SUR

la question; mais après avoir veu la manière

de laquelle il avoit esté traicté, et qu’il n’y avoit membre ni os sur son corps qui ne fussent disloqués et outrageusement tirés, il changea d'opinion, et fut contrainct de dire qu’il n’eust jamais pensé un homme pouvoir tant souffrir sans mort, et que la Borde estoit loyal serviteur de son maistre, s’il en fut oncques. Or disoit-il cela, pour autant qu'on ne l'avoit peu faire condescendre à rien dire contre son maistre pour menace de mort cruelle et promesse de biens qu'on luy eust sceu faire ; car on y avoit employé toutes sortes de gens qui le pouvoyent persuader de rachepter sa vie au prix de la mort du prince, qui jà estoit tenu pour mort et du tout ruiné. Sainct-André aussi y avoit employé tous ses sens, de sorte qu’il y perdoit toute espérance et n’avoit-on autre response de luy, sinon que son maistre estoit

| jprince vertueux et sage, lequel pour mourir ne voudroit avoir rien attenté contre le roy et son estat.

Les bruits de ces cruels tourmens envers les prisonniers furent expresséement semés par la ville pour espouvanter les plus grands, et adjoustôit-on que l’on en feroit autant aux principaux de la ville, d’autant qu'ils setrouvoyent chargés de la conspiration, et que le corps de la ville y avoit donné consentement. Ce faict, Sainct-André commanda à un de ses serviteurs auquel il se fioit le plus de leur tenir propos secrettement, et de les asseurer de la bonne volonté du mareschal en leur endroict. Or avoitil à faire d'argent, par quoy il les prioit très instamment de luy vouloir prester cent mille escus (ce prest estoit à dire donner), et il les exempteroit de la calamité en laquelle ils alloyent entrer, si on ne luy accordoit sa demande.

Mais il ne se trouva un seul qui luy voulust bailler le liard à ceste condition, d’autant qu'ils sesentoyent netsdetouteaccusation, et n’yavoit en la ville, à dire le vray, que certains hommes de moyenne et petite condition qui eussent donné consentement à ceste entreprinse, encores ne leur parloit-on que de loger gens pour trois ou quatre jours, à fin de les faire ensemble partir et armer pour aller trouver les princes, qui vouloyent oster les tyrans d’auprès du roy.

Le mareschal n’ayant rien proffité de ce costé-là, vient de cent mille escus à quatre-vingts, de quatre vingts à soixante, de soixante à quarante, de quarante à trente, de trente à dix mille escus ; mais autant gaigna-il au grand qu'au petit. Parquoy on recourut aux maisons privées des plus suspects de la religion, les aucuns desquels estoyent absens, les autres tenoyent bon, sans toutesfois vouloir rien desgainer. Dequoy le mareschal conceut un tel despit qu’il se délibéra de faire du pis qu'il pourroit. Cependant il les menacça de faire deux citadelles, de les munir, et y mettre garnison aux despens des citadins, et davantage de faire un fort au milieu du pont de la Saône, à fin qu’ils ne se peussent secourir les uns les autres, pensant par là amener cesgens à raison. Et de faict il commenca à faire besogner sur ledict pont, et au lieu où on avoit délibéré de faire la maison de ville. Et à fin de passer plus avant, ceux de Guyse luy envoyèrent lettres patentes du roy, contenant un pouvoir bien ample, où

| récit estant fait bien au long des esmotions sur-

venues en tout le royaume par les menées des

rebelles, de la grâce et faveur dont on avoit usé envers eux ; de la conclusion prinse en l’assemblée naguères faicte à Fontainebleau; le roy se plaignoit de ce que, plus il usoit de bénignité, plus ces meschansmutins s’eslevoyent, en sorte qu’il voyoit ordinairement leur mauvais courage s’accroistre pour advertir tout l’estat du royaume, et le mettre en proye. Que toutes ces choses, disoit-il, le contraignoyent de pourvoir au repos public, en chastiant rudement les meschans qui s’estoyent eslevés en Dauphiné, Provence et Languedoc contre lui et sa justice. Et que néantmoins on y verroit reluire sa clémence envers ceux qui se voudroyent réduire.

IL vouloit doncques que le mareschal se transportast ésdicts pays avec toutes les forces qu’il verroit estre nécessaires pour réprimer les scditieux, comme ennemis de luy etson royaume, faire ouverture des villes et chasteaux avec le canon, mettre en pièces tous ceux qui résisteront à son authorité, raser leurs lieux et maisons, et celles où se feroyent assemblées et conventicules, et celles aussi èsquelles les prédicans auront logé, ou esté receus et recueillis, deffendant de jamais les réédifier. Que si les séditieux s’eslevoyent, il pourroit mander les forces circonvoisines des gens d'ordonnance, l'arrière-ban et légionnaires, à ce que la force Juy demourast ; pourroit aussi mettre garnison où il luy sembleroit bon, et contraindre les habitans de leur fournir de vivres pour eux et leur chevaux. Finalement les rebelles retirés et rompus,il estoit dict qu’il feroit venir tous les gens de justice et autres gentilshommes qui luy sembleroit bon, pour s’enquérir des moyens de surprendre les assemblées et conventicules, avec leurs ministres et prédicans, à fin de leur estre faict sommaire procès extraordinaire et sans appel, par un maistre des requestes pour ce envoyé. Que s’il setrouvoit des officiers dudict seigneur y ayant adhéré, favoriséou connivé par notoire négligence, ils seroyent suspendus ouprivésdeleurs offices. Et semblablement contre les villes qui avoyent délinqué il seroit procédé par mulctes, amendes honorables, pécuniaires et suspensions de leurs privilèges, et aussi contre les habitans particuliers d’icelles, et leur osteroit les armes selon qu’il le trouvera bon. Et enfin qu'il ordonnoit des deniers pour le payement des gens de guerre, de l'artillerie et autres fraisnécessaires.

Telles et pareilles lettres furent aussi expédiées au duc d’Aumale, aux mareschaux de Brissac et de Termes, auxquels le reste du royaume estoit desparty pour aller faire le carnage qui sera dict en son lieu.

Ceux de Guyse, ayant entendu le retour des bandes d’Escosse sortyes suyvant le traicté de paix, duquel nous avons faict mention, les joignirent aux vieilles bandes venues de Piedmont, Metz et Picardie pour leur garde, avec douze cens hommes d'armes, réservés oultre le département cy-dessus. Ce faict, ils feirent une despesche du roy au Navarrois, par laquelle le prince de Condé estoit chargé d’avoir entreprins contre l’estat dudict seigneur, et de s’estre voulu emparer des meilleures villes du royaume pour se faire roy. Ce que ledict seigneur ne pouvoit aiséement croire; toutesfois, pour en avoir le cueur net, ledict seigneur prioit le roy de Navarre de le luy envoyer en bonne et seure garde; sinon qu'il seroit luy-mesme contrainct de l'aller quérir avec si bonne compaignie que la force luy en demoureroit.

Le roy de Navarre respond ne pouvoir croire son frère avoir entreprins contre sa personne ny estat, comme aussi n’en avoit-il nulle occasion, mais que plustost il voudroit hazarder la vie et les biens pour conserver contre ceux qui seroyent si téméraires de l’entreprendre; et ne faisoit doubte que ses haineux et ennemis qu'il avoit près de sa personne ne luy eussent presté ceste charité par leurs faulses calomnies et accusations. Que s’ils se vouloyent rendre parties, et qu’il pensast trouver la justice ouverte à la cour, il cognoissoit l'innocence de son frère si grande que luy-mesme ne feroit difficulté de l’y mener; etiroyent en si petite compaignie qu'on auroit occasion de croire toute autre chose de luy, encores que, graces à Dieu, il eust tant d'amis que s’il les vouloit employer, il espéroit bien ne tomber à la mercy de ses ennemis qu’il scavoit préparer leurs forces soubs le nom et authorité dudict seigneur. Que s’il y avoit gens en ce royaume qui eussent entreprins sur son estat et authorité, il espéroit bien demonstrer que c’estoyent tels imposteurs mesme qui rejettoyent leurs crimes sur les innocens, n’ayant tous les princes de son sang rien plus cher en ce monde, ny tant recommandé que la conservation de sa couronne, laquelle ne pouvoit estre esbranlée ny transférée que ce ne fust à leur

ruine et subversion entière, comme estant après luy et ses frères les plus proches et apparens héritiers du royaume. Partant, il supplioit ledict sieur de ne recevoir légèrement aucune mauvaise et sinistre opinion de ses plus proches parens et serviteurs très affectionnés.

Le prince de Condé escripvit aussi bien au long au roy, se deffendant de toutes les calomhies qu’on luy avoit imposées, desquelles il désiroit sur toutes choses s’aller justifier, pourveu que ses accusateurs se voulussent rendre parties, et que l’authorité qu’ils avoyent embrassée leur fust ostée ; car il ne s’attendoit pas de voir aucune bonne justice administrée au royaume pendant que ceux-là gouverneroyent.

Après que ceux de Guyse eurent veu ceste response, ils pensèrent que le meilleur seroit de les attirer en leurs filets par belles promesses, que d'y aller de force et avec doubteuse issue. Par quoy autre despesche fut promptement faicte, par laquelle le roy manda qu'ils pourront aller devers luy en toute seurcté et s’en retourner quand bon leur semblera, les asseurant en parolle de roy qu'il ne seroit attenté en leurs personnes en aucune manière ; qu’il entendroit paisiblement leurs remonstrances et justifications sans qu'ils entrassent en prison, ou qu'on leur feist procès; et que seulement il vouloit avoir response de sa bouche sur les poincts dont on chargeoit ledictscigneur prince, et qu'il ne pouvoit aucunement croire; bref, qu’ils seroyent recueillis selon leur estat et dignité, voire qu’on leur bailleroit le rang qui leur appartenoit au maniement des affaires, à fin d’avoir leur conseil et advis pour rendre toutes choses bien policées. Et quant à la religion de laquelle ledict sieur prince avoit faict déclaration et protestation publique, il ne vouloit et n’entendoit que pour raison de ce il en fast aucunement troublé ny inquiété.

La roine mère escripvit de semblable substance, et disoit souvent en pleurant (parlant des princes) : « queleur fault-il? que demandent-ils ? S'ils voyent que les affaires aillent mal, pourquoy ne le viennent-ils remonstrer, ou bien qu'ils ne le mandent, à fin que on y pourvoye sans donner occasion pour leur absence d’esmouvoir tant de troubles?» Ce qu’estant rapporté aux princes, ils le prenoyent à leur advantage.

varre paissoit d'espérance les capitaines et seigneurs qui le devoyent accompaigner, et disoit vouloir aller à la cour présenter leurs remonstrances en si bonne compaignie que ses ennemis ne peussent user de puissance sur luy. Toutesfois le courage luy estoit bien diminué depuis les choses advenues à Lyon et en Dauphiné, et ne pouvoyentles provinces avoiraucune résolution pour faire marcher leurs gens, encores qu'on luy remonstrast ledict seigneur estre trop avant au jeu pour en retirer son espingle. Et que s’il tardoit plus longuement, il seroit difficile de joindre ses forces encores esparses par tout le royaume et les unir ensemble avec les siennes; attendu que, pour son retardement et demeure, l’ennemy avoit jà occupé les passages; mais qu'en tout événement, s’il donnoit le mot de vouloir marcher, on s’esleveroit de tous endroicts pour le faire fort en ceste assemblée des estats. Mais tout cela ne peut aucunement encourager, estant ordinairement refroidy par les menées des serviteurs secrets de ceux de Guyse. Et ce qui cstoit plus estrange, eux-mes mes le cognoissoyent à veue d'œil, confessans

qu’ils estoyent trahis et vendus par leurs favo-

ris, comme la chair à la boucherie; mais il n'estoit question de les reculer de leur présence, encores moins de les chastier, de peur, disoyentils, qu'ils ne fassent pis. Et de vray, Bouchart son chancelier, qui aussi estoit maistre des reques‘es du roy, l’ayant du commencement conscillé et sollicité très instamment d’entendre aux remonstrances et sommations à luy faictes, pour l'espérance qu’il avoit (tant il estoit sot) d’estre faict chancelier de France, voyant que les choses tiroyent en longueur, et craignant, si l'affaire ne succédoit, de perdre la vie et les biens, sitost qu’il sceut ce qui se faisoit à Lyon, se retira en sa maison en Poictou, et allant audevant par derrière, escripvit au roy, le suppliant très humblement de rappeller le prince de Condé d’auprès le roy de Navarre son frère, qu'il disoit le poursuyvre sans cesse, d’entreprendre beaucoup de choses contre les ministres de Sa Majesté, et pour troubler le royaume à la sollicitation des luthériens et des prédicans de Genève venus exprès, à quoy toutesfois, disoit-il, ledict seigneur n’a jusqu'alors voulu entendre; mais il est à crairdre qu'il ne soit gaigné par longue importunité. De quoy il n’e-

Pendant ces allées et venues, le roy de Na- | voit voulu faillir d’advertir Sa Majesté, pour

luy estre très humble et très obéyssant subject naturel ct serviteur, pour la double obligation d’estre lun des ministres de sa justice.

Il escripvit semblables lettres au cardinal de Lorraine, luy offrant tout service, espérant quelque jour lu y réciter à bouche beaucoup de choses de conséquence qu’il ne pouvoit escrire. Ce pendant il le supplioit de se donner garde des machinations que l’on brassoit contre luy et toute sa maison. Bref, il promettoit des moyens pour faire le procès et aux princes et plus grands seigneurs du royaume. Et à fin d’avoir plus de seureté en sa maison pendant les troubles et tempestes, il affermoit que, s’il n’cust rabattu les coups, luy et son frère fussent piéca morts; mais il avoit différé de les en advertir jusques alors, tant pour n’estre descouvert que pour S'informer plus au vray de toutes choses, lesquelles par luy ingénieusement descouvertes, il se seroit incontinent retiré en sa maison. L'on dict que luy-mesme donna les moyens de se faire prendre prisonnier, ce que nous réserverons en son lieu.

Voylà comme ces pauvres princes estoyent maniés par leurs propres serviteurs, ce que l’on D’eust jamais peu doubter de Bouchart; car jamais homme ne se monstra tant affectionné au contraire, et fut celuy mesme qui conseilla au roy de Navarre d'envoyer quérir ceux qui vindrent puis après à Nérac, entre lesquels estoit Théodore de Bèze, l’advis duquel estoit de faire en toutes sortes que la conclusion de lPassemblée de Fontainebleau touchant les estats fust bien asscurée et exécutée contre ceux qui jamais ne l’'avoyent accordée qu’en intention de s'en servir au lieu de s’assubjettir au jugement d’icelle. Mais il n’en fut creu, non plus que les autres, et pourtant se retira avec merveilleux danger de sa personne, non toutesfois sans avoir commencé le presche public à Nérac, y assistant le roy de Navarre en personne. Plusieurs tenoyent que Jarnac avoit pratiqué ce chancelier, car ils estoyent grands amis et familiers. Aussi s’estoit-il du tout retiré de la compaignie et familiarité desdicts seigneurs, ne les ayant veus depuis le premier susdict voyage du roy de Navarre à la cour, et leur ayant refusé tout service et ayde. Cela feit pareillement Saincte- Foy son frère, encores qu’ileust receu du prince de Condé toutes les faveurs et courtoisies que gentilhomme sçauroit requérir du prince, voire

jusques à le faire lieutenant de sa compaignie de gendarmes.

Le roy de Navarre doncques très mal conseillé, ayant accepté les conditions à luy proposées ct conceu bonne espérance des affaires pour les promesses que luy en avoyent confirmées à bouche ceux qui estoyent allés négocier, mesmement le cardinal de Bourbon son frère, lequel y fut expresséement envoyé pour leur donner plus d’asseurance, demanda au roy pour tout certain qu'il se trouveroit à Orléans avant l'assemblée générale de ses estats, et promit d’y mener son frère avec leur petit train simplement, s’asseurant tant de leur innocence que le roy les retiendroit pour serviteurs et parcns. Toutesfois il nourrissoit tousjours de bonne espéranceles capitaines et gentilshommes qui estoyent avec luv, et remeit la conclusion de tous affaires et l’ordre qu’il voudroit tenir pour marcher quand il seroit à Limoges, où il s’a- Chemina ; et n’y fut plustost arrivé que plusieurs seigneurs et gentilshommes ne le vinssent voir, en sorte qu’en peu de jours il s’y en trouva de sept à huict cens bien montés, armés et esquippés. Là il fut sollicité se déclarer et de publier son intention à toute la noblesse de. France, selon ce qu’il en avoit tant de fois donné espérance, l’asseurant qu’il n’auroit faute de gens et qu'on n’attendoit sinon qu’il eust dict le mot pour marcher. Et d'autant qu’il s’excusoit sur ce que ses ennemis estoyent desjà prests avec grandes forces, on luy offroit six ou sept mille hommes de pied tous prests à marcher, tant de la Gascongne que desisles de Marennes et du pays de Poictou jà cnroulés soubs capitaines. Que de Provence et Languedoc marcheroyent trois ou quatre mille hommes tant de pied que de cheval. De Normandie autant ou plus, avec grand nombre de cavalerie, lesquels en un instant le rendroyent si furt avec sa juste intention, qu’il feroit sans combat, Dieu aydant, quitter la place ct la personne du roy à ses ennemis, et que c’estoit aussi le moyen de se saisir de la ville d'Orléans pour y asseurer les estats, et de Bourges, quiestoyent deux bonnesretraictes. Davantage, on les asseuroit que la pluspart de la gendarmerie se tourneroit de leur costé,

-ne pouvant gouster ceux de Guyse qu'ils ju-

gcoyent ennemis du roy et du royaume. Et quant à l'argent, ils n’en auroyent faute. Car oultre ce que chascun homme de cheval et de

pied en avoit pour deux mois, les meilleures bourses du royaume ne défauldroyent à ce besoing, pourveu que le roy de Navarre se déclairast seulement protecteur duroy etdu royaume, et s’opposast à la tyrannie de ceux de Guyse, insupportable à tous gens de bien.

Pour le contrepoix de ces offres, les serviteurs secrets de ceux de Guyse remettoyent devant les yeux du roy de Navarre la convocation des estats, le roy d’Espagne qui l’espioit au passage, et n’attendoit que son partement et sa déclaration pour escorner si peu qui luy restoit de ses terres souveraines; la playe de Bourbon encores sanglante, l’armée quiestoit toute preste à marcher pour le venir affronter, les nouvelles certaines que le duc de Guyse avoit le serment de douze cens hommes d’armes, gens W’eslite, qui devoyent mourir à ses pieds devant que l’on eust le dessus de luy. Il y avoit encores ce poinct que ces bons conseillers, qui avoyent envie de toucher les deniers de ceux de la religion, s’en voyoyent du tout hors d'espérance quand on leur parloit que chascun viendroit out soudoyé. D'autre part le roy de Navarre n’estoit pas beaucoup chargé d’argent, et eust bien voulu voir trois ou quatre cens mille escus de fond, auquel cas il eust feit merveilles, comme il disoit. N'ayant doncques que des promesses, cela le faisoit retarder à conclure; à tout le moins il prenoit son excuse là-dessus, de telle sorte que d'Escars et ses compaignons avoyent trois jeux et quarante-cinq sur la partie, et finalement la gaignèrent. Car ledict seigneur, ne pouvant plus dissimuler les choses qu’il avoit mandées au roy, estant à Vertueil, où le vint trouver le cardinal d’Armaignac, donna congé à Loute sa compaignie, contremanda ceux qui venoyent et les pria de se retirer en leurs maisons file à file, avec infinis remerciemens de leur bonne volonté envers la maison, couronne et république de France; ce qu’il promit de faire entendre audict seigneur, et luy présenter leurs requestes et supplications pour leur pourveoir en l’assemblée de ses estats généraux.

Qu'il sçavoit que ceux de Guyse avoyent faulsement et calomnieusement accusé son frère et luy ; mais il aimoit mieux aller en cour pour se justifier et mourir en bonne conscience plustost qu’estre cause d’un si grand carnage qui adviendroit indubitablement s’il paroissoit avec forces en la présence de ses ennemis. La-dessus

on leur meit au-devant des yeux toutes les

| choses passées, avec le danger évident de leurs

vies s'ils alloyent à la cour, n’estant en la puissance du roy mesme ny de la roine sa mère de rien garder ny tenir de toutes les promesses à eux faictes. Que s’il vouloit demourer entièrement ferme en ceste opinion, à tout le moins qu'il laissast derrière soy le prince son frère, attendant qu'on cogneust quel train prendroyent ces affaires, joinct que n’estant tous deux en peine, l’autre tiendroit les ennemis en suspens. Leur response fust qu’ils estoyent tant asseurés de leur innocence et du secours de Dieu, que leurs ennemis ne triompheroyent pas d'eux comme il sembloit, et qu’il n’estoit aisé de faire mourir un prince du sang par justice. Au fort, si on ne leur tenoit promesse, et qu’on les feist mourir sans les ouyr en leurs justifications, avec ce qu’ils prendroyent telle mort innocente en gré, Dieu avoit assezd’autres moyens pour délivrer la France de captivité sans qu’à leur occasion tant de gens de bien en souffrissent.

En ces entrefaictes voicy arriver lettres es homme exprès de la part de la princesse de Condé, dame aymant son mari, vertueuse et sage s’il en fut oncques, par lesquelles elle advertissoit son seigneur et mary du complot prins et arresté entre ceux de Guyse, d’exterminer tout le sang royal : ce qu’elle avoit entendu de si bon lieu qu’elle n’en pouvoit nullement doubter; partant elle le supplioit très humblement de n’avoir le cueur si lasche que de s’aller jeter en leurs filets, quelque belles promesses qu’il eust du roy. Que si elle estoit homme et en son lieu, elle aimeroit mieux mourir en combattant l'espée au poing pour une si juste querelle, que de monter sur un eschaffaut pour tendre le col à un bourreau sans l'avoir mérité , comme il en estoit menacé. D'autre costé, elle s’asseuroit tant de sa bonne cause et querelle, qu’elle trouveroit bonne trouppe de gentilshommes qui l’accompaigneroyent de leurs vies, en prendroyent tous ensemble une fin heureuse avec une perpétuelle louange d’estre morts pour la sauveté du roy et du royaume, à l'exemple des grands personnages qui avoyent pour moindre occasion rendu leur nom immortel. Et que si ainsi advenoit , elle l’'accompaigneroit bientost au tombeau : mais ce seroit avec plus d’heur et contentement, que si elle eust possédé tous

les biens, honneurs et richesses du monde. On estimoit bien que ces lettres et le porteur auroyent quelque avantage sur la résolution de ce prince ; mais il estoit si fort possédé par les serviteurs secrets, qu’il se laissoit mener avec le roy de Navarre son frère, ainsi que prisonnier. Ce qui fut si grief à ceste dame, qu’ellemesme luy alla au-devant, pour essayer par sa présence de le pouvoir destourner du danger apparent de sa vie où il s’alloit plonger ; mais elle n’y peut rien proffiter : ains s’en alla esplorée comme elle estoit venue. Or comme les principaux seigneurs et gentilshommes prenoyent congé d'eux, le roy de Navarre leur donna bon courage et espérance que tout se porteroit bien, et adjousta qu’il demanderoit au roy la grace de ceux qui l’avoyent accompaigné jusques-là et en armes. «Grace! respondit quelcun. Pensez seulement de la demander bien humblement pour vous seul, qui vous allez rendre prisonnier la corde au col. Car à ce que je voy, vous en avez plus de besoing que nous, quin’avons délibéré faire si bon marché de nos personnes, mais de mourir plustost en combattant que nous soubmettre à la mercy de ces détestables ennemis du roy et du royaume. Et puis que nous sommes si pauvrement destitués de chefs, nous espérons que Dieu nous en suscitera qui auront pitié de nous, et qui nous desvelopperont de l'oppression de ces tyrans. » Ces paroles furent prinses en risée ; mais elles feirent venir de l’eaue en la bouche des serviteurs secrets, qui eurent opinion que ceux-Cy alloyent procéder à l’eslection d’un chef, de quoy ceux de Guyse furent advertis incontinent, ce qui leur donna à penser plus qu’on n’eust cuidé. Voylà quelle fut la despartie de ceste noblesse francoise , laquelle avoit merveilleuse envie de combattre et plustost mourir que de s’assubjettir à la domination d'une maison estrangère.

Ces forces séparées, le roy de Navarre et son frère ne tardèrent nullement de sentir la douceur du traictement qu'ils devoyent espérer de leurs bons cousins de Guyse. Car estant près de Poictiers, voicy arriver une de leurs créatures nommée Montpesat, lequel fit auxdicts princes très expresses deffenses, de par le roy, de n’entrer, allant à la cour, en nulle ville close appartenant à Sa Majesté sur peine de rebellion , et d’estre atteincts et convaincus de crime de lèzemajesté. Cela leur donna dès lors à penser de

XVI" siècee, La PL et La PI.

rebourser chemin, mais se voyant desjà enclavés entre les forces de leurs ennemis, sous la charge et conduicte du mareschal de Termes là envoyé pour son département, il ne fut plus question que de faire bonne mine. Et ne dict autre chose le roy de Navarre à Montpesat, sinon qu’il obéiroit au roy, et qu’il eust bien voulu voir ce commandement par escript; mais l’autre n’en feit aucun compte. Ce qui donna couleur au cardinal d’Armaignac, à d'Escars et autres serviteurs secrets de leur persuader cela n’estre rien, et que c’estoit seulement une bravade de ceux de Guyse, le roy n’en scachant rien; duquel et de sa mère il devoit attendre autre recueil et traictement.

Estant passés Chastelleraut, ils eurent advertissement de se sauver de vistesse s’ils pouvoyent, ou bien de n’escarter les grands chemins tant fust peu. Car il yavoituneentreprinse dressée pour les tuer, comme s’ils eussent voulu s'enfuir et se sauver. Parmi cela on leur bailloit moyen de gaigner Angers, et de là la Normandie où ils trouveroyent secours, gens, argent et villes de retraitte. Mais nonobstant cela, leur résolution fut d'aller droict leur route, quoy qu’il en deust advenir, et ne faire que petites journées, de sorte qu’il sembloit proprement ( spectacle pitoyable ! ) qu'ils usassent du roy de Navarre comme d’un prévost des mareschaux pour mener son frère prisonnier, et qu’il s’allast luy-mesme rendre ès mains de ses ennemis pour estre à leur mercy.

Ceux de Guyse, ayant ainsi commencé, leur voulurent bien faire avaler d’autres poires d’angoisse; car encores qu'ils eussent d'heure à autre advertissement de leur venue à petite compaignie, qu'ils fussent jà enclos et environnés de leurs forces, et que toute la noblesse qui les avoit accompaignés fust despartie, chascun ayant prins la route de sa maison, délibérés d’attendre l’issue de ceste tragédie ; tant y a toutesfois que, pour monstrer leur animosité au descouvert contre ces princes, et pour contourner les députés des estats à leur dévotion, si d'adventure ils leur voudroyent en rien contredire et empescher leurs desseings, ils délibérèrent de mener le roy à Orléans avec le plus de forces qu'ilspourroyent. Par quoy le mareschalSainct- André fut mandé avec tout son régiment de cavalerie, car on avoit à faire de luy, des prisonniers et des informations. Cependant ils feirent

marcher le roy droict à Orléans , et passer en armes à travers la ville de Paris, accompaigné de ses chevaliers de Ordre, gentilshomimes de sa chambre, escuyers d’escuirie, de pannetcrie, d’eschansonnerie et offices domestiques pouvant porter armes, des deux cens gentilshommes, de toutes ses gardes de cheval et de pied, et de tous les grands scigneurs du royaume desquels on avoit quelque souspecon , hors mis le connestable et ses trois nepveux de Chastillon, qui estoyent en leurs maisons, regardant lejeu. Tous ceux-cy,dis-je, joinctsensemble, faisoyent un bon et gros régiment de cavalerie, et sur les aisles du roy marchoit la gendarmerie de douze cens hommes qu’on disoit avoir particulier serment au duc de Guyse. Bref, toute la noblesse de France avoit esté mandée de s’y trouver en personne sans aucune excuse ni d’aage ni de maladie, sur peine de confiscation de corps et de biens, et d’estre punis comme ennemis du roy, séditieux et rebelles : chose qui avoit grandement estonné toute la France, et plus encores quand après ce partement il ne paroissoit nuls ennemis : ce qui feit croire que €’estoit aux estats qu'on en vouloit. Mais pour effacer ce bruit onfeit courir qu’on alloit assiéger Orléans, qui s’estoit rebellé et eslevé contre le roy. et y entremesloit-on les princes, pour tousjours les rendre odieux , et faire trouver bonne l'exécution qu’on en vouloit faire. Et à dire vray, le bruit d'Orléans n’estoit sans cause: car ceux de Guyse avoyent tant animé le roy à l'encontre des habitans en les chargeant du faict d’'Amboyse, qu’il les tenoit pour mortels ennemis ,et avoit delibéré d’en faire mourir des principaux, les biens desquels estoyent jà donnés et despartis aux mignons courtisans. Le baillif d'Orléans avoit de sa part trois mauvais tesmoings, à scavoir un bel estat,unce belle maison à la ville, et une autre aux champs. Sa confiscation estoit jà donnée au sieur de Cipierre, comme aussi les meilleures maisons duroyaume estoyent remarquées, et le sac d'Orléans promis aux soldats francois venus d’Escosse et autres lieux , qui marchoyent avec l'artillerie. Voylà l’esquippageavec lequelleroy passa la Beausse, et fit son entrée en armes à Orléans le 18 d’octobre, mais avant que de passer oultre, je réciteray ce qui advint de notable.

Ceux de Guyse ayant veu le mescontentement de ce que toutes les charges , dignités et

offices avoyent esté desparties entre eux sans en bailler aucunes aux princes du sang , pour aucunement les contenter , avoyent advisé de faire ériger deux gouvernemens au milieu du royaume, et d'en bailler un au duc de Montpensier, et l'autre au prince de la Roche-sur-Yon, sçachant qu’ilsne pourroyent aucunement nuire à leurs desseings, comme s’ils estoyent en frontière. Et toutesfois ils leur baillèrent des lieutenans avec telle authorité que les princes n’avoyent que le tiltre, chose qui ne revenoit qu’à la foule du peuple, et à quoy les prédécesseurs rois n’avoyent jamais voulu entendre, d’autant aussi que leurs principales demeures estoyent en ces pais-là. Au duc de Montpensier fut baillé le gouvernement de Touraine, et annexés à iceluy les duchés d'Anjou et de Vendosme, comtés du Maine, de Bloys, Dunois, et païs circonvoisins. Et au prince de la Roche-sur-Yon, celuy d'Orléans, auquelon joignit les duchésde Berry, pays Chartrain,la Beausse, Montargis, et autres lieux contigus, et bailla-t-on pour lieutenans au gouvernement d'Orléans Îedict sicur de Cipierre, et à celuv de Tours, Savigny, esclaves de ceux de Guyse, avec toute puissance, principallement à Cipierre sur Orléans.

Cestuy-ci donc estant arrivé en ladicte ville avant l’arrivée du roy au commencement d’octobre, avec lettres de Sa Majesté portant commandement aux eschevins de luy obéyr en tout ce qu’il commanderoit, commença à désarmer ceux de la ville, remettant Jeurs armes en la maison commune, à la garde desquelles il commeit un capitaince,de sorte qu’il n’estoit loisible d’en approcher. Puis après ilfcitentrer les garnisons là prochaines, qu'il logea ès maisons qu’il avoit suspectes, leur remettant la garde des portes. Il advertit aussi les eschevins que le prince de la Roche-sur-Yon arriveroit le jour mesme, pour y faire entrée comme gouverneur. Au moyen de quoy chascun se meit en devoir de le recevoir le plushonorablement qu’on pourroit,selon le peu de temps et commodité ; et fut au-devant de luy Hiérosme Groslet, baillif d’Orléans, accompaigné des gens de la justice , de l'université, des eschevins et conseillers de ville, et des plus notables bourgeois et tous officiers d’icehe. Le baillif porta la parolle pour la ville, et fut sa harangue pleine de bonne affection, s’estimant très heureux d'avoir un tel prince pour gouverneur. Ils le supplièrent d'avoir La

ville en recommandation, et de les maintenir en la bonne grace de leur roy, prince et souverain scigneur, auquel ils désiroyent entièrement obéyr, comme aussi à luy, non-seulement en ce qui concernoit le service de Sa Majesté, mais pour le sien en particulier : puis sur la fin ils s’excusèrent de n’avoir faict plus grand appareil pour sa venue, dont ils avoyent seulement esté advertis le matin. Estant entre en la ville, Îl leur feit entendre, comme aussi Morvilliers leur évesque l’escripvit, que le roy et la roine vouloyent faire leur entrée en ladicte ville le feudi ensuyvant 17 dadict mois; mais pource que le temps estoit court, ils eurent un jour de délay seulement pour dresser leur appareil au mieux qu'ils pourroyent ; auquel jour 18 d’octobre , ledict seigneur et la roine arrivèrent de matin aux faulxbourgs d'Orléans, où leur fut préparée une maison, et dressé un eschaffaut pour voir passer les troupes de la ville qui leur viendroyent au-devant selon la coustume. Les gens de pied faisoyent monstre de quatre mille bommes sous douze enseignes, et leur avoit-on rendu toutes leurs armes, excepté les bastons à feu, d'autant qu’ils estoyent suspects au cardipal de Lorraine. Après eux suyvoit la justice, les eschevins, conseillers de ville et plus notables bourgcois, l’université et le clergé suyvant l'ordre devant dict; et passant pardevant Sa Majesté, le baillif ct les principaux officiers montérent sur l’eschaffaut pour luy faire leur harangue.

Après eux marchoyent les enfans de la ville, en nombre de cinquante à soixante, bien montés et avec bel esquippage, revestus d’une mesme parure des couleurs desdicts seigneur et dame, suyvis des archers de la ville avec leurs hocquetons. Toute ceste compaignie passée, et puis rentrée dans la ville en mesme ordre, le roy monta à cheval et entra soubs son dais d’or avec les armoiries de la ville, et tira droict au grand temple Saincte-Croix. Devant luy marchoyent les quatre cens archers de sa garde, les deux cens gentilshommes de sa maison, les Suisses et les harquebusiers de la nouvelle garde. Et après Sa Majesté alloyent les ducs d'Orléans et d’Angoulesme ses frères, le prince de la Roche-sur-Yon et plusieurs autres seigneurs et chevaliers de l'Ordre. Et ainsi au son des trompettesetclairons fut conduict audict temple, où l'évesque et le clergé le receurent ;

puis son oraison parachevée, il alla loger en la maison du feu chancelier d'Alençon père dudict baillif, en place appellée l'Estape. Et n’est du tout à oublier que le roy passant par les rues richement tendues, son cheval feit un faulx pas, en sorte qu'il fust tombé tout à plat, s’il n’eust esté soudainement relevé , ce que plusieurs interprétèrent des lors à mauvais présage pour luy, autres aussi pour la ville.

- L’après-disnée toute ceste compaignie retourna au-devant de la roine en mesme ordre et esquippage, laquelle feit son entrée fort richement atournée et montée sur une hacquenée blanche, suyvie d'un grand nombre de dames et damoiselles ; mais en l’une ny en l’autre entrée, ceux de Guyse ne comparurent, et disoiton que c'estoit de crainte de rencontrer quelqu'un désespéré, parce qu'un magicien (comme nous avons dict)avoit prédict au cardinal, estant à Rome, que son frère et luy mourroyent de mort violente ct de bastons à feu. de sorte que, pour éviter cela , ils craignoyent telles assemblées, encores qu'ils eussent fait deffendre de porter aucunes pistoles, pistolets ne harquebuses sur peine de la vie mesmement en telle ville qu'ils avoyent expressément choisie pour la plus propre à exécuter le comble de leurs entreprinses , de longue main appareillées , estimant, disoit-on, que tout ainsi que la lignée de Charlemaigne (dontils ont resvé qu'ils estoyent sortis) avoit pris fin en la ville d'Orléans, ceste mesme ville aussi serviroit de cimetière à toute la race de Hue Capet et à leurs affectionnés serviteurs.

Quand nous avons dernièrement parlé da roy de Navarre et son frère, nous les avons laissés par les chemins venans à leurs petites journées; mais plus alloyent-ils avant, tant plus avoyent-ils d’advertissemens de se retirer secrettement, suyvant ce qu'ils ont bien recogneu depuis leur avoit esté prédict qu’autant de pas qu’ils faisoyent vers la cour, autant approchoyent-ils, et tout l’estat du royaume, de la mort, si Dieu n’y remédioit extraordinairement ; à quoy ils ne vouloyent nullement entendre, se remettant et leur affaire du tout en Dieu, duquel ils attendoyent tout secours et deffense, et en ceste confiance et de leur innocence se recommandoyent aux prières des églises réformées, faisant venir à eux tous les ministres, diacres et surveillans par où ils pas-

soyent pour les consoler ; chose notable pour cela qui s’en ensuyvit, combien qu’il ne tinst aux princes qu’ils ne se perdissent entièrement. Voylà comme ils arrivèrent à Orléans avec leur petit train, qui fut la veille de Toussainct, dernier d'octobre. ::. . .. .

Ceux de Guyse scachant leur arrivée, non pour besoing qu'il en fust, mais pour estonner de plus en plus les princes et tous ceux qui seroyent si hardis de leur porter tant soit peu de faveur, feirent venir tous les hommes d'’armes et archers qui estoyent en garnison à l’environ d'Orléans, lesquels, avec leslite des gens de pied qui estoit logée à la ville, furent errangés en haye fort serrés, armés à blanc d’un costé et d'autre, depuis le commencement du Portereau jusques au logis du roy, en sorte que les princes furent contraints de passer au travers, et de recevoir des hrocards d’un chascun, selon qu’il estoit le plus impudent ; et ne leur alla au-devant aucun des courtisans, ny encore moins de ceux de la ville, pour les raisons qui seront cy-après desduictes, réservé le cardinal de Bourbon leur frère et le prince de la Roche-sur-Yon, qui eurent congé de ce faire.

Estant lesdicts seigneurs entrés en la ville, et approchés du logis du roy, le roy de Navarre voulut selon la coustume entrer à cheval jusques dedans la cour du logis dudict seigneur ; mais cest honneur leur fut dénié, et leur fat assez rudement respondu que les grandes portes ne s'ouvroyent point. Après avoir aucunement contesté sur cela, ils meirent pied à terre, et accompaignés du cardinal de Bourbon et du prince de la Roche-sur-Yon, allèrent trouver le roy, lequel, scachant leur venue, s’estoit mis en lieu éminent, accompaignédeses oncles de Guyse et de toute la noblesse de cour, qui ne feit un tout seul pas pour aller au-devant. Eux en la salle vont droict au roy, sans regarder ny çà ny là. Après avoir faict les révérences accoustumées, leur réception fut assez maigre, comme aussi il n'y eut aucunes caresses entre eux et ceux de Guyse, lesquels ne feirent compte des princes ; comme aussi toute la compaignie se conforma à eux. Avant que tous ces mystères fussent achevés, la nuict survint, qui feit que le roy s’achemina en la chambre de la roine mère, où il fut suyvi desdicts princes et de peu de gens. Aussi ne voulurent ceux de Guyse estre présens aux propos

desquels ils avoyent instruict le roy, de peur que les princes s’attachassent à eux de parolles, comme ils avoyent entendu qu’ils en estoyent bien délibérés, et pour jouer le reste du jeu en telle sorte qu’à un besoing ils eussent tousjours leurs négatures à propos, dont bienleur en print à la fin, comme aussi finement estant question du décret de la prinse de corps, ils en avoyent faict porter la parolle au mareschal de Brissac.

Après que la roine mère les eut receus avec l’armée de Crocodile, le roy s'adressant au prince de Condé luy dict qu'on luy avoit rapporté de plusieurs endroicts qu’il avoit faict et faisoit plusieurs entreprinses contre luy et l'estat de son royaume, à l’occasion de quoy il avoit mandé pour en sçavoir la vérité par sa bouche. Le prince demoura court ne muet, comme il n’eut oncques faute de cueur ny de langue et hardiesse singulière, et usa de grandes deffenses, voire telles que Sa Majesté avoit juste occasion de s’en contenter, et d’estimer que c’estoyent pures calomnies inventées par ses ennemis de Guyse, lesquels il chargea grandement et ouvertement de plusieurs forfaicts, et des causes qui les avoyent meus à le calomnier envers Sa Majesté, qui luy tourna depuis à plus grande vertu que s’il eust faict teste à ses ennemis, estant assisté des forces qu’il avoit mesprisées. Ce néantmoins pource qu’il avoit esté advisé et conclud avant leur arrivée, Sa Majesté commanda à Chauvigny, capitaine des gardes expresséement envoyé [à par ceux de Guyse, de se saisir de sa personne ; ce qu'il feit, et le mena prisonnier en une maison là prochaine, au-devant de laquelle fut construit un fort de brique flanqué de canonières, et garny de pièces d’artillerie de campagne qui battoit en trois rues, et deffendoit les advenues. Les fenestres de sa chambre furent aussi murées, et fut tenu le prince si estroictement que nul ne parloit à luy qu’un homme de chambre.

Le roy de Navarre, se sentant trop tard frustré de son attente, supplia le roy de luy tenir promesse, à scavoir d’ouyr son frère en ses justifications, sans le tenir prisonnier, ou à tout le moins qu'on le luy baillast en garde, et qu’il en respondoit sur sa vie. Ce que Sa Majesté refusa : voylà quelle fut la réception dé ces princes. Et de vray la liberté du Navarrois n’estoit guères plus gravde que celle de son

frère, smon qu’il avoit ceste espace d'aller de son logis qui luy fust baillé auprès de celuy du roy; mais au reste nul n’osoit parler à luy ny de jour ny de nuict, s’il n’estoit de ses gens, et encores n’y avoit-il guères d'autres que les serviteurs secrets de ceux de Guyse. Car tous ceux qui luy estoyent loyaulx s’estoyent absentés, hors mis un bien peu qui tindrent bon et se hazardèrent aussi avant que leur maistre, auquel sa garde fust ostée, et celle de ceux de Guyse au contraire fust assise de jour et de nuict autour de sa maison, avec plusieurs espies qui suyvoyent pour regarder qui parleroit à luy.

De ceste mesme colère les seigneurs de Carouges et de Renouard, gentilshommes de la chambre, eurent charge d'aller prendre prisonnière la dame de Roye, sœur des sieurs de Chastillon , et belle-mère du prince de Condé. La cause portée par la commission estoit qu’elle avoit certaine intelligence et participation des conspirations, entreprinses et séditions qui s’estoyent pratiquées et duroyent encores en ce royaume, et des autheurs et fauteurs d’icelles, desquels ledict seigneur désirant sçavoir et entendre la vérité, pour pourveoir au danger qui en dépendoit et chastier les coulpables autant que leur faute l'avoit mérité, ayant pour ceste cause Sa Majesté arresté (par l’advis d'aucuns bons et grands personnages de son conseil ) de la prendre prisonnière, commandoit très expressément aux dessusdicts d'eux transporter en la maison de ladicte dame la part qu’elle seroit, et de se saisir de sa personne pour la mener prisonnière à Sainct-Germain-en-Laye, à fin d’avoir plus de lumière de ce que Sa Majesté désiroit scavoir d'elle, et de la participation et intelligence qu’elle avoit eue pour les cas et crimes dessusdicts. Et surtout leur estoit enjoinct de se saisir de tous les papiers qui se trouveroyent en sa possession, pour les luy envoyer fidèlement et diligemment. H y avoit aussi mandement au capitaine du Chasteau de Sainct-Germain-en-Laye de l'y recevoir prisonnière, et de la tenir en si estroicte garde que nul ne parlast à elle fors que les juges que le roy y envoyeroit. Ce qui fut entièrement exécuté, ladicte dame estant lors en sa maison d’Anisy en Picardie, là où lesdicts Renouard et Carouges la furent trouver ; et sans aucune forme ne figure de justice, fouillèrent

par tous les lieux secrets de sa maison, visitèrent ses papiers, et usèrent en son endroict de tous les rudes traictemens dont ils se peurent adviser, sans avoir esgard à sa qualité, aage ny indisposition. Aussi estoyent-ils serviteurs très affectionnés de ceux de Guyse, et avoyent à singulier plaisir d'exécuter leur commande : ment à toute rigueur. C’estoit la cause pour laquelle ce Carouges avoit faict plusieurs allées et venues vers les princes en Béarn.

Ils envoyèrent aussi à Paris, et feirent prendre un conseiller de parlement nommé la Haye, pource qu'il manioit les affaires du prince de Condé, et voulurent faire le semblable à Or- Jéans de quelques autres ; mais ils se retirèrent de la presse.

En ce mesme temps si malheureux, arriva d'Italie en France madame Renée de France, fille du roy Louys XII, duchesse douairière de Ferrare, et belle-mère du sieur duc de Guyse, qui avoit tousjours favorisé la religion; et trouva fort mauvais l’emprisonnement des princes, prédisant à son gendre que mal luy en adviendroit, comme il feit depuis. Mais elle ne fust creue, et falust qu’elle avalast ceste pilule à son arrivée.

Nous avons touché cy-dessus comme Amaury Bouchard, chancelier du roy de Navarre, auroit escript au roy et à ceux de Guyse contre le prince de Condé, et du bruict qui couroit que luy-mesme s’estoit faict prendre; ce qui ne fut sans grandes conjectures, d'autant que la commission pour ce faire fut adressée à Jarnac, qui estoit aussi, comme nous avons touché, son grand amy et familier.

Advint que Bouchard estant allé voisiner chez un gentilhomme, on luy apporta un gros paquet, et luy dict tout haut le porteur envoyé de Jarnac que son maistre le luy envoyoit avec ses affectueuses recommandations, ladvertissant qu'il le verroit dans trois jours chez luy avec bonne compaignie. Sur quoy le chancelier rougissant et palissant, comme aussi à l'ouverture du paquet, luy manda qu’il seroit très bien venu, ce qui fut très bien remarqué. Bref, au jour assigné, Jarnac vient en sa maison après l'avoir derechef adverty de sa venue, le faict et le constitue prisonnier, saisit ses papiers, et use en son endroict de toutes les rudesses en apparence qu’on eust peu faire au plus estrange homme du monde, Pour quoy

faire il estoit accompaigné de deux compaignies de gens d’armes avec la sienne, et sembloit qu’il deust avoir abandonné la maison au pillage. De quoy Bouchard se plaignoit grandement, appellant Jarnac traistre et meschant, le menaçant de s’en venger, et luy faire tran-

cher la teste. Voylà comme ceste farce fust

jouée, et ce chancelier conduict à Orléans en grande compaignie, et de là envoyé à Melun, avec tous les autres prisonniers qui avoyent esté amenés de Lyon, à fin de leur faire procès, et préparer contre le prince de Condé, duquel on hastoit l'affaire en toute diligence.

Deux jours après l’arrivée du prince de Conde à Orleans, lebaillifGroslot fust prins prisonnicr ; ct combien que le bruit des autres fust trouvé merveilleusement estrange, et que de tous costés on ne vist que calamités préparées, tant y a que cestuy-cy fust remarqué, ne 8çay autrement pourquoy, sinon que les uns avoyent compassion de son mal, le cognoissant homme vertueux, amateur du bien et repos public, ennemy de la tyrannie, des factions et entreprinses turbulentes, comme aussi esloigné de toute ambition ; chose rare de ce temps ès hommes constitués en telles dignités ; ce qu’on louoit doublement en luy, à cause que sa dextérité aux deux robbes luy promettoit de fort grands avancemens aux honneurs, s’il les eust voulu chercher et prendre party. Les autres, préoccupés de ce qu’on luy mettoit sus, pour donner couleur à sa mort et confiscation prétendue, excusoyent ceux de Guyse, lesquels par gens apostés abreuvoyent le simple peuple du crime de lèze-majesté supposé à tous les prisonniers, et autres qui ne vouloyent ployer soubs le joug. Et pource qu’on a parlé diversement de la cause de l’emprisonnement de Groslot et des procédures tenues contre luy, et que cela touchoit le faict de plusieurs autres qui estoyent remarqués, j’ay pensé que ce seroit chose digne de mémoire pour la postérité d'entrejetter icy ce qui en est la vérité, à fin qu'on cognoisse le péril éminent où lors estoyent tombes toutes gens de bien.

Le père de Groslot ayant receu cest honneur d’estre chancelier de la feue roine de Navarre Margueritte de France, son fils nourry ès bonnes lettres et doué d’autres grands dons se monstra toujours affectionné au service de ceste maison, selon son devoir. Toutesfois, après la

mort de ladicte roine, sans aspirer à l’entreprinse des affaires ordinaires d'icelle, il se contenta de l'exercice de son estat de baillif d’Orléans et d'y vaquer en toute droicture et rondeur. Cela ne pouvoit plaire à ceux qui désiroyent sur-tout que les principaux des grandes villes fussent à leur dévotion; mais ce qui leur feit coucher ce personnage dans leurs papiers, fut le rapport ordinaire de leurs serviteurs secrets, qu’il estoit la sauvegarde des assemblées des huguenauds; et que, de fraische memoire, il s’estoit imprimé en leur fantaisie, qu'il avoit eu intelligence avec ceux de l'entreprinse d'Amboyse, à cause que les princes, desquels Groslot cestoit serviteur, en estoyent par eux accusés. Le c.ruinal en avoit souventesfois faict ouverte déclaiation par ses propos tenus en divers lieux et t« nps, notamment au mois de juin précédent, quand ledict baillif et les eschevins avoyent estè appellés à Sainct-Germain-en-Laye. Car, estant admis au cabinet du roy, après les remonstrances faictes par le chancelier de l’Hospital sur la négligence et connivence dont ils usoyent à la recherche des huguenauds, le roy dict fort felonnement au baillif (qui avoit eu commandement, et tous ses compaignons aussi, de se tenir tousjours à genouils) qu’il eust à y faire mieux son devoir qu'il n’avoit faict par le passé. Sur quoy ayant ledict seigneur roy oublié la lecon qui luy avoit esté recordée, le cardinal luy souffla ces propres mots en l’aureille, lesquels puis après il prononca en besgayant : « Ou je vous chastieray de telle sorte que les autres y prendront exemple. »

Estant donc ceux de Guyse ainsi affectionnés contre le baillif, il ne fault s’esbahir s’ls avoyent envie de sa teste, laquelle nuisoit aussi à ceux qui estoyent affamés de sa despouille desjà mise au sort, comme il a esté dict : de sorte qu’il n’y avoit faulte de diligens solliciteurs pour ramentevoir qu’il estoit des premiers au roolle. Tous ces choses, dis-je, estoyent bien cogneues ct remarquées par le baillif, lequel sçavoit pour certain que la malice et félonie de ses adversaires estoit d'autant plus accreue, qu'ils s’estoyent cslevés en crédit et authorité joinete avec les forces qu’ils avoyent apprestées pour l'exécution de leurs secrettes pratiques et menécs. Mais au lieu de s’absenter et se soustraire de leurs mains (ce qui luy eust esté aisé), Dieu

iuy inspira non seulement de demourer, ains, en telle perplexité d'esprit, de s'entremettre du faict de sa charge a la manière accoustumée, et de faict il alla au-devant de Sa Majesté quand il feit son entrée, délibéré de luy remonstrer

l’obéyssance de son peuple d'Orléans, et de le :

deffendre des calomnies de rebellion dont on le chargeoïit. Mais un homme incogneu (atiltré toutesfois) le voyant marcher d’une grande hardiesse et asseurance, s’escria lors qu’il montoit sur l'eschaffaut du roy : « Voylà le capitaine des huguenauds! » Ce qui l’esmeut de telle sorte, avec la contenance furieuse du roy, qui commença de le regarder d’un œil félon, qu’il

ee es me | | aimes con et NC er Se)"

ne fut possible au baillif de faire sa harangue

telle qu’il avuü yrojettée.

De ceste uccasion le cardinal tira un notable stratagesmei duquel il se servit bien à poinct en

ceste affaire, et en deux facons toutes contrai-

res ; car l’estonnenent du buaillif apperceu, il donna lieu de faire croistre le cueur au roy, luy mettant en avant l’obéyssance qu'il se devoit pronettreen tous les lieux de son royaume où il voudroit aller, puis que cest homme, autrement des plus accorts et asseurés, s’estoit effrayé de sa présence ; de la suffisance duquel ü rendit lors et ailleurs assez bon tesmoignage, à fin que le roy et autres peu rusés, estans par ce tesmoighage esloignés de tout souspecon de sa mauvaise volonté, il semblast puis après, faisant faire procès à Groslot, qu’il n’estoit mené que d’une saincte affection de justice.

D'autre part, il feit une menée par soubs terre envers Leurs Majestés , et courir un bruit sourd par gens atiltrés que le silence et l’estonnement du baillif le convainquoyent manifestement du crime de lèze-majesté dont il estoit souspeçonné, faisant estat que ceste seule conjecture donneroit lustre suffisant à son entreprinse, qu’il advisa de coulourer de quelques procédures accoustumées de justice. Et pour cest effect choisit des juges de la conscience desquels il se tenoit du tout asseuré. Il print doncques pour l'instruction du procès d’Avanson, comme celuy qu’il tenoit le plus fidèle à son service, le plus ignorant et le plus effronté, et qui avoit moins d'occasion de retarder le cours de ceste matière, pour le peu de sentiment que ce juge avoit de Dieu et de l'honneur. La partie ainsi dressée, d'Avanson commença à tirer les premiers coups par le moyen du curé

> oo om r—m e N —

de Saincte-Paterne et du vicaire de Saincte- Catherine, secondés de quelques marchans désireux d’estre connus zélateurs de l'Église romaine. Et ce qui les rendoit d’autant plus convoiteux de ceste gloire fut que, par ce moyen, ils se voyoyent bonnetés ; ce qui les fcit enfin devenir factieux jusques à chercher la ruine de : leur propre patrice. Et de faict, desjà auparavant ils avoyent prins une telle habitude à entreprendre légèrement et témérairement toutes choses, que pour leurs vies et fautes secrettes ils redoubtoyent le baillif, pource qu’il s’opposoit ordinairement à leur audace, rompant le col à leurs pernicieuses menées, à raison de quoy ils s’estoyent tous ensemble rendus ses ennemis mortels, s'asseurant, luy désarçonné, que toutes choses seroyent gouvernécs à leur poste. Les plus malins d’entre ceux estoyent pour lors Jacques Alcaume, Jacques l'Huillier, Leborgne, lAllemant et Jaiquet Masnet, lesquels, pensant avoir trouvé propre et asseuré moyen d'opprimer ce baillif, n’espagnèrent rien à suborner de faulx tesmoings. D’Avanson avoit trois chefs d’accusations capitales, sur lesquels il cherchoit tesmoings en toute diligence, comment qu’il en fust. Le premier estoit, si le baillif n’avoit pas délibéré de livrer la ville d’Orléans au roy de Navarre qui venoit. Le second, s’il avoit pas eu quelque intelligence de l’entreprinse d'Amboyse. Le troisiesme, s’il s’estoit pas trouvé à une assemblée qui s’estoit faicte de nuict dans le grand Cimetière.

Les deux premiers chefs estoyent maniés plus secrettement, mais tant y a qu’on les prétendoit prouver pour tousjours charger sur la malle des princes. Ne pouvant rien descouvrir de cela, ils mettoyent en besongne toutes sortes de gens, pour un quatriesme chef d’accusation, qui estoit présenté à ceux que l’on vouloit instruire en leurs dépositions, sous tels termes : « Si la connivence et négligence du baillif à La recherche des huguenauds n’estoyent pas cause qu’ils estoyent en si grand nombre à Orléans.» De cecy parlèrent toutes sortes de gens plus ou moins pertinemment, selon l'esprit qu'ils avoyent pour retenir l'instruction que leur donnoyent lesdicts curé et vicaire, auxquels tout ouvertement les renvoyoit d’Avanson, disant : « Mon amy, avez-vous parlé à monsieur le curé de Saincte-Paterne?» Sils respondoyent: « Non.» «Allez, mon amy, allez à luy; faictes

ce qu'il vous dira, c’est un homme de bien. » En ces entrefaictes passèrent quelques jours, durant lesquels se faisoyent les apprests pour la réception du prince de Condé, qu’on attendoit de jour en jour avec le roy de Navarre, après l’emprisonnement duquel leur desseing estoit de commencer besongne, laissant jusques en ce temps-là ceux qui estoyent remorqués à la mort en liberté servile, comme pour tendre aux larrons, ainsi qu’on dict. Ils avoyent aussi conclud de tenir pour convaincus de la rebellion prétendue ceux qui s’advanceront d'aller au-devant de ces seigneurs, à fin que ceste couleur donnast lieu à leurs captures, ayant présupposé que l’amour que ceux appelloyent les séditieux et conspirateurs portoyent aux princes ne fauldroit à les poulser de les aller recueillir, de sorte qu’il seroit aisé de les remarquer; mais ceste ruse fut tellement esventée que personne ne voulut hazarder sa vie pour leur faire un si dommageable service. Ainsi, cedesseing n'ayant rencontré à l’endroict de Groslot, on ne laissa deux jours après de l’arrester prisonnier en sa maison, avec gardes, oultre le guet que faisoitsur luy le mareschal de Brissac, qui s’estoit allé emparer de sa maison nommée l'Isle, de laquelle et de tout ce qui y estoit il faisoit desjà estat, partageant avec le sieur de Cipierre, comme on le descouvrit à ses propos. Mais cela fut plus esventé quand son secrétaire Boyvin osa dire à la damoiselle femme d’iceluy que si on en parloit à son maistre, comme il seroit besoing (ce qu’il interprétoit l'argent au poing), les affaires du baillif s’en pourroyent mieux porter. Mais quand on s’apperceut qu’on ne vouloit rien desbourser, huict jours après on luy rechangea ses gardes, le mettant entre les mains de Pachaut, l’un des lieutenans du prévost de l’hostel, qui le mena en son logis bien estroictement gardé. Ce qui fut trouvé estrange; car le cardinal avoit commande de le mettre en une tour de la ville qu’on appelle la Tour-Neufve, laquelle il avoit faict remparer et renforcer de barreaux.

Quelques jours après il fut interrogué par ses commissaires et à divers jours, durant lesquels , selon la contenance qu’il avoit tenue, fust qu’il se monstrast patient en son affliction ou autrement, le bruict couroit aux tables des courtisans, ou qu’il se sentoit convaincu, ou qu’il estoit trop résolu et asseuré. Bref, il ne disoit ny ne faisoit chose que ils ne tirassent à la

mauvaise part. Cela faict, on passa à la confrontation des tesmoings, la vie desquels, cogneue par le baïllif et bien despeincte, lesestonna autant et plus que les termes èsquels leur déposition estoit couchée, non jamais entendue de la pluspart d’eux. Bref, la surprinse de ceux qui estoyent confrontés, voire leur desdicte manifeste, ne les rendoyent que trop reprochables, si d’Avanson eust donné lieu aux reproches suffisans, et n’eust maintenu tels garnemens, comme il faisoit ouvertement, les asseurant en leur estonnement et tremblement, jusques à leur servir de trucheman, et à les desvelopper de leurs embrouillemens pour les ramener à leurs premières instructions, en leur donnant autant de licence et audace pour vomir leur venin contre le baillif, comme uniquement il luy interdisoit d’user de répliques.

Or, d'autant que d’Avanson ne trouvoit matière si bien préparée contre le baïllif, comme ceux de Guyse eussent bien désiré, et désiroit semblablement accrocher en cenégoce la chancelière d’Alencon sa mère, la damoiselle des Marais sa belle-mère, et aussi sa femme, qui toutes possédoyent de grands biens, ils atiltrèrent, comme on présupposoit par conjectures, un certain soldat, lequel en plein marché demanda à une troupe de femmes le logis du baillif d'Orléans, et s’il y avoit d’aucunes d’elles qui l'y peust conduire. Et comme une se fust présentée, il l’enquist si elle le pourroit mener droict à la chambre de la damoiselle femme du baillif. Ce qu’elle refusant de faire, il se contenta qu’elle luy gardast une chandelle de suif d’une grosseur excessive, l’advertissant que personne ou beste n’y touchast sur peine de la vie. Cela faict, elle le conduisit jusques à la maison, où il trouva la mère etla femme du baillif, et les ayant priées de parler à elles en particulier, dict qu’il avoit sceu à Bloys l’injure que l’on faisoit à monsieur le baillif Groslot, et l’indignité du tort que l’on sentoit estre faict aux gens de bien et la nécessité dont les petits compaignons se sentoyent pressés estoyent deux grands aiguillons à hazarder la vie. Partant, que si elles voyoyent que laffaire du baïllif n’allast bien, elles luy feissent scavoir. Contre telle ruse, Dieu leur meit en la bouche ceste response : « qu’elles le remercioyent, et s’il avoit volonté de leur faire quelque plaisir,elles désiroyent scavoir qui il estoit

pour luy en savoir gré. Sur quoy il respondit : « Je suis qui je suis.» Au reste, elles vindrent à dire que touchant l'affaire dont il parloit, elles espéroyent tant de la bonté de Dieu, qu'il seroit deffenseur de l’innocent. Sur quoy le galand se retira sans plus retourner ; mais elles estoyent souvent tentées par des courtisans de semblables propos. Voylà en somme les procédures que l’on avoit délibéré de tenir envers tous ceux auxquels on en vouloit.

Oultre tout ce que dessus, ceux de Guyse avoyent donné un merveilleux ordre de rendre tous les estrangers, voire jusqu’au curé mesmes,exécuteursdeleurs desseings par lesmoyens suyvans.

Entre les moyenneurs de la paix d’entre la France et l'Espagnol, de la part du roy, le cardinal de Lorraine en estoit un, auquel l’Espagnol avoit baïllé pour contre-poids le cardinal Granvelle, homme d’esprit, et qui, pour sa longueexpérience ès affaires d’estat, estoit encores plus rusé que le cardinal de Lorraine; duquel Granvelle cognoissoit l'humeur, ayant pesché si avant en ses entrailles, que jamais anatomie ne fut mieux faicte. Pour le faire court, Granvelle luy remonstra les guerres avoir esté nourricières des hérétiques, en sorte que la France en estoit presque du tout gastée, voire jusques aux plus grands princes qui espioyent, disoitil, la couronne par ce moyen, à faquelle ils pourroyent parvenir aiséement à l’aide et faveur des protestans, comme il avoit naguères descouvert. Le cardinal de Lorraine se sentant piqué au vif par ce propos, ne sceut dissimuler à Granvelle ce qu’il scavoit de quelques offres faictes au roy Henry, lors vivant, par les princes protestans, et des allées et venues sur ce faictes entre le roy de Navarre et eux; en sorte qu’il creut tant plus aiséement que s’il estoit prévenu, non-seulement ses desseings seroyent rompus, mais aussi sa maison ruinée.

Par quoy voyci l’un des fondemens de la paix, à sçavoir que leurs maistres estoyent si égaux en puissance, que malaiséement l’un pourroitil ruiner l’autre, sans estre si fort affoibly, qu’un tiers en auroit bon marché, et que partant il falloit nécessairement les accorder ensemble, de sorte qu'ils n’eussent plus occasion de s’entre rien quereller, mais qu’avec leurs vives forces ils courussent sus ces évangéliques pour se récompenser de leurs pertes, faisant première-

XVI® s1ècce, La PI. et La PI.

ment mourir tous ceux de leur secte qui seroyent sousl'obéyssance de ces deux rois, sans espargner ni petit ni grand. Et ce qui donna plus de goust à la noix, ce fut que Granvelle dict au cardinal de Lorraine qu’il ne cognoissoit chevalier ne capitaine au monde tant honoré et respecté, ny plus digne de ceste charge que le duc de Guyse son frère. Voyl, dis-je, les promesses qui furent faictes et jurées entre ces deux bons piliers d'église, avant que de venir à aucun accord de la paix, à sçavoir que les deux princes employeroyent toutesleurs forces et puissance à restablir le siége romain, et à exterminer les hérétiques qui contredisoyent à sa hiérarchie, sans espargner frère, sœur, enfant, parent ny amy. Mais la mort intervenue de Henry rompit tous ces desseings.

Depuis, ceux de Guyse cherchant ordinairement à renouer ce faict, n’eurent faulte de coadjuteurs. Car les ambassadeurs d’Espagne et du pape crioyent sans cesse après le roy François et son conseil, pour accomplir les promesses de Henry son père contre les hérétiques.

Leurs maistres aussi en escrivoyent souveut à la sollicitation de ceux de Guyse, y entremeslant des menaces. Et aussi par cest artince la persécution recommença telle que vous avez entendue ; mais quand ils cogneurent le danger duquel ils estoyent eschappés à Amboyse, craignant qu’en fin le hazard tombast sur leur teste, ils résolurent d'exécuter leur plus haute entreprinse sans plus tarder. Et pour autant qu’elle n’estoit sans difficulté pour les murmures qui commençoyent à sourdre à l’encontre d'eux, ils voulurent s’asseurer des princes estrangers et allèrent au-devant par derrière.

Ils feirent donc croire auroy d'Espagne, qui jà n’estoit que trop aisé à persuader, comme le roy de Navarre et le prince de Condé, soubs om. bre de quereller le gouvernement du royaumG durant la minorité du roy, s’en vouloyent em. parer, et faire mourir ledict sieur roy et ses frères, pour venger la vieille querelle de Bourbon, en quoy ils estoyent soustenus et aidés des hérétiques de France, de la roine d’Angleterre, des Allemans protestans et Suisses évan . géliques, soubs la promesse de prendre et faire recevoir leur religion au royaume, et puis après de régler de mesme le reste de la chrestienté. Semblablement qu’il y avoit alliance et ligue

| pour venger les outrages qu'avoyent receus les

Allemans par Charles cinquiesme empereur, son père. Et que quand bien toutes ces choses cesseroyent, il devoit considérer, s’il souffroit sculement ces princes entrer au maniement des affaires, que c’estoit chose très asseurce, qu'oultre la ruine de la religion catholique romaine, il ne jouyroit guères de la paix; d'autant que le Navarrois n’y estoit nullement comprins, et qu’il tascheroit avec les forces du royaume de recouvrer le royaume de Navarre sur luy, ct, qui plus est, qu'il ne fauldroit d'entreprendre sur ses bas pais, où il avoit grande intelligence par le moyen de ceux de la relision nouvelle, qui luy promettoyent rendre les principalles villes, en leur promettant de les délivrer de servitude, et leur donner pleine liberté en leur relision. Mais s’il plaisoit audict sieur roy d’Espagne les maintenir et favoriser en leur gouvernement, ils ne le garantiroyent pas seulement de tous ces dangers, mais aussi accompliroyent les promesses du feu roy Henry en toute fidélité. Sur quoy ils eurent bonne résolution, à cela les conduisant Granvelle. qui ne demandoit que de faire bresche au royaume et d'y voir une guerre civile, pour y donner entrée à son maistre. Voylà comme à mesme arc servoyent plusieurs cordes.

Ils remonstrèrent au pape que les hérétiques v’avoyent autre appuy en France que des princes du sang, et que partant s’ils n’estoyent retenus, on verroit bientost la France se retirer de son obéyssance, veu son intelligence avec les apostats de l'Église romaine. Ce qui l’induict facilement à promettre tout secours ct faveur à luy possibles, et à employer son crédit envers tous les potentats d'Italie, l'empereur Ferdinand, les princes papistes et évesques d’Allemaigne.

En ceste meslée, le duc de Savoye estoit en bransle de se fourrer des plus avant, estimant que peut-estre ce seroit le moyen de rentrer en ses terres, occupées par les Bernois; joinct

’i avoit un extresme désir de se rendre seigneur de la ville de Genève, sur laquelle on rejettoit la cause de toutes les mésadventures de son père et de luy. Et de vray il se sceut de sa part si dextrement comporter avec les cantons catholiques appelés Landers, ennemis jurés de la religion, ayant flairé les promesses de ceux de Guyse par le moyen du colonel Freulich, que sils n’eussent finalement apperceu le mal qui

[1560] provicodroit de la désunion de leur nation, la ligue ancienne des cantons estoit en danger d’estre rompue.

Somme, la maison de Guyse avoit tellement meslé les cartes par toute l'Europe, qu'ils tenoyent ceux de la religion pour ruinés, et le royaume du tout à leur dévotion par conséquent, puis que le seul empeschement procédoit d’iceux.

Et à ce que l'Espagnol n’eust aucun empeschement du costé du Turc, qui sembloit le menacer pendant ces exploicts, s’ildésemparoit ses forces, on envoya exprès à Constantinople devers luy pour accuser les princes du sang de trahison ct desloyauté, comme ceux qui avoyent conspiré avec certaines gens d’une nouvelle religion, qui ne recognoissoit nuls magistrats ni sujériorités, pour mettre à mort le roy et ses frères, le suppliant pendant qu’on seroit empesché à réprimer leur audace de rien innover ny entreprendre du costé d'Italie et d'Espaigne. Et ce en considération de l’ancienne amitie, alliance et confédération qui estoit entre luy et les prédécesseurs rois, les enfans desquels n’avoyent rien plus cher que de continuer les alliances, et luy rendre tour d'amis et voisins. De quoy ils eurent si bonne response que le duc de Guyse se desborda, jusques à dire par plusieurs fois qu’en tout événement il aimeroit mieux le royaume tomber en la puissance du Turc, et demourer soussa domination, que de voir la doctrine des luthériens et hérétiques, qu’il appelloit, y estre receue.

Voylà, dis-je, la grande et haute entreprinse qu’ils avoyent à exécuter. Mais quand ils cogneurent que rien ne remuoit du costé de ceux de la religion, et qu’avec la perte de leurs chefs ils avoyent (comme ils cuidoycent) aussi perdu tout cueur et courage, ils ne doubtèrent plus de leurs affaires ; qui leur fut une bonne et grande occasion de mander à l'Espagnol qu’il ne luy estoit besoing de se haster, et que pendant l’hyver ils espéroyent avoir tellement nettoyé la France, qu’au printempsils pourroyent aller tous ensemble faire ronfler les truittes du lac de Genève, et visiter les bons compaignons, parlant ainsi par mespris des Allemans et Suisses.

Ceux de la religion cependant, ayant perdu toute espérance, comme nous avons dict, du costé des princes, advisèrent entre eux quels

moyens on tiendroit pour empescher la mauvaise volonté de ceux de Guyse, et pourtant eurent leur refuge dernier à l’ancienne authorité des estats. Et d'autant qu’il n’estoit loisible de parler ni mettre en doubte le gouvernement de ceux de Guyse, sans estre puny comme séditieux et rebelle, voire comme criminel de lèze-majesté (ce qui les mettoit en grande perplexité), finalement après la convocation des estats particuliers publiée, plusieurs bons et notables personnages, discourant les misères de nostre temps, résolurent, avant que de mourir, de rendre leur devoir au roy leur prince et souverain seigneur, et à leur partie, proposant en pleine assemblée et en toute liberté, ce que ils pensoyent pour la gloire de Dieu et la tranquillité du royaume qu'ils désiroyent voir bien policé.

Entre autres, Jean Bazin, procureur du roy en la prévoste de Bloys, se prépara, non comme personne publique, mais comme privée. Ce que venu aux aureilles d’une bonne et grande partie des bourgeois et habitans de ceste ville-là, il fat par eux prié de prendre charge de parler pour le tiers estat, et proposer tout ce qui luy sembleroit nécessaire. Ce qu'ayant accepté, le 4 d'octobre audict an 1559, il se transporta en la maison de ville, où le conseil des juges, eschevins et autres, estoit assemblé pour ce faict.

Or, il convient présupposer que ceux de la

maison de Guyse avoyent donné ordre en en-

voyant les commissions particulières pour l’assemblée desdicts estats, d’advertir tous leurs amis de s’y trouver, et aux juges d’empescher que rien n’y fust proposé contre leur authorité et celle de l'Église, et sur-tout que nul ne fust député pour aller aux Estats-Généraux, duquel ils n’eussent bon et asseuré tesmoignage de sa religion catholique romaine, à fin que ceste assemblée ne fust aucunement bigarrée, et que le roy les peust voir de meilleur œil. Notamment ils vouloyent que ceux de leur faction fussent préférés, et que l’on prinst bien garde que nul de ces séditieux et rebelles huguenauds ne fust escouté, à fin que le repos public n’en fust troublé. Que si aucun se parforcoit de passer oultre, ils vouloyent qu’on les en advertist incontinent pour y pourveoir. Voylà l'instruction que lon envoyoit aux amis. Et pour le regard des lieux desquels ils n’estoyent asseurés, avec tels man-

demens on y voyoit des gentilshommes et seigneurs d’authorité, qui avoyent charge expresse de présider ès assemblées particulières, à fin, disoit leur mandement, que toutes choses allassent par ordre; toutesfois, ils ne peurent estre de si près voyant, qu’on ne remuast de terribles matières.

Bazin doncques estant entré en la maison de ville à Bloys, ainsi qu’il commencçoit sa proposition, ceux du commun peuple le suyvirent, demandant d’estre présens à ce qu’il prononceroit, et s’efforcèrent de rompre la porte pour le reffus qu’on faisoit de les y recevoir. Sur quoy les députés vaincus d’impunité par la multitude, ayant ouy entièrement Bazin en ses remonstrances, ne laissèrent de luy assigner une heure après midy pour se trouver en la salle de ville, et là redire publiquement ce qu’il avoit jà proposé. Et ce faisoyent-ils principalement pou scavoir s’il y en avoit beaucoup de son opinion. Bazin y obéyt volontairement : et lors estant eslevé en public en la présence de plus de quinze cens personnes, meit en avant les matières qu’il avoit alléguées le matin, sans rien changer ny diminuer : ce qui fut aussitost divulgué par tout le royaume, en sorte que ce resveil-matin feit ouvrir les yeux et desboucher les aureilles à plusieurs notables personnages, qui envoyèrent quérir ces remonstrances, pour prendre ceste route, lesquelles j'eusse volontiers insérées en ce lieu, si j'en eusse peu recouvrer la copie.

Estant icelles prononcées par Bazin, elles furent grandement louées et advouées de toute l'assistance. Or, combien que la pluspart des juges estant aux estudes eussent eu cognoissance des abus du clergé, et à ceste occasion receu la doctrine de l’Évangile, les uns ouvertement, et les autres entre leurs familiers et compaignons d’escole, déplorant la condition de l’Église romaine, et soubsignant à ceux qui s’estoyent 08tés de telle servitude, si est-ce qu’eslevés en tels offices par voyes obliques, et (comme ceste playe est universelle par toute la France) ayant ainsi gauchy leurs consciences, ils s’oublièrent de telle sorte que se rendant esclaves de ceux de Guyse par ce qu'ils avoyent la vogue près du roy, ils se rendirent non seulement adversaires, mais aussi persécuteurs ouverts de ceux desquels ils avoyent tenu la doctrine. Par ainsi ayant sceu les secrets desseings par le moyen

du sieur d’Alluyé, et que ceux de Guyseavoyent principalement consenti à ceste convocation d’estats, et à leur promettre de proposer librement leur advis, à fin de descouvrir plus clairement tous ceux de la religion, et en général ceux qui demandoyent une réformation de l’estat ; ils s’estudièrent de les servir et complaire en tout leur possible, voire avec telle confidence de venir à bout de leurs entreprinses, que ne feignant de tout descouvrir, ils appelovent ouvertement les lettres patentes du roy pour la convocation des estats la souricière pour tendre aux fols qu’on vouloit attrapper, en quoy Dieu monstra puis après qu’il scait renverser le conseil des malins par leurs propres inventions.

Pour retourner à mon propos, le lendemain de ceste proposition, Bazin est mandé par le baillif de Bloys, homme réputé ignorant et de perverse nature s’il en fust oncques, pour se trouver en la chambre du conseil où assistoyent avec luy son fils le président de ce siége, et autres juges. Au lieu plus éminent estoit Claude Robertet , seigneur d’Alluyé, serviteur très affectionné de ceux de Guyse, et là envoyé pour l'effect qu’avons entendu. Aussi désiroit-il par quelque bon service recognoistre le bien receu par son fils, colloqué par eux en la dignité de secrétaire d’estat, à prix d'argent toutesfois tombé en leur escuelle. Là plusieurs interrogatoires furent faicts à Bazin, pour tant mieux scavoir de luy la cause de sa légation, et les principaux qui l’avoyent mis en besongne, où il sembloit bien que tacitement on y voulust embrouiller les princes du sang, en quoy se voyant ne rien proffiter, ils recoururent aux menaces et intimidations. Il respondit qu’il ne pouvoit estre en coulpe de cest acte, d'autant que les lettres du roy ne se pouvoyent dissimuler, et que ce qu’ilavoit dict n’estoit que mémoires que luy avoyent baillés ceux du tiers estat, qui aussi l’avoyent advoué, comme il justifieroit par ses actes qu’il en avoit signés. Que s'ils y trouvoyent faute, elle devoit estre imputée à eux députés, qui l'ayant ouy à part au matin, ne le devoyent remettre à l’après-dinée, et y assigner le peuple, s'ils y sentoyent rien de mauvais. Sur cela interrogué par le président que c’estoit peuple. Bazin respondit : Bestia muliorum capitum, dont vous estes l’un, monsieur le président. Bazin puis après, nommant quelques-uns

qui avoyent ratifié ses mémoires, le président maintint qu'on ne les devoit recevoir d’eux, attendu qu'ils n’estoyent pas bourgeois, pource, disoit-il, que les maisons où ils habitent ne sont pas à eux. L’ayant alors faict sortir, Jaques Daguier, procureur du roy au bailliage, requist qu’il fust arresté prisonnier; mais ils ne l’osèrent faire, de peur d’offenser le peuple. Par quoy leur résolution fut d’en advertir le cardinal et leur envoyer sa haranguc. Ce qu'ils feirent en toute diligence, et ce pendant ils luy signifièrent quelques deffenses, dont il appella. Le cardinal adverty de ce faict, combien qu'il n’y eust rien qui le deust offenser, et qu’on n'eust rien touché à son gouvernement, tant y a qu'il ne laissa croupir ceste affaire, estimant avoir trouvé assez d'occasion de chastier Bazin, et par son exemple intimider tous les autres. Par quoy le vingt-uniesme d'octobre arriva le jeune Villegomblain de leur nourriture, avec commission du roy, qui estoit lors à Orléans comme dict a esté, pour se saisir de la personne de Bazin. De quoy adverty, évada miraculeusement, et à la veue de ses ennemis, lesquels avoyent délibéré de luy, spécialement le baillif qui s’estoit persuadé la harangue appartenir à luy seul, combien que nul de ses compaignons n’en fust exempt.

Ceste retraicte ne fust sans très grand danger, à cause des aguets mis après luy, comme aussi elle porta merveilleux ennuy à ses ennemis, et fut le cardinal transporté jusques là, de reprocher à Villegomblain, l’un de ses plus intimes et fidèles serviteurs, qu'il avoit trahy le roy. Ainsi parloit-il de tous ceux qui n’accomplissoyent ses commandemens. Car quand le commandement vous fut donné, disoit-il, il n’y avoit que la roine mère, monseigneur de Guyse mon frère, de Laubespine et moy, nul d’eux ne l'a dict. Il faut doncques que vous, Villegomblain, l'avez descouvert. Sur quoy s’excusant, il promeit et jura le luy amener vif ou mort. Et de faicl estant retourné à Bloys, il promeit un estat de douze cens escus à qui le luy livreroit. Depuis les amis de Bazin cherchèrent d'appaiscr le cardinal. Sa response fut que, s’il le tenoit, il luy feroit tant allonger les esguillettes qu'il luy donneroit nouvelles de ce qu’il demandoit.

Finalement les juges de Bloys voyant ceste poursuyte affectée du cardinal, décrettèrent

sur certaines informations qu'ils avoyent faictes de ces remonstrances, et procédèrent par deffaut et annotations de ses biens. Mais pour cela ils ne peurent tant faire que le cardinal en plein conseil privé ne les menaçast de leurs vies, pour deux raisons: l’une pour n'avoir arresté Bazin prisonnier lors de sa proposition, et qu'il fut par eux mandé; l’autre, pour ne lavoir faict espier et donné ordre qu’il n’évadast, qui fut cause qu’à leur retour, pour aucunement contenter ledict cardinal, ils feirent re- . coler tesmoings, espérant le faire exécuter en effigie. Mais la mort du roy survint, avec laquelle les troubles furent ensevelis ainsi qu'il sera veu.

Le cardinal d’autre costé, sçachant que le pays d'Anjou estoit fort aüvancé à l'Evangile, et principalement la noblesse, ne faillit d’advertir ses amis pour y brouiller les cartes, lesquels au jour assigné, à Angers se trouvèrent au lieu où les gentilshommes estoyent assemblés. Là Charles Dalbiac, dict du Plessis, ministre qui s’estoit retiré de Tours à cause de la lettre escripte à la roine mère tost après l’entreprinse d'Amboyse, eust charge de la pluspart de la compaignie de proposer ce qu’ils luy avoyent donné en charge. Ayant eu audience à grande difficulté, feit une longue narrative et entière confession de leur foy, puis entra en la deffense des calomnies desquelles on chargeoit ceux qui faisoyent profession de la pure religion chrestienne, et de là vint aux abus de l’Église romaine, monstrant comme elle avoit ensorcelé toute la chrestienté, et concluant à la réformation du clergé, et qu’il pleust au roy leur ottroyer estat paisible et temples pour l’exercice de leur religion, jusques à la détermination d’un sainct et libre concile. Ceste harangue ne fut moins admirée par l’assistance, pour avoir esté ornée d’une infinité de tesmoignages des Sainctes-Escriptures et docteurs anciens, que desplaisante au party contraire. Voire mesmes le juge le Rat, qui s’estoit tousjours monstré ennemy de ceste doctrine, déclaira tout publiquement n’avoir jamais veu ny entendu homme si docte, et le pria de luy bailler sa remonsance par escript, à fin de l’envoyer au roy.

Mais ceste compaignie, esguillonnée par certains esprits passionnés, ne se despartit sans murmure, et furent bien près d'en venir aux prinses, ce qui fust indubitablement advenu,

si le party de Guyse eust esté le plus fort, et si la prudence du ministre n’eust retenu ceux qui l’'avoyent mis en besongne, qui n’eussent peu sans cela bonnement endurer les parolles injurieuses de leurs adversaires, dont s’ensuyvirent après plusieurs grandes extorsions. Car le duc de Montpensier y fut envoyé par ceux de Guyse, d'autant qu'il estoit sur tous autres princes et seigneurs françois bandé contre ceux de la religion, de sorte que les gens de guerre qu'il y mena après la prinse de ses cousins, ruinèrent beaucoup de chasteaux et maisons de gentilshommes, pillant et saccageant tous ceux qui estoyent souspeconnés de la religion.

Avant que cecy advinst et le lendemain de l'assemblée des nobles, le tiers estat esleut François Grimaudet, advocat du roy à Angers, pour parler pour eux, lequel proposa ce que s’ensuyt de mot à mot. ....

« Messieurs, ceux qui ont parle du gouvernement des cités en ont faict trois espèces:

l’une qu’ils nomment démocratie, c’est-à-dire le gouvernement que le peuple a de soy, sans avoir autres gouverneurs fors les officiers par luy establis; l’autre est aristocratie, qui n’est autre chose qu'administration des nobles plus riches et plus sages de la république; la troisiesme est monarchie, c’est-à-dire gouvernement d’un prince, au commandement duquel obéyt le peuple. En la comparaison des trois, Platon et Aristote jugent la monarchie la plus digne, parce que pluralité de puissances, comme elle est en démocratie et aristocratie, engendre factions et séditions, et le plus souvent fond et périt par guerres civiles. Nous sont pour exemples les ruines des républiques des Romains et Grecs. Nostre royaume de France depuis le règne de Mérovée, qui commença environ l’an quatre cent cinquante-huict, a tousjours esté régi par monarchie, et par le grand nombre des preux, vertueux et vaillans rois décédés, nous est enseigné combien monarchie excelle par-dessus et aristocratie et démocratie. L’ame de ceste monarchie, c’est le prince, vraye image de Dieu, la puissance duquel est fortifiée et supportée par justice, par laquelle nous entendons, non une partie de vertu, mais avec Aristote une vertu parfaicte, comprenant en soy toutes autres vertus, la fin de laquelle est rendre à chascun ce qui luy appartient. Ce que le prince ne peut faire, sans soy communiquer à

ses subjects, pour entendre d’eux leurs requestes, demandes et doléances, à ce que sur icelles il leur desparte justice, selon la nécessité des affaires qui se présenteront, et aussi à ce qu'il ordonne ce qu'il trouvera estre proflitable au public. La forme ancienne des rois de France, de se communiquer à leurs subjects, a esté de convoquer tous les ordres du royaume en tels lieux qu'il leur a pleu commander. Telles convocations ont esté appelées tenues des Estats, lesquels ont esté de si grande authorité, que les plus hauts faicts du royaume ont esté traictés par eux, délibérés et conclus, ct mesmes l’authorité du régent du royaume, lorsqu'il a esté question du gouvernement d’iceluy, pour l’absence des rois, ou leur bas aage. Comme fut faict après la mort de Charles quatriesme, ès estats, qui, contre Édouard, roy d'Angleterre, adjugèrent à Philippes fils de Charles, comte de Vallois (qui d’après fut dict Philippessixicsme), lauthorité de régent en France, pendant et jusques à ce que la veuve dudict Charles fust accouchée. Pareillement, lan mil quatre cent quatre-vingt et quatre, par les estats tenus ct assemblés à Tours, par l’authorité du roy Charles huictiesme, lors constitué en bas aage, pour obvier aux factions et entreprinses qui se machinoyent contre l’authorité du roy par le moyen de la régente du royaume; fut dict par les estats qu'il n’auroit aucun régent. Se pourroyent alléguer plusieurs autres exemples des hautes affaires du royaume, traictées et résolues par les estats, par lesquels est entendu Pancien droict du peuple françois, de s’assembler et communiquer avec leurs roys des affaires publiques.

« Nostre roy,prince prudent et sage, pour au commencement de son règne faire cognoistre à son peuple qu’il le veut gouverner comme un bon et naturel prince; aussi pour le cognoistre, et entendre de luy ses doléances, luy donner allégeance de ses plaintes, soulager les travaillés, conforter les bons et punir les mauvais, suyvant ceste ancienne forme françoise de bien gouverner le royaume, a commandé l'assemblée des estats de tous les ordres de son peuple, qui sont les gens d’église, de noblesse, et le commun peuple, veut que chascune province députe commissaires pour envoyer devers Sa Majesté, au dixiesme de décembre en la ville de Meaux, ou il a assigné l'assemblée des

estats de son royaume. Par son mandement sont exprimées trois causes de ladicte assemblée. La première pour ouyr les doléances de toutes personnes. La seconde, pour composer et pacifier les troubles de la religion. La troisiesme, pour soulager le peuple de tributs et imposts qui tant le foullent, qu’il est tout courbe. La principale, pour la triste face des affaires présentes, est la religion, en laquelle y a deux poincts. Le premier, des sacremens et choses spirituelles. Le second, est la doctrine et police sacerdotale. Quant au premier poinct, qui est des sacremens et choses spirituelles, lors qu’elles sont mises en dispute par tel et si grand nombre d'hommes, que le glaive du prince et l’authorité du magistrat n’y peuvent donner ordre, et maintenir l’ancienne doctrine en son entier, telles contentions se doyvent terminer aux estats généraux de la chrestienté, c’est-àdire au concile général et universel, et non au concile national, lequel est périlleux tenir pour tel affaire; car si les disputes des sacremens se traictent en concile national, ce sera faire ouverture d'introduire en la chrestienté autant: d'opinions et sectes qu'il y a de royaumes et provinces; toutesfois il appartient aux rois et aux estats de chascun royaume délibérer et adviser s’il est cxpédient tenir concile universel, et prier les autres princes chrestiens y entendre.

« Leroy, comme protecteur dela religion, et sur laquelle principalement il repose son sceptre, y a intérest ; aussi le peuple pour son salut, et sont tous membres de l’Église. Et quand est dict concile de l'Église, se doit entendre composé de tous ses membres, c’est-à-dire assemblée générale de tous les chrestiens, et non des évesques seuls. Pourtant ceste question appartient aux princes chrestiens, aux évesques, et au peuple en général. Or les anciens rois et princes chrestiens ont jugé estre expédient et nécessaire commander concile dela chrestienté, lorsque par schismes et opinions nouvelles la religion a esté pollue et divisée. Autre remède ne peut trouver Constantin contre l’errcur d’Arrius, presbtre d'Alexandrie, que de célébrer le premier concile à Nicée. Gratianus et Théodosius empereurs, contre l'erreur de Macédonius, assemblèrent le second concile à Constantinople. Théodose second assembla le ticrs à Éphèse, contre l'erreur de Nestorius. Martianus com-

manda Île quatriesme à Chalcédoine, pour confuter l’erreur d'Eutychès. Et ainsi successivement a esté faict contre les erreurs des hérétiques qui se sont trouvés en chascun temps. Et telle authorité et foy a esté adjoustéc auxdicts conciles bien et légitimement assemblés, que ce que par iceux a esté jugé et décidé, a esté tenu pour vray décret de l’Église déclaratif des évangiles. Or, en nostre religion y a deux sectes: l'une de ceux qui vivent en l’obéyssance de PÉglise romaine ; l’autre de ceux qui se disent évangélistes ; et sont les deux si populeuses, qu’il est en doubte laquelle est la plus numéreuse : bruslent les deux de telle ardcur de haine Pune contre l’autre, que si Dieu n’y remédie, la chrestienté est préparée à embrasement de guerres civiles, beaucoup plus à craindre que ne furent oncques celles des Romains et des Grecs. Le concile seul y peut remédier, où Dieu sera le plus fort et puissant, et permettra e la doctrine qui est de son Sainct-Esprit emoure victorieasc, et celle qui sera au contraire, soit dissipée et exterminée.

«Le second poinct de la religion est en la police et discipline sacerdotales, sur laquelle les roys et princes chrestiens ont puissance d’icelle dresser, mettre en ordre, et réformer icelle corrompuc; comme lisons avoir esté faict par David, lequel esleut le nombre des lévites, qu’il vit estre requis pour servir au temple de Dieu, et à chascun bailla son office qu’il devoit faire. Salomon, son fils, déposa Abiathar de la dignité de souverain presbtre de la loy, pour sa mauvaise vie, et meit en sa place Sadoc.

chias, ayant trouvé l’ordre des lévites institué par David troublé et confondu, le restitua et meit en son entier, suyvant l’ordonnance de David. Parcillement Judas Machabeus déposa tous les meschans presbtres de la loy, et en leur place meit autres sans macule, craignant Dieu. Pourroyent estre allégués plusieurs autres exemples de l’Ancien Testament. Ceste authorité n’a esté abolie par l’advénement de Jésus- Christ, mais au contraire confirmée par la loy, publiée par la bouche de sainct Paul, parce qu’il est escript aux Romains en ces mots :

« Toute ame soit subjecte aux puissances souveraines. » Or sainct Jean Chrysostome exposant ce passage dict que sainct Paul a dit ces mots: «toute ame,» pour nous enseigner quetous doyvent obéyssance aux roiset princes, sansexcep-

tion d’apostre , prophète ou évangéliste, et à moindre raison, de presbtre, moyne, ou clerc; car telle obéyssance n'a rien de répugnant avec la doctrine de l'Évangile et de la religion chrestienne.

« Les empereurs et rois chrestiens ont gardé et retenu ceste puissance de faire et prescrire loix aux presbtres, de ce qu’ils doyvent faire en leurs estats, de réformer leur mauvaise vie et abus; comme lisons avoir esté faict par Constantin, Gratianus, Honorius, les Théodoses empereurs romains, desquels les ordonnances sont escriptes au premier livre du code de Justinian; duquel pareillement lisons dixsept constitutions insérées ès Authentiques, contenant loix de la vie des évesques, presbtres, clercs et moynes; les offices qu’ils doyvent faire en leurs dignités épiscopales, presbytérales et cléricales ; les peines de dégradation, et dépositions, privations de leurs charges et bénéfices, punitions contre les délinquans et mal vivans en l'ordre de presbtrise. Nos roys françois qui ont pareille authorite, ont faict loix de la vie et réformation des mœurs des presbtres et gens d’église, comme lisons avoir esté faict par Charlemaigne, lequel a faict plusieurs loix et constitutions de la vie des presbtres, de ce qu’ils doyvent garder et observer en leur office sacerdotal ; et mesmes a faict une louable constitution, conforme aux canons de la primitive Église, par laquelle il a voulu que les évesques fussent eslcus par le peuple et clergé, laquelle ordonnance est insérée au grand décret. Charles septiesme, pour lestroubles quiestoyent faicts en l'Église par le pape Eugène, pour réformer l'Église de France assembla ses princes, barons et chevaliers, en la ville de Bourges; par leur advis feit et publia les constitutions de la pragmatique-sanction, contenant tiltres et chapitres de la discipline ecclésiastique de la puissance et authorité des conciles, de l'assemblée d'iceux, des eslections, la forme de célcbrer le divin service, commandant aux presbtres d'y assister, et autres plusieurs bons préceptes de la vie des presbtres. Ës ordonnances y a autres infinyes loix faictes par les roys pour corriger l'abus des presbtres.

«Nostreroy commençant son règne par l’honneur de Dieu, en a faict une fort catholique, par laquelle il commande à tous évesques se retirer en leurs diocèses, et y résider. Pourtant

est clair et manifeste qu’il appartient au roy corriger, chastier et réprimer les abus, et mauvaises vies des presbtres et gens d’églises de son royaume, et ne se peut soustenir Je contraire, sans offenser Sa Majesté. Or ne fut oncques saison qui requist plus rigoureuse et sévère réformation de la vie des prebstres que le temps présent, où voyons les prebstres n’avoir rien de religion, estre opposites et contraires à ceux de la primitive Eglise, qui estoyent pauvres des biens du monde, riches en choses spirituelles, instruicts et scavans en la loy de Dieu, travaillant jour et nuict à instruire le peuple , luy enseigner l'Évangile, vivans en saincteté, intégrité de vie, chasteté, amour et union. Les presbtres du jourd’huy sont riches des biens du monde, pauvres des biens spirituels, vivans en délices le jour et la nuict, lubriques, paillards, simoniaques, et si ambitieux, qu'ils demandent les premières séances, voulant en tous lieux estre appellés messieurs ; combien qu'ils sont les plus rudes et indoctes presbtres qui ont esté depuis l’advénement de

Jésus-Christ. Et comme dict sainct Hiérosme

des presbtres de son temps, ils ont faulsé la loy de Dieu, l’ont divisée, sont cause des schismes pour le scandale de leurs mauvaises vies. Et pour cognoistre leur avarice, par laquelle latentement ils ont souillé le ministère sacerdotal, l’enfant n'est baptizé sans argent; les presbtres mesmes ne sont promus aux ordres de l'Église sans argent; l’homme et femme ne peuvent solemniser leurs nopces sans bailler argent aux presbtres; ils en vendent les bancs six, sept et huict escus ; font marchandise des pardons etabsolutions des péchés du peuple ; ne font les prières au temple de Dieu sans argent. Et combien qu'il soit dict en l’Escripture que la terre soit au Seigneur, qui l’a baillé à ses créatures à posséder, et par ordonnance politique des chrestiens en chascune paroisse ensoit laissée partie pour la sépulture des morts, toutesfois ils se l’attribuent en propriété, la vendent et détaillent, ne permettent les sépultures des trespassés sans payer l’ouverturede la terre. Les cimetières ils les vendent aux pauvres, les templesaux riches, etentirent grandes sommes; tellement qu’en aucunes églises de ceste ville, s’en payent dix livres pour chascun corps. Un pauvre passant s’il meurt, ou un homme s’il est tué, les presbtres ne souffrent qu’ils soyent en-

terrés sans avoir permission de l’évesque, qu’ils appellent un cadaver, ne rougissent d’en prendre un escu ou deux. Et pour comprendre en bref leur bonne vie, ils ont tourné les œuvres de piété en quest sordide ; de l’administration des sacremens, en ont faict magazin et boutique de marchandise. Comme sont-ils vestus de draps de soye, le plus souvent découpés, enrichis de pourfilures ct broderies ? Sont testonnés, espongés et parfumés, tellement qu'ils ressemblent mieux des amoureux ou presbtres de Vénus que de Jésus-Christ. Leur suite est selon qu'ils ont gaigné bénéfices ; ils ont troupes de valets et rufiens, accoustrés et armés comme soldats; ont maistres d’hostel, escuyers, palfreniers, laquais, courtisannes, maquereaux, maquerelles, et autres infinis bagages; nombre de grands chevaux en leurs estables , meutes de chiens de chasse et venerie, oiseaux de volerie; et en bref leurs maisons et compaignies sont plus magnifiques et triomphantes que Îles cours des rois, princes et seigneurs; combien . que nostre Seigneur devant Pilate , lieutenant de Tibère César en Judée, dict que son royaume n’estoit de ce monde. Leur lubricité est si grande, et si excessive et publique, qu'ils n’ont honte d’avoir concubines, qu’ils nourrissent et entretiennent pompeuses et triomphantes, couchent avec elles, comme s’ils estoyent mariés ; leurs maisons sont pleines de bastards; font gloire de suborner femmes mariées, les retenir contre la volonté de leurs maris, corrompent et violent les filles. Des biens donnésaux églises comme en usent-ils, ou plustost en abusent?

C’est ce qui les gaste, corrompt et perd. Mais plustost faut demander comme ils y entrent, par contact d'achat et de vendition. Cela est si public et notoire en ceste ville, que par Pasquil public a esté affiché au temple : Ementes ejecerunt à lemplo vendentes. Ceux qui ont la disposition des collations en font salaire de valets, douaires et dots de putains, récompense de maquereaux ; souventes fois les mettent en commerce des hommes, comme marchandise, ont de petits custodi-nos de valets, desquels ils usent comme de maquignons, d’estables à leurs chevaux; ils les leur baïllent à garder jusques à ce qu'ils ayent trouvé marchand ; et s’y en a de tout prix. Les anciens conciles, mesmes ccluy de Carthage, grandement célébré et loué par la présence de sainct Augustin, ont deffencu

la pluralité des bénéfices, sans différence s'ils ont charge d’ames ou non. Les presbtres de maintenant ont faict des bénéfices simples, et les autres ayant charge d’ames; et par invention cacodémonique ont trouvé moyens de se faire dispenser, et de fagotter les bénéfices les uns sur les autres, de frauder les sainctes constitutions deffendant la pluralité des bénéfices, desquels ils usent comme d’esponges grasses ou mouillées, les estreignent pour en tirer la substance et humeur, puis les laissent reposer jusques à ce qu’ils soyent rengressés et remouillés, pour de rechef les estreindre.

Quant à leurs charges de résidence et faire leurs offices, il leur semble advis faire pleinement leur devoir par unediabolique clause, dont ils usent en leurs contracts de baux à ferme, de les acquitter vers Dieu et les hommes. Les évesques et supérieurs en ce pèchent avec les inférieurs, les dispensant de non résider, et pour ce prennent argent. L’Escripture parlant aux ministres de l'Église leur commande repaistre le troupeau, veiller sur la garde d’iceluy. Nos prélats et curés ont quitté et abandonné les troupeaux aux loups, qui y sont entrés, les ont divisés en factions, sectes et parties que nous yoyons aujourd'huy; qui a faict que les brebis ont oublié et descogneu leurs pasteurs, desquels Dieu se vengera, les punissant de la garde du troupeau, mettant autres en leur place, comme il feit des enfans d’Héli, Ophni et Phinées. Ces fautes, ces vices sont espandus par tout le corps du clergé depuis la teste jusques aux pieds; ils ont esté et sont endormis et négligens en la réformation de leurs vies, chascun d’eux y dissimule, connille, et diffère y faire ce qui est de nécessité; confessent leurs fautes, leurs mauvaises vies et mœurs corrompues, disent qu’il les faut corriger et amender ; mais de peur de perdre le goust et plaisir de leurs délices et voluptés, n’y veulent toucher, et s’efforcent passer le tout par délais et connivences.

« Le roy estconservateur et premier pilier de la religion; il luy est commandé au dix-septiesme du Deutéronome prendre et lire le livre de la loy de Dieu, baillée aux presbtres et lévites, non à autre fin que pour la maintenir, faire garder et punir ceux qui pècheront contre icelle. La loy sacerdotale est violée et corrompue publiquement. Le roy, pour le deu de son

XVI" sikczs, La PI. et La PI.

administration, et pour appaiser lire de Dieu

irrité contre nous, doit nettoyer son peuple de telles ordures et fanges, et restituer la religion en son premier estat. Les ecclésiastiques mesmes escrivent que le roy en telle et si puante pourriture des mœurs des ministres de l'Église et pour leur négligence, doit tirer son cousteau de justice pour trancher et réséquer ce qu’il y a de mal. Or, si nous regardons de près, nous trouverons que la source et fontaine de tous ces maux est dérivée des richesses acquises à l'Église par dévotion ; lesquelles toutesfois depuis l'ont suffoquée et esteinte. Tellement qu’au lieu qu'auparavant l'or et l'argent mis en l’Église, nousavions des presbtres d’or et d'argent ; depuis que les richesses y ont entré, nous n'avons que des presbtres de bois et de terre, subjects aux vers et corruption causée des richesses. Ceux qui ont parlé de la réformation de l'Église, l'ont comparée à un beau, haut, et droict arbre, qui par négligence et mauvaise culture du laboureur est abaissé jusques en terre. La cyme est belle et verdoyante, toutesfois les basses branches regardant la terre, l'empeschent de proffiter ; aussi l’Église pure et nette, comme elle nous a esté annoncée par les évangélistes, est belle et sans macule; la cyme d’icelle sont les sacremens et choses spirituelles regardant au ciel, qui sont bien ordonnées, et ne peuvent estre changées et muées par quelques traditions humaines, nouvelles sectes ou opinions. Mais en cest arbre y a infinies branches regardant la terre. Ce sont les pluralités des bénéfices, ce sont les superfluités des richesses qui ont pollu les sacremens et choses spirituelles, souillé le temple de Dieu, ont rendu les presbtres ignorans et vicieux, comme les voyons, et mis en opprobre et dérision la dignité sacerdotale. Lorsque ceste cause péchante en l'Église sera ostée, les ministres seront remis à leur première lumière de sçavoir, littérature, chasteté et intégrité de vie.

« S'il y a des fautes et abus en l’estat de l'Église, aussi y en a-il en l’estat de noblesse; laquelle premièrement a esté engendrée par la vertu héroïque des prédécesseurs des nobles, qui par armes ont secouru le roy et le royaume. Pour récompense de leur vertu, eux et leur postérité ont esté annoblis, et affranchis de tous tribus et subsides qui se payent par le commun; pour marque perpétuelle de leurs il-

lustres faicts et familles, ont esté honorés d’armes imprimées en leurs escus, significatives de leurs prouesses ; au lieu que les anciens remuneroyent les biens mérités de la république, de statues et images érigées en public. Aucuns nobles présens n’ont rien retenu de leurs anciens pères, fors le nom et les armes, lesquels ont diffamé et mis en obseurité par oisiveté. Leur faict d'armes est de faire assemblées illicites, et ports d'armes contre les édicts du roy. Sont au village à battre et outrager le pauvre homme, voler le bien du pauvre marchant, faire infinies forces au peuple, avec grands blasphèmes du nom de Dieu en grande furie. Se disent fort magnanimes comme Hercules pour terrer et intimider le pauvre peuple; et toutefois ès nécessités des guerres publiques, et lors qu’il faut prendre les armes, pour la deffense du roy et du royaume, sont Chrestiens si débonnaires qu'ils ne bougent de leurs maisons de peur d’offenser leurs frères chrestiens, les ennemys du roy et du royaume. Tels nobles ne sont vrays enfans de leurs prédécesseurs, mais avortons dégénérans de noblesse. Parmy les nobles il y a infinies ronces, qui veulent croistre et se mesler entre les nobles. Sont infinis faulx nobles, les pères et prédécesseurs desquels ont manié les armes, et faict acte de chevalerie ès boutiques de blasterie, vinoterie, draperie, au moulin, et ès fer- ‘mes de terres des seigneurs ; et toutesfois quand Us parlent de leur lignage, ils sont descendus de la couronne, extraicts du sang de Charlemaigne, de Pompée ou de César. Tels usurpateurs de noblesse ne sont à souffrir. Ils sont à la foule du peuple, parce qu'ils se veulent descharger des tributs, et leur cotte est départie sur le reste du commun. Est expédient que tels violens oppresseurs de peuple soyent réformés par le prince, et les usurpatcurs de noblesse soyent remis en l'estat du commun, duquel ils se sont voulu desrober.

« En cest endroict nous ne pouvons nouscontenir de parler des gens de justice; lesquels, combien qu'ils ne fassent estat à part, toutesfois ils tiennent lieu en la république fort éminent. Sur eux est esprouvée la sentence de Caton estre véritable, qui est : qu’il y a longtemps que nous avons perdu les vrays noms et appellations des choses. Ce mot, gens de justice, est le nom de ceux qui séparent le li-

cite d'avec l’illicite, le juste d'avec l'injuste, l'équité d'avec l'iniquité; et pour ce sont appellés prélats de la déesse Justice; desquels la première protestation est: mespriser toute œuvre mercenaire et questaire, parce que la science des droicts est très saincte, qui ne se doibt priser ny souiller par or ni argent. Or, les ministres de justice qui sont aujourd’huy ne se peuvent attribuer ceste qualité; car ils ne font rien sans argent. Lequel par aucun est prins sil desmesuréement qu’au lieu de ce mot gens de justice, ils doyvent estre nommés sangsues du peuple, qui en tirent et succent le sang et substance ; duquel les affamés s’engraissent, pauvres s’enrichissent, et acquestent les grandes terres et seigneuries, font les somptueux et superbes bastimens. Leur ministère, jurisdiction ou distribution de ju; ice n’est autre chose qu’une boutique, où se détaillent par le menu leurs offices qu’ils ont achetés en gros. Le noble, l’homme d'église, le roturier, le pélerin, la veuve, l’orphelin, l’impotent et mendiant n’auront aucune sentence, soit interlocutoire ou définitive, qui ne soit taxée, prisée et payée auparavant la prononcer. L’offensé, l'enfant du tué,n’auront décrets d’adjournement personnel, ou prinse de corps, sans argent. L’accusé pri-

sonnier ne sera interrogué par le juge, sinon

qu’il avance son salaire. Vengeance du délict et crime public ne sera faicte et poursuyvie, sinon que les juges soyent asseurés estre payés de leurs vacations sur les biens des accusateurs ouaccusés. Et encoresle mal est ès ministres de justice qui, au moyen qu’ils sont perpétuels et qu’ils ne rendent compte de leur administration , sont si ambitieux, si craints et redoutés, que nul n’ose parler de leurs fautes. Et en ceste conscience d’impunité, aucuns tombent en licence de faire infinis maux, et plusieurs contracts d’acquets, et d’autres commerces, plus par impression de la grandeur des dignités et offices qu’ils soustiennent que par la libre volonté de ceux qui contractent avec eux.

« Il y a deux manières de gens qui se disent ministres des juges, et sont à la grande foule du peuple, à sçavoir greffiers et sergens. Pouvons nommer les greffers, les bouchers du peuple ; ils l’escorchent, ils alongent le parche-

par grands traicts de lettres escriptes à longues

| intervales ; ont petits clercs rapaces ct larrons;

! min par battologies, superfluité de langage, }

ils sont à la grande foule du peuple,et font tant leurs délicts, en laquelle nul n’est si meschant de pillerics les maistres et valets, qu’en un mo- | et malheureux qu'il ne soit sauvé. Et pouvons ment ils sont les plus riches du palais. Il est dire de ceste cour que c’est la forest en lanécessaire pour le bien de justice, restreindre | quelle tels voleurs se retirent, et par une conleur salaire à la moitié de cequ'ils prennent par nivence publique se mussent, latitent, et sont coustume et corruptelle, et réformer leur forme ; rendus impunis de tous mesfaicts, qui les rend d'escrire. desbordés à toute licence de malheur. Tellement

«Les autres ministres des juges sont les ser- | que de toutes les parties de meschanceté qui gens, que l’on peut appeller les harpyes et grif- | se trouvent aujourd'huy, y a tousjours un fons du peuple. Soubs le nom du roy, par l’au- | presbtre qui trouve moyen dese sauver par ceste thorité duquel ils exécutent les décrets de jus- | porte derrière de justice qui est contre le comtice, font infinies oppressions, concussions et | mandement de Dieu, qui veut que tous délicts exactions. Et combien que le nombre soit aug- | soyent punis et vengés par les rois et magismenté, pour les asseoir par les chastellenies et | trats du monde, et en signe de ce, leur a baillé villages pourle peuple en estre secouru, toutes- | le cousteau. Et en l'examen de leur administrafois ils demourent presque tous ès villes ; faut | tion, les punit de ce qu’ils n’ont faict justice que les villageois les y viennent chercher. Est | des hommes mauvais et malheureux. Ce priviexpédient assigner à chascun sergent son bail- | lége des presbtres, d’estre seulement jugés par liage aux champs; leur faire commandement y | eux, est du droict positif, et donné par les emrésider, les punir aigrement des oppressions | pereurs Constantin, Théodose, Justinian, et qu'ils feront sur le peuple. autres princes qui depuis ont régné. Mais puis

« Tous ces maux de la distribution de justice | que l’usage nous enseigne que les gens d'église sont cause de ce que les juges et officiers sont | ont tellement abusé du privilége que par le perpétuels, qu’ils achètent leurs offices du roy, | moyen d’iceluy ils troublent le repos publie, de ce qu’ils sont authorisés par le roy de pren- | offensent les bons, leurs délictset crimes demeudre leur salaire des parties litigantes. Pour y | rent impunis, et la maison de Dieu est faicte donner ordre, est requis supplier le roy, si ses | caverne et spélonque de larrons, est expédient affaires le peuvent porter, rembourser tous les | supplier le roy pourveoir sur l'abolition ou mojuges de l'argent par cux déboursé; et si les | dération de tel privilége, ainsi que trop mieux affaires du roy sont si grandes qu’il n’y puisse | par son conseil il trouvera estre à faire; relaisfournir, sera profitable au pays que le peuple | sant toutesfois aux gens de l’église jurisdiction les rembourse; et supplier le roy qu’il luy | èscauscsspirituellesetsacramentalesseulement. plaise ordonner que justice sera distribuée «Reste le tiers-état, lequel trouvons sans mapar juges et magistrats qui de trois ans en trois | cule publique. C’est celuy qui soustient les ans seront choisis et présentés au roy par les | guerres; en temps de paix entretient le roy, estats. Et pour leur oster occasion delarronner, | laboure la terre, fournit de toutes choses néleur assigner suffisans ct honnestes gages selon | cessaires à la vie de l’homme, toutcslois est leur qualité, leur faire deffenses de rien pren- | grandement taillé de subsides et taxes insuppordre du peuple pour quelque cause que ce soit, | tables. Le roy et messieurs de son conseil en sur péine de la vie. Oultre, ordonner qu’à la | ont eu pitié, ont commencé à luy faire diminufin des trois ans, chascun desdicts juges sera | tion des tributs qu'il avoit. Est nécessaire faire subject au syndicat, pour ouyr les plaintes et | remonstrance à Sa Majesté de lindigence de doléances que le peuple voudra faire contre | ce pauvre commun ; auquel sont tant imposées eux; comme a esté gardé et observé en l’ad- | de tailles, qu’il travaille jour et nuict et ne ministration de l'empire romain. peut du salaire de ses journées et labeur de ses

« En cest endroit convient parler de lapoterne, | mains fournir à les payer; et pour y suppléer ou fausse porte de justice : c’est la cour de | est souvent contrainct vendre sa vache, son l'église. A laquelle tous meschans presbtres et | porc, son lict; ne manger et boire que du pain tonsurés, homicidiaires, parricides, larrons, vo- | et de l’eau, et coucher sur la dure. Autre tribut leurs, faulx-monnoyeurs et sacriléges, sont | travaille et moleste tous estats sans le sceu du renvoyés comme à un asyle et franchise de | roy, c’est la gabelle du sel, duquel le bon

homme porteroit patiemment le proffit que le roy en recoit, n’estoit qu'il y a des marchans, fermiers, grenetiers, contrerolleurs, greffiers et archers de la gabelle, lesquels vont ès maisons des pauvres gens, remuent leurs lards et tout ce peu de meubles que Dieu leur a donné; et le plus souvent s’en emparent, font adjourner les pauvres à comparoir par-devant eux aux villages, où n’y a aucuns conseils; se monstrent au peuple en grand’ furie et crainte, armés de pistoles, pistolets et long boys, font aux rustiques procès extraordinaires, les arrestent prisonniers, exécutent de leurs bœufs, chevaux et charrettes. Tellement qu’en une seule matinée, par leurs actions ils ruinent quarante à cinquante pauvres rustiques qu'ils envoyent à l’aumosne; et se trouvera en ce pays d'Anjou qu'ils ont ruiné "plus de mille. Le malheur est que plusieurs des archers de gabelle, soubs l'ombre d’icelle et puissance de porter armes deffendues, volent, frappent et tuent, comme a esté vérifié en plusieurs procès qui ont esté faicts contre eux, pour raison desquelles plusieurs ont esté condamnés et exécutés à mort. Le pauvre bon homme est comme la brebis qui tend le dos pendant qu’on luy oste la laine; il est pauvre, destitué de biens et d'amis contre la richesse et support des fermiers et officiers du grenier. Dieu commande à vous, messieurs les nobles et de l’église, qui avez les biens du monde, prendre la cause de ces pauvres rustiques en main, porter leurs plaintes au roy. Il est prince clément et débonnaire, gouverné et conduict par une très excellente, très sage et très pitoyable dame, madame sa mère, par très prudens et sages princes et seigneurs amateurs du peuple. Il oyra volontiers ceste plainte, la plus juste et lamentable qui sera faicte aux estats. Le moyen d’y remédier est, le supplier recevoir le peuple à amortir ce tribut, comme ont esté receus les manans et habitans de Poictou; ou s’il ne luy plaist, à tout le moins son plaisir soit recevoir le pauvre peuple à supprimer tous les officiers des greniers, et imposer autant sur le peuple comme il recoit des proffits des greniers. Et ce faisant, le prince sera sans intérest, et le peuple soulagé du plus grief tribut qu'il ait.

“ Messieurs, voilà les abus que nous avons trouvés ès estats du pays d'Anjou, par lesquels la majesté du roy est grandement violée; et

s’ils règnent longuement, il ne pourra retenir sa dignité royale en sa grandeur et excellence de gouvernement, duquel les rois jà décédés ont laissé si grand los et mémoire à la postérité. Carces gens d'église pour sesauverde leurs crimes, et fuyr la main armée du roy qui est sa justice et authorité royale, eschappent et fuyent en leur cour, comme en une franchise, où ils sont asseurés d’impunité. Les nobles en leurs crimes et maléfices prennent les armes contre l’authorité du roy, voulant par la force se sauver de leurs mesfaicts ; se retirent de l'obéyssance du roy, et mesprisent l’authorité de son magistrat. Les gens de justice par les pilleries et corruptions foulent le peuple, ne distribuent justice suyvant la volonté du roy et de ses loix. Si tels abus et entreprinses contre l’authorité du roy ont cours plus longuement, il est grandement à craindre que ce ne tourne en séditions publiques, assemblées illicites, révoltement des subjects d'avec le prince. Est requis et nécessaire pour la manutention et conservation de la grandeur, majesté et dignité royale, trancher tels abus. Il despend de nostre charge et service que devons au roy, vous remonstrer telles fautes. Et par ce qu’à luy seul appartient la réformation de telles corruptions publiques, laquelle il entend faire en ses estats, nous ne nous sommes peu Contenir au rapport des abus de chascun estat, pour la grandeur d’iceux, d’user de véhémence, à ce que plus clairement lesdicts abus fussent cogneus, et que particulièrement y soit remédié par le roy. Il despend de vous dresser articles desdicts abus, à fin que le roy clairement les cognoisse, et que par sa prudence, et nos seigneurs de son conseil, il y soit pourveu, soit par concile ou autrement, ainsi que Sa Majesté advisera ; aussi, suyvant la volonté dudict seigneur, eslirez notables personnes de chascun desdicts estats, pour envoyer vers Juy, et faire rapport de ce que par vous sera arresté estre bon le supplier. »

Ceste harangue prononcée n'offensa moins celle de du Plessis, ceux du party contraire; toutes lesquelles procédures entendues par ceux de Guyse, ils feirent tout devoir possible pour attrapper ceux qui s’estoyent siavant meslés de tels affaires, voire jusques à y employer monsieur de Montpensier, comme dict a esté. Mais eux ayant gaigné au pied, leurs biens en respondirent, estant exposés à l'abandon des gens

de guerre là expresséement envoyés, lesquels après avoir usé de toute hostilité, rasèrent plusieurs maisons et chasteaux. Entre autres, les maisons de Soucelles estoyent recommandées, comme aussi ceux de la faction d'Amboyse, auxquels on en vouloit sur tous autres. La harangue de Grimaudet aussi parvenue ès mains des sorbonnistes (qui s’attribuent l’authorité de corriger toutes choses, et de n’estre subjects à correction), fut par eux censurée, et l’autheur d’icelle déclairé hérétique et schismatique, ressentant la doctrine des huguenauds. Mais Grimaudet ne demeura muet, les accusant par sa deffense qu'ils sont coustumiers de traicter de mesme ceux qui osent descouvrir leurs abus.

Or, puis que nous sommes venus jusques à Paris, ce lieu sera propre pour monstrer comme s’y portèrent ceux qu’on appeloit huguenauds. Combien doncques que leur nombre fust petit à comparaison de leurs adversaires, et que le cardinal eust rangé entièrement à sa dévotion la cour de parlement, qui ne faisoit et disoit que ce qu’il vouloit, pareïillement ceux du chastelet et de la maison de ville; combien, dis-je, que les gibets, feux et glaives fussent tous apprestés pour engloutir ces personnes estimées comme la ballieure du monde, et qu'eux fussent sans ressource selon les hommes, si est-ce qu'après avoir publié le jeusné, pleuré et gémi à Dieu, ilse trouva quelques-uns d’entre eux qui se résolurent de rendre à Dieu, au roy et à leur patrie le service qu'ils estimoyent estre du devoir de bons subjects de Sa Majesté, et loyaulx François. Entre autres un nommé Cappel, le père duquel estoit mort advocat du roy en la cour de parlement de Paris, homme fort estimé de son temps, lequel avec des plus apparens de l’Église de Paris en assez bon nombre, alla en la maison de ville, et proposa en pleine assemblée ce qu'il cognoissoit nécessaire pour le bien du roy et du royaume. De là entrant aux termes de la religion, il usa d’une deffense entière contre les calomnies de leurs adversaires, bailla leur confession de foy, laquelle ils offroyent maintenir et prouver qu'elle estoit prinse et tiréedes Sainctes Escriptures, et icelle accorder avec les docteurs anciens, pourveu qu’il pleust à Sa Majesté leur bailler juges non suspects. Bref, il requist lesdictes remonstrance et confession estre insérées

donner estat paisible pour la religion, avec temples aux lieux propres à l'exercice d’icelle, et les prendre en sa protection et sauvegarde jusques à la détermination d’un sainct et libre concile, auquel ils espéroyent, Dieu aidant, avoir gain de cause, et que lors Sa Majesté cognoistroit qu’il n’avoit en son royaume de plus humbles, obéyssans et affectionnés subjects. Ceux qui estoyent envoyés en ceste assemblée de la part de ceux de Guyse furent merveilleusement estonnés de voir ce jeune homme parler d’une telle hardiesse. Car avec la craincte qu’ils avoyent que l’on proposast quelque chose à Paris contre leur authorité, et du faict de la religion, sçachant bien que le train que prenoit Paris estoit coustumièrement suy vi par les autres provinces, et que la détermination des estats estoit d'un grand poids, ils s’imaginèrent un autre inconvénient, et que ceste procédure des huguenauds n’estoit sans nouvelles entreprinses. De quoy le cardinal adverty, et que le semblable estoit advenu par La pluspart de toutes les autres bonnes villes du royaume, il advisa de faire deffendre aux estats de parler aucunement du faict de la religion, et de mander partout qu’on meist en prison ou qu’on feist mourir tous ceux qui avoyent osé tenir tels propos et y adhérer. Par quoy, avec ce que Cappel et ses compaignons ne peurent obtenir d'insérer leurs supplications au cayer des estats particuliers de Paris, ce fut à eux à desloger. Ce néantmoins ils ne laissèrent de conclure d'envoyer eux-mesmes à Orléans leurs députés pour présenter ceste remonstrance. Et furent pour ce faict esleus ledict Cappel, la Rougeraye, autrement dict la Troche, advocat, et autres, qui promirent de faire tout devoir. Et de faict, ils allèrent à Orléans en grand danger de leurs personnes, s'ils eussent esté descouverts.

De réciter par le menu ce qui advint par tous les autres bailliages et séneschaulsées, ce ne seroit jamais faict. Car de treize provinces, les dix feirent à peu près comme ceux desquels nous avons cy-dessus faict mention, ce qui donna une merveilleuse fascherie au cardinal en:cores qu'il s’asseurast que la pluspart des députés estoyent à sa dévotion, et qu'il eust des forces et moyens à suffire pour les faire

| condescendre à ses desseings.

au cayer de Paris, et qu’il pleust au roy leur ;

Or, bientost après l'assemblée de Fontaine-

bleau, et la résolution prinse de convoquer les estats généraux, le cardinal de Tournon estoit venu de Rome au mandement de la roine, comme il a esté dict. Car elle espéroit beaucoup de secours de luy pour estre de longue main nourry aux affaires d’estat, mais elle s'en trouva aucunement deceue. Car ce vieil routier, d’abordée trouva fort mauvaise cette résolution de faire communiquer le roy avec des estats, et en blasma fort le cardinal, tant en plein conseil, comme l’on diet, qu'en privé et particulier, disant que ce seroit remettre le roy soubs la puissance de ses subjects, et luy faire prendre la loy de ceux auxquels illa devoit bailler, et que c'estoit l’une des choses où il avoit le plus travaillé avec le connestable, vivant le roy François premier, que d’abolir la mémoire de telles assemblées, lesquelles avoyent toujours eu ceste coustume à toutes mutations de roy, de trouver fort mauvaises les choses passées, cn sorte que ceux qui avoyent gouverné et manie les affaires avoyent beaucoup à souffrir. Davantage il voyoit comme soubs ce jeune roy, les peuples s’estoyent licentiés pour le faict de la religion. Ce qu’estant souvent remémoré par ledict cardinal de Tournon pour y pourveoir, ils ne trouvèrent meilleur expédient que de se saisir de la personne des princes qui leur sembloyent contraires, d’amener à Orléans et tenir auprès du roy et ès environs une forte et puissante armée, par le moyen de laquelle on peust tenir en bride ceux des estats qui voudroyent reprendre la possession de leur première liberté, et les faire estre présens à l'exécution des entreprinses ainsi basties que nous avons dict cy-dessus, et leur faire le tout ratifier et approuver; voire à un besoing les contraindre d’eux-mesmes le requérir et demander, à fin que la postérité connust ce estre provenu du propre mouvement et authorité des estats généraux du royaume.

Ces desseings furent favorisés des plus grands seigneurs de France, auxquels ce qui se pouvoit communiquer de l’entreprinse estoit récité, selon et jusques où on cognoissoit chascun estre propre à y servir. Monsieur de Montpensier et autres, qui hayssoyent la religion, estoyent abreuvés seulement du désir de l’exterminer , et de leur faire part des meilleures confiscations. Et quant au duc de Nemours et à Cipierre, on leur faisoit halener la grandeur qu’ils

devoyent espérer , délivrant le roy de tous ces hcrétiques. À quoy ceux qui tenoyent des bénéfices, ou leurs frères, enfans et parens, qui croissoyent leurs maisons du revenu des éveschés, abbayes, prieurés et autres biens de l’Eglise, furent aiséement pratiqués. Entre autres les parisiens, car il n’y a comme point de bonnes maisons qui ne tiennent de gros bénéfices. Les marchans mesmes en font mestier et marchandise. Les conseillers, présidens et juges n’ont guères de meilleurs revenus. Comme en semblable par tout le royaume, les capitaines et gens de guerre, tant des places fortes que des plats païs, ne demandoyent et n'avoyent aucunes meilleures récompenses de leurs services. Et ainsi chascun estant persuadé que si la religion des huguenauds avoit lieu , le revenu des ecclésiastiques seroit employé ailleurs, et deviendroyent tous coquins, chaseun se constituoit leur ennemy, et s’offroit à leur courir sus. Bref, pour le direen un mot, ceux de Guyse avoyent si bien conduict leursdessecings et pourveu à leurs affaires, qu’ils commandoyent par tout à baguette, et n’estoyent contredicts que de ceux de la religion, qui entretenoyent leur crédit, ainsi que nous l’avonsdict,tant par leurs escripts que remonstrances, lesquelles eurent plus de poids en Allemagne que ceux de Guyse n’eussent voulu. Car les serviteurs secrets ne pouvoyent destourner les princes protestans de vouloir bien favoriser ceux de la religion, d’autant qu'ils y avoyent intérest, et qu'ils estoyent par là advertis des ruses et aguets de ces gouverneurs, à fin de se tenir sur leurs gardes.

Les affaires ainsi acheminées par ceux de Guyse, et asseurés que rien se remuoit Contre eux que les plaintes et langues de ceux de la religion, ils despartirent leurs forces ès villes circonvoisines, et les estendirent jusques à Bourges, Moulinsen Bourbonnois, Bloys, Tours, Saumur, Angers, Chinon, Loudunois, Poictou, et sur toutes les advenues par où ils estimoyent que secours pourroit venir aux princes ainsi par eux rendus captifs. Et à fin qu'il n’advinst aucune surprise du costé de Lyon, ils mandèrent à l'abbé de Savigny de faire tout ce qu’il pourroit en l’absence du mareschalSainct-André et de préparer toutes choses pour leretour qu’il feroit bientost de delà pour le reste de lexécution de sa commission. Partant il feit crier par

la ville, à son de trompette, que toutes gens sans adveu ny commerce eussent à vuider la ville sur peine de la hart, aux hostes et bourgeois de se saisir des armes de leurs hostes et par chascun jour luy porter le nombre des estrangers qui arriveroyent chez eux et leurs qualités, sur peine de respondre de la faute de leurs hostes et de leurs vies.

Le semblable fut faict par toutes les bonnes villes du royaume et celles de frontières, et notamment à Paris cela fut estroictement gardé. Car ceux qui s’estoyent révoltés de leur party pour avoir veu les affaires tomber en autre estat qu’ils n’espéroyent, trouvant la condition de ceux de Guyse meilleure , usoyent d’une merveilleuse diligence à rechercher les maisons, et faire prendre tous ceux qu’ils cognoissoyent faire profession de la religion. Ils servoyent d’accusateurs, de tesmoings, de solliciteurs, de juges et exécuteurs de la haute justice tout ensemble. Et encores qu’ils fussent remarqués par les parlemens et juges du Chastelet pour garnemens et vagabons, et déférés de crimes capitaux, si est-ce qu’ils n’y donnoyent aucun empeschement ; mais plustost obéissoyent à leurs commissions expédiées en telle forme qu’ils avoyent pouvoir de commander aux juges ordinaires et officiers royaux de leur obéir en ce qu'ils voudroyent, sur peine de désobéissance, et d’estreeux-mesmes punis comme rebelles et faulteurs des criminels de lèze-majesté, en sorte qu'au grand opprobre et contemnement de justice, les meilleures villes du royaume estoyent par eux pillées, saccagées et brigandées. Aussi tout se faisoit sans y garder aucune formalité de justice par ces serviteurs secrets. Entre lesquels un jeune gentilhomme nommé Barbezières, que Soubise avoit nourry en ceste doctrine, estant alléché de Pautre party, et un appelé Herman du pays de Flandres,ehassé pour larron d’une des meilleures maisons des marchans de Paris qui faisoyent profession de l'Evangile, feirent des maux innumérables en ladicte ville. Voylà l'exercice de ceux de Guyse, lesquels aussi hastoyent de faire le procès au prince de Condé, en attendant l'assemblée des estats.

Nous avons veu la diligence que ceux de Guyse avoyent faicte de despartir leurs forces, et de procéder à la capture de ceux qu'ils pensoyent leur pouvoir plus nuire, en attendant le temps de l’assemblée des estats, ct

comme le mareschal Sainct-André estoit retourné de Lyon avec ses prisonniers et toutes les charges et informations qu’il avoit peu faire contre le prince de Condé. Toutesfois elles ne rencontrèrent selon leur désir; car pour garder la formalité de justice, il falloit quelque chose davantage. Ils furent mémoratifs de la protestation faicte par ledict seigneur prince de jamais n’aller id messe, et qu’il n’assisteroit à aucune cérémonienYy superstition de l'Eglise romaine contraire à la parolle de Dieu, et de la charge donnée à Genly de le faire ainsi entendre au roy. Cela fut mis en jeu, à fin de luy faire procès pour la religion, et qu'évitant un danger il ne peust fuyr l’autre, de sorte que le faisant mourir par justice ,ainsi qu'ilsavoyent conclud,on peust asseurer au peuple qu’il avoit esté atteint et convaincu de crime de lèze-majesté divine et humaine. Pour doncques fortifier leurs preuves, ils luy envoyèrent un presbtre avec tous ses ornemens, qui luy fit entendre avoir exprès commandement du roy de dire la messe en sa chambre devant luy.

Mais le chappelain fut renvoyé fort rudement par le prince, avec charge de dire au roy de sa part qu'il n'estoit venu vers Sa Majesté pour aucunement communiquer aux impiétés et pollutions de l’antechrist romain, auxquelles il avoit dès long temps renoncé , mais seulement pour luy rendre raison des faulses accusations qu’on luy avoit imposées. Ce qui'ne fut mis en aureille d’asne; car le presbtre et les gardes furent enquis sur cest article. Or ce prince estoit merveilleusement constant en son adversité, encores qu’il se sentist prochain de la mort. Et disoyent tous ceux qui lPavoyent cogneu qu’il estoit plus ferme, et faisoit cent fois meilleur voir sa résolution pendant son adversité, qu’en sa liberté et prospérité ; ce qui estonnoit aucunement ses ennemis, et les faisoit penser y avoir anguilles sous roche. Voylà, dis-je, qui les hastoit d'autant plustost pour en avoir le bout; joinct qu’ils se sentoyent grandementirrités et offensés de ce que le prince parloit d'eux ainsi désavantageusement et hautement ; et disoiton qu'il tenoit souvent un sac au poing, affermant que c’estoit le procès de ces brigands et voleurs de Guyse , par lequel infinis erimes de lèze-majesté estoyent bien prouvés et vérifiés.

. Ce qu'il réservoit pour présenter aux estats, et

leur faire entendre la cautelle de ces illégitimes-

gouverneurs, de rejetter leurs crimes et délicts sur les princes du sang , parce qu’ils se vouloyent opposer à leur tyrannie. Que si jamais homme entreprint contre l’estat du roy et du royaume , c’estoyent ces harpyes et cadets de Lorraine. Avant que de passer oultre, je réciteray un traict du cardinal d'Armaignac qui ne se peut oublier. C’est qu'ayant accomply sa promesse envers ceux de Guyse, à sçavoir de leur amener le roy de Navarre et prince de Condé son frère, ainsi qu’il a esté déduict , il se feit commander de vuider la cour, espérant par là de couvrir la note de trahison dont il pourroit estre blasmé, et s’en alla comme un homme qui feignoit estre extresmement passionné. Mais cest artifice fut aisé à descouvrir ; car il receut dès lors un estat de conseiller au privé conseil, lequel ilavoit de long temps désiré et poursuyvi, voire durant plus de vingt ans, et néantmoins il n’y avoit peu parvenir jusques adoncques, coffbien que depuis cest estat ait esté pollué, jusques à l’exposer au plus offrant.

Quelques jours après l’emprisonnement du prince de Condé, ceux de Guyse voulant sonder si son grand cueur estoit abaissé , et sa colère modérée , et si on le pourroit tirer à quelques voyes d'accord (combien qu'ils eussent autre intention, et que ce fust seulement pour lempescher de parler d’eux), ils atiltrèrent un gentilhomme de leur suite , qui avoit esté autresfois fort familier du prince, lequel ayant raudé autour des gardes, et cherché tous moyens de parler à luy , sans y avoir de rien proffité, s’adressa finalement au duc de Guyse, et en pleine compaignie le supplia très humblement luy permettre de pouvoir parler audict seigneur prince, ce qu’il estimeroit à grand honneur , pour luy avoir esté très humble serviteur, et receu de luy beaucoup de faveurs et courtoisies, et ce seulement à fin de le consoler en ces ennuys. Cela luy fut accordé, maisà grande difficulté, comme il sembloit,s’excusant ledict sieur Guyse sur le commandement du roy ; mais ce fut à la charge que le capitaine et ses gardes seroyent présens aux propos.

Estant doncques là , après avoir longuement harangué et offert ses services, il commença à déplorer Ja misère et captivité du prince, et luy demander s’il ÿy avoit moyen de le pouvoir accorder avec ses cousins de Guyse; ce qu'il estimoit aisé, veu qu’il les cognoissoit princes

vertueux et sages, oultre la bonne amour et affection qu’ils luy portoyent à cause du proche parentage; et là-dessus il offrit de s’y employer fort fidèlement et volontiers, sans y espargner ne vie ne biens. Le prince luy respondit qu'il scavoit bien le but où il tendoit, et estoit asseuré qu’il n’eust eu ce crédit de l’aller voir, s’il n’eust accepté la charge d’aller sonder son intention. Partant il le pria de leurdire qu’il avoit receu tant d’outrages, qu’il ne restoit autre voye d'accord, sinon de vuider leurs querelles à la pointe de la lance et de l’espée; et combien qu’il fust enferré en leurs liens, et qu'il semblast en apparence n’en devoir jamais sortir sans recevoir une mort ignominieuse, et si est-ce qu’il espéroit tant de la bonté et miséricorde de Dieu qu’il leur feroit réparer l'injure par eux faicte à on prince du sang, lequel estant venu au mandement et sous la parolle et asseurance du roy, avoit esté si honteusement emprisonné à leur pourchas et sollicitation, à fin de commencer en luy à esteindre le sang royal; maisque celan’adviendroit point qu’ilne les eust fait cognoistre coulpables des crimes à luy par eux imposés, et que le roy n’avoit de si grands ennemis que la maison de Lorraine. Ce que par eux entendu, ilsse confirmèrentenl’opinion qu’il espéroit bref secours, et qu’autrement il ne les braveroit ainsi. Pour à quoy plus promptement remédier le président Christoffe deThou, Barthélemy Faye et Jaques Viole, conseillers de Paris, ensemble quelques maistres des requestes avec Bourdin, procureur-général , et du Tillet greffier, choisis par ceux de Guyse, et pour ce expresséement mandés, vindrent devers le prince pour l’interroguer sur le crime de lèze-majesté. Or avoyent grande fiance ceux de Guyse en de Thou, sur tous les autres, tant pour leur estre affectionné serviteur, que pour le recognoistre autant rusé et subtil en procès qu'homme vivant. Ayant doncques ceste instruction de l’enquérir de sa foy, s’il ne pouvoit rien tirer d’ailleurs, il alla par devers le prince pour l’interroguer sur ces charges et informations ; mais il reffusa de leur respondre, tant pour n’estre de leur gibier que pour autres causes de récusation qu'il dict avoir contre eux. Davantage il dict à de Thou, qu’il trouvoit estrange de ce que son impudence avoit esté si effrontée de se vouloir présenter devant luy pour cest effect; attendu sa qualité de prince du sang, qui n’avoit autres

juges que le roy accompaigné de ses princes séant en la cour du parlement de Paris, les chambres assemblées. Il allégua aussi la promesse que Sa Majestéluy avoit faicte par plusieurs lettres , adjoustant que luy de Thou devoit plus que tous les bonnets ronds du royaume s’abstenir de ce négoce, attendu qu’il estoit esclave de ceux de Guyse ses ennemis mortels , eslevé ettoutesa race par les bons tours qu'ils avoyent joués contre la couronne et maison de France. Sur quoy ledict de Thou n’eut autre excuse sinon qu'il recognoissoit son degré , et qu il sy fust ingéré sans commandement exprès dudict seigneur. La conclusion du prince fut que ne voulant respondre devant eux, et eux prétendant de passer oultre, il en appela au roy comme dessus; lequel appel estant dès le lendemain quinziesme de novembre déclairé nul par le

conseil privé, et le prince en ayant de rechef appellé, finalement il fut dict que, sous peine de crime de lèze-majesté, il respondroit pardevant lesdicts commissaires. Ce qu'il feit, estant par la permission du roy assisté de deux advocats de Paris pour conseil, à scavoir Claude Robert et Francois de Marillac. Sa response contenoit une ample deffense sur le crime de lèze-majesté, avec ample et magnanime tesmoignage de sa bonne et droicte conscience; car quant au poinct de la religion, il le confessoit et persistoit franchement. Il a esté cy-devant fait mention comme le prince de Condé voyant exécuter à mort quelques prisonniers pris au tumulte d’Ambovse avoit déclairé le regret qu’il avoit que le roy perdist de si bons serviteurs. Nous avons aussi monstré que cela ne tomba à terre, que l’on dict; mais luy fut gardé à bonne bouche. Car le cardinal ayant dictéses parolles ainsi qu'il voulat et fait rédiger par escrit par Robertet et sieur du Fresne, secrétaire d’estat et faict de sa main, et en termes qui le rendoyent coulpable de crime de Jèze-majesté, on les produisit lors en lumière, et alla ce Robertet deversle prince, tenant son papier en sa main, luy disant que le roy l’avoit là envoyé pour scavoir s’il se souvenoit des propos qu’il avoit tenus tel jour à Amboyse à tels et tels gentilshommes. Et adjousta qu’il avoit commandement de Sa Majesté d’en faire procès-verbal. Le prince ayant ouy la lecture , nia les avoir dicts ainsi qu'ils estoyent transCripts, mais bien avoit parlé ainsi et ainsi. |