement et doctrine, comme celuy qui en a grand besoing, et qui ne désire que d’apprendre de plus en plus, pour avoir moyen de faire très humble service à Vostre Majesté au restablissement d’une tant saincte union et concorde.

« Voyci les propres mots que j'ay prononcés, desquels sc sont offensés messieurs les prélats : « Si quelqu'un là-dessus nous demande si nous rendons Jésus-Christ absent de sa saincte cène , nous respondons que non. Mais si nous regardons à la distance des lieux (comme il le fault faire quand il est question de sa présence corporelle, et de son humanité distinctement considérée ), nous disons que son corps est esloigné du pain et du vin, autant que le plus hault ciel est esloigné de la terre, attendu que, . Œuant à nous, nous sommes en la terre, et les sacremens aussi; et quant à luy, sa chair est au ciel tellement glorifiée que la gloire, comme dit sainct Augustin, ne luy a point osté la nature d’un vray corps, mais l’infirmité d’iceluy.

« Et si quelqu'un veult conclurre de cela

que nous rendons Jésus-Christ absent de sa saincte cène, nous respondons que c’est mal

conclu; car nous faisons cest honneur à Dieu

Que nous croyons suyvant sa parolle,qu’encores que le corps de Jésus-Christ soit maintenant au ciel et non ailleurs, et nous en la terre et non

XVI" s1èce, La PI. et La PI.

ailleurs, ce nonobstant nous sommes faicts

participans de son corps et de son sang par une

manière spirituelle, et moyennant la Foy,aussi . véritablement que nous voyons les sacremens à l'œil, les touchons à la main, les mettons en nostre bouche, et vivons de leur substance en , ceste vie corporelle.

Voicy les mots de sainct Angustin au Traicté . Cinquiesme sur sainct Jean: «Quand Jésus-Christ , disoit : Vous ne m’aurez tousjours avec vous, il parloit de la présence de son corps ; car selon sa majesté, selon sa providence, selon sa grace invisible, ce qu’il a promis ailleurs est accompli: Je seray avec vous jusques à la consommation du monde. Mais selon la nature hu-

maine qu’il a prise, selon qu’il est né de la Vierge, selon ce qu’il a esté crucifiéet enseveli, selon ce qu’il est ressuscité ; ceste sentence est accomplie: Vous ne m’aurez point tousjours avec vous. Pourquoy cela? Pour ce que, selon son corps, il a conversé quarante jours avec ses disciples, et eux le suyvans de veue, et non point allans après, il est monté au ciel, et n'est plusicy.» Le mesme sainct Augustin en l’épistre à Dardanus : «En tant qu’il est Dieu il est partout: en tant qu’il est homme il est au ciel. »

« Vigilius, évesque de Trente, qui a escript contre l’hérésie d’Eutyches environ l'an cinq cens,use de tels mots : « Le fils de Dieu est desparti d'avec nous, quant à son humanité; mais quant à sa divinité, il nous dit : Je suis avec vous jusques à la consommation du monde. II est avec nous et n’y est pas; car il n’a pas laissé ny abandonné, quant à la divinité, ceux qu’il a laissés, et desquels il s’est desparti quant à son humanité. Car quant à la forme de servi-

teur qu'il a enlevée au ciel d'avec nous, il est absent ; mais quant à la forme de Dieu, qui ne despart point d'avec nous, il nous est présent. Item, quand sa chair estoit en terre, certaine- : ment elle n’estoit point au ciel; et maintenant pour ce qu’elle est au ciel, pour certain elle | n’est pasenterre; voire et en est tellement absente que mesmes nous attendons que celuy que nous croyons estre avec nous en terre , en tant qu’il est la parolle, vienne du ciel selon la Chair. Item, l'unique Fils de Dieu qui est aussi faict homme , est comprins en un lieu, par la nature de sa chair, et n'est comprins en nul lieu par la nature de sa divinité. »